Þjóðviljinn - 14.09.1988, Blaðsíða 4
ÉtJRARIK
RAFMAGNSVEITUR RlKISINS -
Útboð
Rafmagnsveitur ríkisins óska eftir tilboðum í eftir-
farandi:
RARIK 88012 Ræsting á skrifstofuhúsnæði
Laugavegi 118.
Opnunardagur: Þriðjudagur27. september 1988
kl. 14.00.
Tilboðum skal skila á skrifstofu Rafmagnsveitna
ríkisins, Laugavegi 118,105 Reykjavík, fyrir opn-
unartíma og verða þau opnuð á sama stað að
viðstöddum þeim bjóðendum sem þess óska.
Útboðsgögn verða seld á skrifstofu Rafmagns-
veitna ríkisins, Laugavegi 118,105 Reykjavík, frá
og með mánudeginum 12. sept. 1988 og kosta
kr. 300,- hvert eintak.
Rafmagnsveitur rtkisins
Laugavegi 118
105 Reykjavík
Frá menntamálaráðuneytinu
Laus er til umsóknar staða deildarfulltrúa (skrifstofustjóra) lækna-
deildar Háskóla íslands.
Háskólamenntun æskileg.
Laun samkvæmt launakerfi starfsmanna ríkisins.
Umsóknir ásamt upplýsingum um menntun og fyrri störf skulu
berast menntamálaráðuneytinu fyrir 5. október n.k.
Menntamálaráðuneytið
7. september 1988
Tilkynning til
launaskattsgreiðenda
Athygli launaskattsgreiðenda skal vakin á því að
gjalddagi launaskatt fyrir mánuðina júlí og ágúst
er 15. september n.k.
Launaskatt ber launagreiðanda að greiða til inn-
heimtumanns ríkissjóðs, í Reykjvík tollstjóra, og
afhenda um leið launaskattsskýrslu í þríriti.
Fjármálaráðuneytið
FJÓRÐUNGSSJÚKRAHÚSIÐ
NESKAUPSTAÐ
Hjúkrunarfræðingar
Fjórðungssjúkrahúsið Neskaupstað óskar eftir
að ráða hjúkrunarfræðinga til starfa.
Húsnæði er fyrir hendi.
Upplýsingar gefur hjúkrunarforstjóri í síma 97-
71403.
Framkvæmdastjóri
Arkitekt
Kópavogsbær óskar að ráða arkitekt til starfa á
skipulagsdeild frá og með áramótum. Krafist er
reynslu í skipulagi. Umsóknir berist skipulags-
deild fyrir 23. september n.k.
Frekari upplýsingar veitir Birgir H. Sigurðsson í
síma 41570. Umsóknareyðublöð liggja frammi á
bæjarskrifstofum Kópavogs, Fannborg 2.
Bæjarstjóri
Lausasölubörn óskast
Hafið samband við afgreiðslu Þjóðviljans í síma
681333 milli kl. 9:00-12:00 virka daga og 9:00-
17:00 laugardaga.
þJÓOVILJINN
________________FRETTIR_________________
Námsbœkur
Ríkið hirðir sitt
Mál & Menning: Gefur út 18 nýjar kennslubœkur œtlaðarframhalds-
skólum og 15 endurútgáfur auk nokkurra bókafyrir grunnskólastig.
Hluturforlagsins í verði námsbóka24%. en Ríkisins 20%. Alagningin
nemur 42,5%
Forráðamenn Máls & Menn-
ingar sögðu á blaðamanna-
fundi í gær að með réttu ætti verð
á útgefnum kennslubókum frá
forlaginu fyrir framhaldsskóla-
nemendur að vera 20% hærra en
það er í dag. Jafnframt
gagnrýndu þeir harðlega skatt-
heimtu ríkissjóðs af námsbókum,
en Ríkið hirðir 20% í sinn hlut af
verði hverrar bókar.
Útgefendur kennslubóka fyrir
framhaldsskólanemendur hafa
verið gagnrýndir fyrir hátt verð á
nýútgefnum námsbókum sem að
jafnaði hefur hækkað um 30-40%
á milli ára og jafnvel hafa heyrst
dæmi um allt að 100% hækkun.
Bráðabirgðalög ríkisstj órnarinn-
ar um algjöra verðstöðvun í þess-
um mánuði nær ekki til verðs á
kennslubókum og verða því
framhaldsskólanemendur að
borga bækurnar á nýju verði og
eru trúlega þeir einu sem verða
að taka hækkanir á sig í miðri
verðstöð vuninni.
Það kom fram í máli forráða-
manna M&M í gær að hlutur for-
lagsins í verði hverrar bókar sé
24% og hlutur bóksala jafn hár.
Ríkið hirðir 20% í söluskatt af
hverri bók, höfundar fá 9% og
hlutur prentsmiðju er 23%. Föst
álagning er á bókunum og nemur
smásöluálagningin 42,5%. Að-
spurðir um þá miklu gagnrýni
sem verið hefur á verði nýrra og
endurútgefinna kennslubóka
sagði Árni Einarsson að með
réttu hefðu kennslubækur M&M
átt að vera 20% hærri en þær eru í
dag. Útgáfustjórnin hefði þótt
það of hátt og tekið þá ákvörðun
að lækka þær sem því nemur.
Engu að síður væri það ljóst að
kennslubækur væru dýrar en for-
lagið hefði reynt sitt til að lækka
verðið. Árni sagði að tómt mál
væri að tala um að hér ríkti
jafnrétti til náms óháð búsetu og
fjárhag á meðan Ríkið kæmi í
engu til móts við bókakostnað
nemenda á framhaldsskólastigi
sem í raun væri skyldunám miðað
við þann fjölda nemenda sem þar
væru á hverju ári. Þar við bætist
að Ríkissjóður með fyrrverandi
skólameistara Menntaskólans á
ísafirði í broddi fylkingar, inn-
heimtir 20% neysluskatt af hverri
bók, sem er trúlega einsdæmi
meðal þjóða heims.
í haust gefur Mál & Menning
út 18 nýjar kennslubækur ætlaðar
framhaldsskólastigi og 15 endur-
útgáfur auk nokkurra bóka fyrir
grunnskólastig. Aldrei fyrr í sögu
útgáfufélagsins hefur það gefið út
jafn margar kennslubækur og nú.
Til samanburðar má nefna að
1983 gaf félagið aðeins út tvær
kennslubækur.
-grh
Öryrkjabandalagið
Krefst hækkunar bóta
Öryrkjar hafa ekki samningsrétt um sín kjör.
Mótmœla tillögum um lœkkun tryggingabóta
Stjórn Öryrkjabandalagsins
vekur athygli á því að í um-
ræðum um efnahagsaðgerðir hafí
ríkisstjórnin ekki leitað álits eða
samráðs við samtök öryrkja, þó
forstjóranefndin hafi lagt til að
tryggingabætur yrðu lækkaðar.
Krefst öryrkjabandalagið þess að
forystumönnum Öryrlgabandal-
agsins verði kynntar væntanlegar
ráðstafanir.
í ályktun frá stjórn Öryrkja-
bandalagsins er bent á að fors-
tstjóranefndin hafi talað um
„nauðsynlega lækkun trygginga-
bóta.“ Þessum hugmyndum mót-
mælir Öryrkjabandalagið harð-
lega og bendir á að tryggingabæt-
ur hafi aldrei verið í neinu sam-
ræmi við almenna kaupgetu í
landinu. Krefst Öryrkjabanda-
lagið þess að bætur hækki í sam-
ræmi við núgildandi vísitölu frá
og með 1. september. Bent er á
að öryrkjar hafi engan samnings-
rétt um þessi mál og það séu ekki
laun þeirra sem hafi valdið þeim
efnahagserfiðleikum sem þjóðin
væri sögð eiga við að glíma.
Öryrkjabandalag íslands
krefst þess jafnframt að forystu-
mönnum þess verði kynntar
væntanlegar efnahagsráðstafanir
ríkisstjórnarinnar á sama hátt og
forystumönnum samtaka launa-
fólks. Öry rkj abandalagið sé
málsvari fatlaðra á íslandi og
standi vörð um hagsmuni þeirra
gagnvart ríkisvaldinu.
-hmp
________MINNING_______
Elías Sveinsson
Fceddur 8. 10. 1910 - Dáinn 13. 7. 1988
Elías Sveinsson var jarðsung-
inn 19. júlí s.l. frá Landakirkju í
Vestmannaeyjum.
Hann fæddist á Gamlahrauni
við Eyrarbakka, sonur hjónanna
Sigríðar Þorvaldsdóttur frá Vall-
arhjáleigu í Flóa og Sveins Þórð-
arsonar frá Mýrum í Villinga-
holtshreppi. Þau hjónin fluttu
með börn sín til Vestmannaeyja
árið 1925 og bjuggu í Varmadal.
Systkini Elíasar voru þau
Helga, fædd árið 1900, giftist
Áma Magnússyni. Þórður, fædd-
ur 1902, kvæntist Elínu Jónsdótt-
ur, og Valdimar, fæddur 1905,
kvæntist Margréti Pétursdóttur.
Þegar til Eyja kom fór Elías að
róa á Enok hjá Þórði Jónssyni frá
Bergi. Eftir að hafa verið þar í
nokkrar vertíðir, hóf hann vél-
stjóranám og gerðist síðan vél-
stjóri á mb. Óðni. Formennsku
sína hóf hann á Gulltoppi I., en
lengst var hann með mb. Sjöst-
jörnuna.
Elías Sveinsson var í hópi
hinna reyndu aflaskipstjóra í
Eyjum sem þekktu vel til miða.
Honum hélst vel á mönnum, góð-
ur andi var ævinlega um borð
enda stutt í ljúft brosið og gaman-
yrðin hjá formanninum.
Mörg sumur fór Elías til síld-
veiða fyrir norðan land, fyrst á
tvílembingunum Óðni og Ófeigi.
Þeir voru saman um eina nót við
veiðarnar. Síðar var hann nokkur
sumur með Sjöstjörnuna með
hringnót.
Árið 1935 giftist Elías eftirlif-
andi konu sinni, Evu L. Þórarins-
dóttur Bjarnasonar járnsmiðs úr
Reykjavík og konu hans Unu
Jónsdóttur. Börn þeirra eru Sig-
urður Sveinn fæddur 1936,
kvæntur Sigrúnu Þorsteinsdótt-
ur, þau eiga 3 börn. Una Þórdís
fædd 1938, gift Önundi Kristjáns-
syni, þau eiga 4 börn. Atli fæddur
1939 kvæntur Kristínu Frímanns-
dóttur, þau eiga 3 börn. Hörður
fæddur 1941, kvæntur Elínbjörgu
Þorbjarnardóttur, börn þeirra
eru 3. Sara fædd 1943 gift Birni
Baldurssyni, þeirra börn eru 3.
Sævaldur fæddur 1948, kvæntur
Svanborgu Oddsdóttur, þau eiga
3 börn. Hjalti fæddur 1953
kvæntur Júlíu Andersen.
Þá mánuði sem jarðeldurinn
var uppi í Heimaey voru þau hjón
á fastalandinu, en strax og gosinu
lauk voru þau aftur komin í
Varmadal. Hin síðari ár komu
þau oft til landsins. Á björtum
sumardögum óku þau um sveitir
og fundu ættingja og vini.
Á uppvaxtarárum sínum var
Elías í sveit á Baugsstöðum hjá
Helgu móðursystur sinni og Jóni
Magnússyni. Hjá þeim hjónum
ólst upp annað systkinabarn
Helgu, Ólafur Gunnarsson, er
síðar bjó þar og er nú látinn fyrir
fáum árum. Mikið vinfengi var
með þeim frændum og kom Elías
því oft að Baugsstöðum, einkum
hin síðari ár. Sá hann þá út yfir
sjóinn og brimið við hraunströnd
bernsku sinnar.
Nú þegar Elías er til moldar
borinn í Eyjum er hún komin þar
öll fjölskyldan sem flutti í Varma-
dal árið 1925.
Samúðarkveðjur,
Sigurður Kr. Árnason
Minningargrein Sigurðar um Elías
birtist í Þjóðviljanum 8. september
sl., en þá féll út kafli vegna mistaka.
Hún endurbirtist því nú í heild sinni,
og eru hlutaðeigendur beðnir afsök-
unar.
4 SÍÐA - ÞJÓÐVILJINN Miðvikudagur 14. september 1988