Þjóðviljinn - 13.10.1988, Blaðsíða 3
FRÉTTIR
Utanríkismálanefnd
Uppreisn í Framsókn
Páll Pétursson þingflokksformaður felldur í kosningu þing-
flokks umformannsstöðu í utanríkisnefnd. Nato-sinnar
fengu sinn mann inn
Uppgjör varð í þingflokki
Framsóknarflokksins þegar
kosið var á milli þeirra Páls Pét-
urssonar þingflokksformanns og
Jóhanns Einvarðssonar þing-
manns flokksins á Reykjanesi,
um hvor þeirra ætti að taka sæti
flokksins í utanríkisnefnd og um
leið formennsku í nefndinni.
Framkvæmdaráð þingflokks-
ins sem þeir Páll, Jóhann og Val-
gerður Sverrisdóttir eiga sæti í
klofnaði um val fulltrúa í nefnd-
ina og var því kosið á milli Páls og
Jóhanns í þingflokknum. Páll
þingflokksformaður fékk 6 at-
kvæði en Jóhann Einvarðsson 7
atkvæði, og þar með formanns-
sætið í nefndinni.
Þessi kosning í þingflokknum
var hreint uppgjör á milli hægri
og vinstri sinna í þingflokknum.
Hægra liðið brást illa við þegar
sýnt þótti að Páll sem hefur verið
til vinstri í utanríkismálum, yrði
hugsanlega næsti formaður utan-
ríkisnefndar. Því var lagt hart að
Jóhanni að gefa kost á sér í emb-
ættið, en Jóhann hefur verið
dyggur NATÓ-sinni og á m.a.
sæti í þingmannanefnd NATÓ.
Þetta er í annað sinn á fáum
árum sem Framsóknarflokkurinn
útilokar kjarnorkuvopna- og her-
stöðvaandstæðinga innan þing-
flokksins frá formennsku í utan-
ríkisnefnd, en fyrir fáum árum
var komið í veg fyrir að Haraldur
Ólafsson, þáverandi þingmaður
flokksins, fengi að setjast í for-
mannsstól utanríkisnefndar.
Alþýðubandalagið
Tímamót í þingflokki
Margrét Frímannsdóttir fyrsta konan sem er þingflokksformaður að
Kvennalista frátöldum
Margrét Frímannsdóttir var
kosin þingflokksformaður
Alþýðubandalagsins í gær. Hún
er fyrsta konan sem gegnir þessu
starfi fyrir flokkinn en hún tekur
við af Steingrími J. Sigfússyni
samgöngu- og landbúnaðarráð-
herra. Þetta er líka í fyrsta skipti
sem kona verður þingflokksfor-
maður að Kvennalista frátöldum.
Margrét segist hlakka til að tak-
ast á við þetta nýja verkefni og
hún ætti von á góðu samstarfi eins
og alltaf hafi verið í þingflokki
Alþýðubandalagsins.
Margrét sagði blaðamanni
Þjóðviljans að það ætti eftir að
skipuleggja þá vinnu sem fram-
undan væri. Einhver breyting
fylgi því alltaf þegar nýtt fólk tæki
við og staða þingflokks væri
önnur í stjórn en stjórnarand-
stöðu. Steingrímur J. Sigfússon
hefði skipulagt starf þingflokks-
ins vel og hún gæti vel hugsað sér
að halda áfram á sömu braut.
Eftir að búið er að skipa í allar
stöður og nefndir þingsins sagðist
Margrét ekki vera ánægð með
niðurstöðuna. Það hefði komið
best út fyrir Alþýðubandalagið
að fá formennsku í fjárveitinga-
nefnd og hún væri dálítið hissa á
ofuráherslu Alþýðuflokksins á að
fá þá stöðu. Það hljóti að há Sig-
hvati Björgvinssyni formanni
nefndarinnar að vera ekki úr
sama flokki og fjármálaráðherra.
Fulltrúi Alþýðubandalagsins
hljóti að hafa þar mikið vægi.
Hún gerði sér grein fyrir því að
þingflokksformannsstaðan væri
að einhverju leyti í staðinn fyrir
formannsstöðuna í fjárveitinga-
nefnd. Það sem væri ánægju-
legast í öllu þessu plotti væri að
Guðrún Helgadóttir skyldi kjörin
forseti sameinaðs þings.
Að sögn Margrétar mun end-
anleg niðurstaöa skiptingar emb-
ætta ekki hafa áhrif á samstarf
stjórnarflokkanna. Hún hefði þó
orðið vör við óánægju hjá Al-
þýðuflokki og Framsóknarflokki
þegar hennar nafn var ennþá til
umræðu varðandi formann fjár-
veitinganefndar. -hmp
Þingkonur Alþýðubandalagsins.
Margrét þingflokksformaður og
Guðrún forseti Sameinaðs þings.
Herstöðva-
andstœðingar
NATÓ
r
i
40 ár
Landsráðstefna Samtaka
herstöðvaandstœðinga á
laugardaginn. Styttistí
fertugsafmœli NA TÓ-
aðildar
I mars á næsta ári verða 40 ár
liðin frá því ísland lét af hlutleysi
og gekk í NATÓ, og á landsráð-
stefnu Samtaka herstöðvaand-
stæðinga á laugardaginn verða
meðal annars lögð drög að því
hvernig minnast megi þessara
tímamóta eins og vert er og rædd-
ar hugmyndir sem þegar hafa
komið fram í því sambandi.
Ráðstefnan hefst að morgni,
en eftir hádegið heldur Tómas Jó-
hannesson, eðlisfræðingur, erindi
sem hann nefnir: Hætta á
geislamengun sjávar og kjarn-
orkuvetur. Ingibjörg Haralds-
dóttir, formaður samtakanna,
sagði í spjalli við blaðið að brýnt
væri að fá hlutlausa úttekt á þessu
máli, og því væri fengur að erindi
Tómasar, en það er öllum opið.
Ingibjörg kvað brýnt að halda
herstöðvamálinu gangandi núna,
og sagði að friðarhreyfingar í
Vestur-Evrópu hefðu undanfarin
misseri lagt æ meiri áherslu á bar-
áttuna gegn herstöðvum, og eru
margvíslegar aðgerðir fyrirhug-
aðar í aðildarlöndunum næstu
mánuði vegna íhöndfarandi af-
mælis hernaðarbandalagsins.
Landsráðstefnan verður haldin
að Hverfisgötu 105 í Reykjavík á
laugardaginn, og um kvöldið
verður opið hús með hljómlist og
öðrum uppákomum.
HS
Spariskírteini
Raunvaxta-
lækkun
Raunvextir lœkka um
0.7% á þriggja ára
skírteinum. Olafur
Ragnar Grímsson
fjármálaráðherra:
Liðurí3% lækkun
raunvaxta sem stefnt
er að
Samkomulag hefur tekist á
milli ríkissjóðs og söluaðila spar-
iskírteina um lækkun raunvaxta
spariskírteina um allt að 0,7%.
Þessi lækkun kemur í framhaldi
af lækkun vaxta í bankakerfinu
og er að sögn fjármálaráðherra
liður í 3% lækkun raunvaxta á
næstu mánuðum, samkvæmt
stefnu stjórnvalda.
Það eru vextir á 3ja ára skír-
teinum sem lækka mest eða um
8% í 7,3%. Sala á þessum skír-
teinum hefur verið góð að undan-
fömu og framboð 3ja ára bréf-
anna verður takmarkað á næst-
unni. Ríkissjóður mun bjóða
rúmlega 300 miljónir til viðbótar
af þessum skírteinum fram til ára-
móta, en þau verða ekki til sölu á
næsta ári.
Vextir á 5 ára skírteinunum
lækka úr 7,5% í 7,3% en vextir á
8 ára skírteinum haldast óbreyttir
í 7%. Þá lækkar raunávöxtun
bankabréfa og annarra hlið-
stæðra bréfa til samræmis við
lækkun vaxta spariskírteina ríkis-
sjóðs.
Frá stjórnarfundinum í gær. Fyrir borðsendanum til vinstri situr formaður stjórnarinnar, Gunnar Hilmarsson sveitarstjóri á Raufarhöfn.
Mynd-Jim Smart.
Atvinnutryggingarsjóður
Starfsreglur að fæðast
Fyrstistjórnarfundur Atvinnutryggingarsjóðs útflutningsgreina hald-
inn í gœr. Reglugerð fyrir starfshœtti tilbúin fyrir vikulok
Stjórn Atvinnutryggingarsjóðs
útflutningsgreina kom saman
til síns fyrsta fundar í gær, en
sjóðurinn sem stofnaður var sam-
kvæmt samkomulagi stjórnar-
flokkanna, hefur fengið aðsetur í
Byggðastofnun.
A fundinum í gær var farið yfir
drög að reglugerð fyrir sjóðinn en
hún mun væntanlega verða kynnt
opinberlega fyrir lok þessarar
viku. í bráðabirgðalögum stjórn-
arinnar er sjóðnum tryggður einn
miljarður og heimild til lántöku
uppá annan miljarð og til skuld-
breytinga uppá 5 miljarða.
Formaður sjóðsstjórnar til-
nefndur af forsætisráðherra er
Gunnar Hilmarsson sveitarstjóri
á Raufarhöfn. Hann er flokks-
bróðir Stefáns Valgeirssonar.
Varamaður hans er Gunnlaugur
Sigurmundsson.
Aðrir stjórnarmenn eru: Jó-
hann Antonsson viðskiptafræð-
ingur á Dalvík tilnefndur af fjár-
málaráðherra og varamaður hans
Már Guðmundsson hagfræðing-
ur. Bjöm Björnsson bankastjóri,
tilnefndur af iðnaðarráðherra og
Ingjaldur Hannibalsson fram-
kvæmdastjóri varamaður hans.
Pétur Sigurðsson forseti Alþýðu-
sambands Vesturlands er til-
nefndur í stjórnina af viðskiptar-
áðherra og varamaður hans er
Reynir Ólafsson viðskiptafræð-
ingur. Þá tilnefndi sjávarútvegs-
ráðherra Kristján Skarphéðins-
son deildarstjóra í ráðuneytinu í
stjórnina en varamaður hans er
Arndís Steinþórsdóttir deildar-
stjóri í sama ráðuneyti.
Fimmtudagur 13. október 1988 ÞJÓÐVILJINN - SÍÐA 3