Þjóðviljinn - 01.09.1988, Blaðsíða 4
Lögtaksú rskurðu r
Að beiðni Gjaldheimtunnar í Mosfellsbæ geta
farið fram lögtök fyrir ógreiddum eftirtöldum
álögðum gjöldum 1988: Tekjuskatti, eignarskatti,
lífeyristryggingagjöldum atvinnurekenda, slysa-
tryggingagjöldum atvinnurekenda, kirkjugarðs-
gjöldum, vinnueftirlitsgjöldum, útsvörum, að-
stöðugjöldum, atvinnuleysistryggingagjöldum,
iðnlánasjóðsgjöldum, iðnaðarmálagjöldum, sér-
stökum skatti á skrifstofu- og verslunarhúsnæði,
slysatryggingagjöldum vegna heimilis og
eignaskattsauka. Einnig fyrir hverskonar gjald-
hækkunum og skattsektum til ríkis- eða bæjar-
sjóðs Mosfellsbæjar auk dráttarvaxta og kostn-
aðar.
Lögtök þessi mega fara fram án frekari fyrirvara á
kostnað gjaldenda, en á ábyrgð Gjaldheimtunnar
í Mosfellsbæ, að liðnum átta dögum frá birtingu
þessa lögtaksúrskurðar, ef full skil hafa ekki verið
gerð.
Sýsfumaðurinn í Kjósarsýslu
16. ágúst 1988.
PÓST- OG
SÍMAMÁLASTOFNUNIN
óskar á ráða símritara/loftskeytamann á ísa-
firði.
Upplýsingar hjá stöðvarstjóra sími 94-3241.
PÓST- OG
SlMAMÁLASTOFNUNIN
óskar að ráða flokksstjóra bréfbera í Kópavogi.
Upplýsingar hjá stöðvarstjóra í síma 41225.
4LÞÝÐUBANDALAGIÐ
Alþýðubandalagið Þorlákshöfn
Margrét Frímannsdóttir, Ólafur Ragnar Grímsson og Svavar Gestsson
heimsækja vinnustaði á Þorlákshöfn á fimmtudag og föstudag.
Á fimmtudagskvöld koma þau á fund Alþýðubandalagsins í Kiðaneshúsinu kl.
20.30.
Allir velkomnir.
Alþýðubandalagið á Akureyri
Fundur í bæjarmálaráði
Nk. mánudag 5, seþtember verður fundur í baejarmálaráði Alþýðubandalags-
ins á Akureyri og hefst hann kl. 20,30 að Eiðsvallagötu 18.
/
Fundarefni:
1) Dagskrá bæjarstjórnarfundar 6. september.
2) Önnur mál.
Stjórnin
Alþýðubandalagið Hafnarfirði
Bæjarmálaráðsfundur
Bæjarmálaráð ABH er boðað til f undar, fimmtudaginn 1. september kl.
20.30 í Skálanum, Strandgötu 41.
Fundarefni: Staðan í bæiarmálunum og næstu stórverkefni.
Framsaga Magnús Jón Árnason bæjarfulltrúi.
Allir nefndarmenn ABH eru hvattir til að mæta.
______________________________________________Formaður
FRETTIR
Stúdentar
Nýir hjónagarðar
Einsdœmi að stúdentar byggi sjálfir garða. Litlar undirtektirfrá ríki og
sveitarfélögum. Plássfyrir 5% stúdenta á görðum
Fyrsti áfanginn í nýju Hjóna-
görðunum við Suðurgötu
verður tekinn í notkun í þessari
viku. í þessum áfanga eru 15
íbúðir, 13 tveggja herbergja og
tvær þriggja herbergja íbúðir en
alls eru 93 íbúðir í húsinu sem
afhentar verða í áföngum fram til
haustsins 1989.
Það er Félagsstofnun stúdenta
sem byggir Hjónagarðana og fær
til þess lán frá Húsnæðisstofnun
fyrir 85% af byggingarkostnaðin-
um en afganginn verða stúdentar
að útvega sjálfir.
- Þetta verður að teljast tals-
vert þrekvirki af stúdentum að
byggja sjálfir stúdentagarða en
slíkt þekkist varla annars staðar í
Evrópu, sagði Eiríkur Ingólfs-
son, framkvæmdastjóri Félags-
stofnunar stúdenta.
Eiríkur sagði að þrátt fyrir til-
komu nýju íbúðanna væri langt í
land með að hægt væri að leysa úr
húsnæðisvanda allra stúdenta.
Eftir að þessar fyrstu íbúðir á
nýju Hjónagörðunum verða
teknar í notkun má gera ráð fyrir
að u.þ.b. 5% af stúdentum við
Háskólann geti fengið inni á
görðum og ennþá eru meira en 50
manns á biðlista.
Áætlaður byggingarkostnaður
við nýju Hjónagarðana er um 350
miljónir króna eða um 42 þúsund
krónuráhvern fermetra. Ihúsinu
verða 60 tveggja herbergja íbúðír
og 30 þriggja herbergja. Áætlað
er að fúllbúnar kosti minni íbúð-
irnar 2,1 miljón en þær stærri 2,5
miljónir króna.
Áðspurður hvernig tekist hefði
að afla þess fjár sem stúdentar
þurftu að útvega sagði Helgi Lár-
usson hjá FS að fjársöfnun hefði
vægast sagt gengið treglega.
- Það hefur verið leitað til ríkis,
sveitarfélaga og fyrirtækja en
málið hefur ekki mætt skilningi á
þessum stöðum enn sem komið
er og lítið sem ekkert fé fengist
frá þessum aðilum. Hins vegar
hefur hluti af innritunargjöldum í
Háskólann runnið til byggingar-
innar, Félagsstofnun hefurlagt til
fé og Háskólinn hefur styrkt
þetta starf, sagði Helgi.
Fyrsta skóflustungan að nýju
hjónagörðunum var tekin í des-
ember 1986 eftir að efnt hafði
verið til samkeppni um teikningu
að húsinu. Teikningin sem valin
var er gerð af Guðmundi
Gunnlaugssyni arkitekt og Pétri
Jónssyni landslagsarkitekt.
Félagsstofnun stúdenta leigir
nú út 100 einstaklingsherbergi og
69 íbúðir en um 400 umsóknir um
garðavist hafa borist fyrir næsta
vetur.
Leiguverð á nýju görðunum
verður 17.700 krónur fyrir
tveggja herbergja íbúð og 22.100
kr. fyrir þriggja herbergja íbúð,
sem er nokkuð hærri leiga en á
gömlu Hjónagörðunum.
-íþ
Málefni þroskaheftra
Frjálsara búsetuform
Öryrkjabandalagið og Þroskahjálp fagna tillögum nefndarsem leggur
til niðurlagningu. Halldór K. Júlíusson: Má ekki einblína á eina lausn.
Stofnanir hafa sína kosti
Stjórnskipuð nefnd á vegum fé-
lagsmálaráðuneytisins um fram-
tíð sólarhringsstofnana fyrir
þroskahefta hefur lagt til að allar
slíkar stofnanir verði lagðar nið-
ur á næstu 15 árum og í stað þess
lögð áhersla á að byggja upp
önnur og frjálsari búsetuform þar
sem leitast er við að þroskaheftir
geti lifað sem eðlilegustu lífí og
búi við svipuð lífskjör og aðrir
þegnar samfélagsins.
Þær stofnanir sem rætt er um
að leggja niður eru Skálatún í
Mosfellsbæ, Sólborg á Akureyri
og Sólheimar í Grímsnesi.
Á aukafundi fulltrúaráðs Ör-
yrkjabandalags íslands og Lands-
samtakanna Þroskahjálpar á
laugardaginn var samþykkt á-
lyktun þar sem tillögum nefndar-
innar er fagnað og þeim ein-
dregnu tilmælum er beint til
stjórnvalda að tekið verði mið af
niðurstöðum nefndarinnar við
endurskipulagningu sólarhrings-
stofnana.
Þessi ályktun hefur mætt tals-
verðri andstöðu meðal þeirra
sem vinna að málefnum þroska-
heftra og einnig hafa margir að-
standendur vistmanna á þessum
stofnunum vissar efasemdir um
ágæti þessara tiilagna.
Halldór K. Júlíusson, for-
stöðumaður á Sólheimum, sagði
að ekki væri til ein lausn á vanda
þroskaheftra og það væri ekki
rétt að einskorða sig við smá sam-
býli sem einu réttu lausnina fyrir
alla um ókomna tíð.
- Ég vil ekki leggja stofnanir á
borð við Sólheima að jöfnu við
þau bákn sem tíðkuðust víða er-
lendis á þeim tíma þegar þær
kenningar komu fram að slíkir
staðir væru mannskemmandi og
ég tel að við getum boðið upp á
ýmislegt sem ekki er mögulegt í
smærri einangruðum einingum.
Þroskaheft fólk hefur að mörgu
leyti aðrar forsendur en aðrir og
ég tel það eðlilega mannréttinda-
kröfu að það fái að lifa sínu lífi
sem þroskaheftir einstaklingar á
eigin forsendum, sagði Halldór.
Ásta B. Þorsteinsdóttir for-
maður Landssamtakanna
Þroskahjálpar sagði að niður-
stöður nefndarinnar sem lýst var
yfir stuðningi við á laugardaginn
væru í fullu samræmi við tilgang
Iaga um málefni fatlaðra frá 1983
þar sem mörkuð er sú stefna að
samfélaginu beri að veita fötluð-
um sömu möguleika og öðrum
þegnum sínum að lifa eðlilegu lífi
og segir að fjölmennar stofnanir
séu úrelt tæki til að tryggja þetta
markmið.
- Þetta er stefna sem verið hef-
ur að ryðja sér til rúms alls staðar
á Norðurlöndunum, þar sem lögð
er áhersla á að fatlaðir og ófatlað-
ir lifi saman í samfélagi hlið við
hlið burtséð frá andlegri og
líkamlegri getu. Þetta er spurn-
ingin um sjálfsákvörðunarrétt
fatlaðra og eðlileg mannréttindi
þeirra, sagði Ásta.
-iþ.
4 SÍÐA — ÞJÓÐVILJINN Fimmtudagur 1. september 1988