Þjóðviljinn - 16.09.1988, Blaðsíða 2

Þjóðviljinn - 16.09.1988, Blaðsíða 2
Diljá, Pete, Dóra og Erík tilbúin til farar. Mynd Jim Smart. Jólafríin eru sumarfrí Rœtt við Dóru, Pete, Erik og Diljá sem fluttu í gœr til Ástralíu íbúðin er tóm, utan nokk- urra pappakassa og ferða- taskna. Ollu hefur verið pakk- að niður og sumt er þegar komið á skip. Ferðinni er heitið til Ástralíu. Það eru þau Dóra Rögnvaldsdóttir og Pet- er Thorpe, ásamt börnunum Diljá og Erik sem eru að flytja búferlum, „aftur heim," eins og Pete segir. Hann kemur upprunalega frá Englandi, en flutti ungur til Ástralíu. Þar bjuggu þau Dóra um rúmlega þriggja ára skeið, en hafa síð- ustu tvö árin búið á íslandi. „Við erum bara mjög hress með að flytja. Við ætlum bara að lifa og hafa það gott," segir Dóra. „Það verður auðvitað öðru vísi að koma út aftur núna, heldur en það var þegar við vorum þar síð- ast. Það er best að vera að gera sér ekki neinar hugmyndir um að hlutir séu eins og þeir voru þá. Fólk breytist og við líka." En áttu þau mikið af vinum og kunningj- um í Ástralíu ? „Ég þeicki alla sem voru í kríkketliðunum og þau voru þrjú, svo þú getur sagt að ég þekki að minnsta kosti 36 mann- eskjur í Huskisson," segir Pete og hlær. Pete ætlar að spila þar með Huskisson R.S.L.Cricket Club sem er áhugamannalið. Hu- skisson heitir lítiil strandbær þar sem þau bjuggu áður, og þangað er ferðinni heitið eftir viðdvöl í Sidney hjá foreldrum Pete. Jólasveinn ából „Þau hafa ekki séð krakkana í tvö ár." „En fyrst förum við til London og svo í mánuð til BaU. Það er flottur staður," segja þau Pete og Dóra nánast samtímis. „Þar er mikið af túristum en ekki alls staðar, og svo er Bali í Austrinu." „Jólasveínninn þar er öðru vísi en hérna, hann keyrir um í bíl og hendir karamellum á götuna," segir Diljá og vísar í endurminningu frá því hún bjó áður í Ástralíu. „Á nóttunni," bætir hún við. Þau hafa ekki áhyggjur af því að finna sér ekki vinnu. Það er verið að byggja Huskisson upp sem ferðamannastað og efalaust má finna vinnu tengda þeirri upp- byggingu. „Það er ágætt að koma hérna heim og vinna og lifa lífiiiu ef það er hægt. En það er alveg vonlaust fyrir fjölskyldu eins og okkar að fara að reyna að koma sér upp íbúð og taka þátt í öllu þessu kapphlaupi og ætla að lifa lífinu líka. Ég heyri það líka á fullt af fólki í kringum mig, hvað alhr eru orðnir þreyttir á ástand- inu hérna. Það er eitthvað svo vonlaust og breytist ekkert. Fólk vinnur og vinnur og enginn tími fyrir krakkana og barnaheimilin oft þannig að þau gefa lítið. í Ástralíu á maður fleiri valkosti. Þó vil ég taka fram að við vorum mjög heppin með barnaheimili og viljum koma á framfæri bestu kveðjum til þeirra og allra sem að við þekkjum. Verið þið blessuð og sæl," sagði Dóra. I gær klukk- an 16.40 var síðan flogið af stað áleiðis til Ástrahu, þar sem sólin skín og spilað er krikket, þar sem skólinn byrjar í febrúar og lýkur í desember og jólafríin eru sumar- frí. Við óskum þeim góðrar ferð- ar. -phh I ROSA- GARÐINUM Hinirduldu töffrar hagf ræöinnar Niðurfærsluleiðin hlýtur ávallt að vera Ieið niður á við. Hver vill fara niður á við? Millifærsluleið er leið þar sem allt er fært á milli, gróði eða tap fært frá einum aðil- anum til annars. Hver vill missa spón úr sínum aski eða taka á sig tap? Uppfærsluleiðin er sú leið sem best á við okkur íslendinga. Allir viljum við upp á við og slíka leið höfum við verið að feta okk- ur lengst af. Lesendabréf í DV LoveStory Ali MacGraw hefur nú staðið sig heldur betur en margar aðrar hvað varðar hjónabandsmál... Núna segist hún vera ánægð með að eiga kærasta og eyða laugar- dagskvöldunum heima og borða eitthvað sem hún hefur mallað í potti. Hún verður fimmtug á næstaári. SviósljósiDV Verði Ijós íslendingar þekkj a ekki Snorra Sturluson! Þeir gera sér rangar hugmyndir um hann og hafa alltaf gert síðan þeir myrtu hann í myrkriáriðl241. Þorsteinn Guðjónsson í Tímanum Vegna skorts áfjöldaáskorana Maður segir við mig: Þú skrifar of sjaldan; annar: Ég Ies það sem þú skrifar; og þar sem fæstir ná til mín með slíkt, þó svo að þeir hugsi það, mætti ætla að þetta þýði, að ég ætti að skrifa. Upphaf á grein f Tfmanum Yfirskilvitlegt réttlæti Það má því segj a að KR-ingar hafi sloppið með skrekkinn að þessu sinni. Þeir voru betri aðil- inn í leiknum og áttu ekki skilið að tapa. íþróttafrétt f Tímanum Gaman, gaman Og nú lítur út fyrir að kosninga- baráttan geti orðið ein sú fjörug- asta, og sóðalegasta, í mörg ár. Frótt f Tímanum Víst eru til vandvirkir blaða- menn Hann virðist j afn vel hafa til- einkað sér einhvern skammt af „charisma," þeim hæfileika að geta „vakið hrifningu, traust eða hollustu almennings," skv. þýð- ingu orðabókar, en til þessa hefur hann verið talinn gersneyddur þeirrigáfu. Frétt í Tímanum 2 SÍÐA - PJÓÐVIUINN | - NÝTT HELGARBLAÐ

x

Þjóðviljinn

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Þjóðviljinn
https://timarit.is/publication/257

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.