Þjóðviljinn - 10.09.1988, Blaðsíða 1

Laugardagur 10. september 201. tölublað 53. órgangur
Ríkisstjórnin
Ráðherrarflykkjast vestur íStykkishólm. Nýjumþœtti ísýningu á erjum
á stjórnarheimilinu dengtyfirþjóðina. Sögusagnir um leynilegar
stjórnarmyndunarviðrœður bornar til baka. ÓlafurRagnar Grímsson: Tafarlaust á að efna til kosninga
f gær flugu formenn ríkis-
stjórnarflokkanna vestur í Stykk-
ishólm. Þar sátu forsvarsmenn
fiskvinnslunnar á fundi og höfðu
átt von á Halldóri Ásgrímssyni
sjávarútvegsráðherra. Rak þá í
rogastans þegar þangað komu
ásamt Halldóri þeir Þorsteinn
Pálsson, Steingrímur Hermanns-
son og Jón Baldvin Hanni-
balsson. Bjuggust sumir við til-
kynningu um aðgerðir ríkis-
stjórnarinnar vegna rekstrar-
vanda vinnslunnar en fljótt kom í
ljós að ráðherrarnir áttu enn
langt í land með að taka ákvörð-
un í þeim efnum.
Ráðherrarnir hafa ekki vílað
fyrir sér að kalla forsvarsmenn
fiskvinnslunnar til skrafs og ráð-
gerða suður til Reykjavíkur,
hvort heldur þeir búa vestur á
Flateyri eða annars staðar á
landinu, og því þótti einsýnt að
ferðin var ekki farin í þeim til-
gangi einum að spjalla við fisk-
vinnslumenn. Var talið að for-
menn stjórnarflokkanna hefðu
kosið að flýja ágang fjölmiðla og
ræða vandamál stjórnarheimilis-
ins í rólegheitum. f fréttatímum
Ijósvakafjölmiðlanna í gærkvöldi
kom hins vegar í ljós að þeir
héldu áfram að skamma hver
annan opinberlega. Taldi hver
annan sannan að brigslyrðum og
svigurmælum og var látið í það
skína að sumir hefðu setið á svik-
ráðum allt frá því ríkisstjórnin
var mynduð. Þegar blaðið fór í
prentun var ekki vitað hvort þeir
voru farnir að ræða málin á lágum
nótum en ekki er loku fyrir það
skotið að haustnóttin við
Breiðafjörð hafi kælt í þeim blóð-
ið.
Reiknað er með að þegar um
hægist muni ráðherrarnir hefja
viðræður um áframhaldandi
bann við launahækkunum, „hóf-
lega“ gengisfellingu og að ekki
beri að taka fram fyrir hendur
markaðsaflanna með lækkun á
vöruverði. Ekki er talið líklegt að
þeir ræði í alvöru að ná eigi niður
vöxtum með lagasetningu.
Bornar hafa verið til baka
sögusagnir um að hafnar séu
leyniviðræður um myndun nýrrar
ríkisstjórnar. Talsmenn stjórnar-
andstöðunnar fara fram á tafar-
lausar kosningar.
Sjá síðu 7
Valur Arnþórsson, tilvonandi bankastjóri Landsbankans, laxveiðifé-
lagi utanríkisráðherra og fráfarandi stjórnarformaður SÍS, var kallaður
til skrafs og ráðagerða inn á magnþrunginn fund sem þingmenn
Framsóknar héldu eftir að Þorsteinn Pálsson forsætisráðherra lagði
fram „hugmyndir" sínar í fyrradag. Bankastjórastaða Vals er frágengið
mál sem ekki er í hættu þótt stjórnin springi. Frá vinstri: Valur Arnþórs-
son, Guðmundur Bjarnason, Valgerður Sverrisdóttir og Steingrímur
Hermannsson. Mynd: Jim Smart.
Stjórnin
99Alltaf eitthvert mgl“
Avöxtun sf. hættir
Chile
Á morgun, 11. sept., eru 15 ár
liðin frá því að herforingjar
steyptu lýðræðislega kjörinni
stjórn Chile af stóli. Chile var eitt
þeirra landa Rómönsku Amer-
íku, þar sem möguleikar á veru-
legum þjóðfélagsumbótum með
lýðræðislegum aðferðum voru
taldir hvað mestir, og m.a. vegna
þess olli valdaránið mikilli reiði
og vonbrigðum víða um heim.
Þúsundir fylgismanna stjórnar
Allendes forseta, enginn veit hve
margar, voru myrtar í kjölfar
valdaránsins.
Sjá síðu 13
- Þetta er engin stjórn; eftir því
sem góðærið er meira þeim mun
meiri hallarekstur er á ríkissjóði,
segirTrausti Harðarson, en hann
var einn þeirra sem blaðamaður
tók tali í gær til að forvitnast um
hvernig fólk væri stemmt á þess-
um ósamlyndisdögum stjórnar-
innar, en það eitt virðist öruggt
um nánustu framtíð að launafólki
er ætlað að taka á sig kjaraskerð-
ingu eina ferðina enn.
- Það er alltaf eitthvert rugl og
bráðabirgðalausnir sem koma
upp á þegar tekist er á við efna-
hagsmálin, sagði annar viðmæl-
andi, íris Óttarsdóttir, en al-
mennt talað var urgur og ótti í
fólki, og greinilegt að menn horfa
ekki björtum augum til næstu
vikna og mánaða.
Sjá bls. 8-9
Þjóðviljinn ræddi í gær við Pét-
ur Björnsson, annan eiganda
Ávöxtunar sf. Þar kemur m.a.
fram að nú er unnið að því að
leggja fyrirtækið niður og að sam-
vinnu þeirra Péturs og Armanns
Reynissonar er lokið. Einnig að
tap var á rekstri Ávöxtunar í fyrra
sem nam fjórum miljónum og að
fyrirtækið hafi ekki fengið eðli-
lega lánafyrirgreiðslu, eingöngu
vegna þess að það hét Ávöxtun
sf. Pétur telur umsagnir kollega
sinna á verðbréfamarkaðnum,
þess eðlis að markaðurinn hafi
styrkst við fall Ávöxtunar, vera
óréttmætar og segir öll fyrirtæki á
þessu sviði vera í jafn fallvaltri
stöðu. Þá segir hann frá viðskipt-
unum vegna Ragnarsbakarís sem
hafi skilað Ávöxtun tapi og lýsir
þeirri skoðun sinni að það sé
geggjun að standa í fyrirtækjar-
ekstri í dag. Hugtakið gróði sé
ekki til í dag í íslenskum mark-
aðsheimi. Um hugsanlegt tap
viðskiptavina verðbréfasjóða
Ávöxtunar segir hann að það geti
hugsanlega numið 10-15 miljón-
um króna.
Sjá síðu 12