Þjóðviljinn - 07.10.1988, Blaðsíða 2
SKAÐI SKRIFAR
Aumingja
blessuð
ríkisstjórnin
Ég, Skaöi, hefi margt reynt og séð og þekki skaplyndi margra manna
eins og þeir Ódysseifur og Steingrímur Hermannsson en samt hlýt ég
að undrast ruglið og vitleysuna í fólkinu. Hún ríður ekki við hóflegan
einteyming heldur geysast fjórir ólmir hestar með hana yfir torfærur
mannsandans og stjórnmálanna.
Ég tek nú barasta dæmi af Guðjóni vini mínum og félaga í Sjálfstæð-
isflokknum, en saman höfum við Valhallar skyr lapið í meira en
fjörutíu ár. Ég hitti hann í gær og égspurði hann rétt si sona hvort hann
hygði ekki gott til að steypa þessum gæðasnauða þríhöfða þurs vin-
strimannastjórnar til andskotans svo sem Þorsteinn formaður vor
hvatti til í barátturæðu á dögunum.
Æ ég veit það ekki Skaði, sagði hann og var eitthvað flóttalegur á
svipinn fannst mér.
Veistu það ekki? hváði ég. Ertu kannski hræddur við þessa and-
skota? Ætlarðu bara að vera Guðjón bak við tjöldin?
Nei, það er nú hængurinn, sagði vinurminn Guðjón. Égerekkert
hræddur við stjórnina.
Og hvað er þá að? spurði ég
Ég er ekkert hræddur við þessa Dennajónaólafíu. Allt væri það í
lagi. En mér finnst éggeti ekki varið það fyrir minni kristilegu sam-
visku að vera vondur við kerlingarhróið.
Kerlingarhróið?
Skaði minn. Stjórnin á bágt. Það eru allir á móti henni.
Betur að satt væri Guðjón, sagði ég. Og hverjir eru þessir allir?
Það er nú Sjálfstæðisflokkurinn okkar, sagði Guðjón.
Þó nú væri, sagði ég. Og samt er í honum alltof mikið af lötum
mönnum og værukærum sem aldrei skilj a hverj um hin rauða klukka
glymur.
Svo er það Kvennalistinn.
Ég er nú eins og Páll postuli, sagði ég. Ég tel kvenmenn ekki með á
málþingi.
Og Albert og hans menn
Ojæja, sagði ég. Maður veit það aldrei. Er Hafskipsokkiðeða marir
þaðíhálfukafi?
Frystihúsin eru á móti stjórninni og segja að hún styðji þau eins og
gálgi hengdan mann.
Guðjón minn, það hefur aldrei verið til hamingjusamur útgerðar-
maðurá íslandi.
Iðnaðurinn er á móti stjórninni, sagði Guðjón.
Iss, hver hlustar á þær upplituðu ullarbrækur? spurði ég.
Sparifjáreiegendur eru á móti stjórninni, sagði Guðjón.
Ojæja, sagði ég. Ekki á ég von á, að þeir ráðist upp á Orminn langa
með verðbréf að vopni.
Verklýðshreyfingin er á móti stjórninni, sagði hann. ASÍ og BSRB
og þeir allir.
Þeir eru nú aðallega upp á móti sjálfum sér, sagði ég.
Æskulýðsfylkingin kommanna sjálfra er á móti stjórninni.
Jáen hippakynslóðin þeirra er með henni, sagði ég. Þetta éturhvað
annað upp.
Flokkur mannsins er á móti stjórninni, hélt Guðjón áfram af óbi-
fandi þrautseigju.
Guðjón minn, sagði ég. Hvurslags rugl er þetta íþér? Sástu ekki
skoðanakönnun um daginn þar sem sagði að 65 prósent kjósenda
styddu þetta stjórnarafstyrmi?
Já en það er ekkert að marka, Skaði, sagði Guðjón. Það eru svo
miklu færri sem styðja stjórnarflokkana. Fólkið er ekki með stjórninni
heldur með valdhöfunum, sem við Sjálfstæðismenn höfum kennt því
aðelska og virða.
Nei, hélt hann áfram. Ég fer ekki ofan af því, að ég verð að standa
með stjórninni vegna þess að enginn annar gerir það. Hún á það inni
hjá mér hún langamma mín.
Langamma þín? hváði ég.
Já. Hún fór einu sinni til kirkiu og presturinn var eitthvað að hamast
út í djöfulinn í sinni prédíkun. A eftir kom gamla konan til hans og
sagði si sona:
Ekki skil ég, séra minn, hvernig þú getur fengið þig til þess að vera
svona vondur við andskotann. Þetta er nú aumingi sem á engan að.
#
í RÓSA-
I GARÐINUM
Traustir skulu
hornsteinar
Hann (Halldór Blöndal alþing-
ismaður) sagði að ef Sjálfstæðis-
flokkurinn og Alþýðuflokkurinn
ættu að geta unnið saman yrði
Alþýðuflokkurinn að fá ráðningu
fyrir hegðun sína allt frá 1978.
Morgunblaðið
Af félagslegri
dýrafræ&i
- En ef ég vík aftur að Félags-
vísindadeildinni. Verður þú þar
refur í hænsnakofa?
- Ég held það sé öllum gagn-
legt að fjölbreytni í skoðunum sé
til íháskólanum.
Viðtal við Hannes Hólmstein
Gissurarson í DV
Gegn streitumyndun
Nú gerist það nokkurn veginn
samtímis að stjórnarmyndunar-
keppninni er lokið og ólympíu-
leikarnir í Kóreu eru að fj ara út.
Þá mætti að skaðlausu verða hlé á
spennandi fréttaflutningi af
íþrótta- og stjórnmálagörpum.
Tíminn
Hinskelfilega
vöntun
Öfgarnir í sjónvarpinu eru
"hreint ekki nægilegir. Það er alls
ekki nóg af virkilega lélegu efni í
dagskránni.
DV
Hnignun hjákonunnar
fögru
Benda Borgaraflokksmenn á
að lítilmótleg framkoma þeirra
sem Ieiddu stjórnarmyndunar-
viðræðurnar í garð Alberts Guð-
mundssonar... hafi í raun sýnt
fram á að verið væri að nota
Borgaraflokkinn sem ónýta vöru
í hrossakaupum hinna flokkanna
- vöru sem aldrei hafði staðið til
að nota.
Morgunblaðlð
Brauð har&nar
meðaldri
Af ofangreindu má ætla að
stjórn Steingríms Hermanns-
sonar hefji lífdaga sína á mjög
óstöðugum brauðfótum.
Morgunblaðið
Leggur drottinn
líkn með þraut
Hefðu hvorki Ólympíuleikar
eða hörð stjórnmálaátök komið
til, er hætt við að deilurnar í Frí-
kirkjusöfnuðinum hefðu verið
eitt helsta umræðuefnið nú á
haustdögum.
Víkverji Morgunblaðsins
Ekki er allt sem sýnist
Síðustu misserin virðast þeir
Þórður Friðjónsson og Ólafur ís-
leifsson hafa verið helstu efna-
hagsráðunautar ríkisstjórnarinn-
ar.
Morgunblaðið
Eitt eilífðar skákmót...
Kortsnoj tefldi við látinn stór-
meistara.
2 SfÐA - NYTT HELGARBLAÐ Föstudagur 7. október 1988
Fyrirsögn í Timanum