Þjóðviljinn - 16.09.1988, Side 8
SMART-SKOT
Ólympíuleikamir í Seoul
Ólympíuleikamir eru að fara af stað í Kóreu
og næstu vikur skyggja tíðindin þaðan á annað
í hugum miljóna um allan heim.
Það er á margan hátt bjartara yfir leikunum í
Seoul og nágrenni en síðustu leikum. Leikarnir
í Los Angeles og í Moskvu voru háðir í skugaa
stórveldaspennu og voru varla nema hálfir 01-
ympíuleikar vegna fjarveru margra allra bestu
íþróttamanna heims, fyrst Bandarikjamanna
og þeirra fylgjenda, þá Sovétmanna og þeirra
félaga. Nú vantar aðeins örfáa þjóðfána þegar
keppendur ganga frammá völlinn, -Kóreu-
menn í norðurhlutanum eru í fýlu, fengu með
sér nokkra aðra, og dauðsjá örugglega eftir
öllu saman núna.
Þátttaka á Ólympíuleikunum í Seoul er til
vitnis um hlýviðrisþróun í alþjóðamálum. Ekki
síst vegna þess að Suður-Kórea hefur ekki
verið mikið uppáhaldsríki, hvorki í austurblökk-
inni né meðal lýðræðissinna vestantjalds, og
var lengi haldið að staðarvalið mundi setja
leikana í svipaða sjálfheldu og þá síðustu og
þarsíðustu. Það gerðist ekki, og raunar áttu
leikarnir drjúgan þátt í þeim lýðræðisáföngum
sem unnist hafa í landinu að undanförnu.
íslendingar koma nú fjölmennari til leiks en
nokkru sinni, og sú tíð er liðin að okkar menn
vektu einkum athygli fyrir þá íþrótt að komast
aftur úr öllum. íslensku keppendurnir eiga kost
á verðlaunum í fleiri en einni grein og fulívíst að
með þeim verður fylgst af mikilli eftirvæntingu
þótt flest markvert beri við um miðja íslenska
nótt. Og það er alveg klárt að þeim íslending-
tim sem heima sitja finnst ekki lengur neitt
sport í því að vera bara með.
Síðan Pierre de Coubertin og félagar héldu
fyrstu leika síðari tíma í Aþenu 1896 hefur
margt breyst í henni veslu, og sú svokallaða
ólympíuhugsjón sem aldamótamenn skiluðu
fram á veg hefur heldur betur látið á sjá. Síð-
ustu hömlum hefur nú verið létt af fullri þátt-
töku atvinnumanna, og sem aldrei fyrr er til-
standið kringum Ólympíuleikana orðið gróða-
mál fyrir viðskiptafyrirtæki af öllum sortum.
„Brauð og leikar" var hrópað í Róm, -og á
suman hátt hafa fjölmiðlaveislur á borð við
Ólympíuleikana orðið í nútímanum það ópíum
fólksins sem ginnir og slævir.
Það má hafa ýmislegt á móti Ólympíu-
leikum, og bæði fyrr og síðar hafa kvartendur
fundið til ýmislegt þarfara að veita í fé, ýmislegt
verðugra að nota til kraftana. Ekki síst hafa
þessar raddir verið háværar á íslandi, sérstak-
lega þegar ekki gengur að ítrustu óskum.
Því skal þó ekki gleymt að Ólympíuleikarnir
komast þrátt fyrir allt eins nálægt því og hægt
er að vera sameiginleg hátíð alls mannkyns,
hátíð sem í hvert sinn hyllir hina fornu Grikki,
en á sér félagslegar og heimspekilegar rætur
miklu lengra aftur. Og hvað sem líður afdrifum
draumsýna frá aldamótunum er vert að hafa í
huga að sjálf hugmyndin um ólympíuleika felur
í sér að borgirnar haldi frið hver við aðra.
Þótt ekki væri nema af þeim sökum eru
leikarnir mikils virði.
En það sem skiptir auðvitað mestu máli
næstu daga er frammistaða okkar manna í
júdó, handbolta, spjótkasti...
Arafat til Islands?
Jassír Arafat svaraði spurningum Nýs Helg-
arblaðs Þjóðviljans á blaðamannafundinum í
Strassborg í vikunni og sagðist reiðubúinn að
koma til (slands ef um það bærist formlegt boð
héðan.
Slík heimsókn kemurfyllilegatil greina. Hún
mundi sýna að íslendingar vildu meta sjálf-
stætt stöðuna í alþjóðamálum, og slíkur við-
burður mundi renna stoðum undir hugmyndir
um ísland sem alþjóðlegan griðastað.
-m
Helgarblað
Síöumúla 6-108 Reykjavík
Sími 681333
Kvöldsími 681348
litgofandi: Útgáfufólag Þjóðviljans.
Ritstjórar: Árni Bergmann, MörðurÁrnason, óttar Proppé.
Fréttastjóri: Lúðvík Geirsson.
Blaðamenn: Guðmundur Rúnar Heiðarsson, Heimir Már Pótursson,
HjörleifurSveinbjörnsson, KristóferSvavarsson, Magnfríður
Júlíusdóttir, Magnús H. Gíslason, Lilja Gunnarsdóttir, ólafurGíslason,
Páll Hannesson, SigurðurÁ. Friðþjófsson, Sævar Guðbjörnsson, Þor-
finnurÓmarsson (íþr.).
Handrita- og prófarkalestur: Elías Mar, HildurFidfisdóttir.
Ljósmyndarar: Einar Ólason, Jim Smart.
IJtlitateiknarar: Kristján Kristjánsson, Kristbergur ó. Pótursson
Framkvamdastjóri: Hallur Páll Jónsson.
Skrifstofustjóri: Jóhanna Leópoldsdóttir.
Skrifstofa: Guðrún Geirsdóttir, Kristín Pótursdóttir.
Auglýsingastjóri: Olga Clausen.
Auglýsingar: Guðmunda Kristinsdóttir, Unnur
Ágústsdóttir, Sigurrós Kristinsdóttir.
Símavarsla: Sigríður Kristjánsdóttir, ÞorgerðurSigurðardóttir.
Bílstjóri: Jóna Sigurdórsdóttir.
Utbreiðslu- og afgreiðslustjóri: Björn Ingi Rafnsson.
Afgrel&8la: Halla Pálsdóttir, Hrefna Magnúsdóttir.
Innheimtumenn: Katrín Bárðardóttir, Ólafur Björnsson.
Utkeyrsla, afgreiðsla, rltstjórn:
Síðumúla 6, Reykjavík, símar: 681333 & 681663.
Auglýslngar: Síðumúla 6, símar 681331 og 681310.
Umbrot og setning: Prentsmiðja Þjóðviljans hf.
Prentun: Blaðaprent hf.
8 SÍÐA - ÞJÓÐVILJINN - NÝTT HELGARBLAÐ