Þjóðviljinn - 14.09.1988, Blaðsíða 16

f—SPURNINGIN
Kom fréttin um íslenska
stóreignamenn þér á
óvart?
Sveinn Ágústsson
húsasmíðameistari
Nei í rauninni ekki, Þetta hefur
verið vitað lengi. Þaö ætti að
skattleggja þá sérstaklega að
mínu áliti.
Guðrún Jóhannsdóttir
nemi
Nei hún kom mér ekki á óvart
hefur þetta ekki verið svo alltaf
sumir ríkari en aðrir. Mér finnst
alveg eins að það ætti að leggja
sérsakan skatt á þessa menn.
Sveinlaug Sigmundsdóttir
öryrki
Ég hef alltaf vitað að hér væru til
menn sem væru mjög ríkir. Svo
þessi frétt kom mér ekkert á
óvart.
Páil Sigurðsson
meinatæknir
Nei fréttin kom mér ekkert á
óvart, ég er heldur ekkert óhress
með að þessir menn séu ríkir.
Það er engin sérstök ástæða til
að skattleggja þá sér, þeir borga
mikið skatta hvort eð er.
Þröstur Ingólfsson
nemi
í sjálfu sér kom fréttin mér ekkert
á óvart þetta vita allir að þessir
menn eru ríkir. Mér finnst engin
ástæða til að þeir borgi neinn sér-
stakan skatt vegna þess.
þJÓOVIUINN
Miðvikudagur 14. september 1988 203. tðlublað 53. árgangur
SÍMI 681333
Á KVÖLDIN
C040^0
ÁLAUGARDÖGUM
681663
Það tekur enginn á þessu máli nema nemendur sjálfir, segir Sveinþór Þórarinsson stjórnarmaður í Æskulýðsfylkingunni sem hér
hengir upp auglýsingu í Fjölbrautaskólanum við Ármúla fyrir ráðstefnuna á sunnudag. Mynd-Jim Smart
Framhaldsskólanemendur
Skólastofan orðin
hvíldarherbergi?
Vinna barna og unglinga samhliða námi hefur stóraukist síðustu árin. Æskulýðsfylkingin œtlar
að kryfja málið á ráðstefnu á sunnudag. Sveinþór Pórarinsson: Erfið lífskjör og
lífsgæðakapphlaupið ástœðan fyrir vinnu nemenda
- Það hefur stóraukist á síð-
ustu árum að skólanemar vinni á
veturna með skóla, t.d. í verslun-
um, fleiri klukkustundir á dag og
einnig um helgar. Maður heyrir
sögur um allt niður í 14 ára
krakka í erfiðum verksmiðjustöf-
um á næturnar samhliða skóla-
námi, segir Sveinþór Þórarinsson
stjórnarmaður í Æskulýðsfylk-
ingu Alþýðubandalagsins, en
fylkingin stendur á sunnudaginn
fyrir ráðstefnu undir yfirskrift-
inni: Er nám „hobby“?
Á ráðstefnunni sem haldin
verður að Hverfisgötu 105 verður
rætt um vinnu barna og unglinga
með námi. Meðal framsögu-
manna verða þeir Ásmundur
Stefánsson forseti ASÍ, Guð-
mundur Magnússon aðstoðar-
maður menntamálaráðherra,
Ingólfur Sveinsson geðlæknir, R.
Hulda Proppé nemandi, Wincie
Jóhannsdóttir formaður HÍK og
Þórarinn V. Þórarinsson fram-
kvæmdastjóri VSÍ.
Kennarar kvarta sífellt meira
undan þreytu nemenda og segja
margir þeirra engu líkara en að
skólastofan sé að breytast í hvíld-
arstað eftir erfiðar vinnuvaktir
nemenda.
- Ég held að það sé einkum
tvennt sem hafi ýtt undir þessa
óæskilegu þróun. Annars vegar
erfið lífskjör. Foreldrar geta ekki
lengur stutt börnin sín í fram-
haldsnámi og hins vegar lífsgæða-
kapphlaupið sem hefur teygt
anga sína niður til unglinga allt
niður í 13-14 ára aldurinn, segir
Sveinþór. - Nú eru það fínu
fötin sem gilda í skólanum. Vera
smart klæddur og helst á sportbíl
líka. Bflaflotinn fyrir utan
skólana er víða orðinn stórvanda-
mál og í fjölmörgum skólum eru
nemendur á mun fínni og dýrari
bílum en kennararnir. Til að
standa undir þessari neyslu er
námið orðið númer tvö. Það er
einmitt það sem við vörpum fram
í yfirskrift ráðstefnunnar, Er nám
orðið Hobby?
Verður þú var við að nemend-
ur ræði þessi mál í sinn hóp?
- Margir nemendur og ekki
síður foreldrar hafa verulegar
áhyggjur af þessari þróun. Ekki
síst hversu dýrt er að stunda
skólanám í dag. Það er líka ein-
kennilegt að á sama tíma og
verðstöðvun á að vera í gildi í
landinu þá tekur hún til allra
hluta nema skólagjalda og náms-
bóka. Þar má hækka allar vörur
og öll gjöld.
Ég hef einnig orðið var við
mikinn áhuga hjá kennurum og
öðrum þeim sem láta skólamál og
íslenska æsku sig varða. Við höf-
um verið að vekja athygli á þess-
ari ráðstefnu í framhaldsskólun-
um og erum viss um að hún verð-
ur byrjunin á frekri umræðu um
þessi mál. Ég vil hvetja alla sem
þetta mál snertir til að koma og
taka þátt í umræðunni á sunnu-
dag.
Til hvaða ráða á að grípa? Er
hægt að banna unglingum að
stunda vinnu með námi?
-Nei það held ég að sé ekki
hægt, nema með því að breyta
hugsunarhættinum hjá nemend-
um og tryggja ódýrara framhalds-
skólanám. Það getur ekki talist
heilbrigt að nemendur sem eiga
að vera að stunda alvöru nám
fullan vinnudag, skuli bæta ofan á
sig öðrum vinnudegi til að eiga
fyrir náminu eða til að tolla í tísk-
unni í skólanum. Ég er ekki að
segja að þetta sé algilt, en þetta er
því miður orðið allt of áberandi
og það verður að taka á þessu
máli sem fyrst. Það gerir það eng-
inn nema nemendurnir sjálfir.
Ætlið þið að fylgja þessu eftir á
einhvern hátt?
- Að sjálfsögðu. Við í Æsku-
lýðsfylkingunni látum okkur hag
ungs fólk varða öðru fremur og
gerum okkur grein fyrir því að
þessi mál verða ekki útrædd á
einum sunnudagseftirmiðdegi.
Það þarf að færa þessa umræðu
inn í skólana og við munum gera
okkar til að færa hana þangað
inn, segir Sveinþór Þórarinsson.
-«g-