Þjóðviljinn - 24.09.1988, Blaðsíða 16
“SPURNINGIN—
Manstu eftir einhverju
sem ríkisstjórn Þorsteins
Pálssonar gerði?
Magnús Guðmundsson
starfsmaður Flugleiða:
Nei, enda ekki mikið verið að pæla í
því. En staðgreiðslukerfi skatta kem-
ur upp í hugann.
Hilmir Sigurðsson
skipasmiður:
Ég man best eftir því sem hún gerði
ekki og síðan er matarskatturinn eftir-
minnilegur. Ég man ekki eftir neinu
jákvæðu.
Jónína Jónsdóttir
í barnsburðarleyfi:
Jú, hún gerði nú ýmislegt fjandinn að
tarna. Hún setti t.d. á þennan fræga
matarskatt. Ég sá ekki skattalækkan-
irnar sem hún lofaði.
Katrín Þórarinsdóttir
fiskvinnsluskólanemi:
Hún felldi gengið þrisvar, en ég man
ekki eftir neinu jákvæðu.
Jón Gína Jónsson
uppstilla:
Hvaða ríkisstjórn er það? Standa
stjórnarmyndunarviðræður ekki enn
yfir? Annars minnir mig að einhver
forsætisráðherra hafi sgurt: Hvar er
restin af ríkisstjórninni.
SIMI 681333
Á KVÖLDIN
681348
ÁLAUGARDÖGUM
681663
Nicaragua
Myndgert
uppbyggingarstarf
Litskyggnusýningfrá Nicaragua íMIR-salnum ídag. Aaron Ruby:
Hundraðþúsund Bandaríkjamenn hafaferðasttil landsins eftirfall Somoza
Helst vildum við geta kveikt svo
í fólki að það færi hreinlega til
Nicaragua til að sjá með eigin
augum uppbyggingarstarHð sem
þar á sér stað, og það má segja að
sýningin okkar sé framlag í þá átt,
sögðu þau Margrethe Siem og
Aaron Ruby þegar blaðamaður
hitti þau að máli í gær, en bæði
hafa þau dvalið langdvölum í Nic-
aragua og efna í dag til litskyg-
gnusýningar í MÍR-salnum um
land og þjóð.
Hæg heimatökin reyndar, þar
sem Margrethe hefur lagt fyrir sig
ljósmyndun. Hún er norsk, og
var fulltrúi norsku samstöðu-
hreyfinganna við kosningarnar í
Nicaragua 1984, og í hittifyrra
starfaði hún fyrir Ayuda Popular,
en svo nefnist efnahagsaðstoð
Norðmanna við landsmenn.
Myndirnar á litskyggnusýning-
unni spanna þetta tímabil og gott
betur, þar sem félagi Margrétar,
Aaron Ruby, bjó í landinu um
fimm ára skeið, frá 1981 til 1986,
og tók þá hluta myndanna.
Aron er bandarískur að upp-
runa, og sagði hann að landar
sínir hefðu ferðast til Nicaragua í
þvílíkum mæli eftir að Sandínist-
ar steyptu einræðisstjórn Somoza
að slíkir „þjóðflutningar" væru
án fordæma í veraldarsögunni.
Hann sagði að hundrað þúsund
Bandaríkjamenn hið fæsta hefðu
síðan lagt leið sína til landsins til
lengri og skemmri dvalar eins og
gengur, og væri um að ræða fólk
afar víða að úr þjóðfélaginu. Til
að mynda væri algengt að efnt
væri til hópferða, og þannig hefði
margt aldrað fólk getað farið og
kynnt sér gang mála af eigin raun.
Sjálfur sagðist Aaron ekki hafa
búist við að stoppa lengur en
mánuð þegar hann tók sig upp
árið 1981, en mjög teygðist á
dvölinni, þar sem mánuðurinn
varð að sex árum áður en yfir
lauk. Hann bjó í þrjú þúsund
manna þorpi í norðurhluta lands-
ins, San Juan de Rio Coco, á
velmektarárum kontranna, en
þetta er nálægt landamærunum
milli Nicaragua og Hondúras.
„Kontrarnir beittu grimmilegum
ógnarhernaði um norðanvert
landið, og prósentutölu í kring-
um áttatíu er gjarnan slegið fram
þegar reynt er að meta hversu
mikið þeir eyðilögðu af fram-
Margrethe Siem og Aaron Ruby með myndasýningu frá Nicaragua í farangrinum: Reynum að koma
ávöxtum byltingarinnar og uppbyggingarstarfinu í landinu til skila. Mynd: Jim Smart.
leiðslutækjum, bílum, sjúkrahús-
um og heilsugæslustöðvum,“
sagði Aron; „en að auki var fjöl-
da fólks rænt og það neytt til að
ganga til liðs við kontraillþýðið.“
Og hann getur trútt um talað: í
San Juan de Rio Coco var Aaron
kennari, nemendurnir í skóla-
num sem hann starfaði við ekki
nema um 85 talsins, en jafnvel
hluti þeirra týndi lífinu í ofsókn-
araðgerðum kontranna.
„Milli 60% og 70% Banda-
ríkjamanna styðja stjórnvöld í
Nicaragua; þessi niðurstaða hef-
ur verið staðfest í ótal skoðana-
könnunum, sagði Aaron; mikill
meirihluti þjóðarinnar hefur
jafnan verið andvígur þeim ólög-
lega stríðsrekstri sem háður hefur
verið gegn Sandínistum.
Með sýningunni reynum við
að gefa yfirlitsmynd af landi og
þjóð; við reynum að sýna ávexti
byltingarinnar og uppbygginguna
í landinu, sagði Margrethe; en
I
einnig afleiðingarnar af árásar-
stríði Bandaríkjastjórnar og
málaliða þeirra. Þá reynum við
að koma því til skila hvernig
landsmenn vilja byggja nýtt
þjóðfélag. “
Litskyggnusýning þeirra Mar-
grétar og Arons verður haldin í
MÍR-salnum í dag (gengið inn úr
portinu). Hún hefst klukkan tvö,
en að henni lokinni verða um-
ræður um innihaldið.
HS