Þjóðviljinn - 29.09.1988, Blaðsíða 11
IÞROTTIR
Seoul-handbolti
Islendingum er vorkunn
/
Mikill styrkleikamunur á liðum Islands og Sovétríkjanna.
íslensku þjóðinni er vorkunn. íslenska landsliðinu er vorkunn og
öllum þeim Islendingum sem stutt hafa við bak landsliðsins er vorkunn.
Þeir sem horfðu á landsleik íslands og Sovétríkjanna í beinni útsend-
ingu sáu að Arnari Björnssyni var vorkunn að þurfa að lýsa því sem
fyrir augu bar. Handknattleikur hefur heltekið íslensku þjóðina af
slíkum krafti að íþróttin er hvergi í eins miklum metum og einmitt hér.
Frammistaða landsiiðsins á Ólympíuleikunum hefur jafnvel skyggt á
stjórnarmvndun undanfarna daga. Fyrir vikið verða vonbrigðin gífur-
leg þegar landsliðið leikur jafn illa og gegn Sovétmönnum og er ekki
annað hægt en að vorkenna þjóðinni vegna þessa.
Tvö mörk gegn einu
Óþarft ætti að vera að rekja
gang leiks íslands og Sovétríkj-
anna, flestum ætti að vera hann
vel kunnugur. Liðin voru greini-
lega ekki á sama styrkleikastigi
og hefði varla verið hægt að trúa
því að óreyndu að hér hafi verið
sömu lið og léku í Laugardals-
höllinni fyrir mánuði.
Þeir sem slökktu á sjónvarps-
tækjum sínum í miðjum leik af
skiljanlegum orsökum hafa
kannski áhuga á að vita um ein-
hverjar tölulegar staðreyndir
leiksins. íslendingar náðu aldrei
forystu í leiknum en jafnt var 1-1
og 2-2. Þá komu sex mörk í röð
frá Birninum og síðan sáust tölur
eins og 3-10, 4-12, 6-14 og 8-15 í
leikhléi.
í síðari hálfleik skoruðu Sovét-
menn Iengst af tvö mörk gegn
Seoul-handbolti
ísland mætir
A-Þjóðverjum
Það voru svo sannarlega óvænt
úrslit í leik A-Þjóðverja og Ung-
verja í B-riðli en sá leikur réði
úrslitum um hvaða mótherja ís-
lenska liðið fær í síðasta leik sín-
um. A-Þjóðverjar áttu möguleika
á að komast á toppinn í riðlinum
og leika þannig um gullið í keppn-
inni og voru þeir því mun sigur-
stranglcgri fyrir leikinn. Að auki
hafa Ungverjar leikið misjafnan
bolta í keppninni og voru ekki lík-
legir til sigurs.
Það fór á annan veg því Ung-
verjar sigruðu 18-17 eftir æsi-
spennandi leik og munaði
minnstu að A-Þjóðverjum tækist
að jafna á síðustu sekúndunni. Þá
komst markvörður þeirra Wie-
land Schmidt inn af línunni og var
í dauðafæri en skot hans var var-
ið. Þessi úrslit gera það að verk-
um að liðin eru jöfn að stigum
auk þess sem Tékkar hafa einnig
sama stigafjölda. Markahlutfall
Ungverjanna er hins vegar best
og því leika þeir um 3. sætið,
Tékkamir leika um 5. sætið og
A-Þjóðverjar mæta íslendingum
um 7. sætið.
Þar sem Tékkar halda næstu
heimsmeistarakeppni gefur 7.
sætið þátttökurétt og því verður
leikurinn við A-Þjóðverja síðasta
von strákanna.
A-riðill
Alsír-Bandaríkin.................20-17
Island-Sovétríki n...............19-32
Júgóslavla-Svíþjóð...............25-21
Staðan
Sovétríkin......5 5 0 0 130-82 10
Júgóslavía......5 3 1 1 116-109 7
Svíþjóð.........5 3 0 2 106-91 6
fsland..........5 2 1 2 96-102 5
Alsír...........5 1 0 4 89-109 2
Bandaríkin......5 0 0 5 81-125 0
B-riðill
Tékkóslóvakfa-Japan..............21-17
Spánn-S-Kórea....................23-20
A-Þýskaland-Ungverjaland.........17-18
Staðan
S-Kórea........5 4 0 1 127-117 8
Ungverjaland...5 3 0 2 102-93 6
Tékkóslóvakía...5 3 0 2 109-103 6
A-Þýskaland.....5 3 0 2 109-100 6
Spánn..........5 2 0 3 101-106 4
Japan..........5 0 0 5 97-126 0
-þóm
einu landans. Þannig var staðan
8-16, 9-18,10-20,11-22 og 12-24.
Þá skoruðu Islendingar í fyrsta og
síðasta skipti í leiknum tvö mörk í
röð og þó að Sovétmenn hafi
slakað á í lokin urðu lokatölurnar
19-32, þrettán marka sigur
rússneska bjarnarins.
Erfitt er að finna einhverja pa-
dent lausn á vanda íslenska lands-
liðsins. Það hefur oft brugðið við
að Bogdan Kowalczyck hafi ekki
gert nægilegar breytingar á liði
sínu þegar illa gengur. Nú var
hins vegar allt reynt og fengu allir
leikmenn liðsins færi á að spreyta
sig.
Enginn náði sér á strik og kom-
ust þeir einfaldlega ekkert áfram
gegn besta handboltaliði heims.
Glöggt dæmi er að Alfreð, Krist-
ján og Sigurðarnir báðir misnot-
uðu allir vítaköst. Liðið skoraði
sjö mörk úr vítum en misnotaði
fjögur og lýsir það vel hörkunni í
vörn andstæðinganna.
Ljósir punktar
„Það eru ýmsir ljósir punktar
þarna inn á milli,“ varð Kjartani
Jóhannssyni eftirminnilega að
orði þegar flokkur hans beið af-
hroð í kosningunum 1983 og á
sama hátt má reyna að finna ein-
hverja ljósglætu við leik íslend-
inga. Guðmundur Guðmundsson
og Geir Sveinsson börðust eftir
mætti og gerðu hluti upp á eigin
spýtur en einstaklingsframtakið
virtist vera það eina sem mögu-
legt var hjá liðinu. Erfitt getur
verið að finna mikið fleiri ljósa
punkta.
íslenska landsliðið virðist hafa
misstigið sig einhvers staðar í
undirbúningi, og þá spilar sál-
fræðilega hliðin eflaust stóran
þátt. Nú geta strákarnir náð í
skottið á ærunni með því að sigra
A-Þjóðverja í síðasta leik sínum
og tryggja sér þannig farseðilinn
á HM í Tékkóslóvakíu 1990. Það
verður eflaust erfitt því ekki hafa
A-Þjóðverjar verið okkar auð-
veldustu andstæðingar í gegnum
tíðina.
En þó að íslenska þjóðin sé í
sárum vegna framgangs lands-
liðsins megum við ekki gleyma
hverjir fara verst út úr þessum
leikjum. Það eru að sjálfsögðu
leikmennirnir sjálfir, Bogdan og
allir viðkomandi. Þeim eru öllum
vorkunn.
Mörk íslands: Alfreð Gíslason 6/
3, Geir Sveinsson 3, Kristján
Arason 2/1, Sigurður Sveinsson
2/1, Sigurður Gunnarsson 2/2,
Guðmundur Guðmundsson 2,
Atli Hilmarsson 1, Þorgils Óttar
Mathiesen 1. Einar varði 6 og
Guðmundur 4.
-þóm
Seoul-frjálsar
Draumur Lewis
Carl Lewis nær ekki að vinna
sama afrek og hann gerði fyrir
fjórum árum þegar hann vann
fern gullverðlaun í Los Angeles.
Hann missti af gullinu í 200 metra
hlaupi og nær því í besta falli
þremur gullum og einu silfri.
Það var landi Lewis, Joe De-
loach sem sigraði í 200 m
hlaupinu á nýju Ólympíumeti,.
19,75 sekúndum. Lewis var.
skammt á eftir á 19,79 og Robson
Silva frá Brasilíu þriðji á 20,04.
Heimsmet Pietro Mennea frá ít-
alíu stendur því enn, en það er I
19,72 sek. 1
Önnur úrslit í frjálsíþrótta-
keppninni í gær voru þau að Serg-
ei Bubka sigraði í stangarstökki
með 5,90 metra en hann hóf ekki
keppni fyrr en í þeirri hæð! Þá
sigraði Steven Lewis, Bandaríkj-
unum, í 400 m hlaupi á frábærum
tíma, 43,87 sek., landi hans og
heimsmethafi Butch Reynolds
varð annar á 43,93 og þriðji Kan-
inn, Danny Everett varð þriðji á
44,09.
-þóm
Seoul
Verðlauna-
skipting
Sovétríkin 36-19-29
A-Þýskaland 29-22-21
Bandaríkin 19-20-18
V-Þýskaland 9-8-7
Ungverjaland 8-6-3
Búlgaría 7-7-6
Rúmenía 5-9-7
Bretland 4-7-6
Frakkland 4-3-4
Ítalía 4-3-3
Kína 3-9-9
S-Kórea 3-3-5
Ástralía 2-4-4
Tékkóslóvakía 2-2-0
Holland .....2-2-0
Noregur 2-2-0
Nýja Sjáland 2-1-7
Danmörk 2-1-1
Jógóslavía 2-0-2
Pólland 1-4-3
Japan 1-2-4
Finnland 1-1-2
Spánn 1-0-2
Kenýa 1-0-1
Marokko 1-0-1
Portúgal 1-0-0
Surinam 1-0-0
Tyrkland 1-0-0
Svíþjóð 0-3-4
Sviss 0-2-2
Kanada 0-1-3
Brasilía 0-1-3
CostaRica 0-1-0
Chile 0-1-0
Hollensku Antilleyjar 0-1-0
Senegal 0-1-0
Jómfrúreyjar 0-1-0
Belgía 0-0-1
Grikkland 0-0-1
Mexíkó 0-0-1
Carl Lewis vann langstökkið auðveldlega en tapaði 200 m hlaupinu.
Fótbolti
Tvö mörk
á mínútu
íslenska landsliðið skipað leik-
mönnum 21 árs og yngri tapaði í
gærkvöldi fyrir flnnska landslið-
inu í sama aldursflokki. Leikur-
inn er liður í Evrópukeppni U-21
landsliða og var háður í Oulu í
Finnlandi. Finnarnir voru mjög
heppnir með sigur en tvö mörk
þeirra á einni mínútu gerðu út-
slagið.
lslendingar byrjuðu mun betur
og náðu forystunni á 5. mínútu
með marki Baldurs Bjarnasonar.
Þeir héldu áfram að sækja en
tókst ekki að skora annað mark.
Á 20. mínútu leiksins skora Finn-
ar síðan tvö mörk í röð, svipað og
Rússarnir í handboltanum, og
setti það íslenska liðið út af
laginu.
í síðari hálfleik voru Finnar
jafnvel öllu betri aðilinn og lék
íslenska liðið langt undir getu.
Úrslitin því 2-1 fyrir heimamenn.
-þóm
Fótbolti
Danir sluppu með sigur
íslendingar töpuðunaumlega, 1-0, á Idrædtsparken
íslendingar voru nokkuð ó-
heppnir að tapa fyrir Dönum í
vináttulandsleik á Idrætsparken í
Kaupmannahöfn í gær. Danir
voru að vísu öllu meira með bolt-
ann en uppskáru aðeins eitt
hættulegt marktækifæri og
skoruðu sigurmark sitt úr því.
„Okkar menn léku ágætlega í
þessum leik og við erum nokkuð
ósáttir við úrsiitin enda þótt varla
sé hægt að vera óánægður með
eins marks tap í þessari Ijóna-
gryfju Dana,“ sagði Sigurður
Hannesson að leikslokum í spjalli
við Þjóðviljann.
Danir pressuðu mikið í byrjun
leiksins en íslenska vörnin var
föst fyrir og gaf Dönum ekki færi
á að skapa sér marktækifæri. Á
15. mínútu kom góð sending frá
hægri fyrir íslenska markið þar
sem Jan Bartram kom á fleygi-
ferð á fjærstöng og skoraði fram-
hjá Bjarna Sigurðssyni. Bjarni
fékk snert af mígreniskasti eftir
þetta og fór af leikvelli en í hans
stað kom Friðrik Friðriksson.
Eftir markið komu íslendingar
meira inn í leikinn og á 41. mín-
útu munaði minnstu að þeim tæk-
ist að skora. Sævar Jónsson tók
þá aukaspyrnu og lyfti boltanum
á Atla Eðvaldsson sem sendi á
Viðar Þorkelsson, en Viðar náði
að lyfta knettinum yfir mark-
vörðinn en markstöngin bjargaði
Dönum að sinni.
í síðari hálfleik var leikurinn
nokkuð jafn, Danirnir áfram
meira með boltann en vörn ís-
lendinga föst fyrir. Á 71. mínútu
mátti danski markvörðurinn síð-
an taka á honum stóra sínum þeg-
ar Guðmundur Torfason skaut
þrumuskoti af 30 metra færi að
markinu og náði sá danski að
bjarga í horn.
Ekki urðu frekari teljandi
marktækifæri í þessum leik, bæði
lið léku sterkan varnarleik og
gáfu lítið eftir. Vörn íslendinga
átti mjög góðan dag þrátt fyrir
eitt mark og Friðrik stóð vel fyrir
sínu eftir að hann kom inná á
óþægilegu augnabliki. Þá var Ás-
geir Sigurvinsson góður á miðj-
unni en erfitt er gera upp á milli
manna að öðru leyti.
Lið íslands var þannig skipað
að Bjarni byrjaði sem áður sagði f
markinu og Friðrik kom í hans
stað snemma í leiknum. Guðni,
Sævar og Atli léku í öftustu vöm
en Ólafur og Viðar á köntunum.
Á miðjunni voru síðan Gunnar,
Ómar og Ásgeir og Guðmundur
og Ragnar í sókninni. Viðar fór
útaf í leikhléi og kom Pétur Arn-
þórsson í hans stað, en lék á miðj-
unni og Gunnar fór út á kantinn.
-þóm
ÞJÓÐVILJINN — SÍÐA 11