Þjóðviljinn - 01.10.1988, Blaðsíða 1

Þjóðviljinn - 01.10.1988, Blaðsíða 1
Laugardagur 1. október 216. tölublað 53. árgangur Jafnrétti Stjórnvöld bersyndug Hluturkvenna ístjórnum, ráðum og nefndum á vegum ríkis, sveitarfé- faga og félagasamtaka eykst ekki. Sjávarútvegsráðuneytið botninn 88,8% þeirra sem hafa verið skipaöir eða kosnir í opinber ráð og nefndir 1987 eru karlar, en konur aðeins 11,2%. Breyting- arnar frá árinu 1985 eru ekki verulegri en svo að tilsvarandi tölur þá voru 89% á móti 11%. Þetta kemur fram í könnun Jafnréttisráðs á framkvæmd laga um jafna stöðu og jafnan rétt karla og kvenna, en umrædd lagagrein er frá árinu 1985 og er svohljóðandi: „Leitast skal við að hafa sem jafnasta tölu kynjanna í stjórnum, nefndum og ráðum á vegum ríkis, sveitarfélaga og fé- lagasamtaka, þar sem því verður við komið." í tilkynningu frá Jafnréttisráði segir að breytingarnir milli ára séu óverulegar og að raunar megi segja að kyrrstaða ríki í þessum efnum. Þá sé einnig ljóst að stjórnvöld virði umrædda laga- grein að vettugi. Sjávarútvegsráðuneytið stend- ur sig öðrum verr í þessum efnum og hefur ekki skipað konu í neina þá nefnd eða starfshóp sem það gerir út. Segir Jafnréttisráð að hefðbundin verkaskipting kynj- anna komi hér mjög skýrt fram, og sé konur helst að finna í þeim nefndum, stjórnum eða ráðum sem fáist við mjúku málin svo- kölluðu, s.s. uppeldis- og félags- mál, en karlarnir taki að sér efnahags- og atvinnumálin. Þrátt fyrir stóraukinn hlut kvenna á Alþingi hefur konum heldur fækkað hlutfallslega í nefndum kosnum af löggjafar- samkundunni. Árið 1986 voru konur 10% nefndarmanna, en árið 1987 var hlutur þeirra 9,7%. Meðal nágrannaþjóðanna hef- ur þessum málum verið komið í mun skárra horf en hér; hlutfall norskra og danskra kvenna í op- inberum ráðum og nefndum er nú um 31%, hjá Svíum er þetta hlutfall 21% og Finnum 14%. Könnun þessa vann Stefanía Traustadóttir, þjóðfélagsfræð- ingur, fyrir Jafnréttisráð. HS Stjórnarfylgið 65% fytai Tæplega helmingur stuðnings- manna Kvennalistans styður rík- isstjórn Steingríms Hermanns- sonar og enginn stuðningsmaður Alþýðubandalagsins reyndist á móti stjórninni í skoðanakönnun sem DV birti í gær. Mest andstaða innan stjórnar- flokkanna við ríkisstjórninna reyndist hjá krötum eða rúm 5% en tæplega fjórðungur krata hef- ur ekki gert upp hug sinn gagnvart stjórninni. Ríkisstjórnin nýtur fylgis rúm- lega 65% þjóðarinnar samkvæmt þessari skoðanakönnun, og þá kemur í ljós að allir stjórnarf- lokkarnir bæta örlitlu við sig mið- að við fyrri skoðanakannanir. Sjá síðu 3 Þjóðarsport Flóðhestaskák og ofurmót Albert Guðmundsson, Guð- mundur J. Guðmundsson og fleiri valinkunnir sómamenn öttu í gær kappi við Þröst Árnason, Evrópumeistara sveina, og var fjöltefli þetta liður í hinni vikul- öngu skákhátíð sem nú stendur yfir í Kringlunni. í dag verða fleiri flóðhestar í skákmenntinni leiddir til slátrun- ar; kl. 11 teflir Helgi Ólafsson blindskák við nokkra frétta- menn, þeirra á meðal Hall Halls- son og Pál Magnússon. En þessar tiltektir blikna hjá þeim tíðindum að nú er heimsmeistarinn sjálfur, Garrí Kasparov, kominn til landsins, en eftir helgi hefst • ægisterkt Heimsbikarmót Stöðvar tvö og taka þátt í því allir öflugustu stór- meistarar í heimi að einum unda- nskildum, Anatolí Karpov. Kasparov er 5. ríkjandi heimsmeistarinn í skák sem hing- að kemur. Hinir fjórir eru Aliekine, Tal, Spasskí og Fischer. HS Sovét Gorbatsjov styrkist í sessi Míkhaíl Gorbatsjov vann glæstan sigur á fjendum sínifm á miðstjórnarfundinum í gær. Helsti andstæðingur hans var lækkaður í tign og gerður óvirkur en félagar hans, velunnarar per- estrojku, hófust til æðstu met- orða. _____________________ Sjásíðu19 Sjómannsambandsþing Afar ótrygg framtíð ídag lýkurló. þingi Sjómannasambands íslands. Atvinnu- og kjaramál íbrennidepli auk bryggismála. Skipog bátar vanmannaðir samfara minni afla og meiri sókn. Öryggismálum ábótavant Sjómenn bera kvíðboga fyrir framtíðinni vegna minni afla upp úr sjó, versnandi afkomu og verri uppvaxtarskilyrða í sjónum en áður hefur verið. Auk þess hafa þeir miklar áhyggjur út af örygg- isrhálum sjómanna en 26 sjó- menn hafa farist við skyldustörf á 2 árum og 1987 urðu 530 bóta- skyld slys meðal þeirra. Um þetta og margt fleira hafa 60 þingfulltrúar á 16. þingi Sjó- mannasambands íslands rætt sín á meðal en þinginu lýkur í dag. Aðalmál þingsins hafa verið atvinnu- og kjaramál en fiskverð og þar á meðal laun sjómanna hafa aðeins hækkað um 6% á 17 mánaða tímabili á meðan viðmið- unarstéttirnar hafa fengið mun meiri hækkanir á sama tíma. Þeg- ar þeir héldu Sjómannadaginn hátíðlegan í 50. sinn í sumar hækkaði fiskverð til þeirra aðeins um tæp 5% þrátt fyrir að sam- kvæmt þáverandi bráðabirgða- lögum ættu allir launþegar sem þá áttu ósamið við sína viðsemj- endur að fá 10% launahækkun. Bann við frjálsum samningum hefur síðan gert þeim ókleift að ná inn mismuninum með kjara- samningum við útgerðarmenn. Samfara minni afla og aukinni sókn hefur borið á meiri van- mönnun um borð í flotanum en oft áður. Það hefur haft í för með sér fleiri slys samfara síauknu vinnuálagi. Dirfist menn að kvarta og bera fram mótmæli við skipstjórnar- og útgerðarmenn eru sjómenn hraktir í burt úr skipsplássinu með skömm en hin- ir þegja af ótta við að fara sömu leið. Sjá síðu 2 og 3 Byggt og búið Húsqaqna leikföng Húsgögnin fyrir yngstu börnin eru gerð með það fyrir augum að þau geti jafnframt verið leikföng; stólar, borð og skúffur eru til í stærðum fyrir börn allt niður í tveggja ára og fjölmargir mögu- leikar á samsetningu, uppröðun og frumlegu leikrými. Framangreind umsögn varð til eftir innlit í Barnasmiðjuna, en hún er eitt þeirra fyrirtækja þar sem barnahúsgögn er að hafa. í blaðinu í dag er vikið að ýms- um þáttum húsagerðar og hús- búnaðar; svipast um í Nýja Vest- urbæjarskólanum, hugað að ál- klæddum trégluggum og jónum í andrúmsloftinu, svo eitthvað sé nefnt. Sjásíður9til 16

x

Þjóðviljinn

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Þjóðviljinn
https://timarit.is/publication/257

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.