Þjóðviljinn - 15.10.1988, Blaðsíða 13
__________MINNING_________
Sólveig Böðvarsdóttir
F. 27. 06. 1908 - D. 09. 10. 1988
Á mánudag er til moldar borin
móðuramma okkar, Sólveig
Böðvarsdóttir.
Pað er svo skrítið til þess að
hugsa, að samverustundirnar
verði ekki fleiri, að nú er hún
horfín sjónum okkar fyrir fullt og
allt í þessu lífi.
Við höldum fast í allar góðu
minningarnar sem við eigum um
elsku Sólveigu ömmu, því þær
getur ekkert tekið frá okkur.
Amma fæddist sumarið 1908,
þann 27. júní. Hún var frumburð-
ur foreldra sinna, Böðvars Mar-
teinssonar bónda á Hrútsstöðum,
Laxárdal í Dalasýslu, og Guð-
bjargar Jónsdóttur. Þau hjónin
eignuðust alls fjögur börn. Næst-
ur á eftir Sólveigu ömmu í
systkinaröðinni var Árni, því
næst Hallfríður Marta og Magn-
ús, nú bóndi á Hrútsstöðum,
yngstur. Fóstursonur þeirra var
Kristinn Sigurjónsson.
Tvö elstu systkinin voru sér-
staklega samrýmd og því var
ömmu mikið áfall er Árni lést af
slysförum, aðeins tuttugu ára
gamall. Þetta varð fyrsta stóra
áfallið í lífi hennar en þau áttu
víst eftir að verða fleiri á langri
ævi. Það vakti oft furðu okkar
hve gott andlegt jafnvægi, var
áberandi í fari ömmu. Slík var
sálarró hennar að ekki verður
komist hjá því að hugsa til þess
hvað sá kostur er sjaldgæfur í fari
fólks í nútímaþjóðfélagi.
Það var einmitt þessi eiginleiki
ömmu sem hjálpaði henni að yfir-
stíga þá erfiðleika sem að steðj-
uðu og halda jákvæðu viðhorfi
sínu til lífsins þrátt fyrir mótbár-
ur.
Rúmlega tvítug stundaði Sól-
veig amma húsmæðranám á Stað-
arfelli. Það var án efa ánægjuleg
lífsreynsla fyrir unga konu á þeim
tíma. Þar eignaðist hún góðar
vinkonur.
Þann 26. júní 1937 gengu Sól-
veig Böðvarsdóttir og Stefán
Agnar Hjartarson, Saurbæ,
Dalasýslu í hjónaband. Þau hófu
búskap í Hjarðarholti í Dölum og
þar leit þeirra fyrsta barn dagsins
ljós, drengur skírður Árni. Hann
er nú kennari í Kópavogi, kvænt-
ur Guðrúnu Höllu Guðmunds-
dóttur. Síðar fluttust þau amma
og afi norður í Bæ í Hrútafírði,
þar sem þeim fæddist annar
sonur, Sigurður Hjörtur, einnig
kennari síðar.
Árið 1946 neyddist fjölskyldan
til að flytjast suður í Kópavog,
vegna veikinda Stefáns afa. Með
þeim flutti Sigurlín Benedikts-
dóttir móðir Stefáns, hún dvald-
ist hjá þeim allt til ársins 1962.
Yngsta barn afa og ömmu fæddist
í Kópavoginum, dóttirin Ingunn
Erna myndmenntakennari, gift
Þorgeiri Loga Árnasyni.
Á Kársnesinu í Kópavoginum
átti fjölskyldan ánægjulegar
stundir, en ekki var átakalaust að
flytja úr sveitinni.
Nokkrum árum síðar fluttist
frá Hrútsstöðum systir ömmu,
Hallfríður ásamt fjölskyldu sinni,
einnig í Kópavoginn. Þær syst-
urnar héldu nánu sambandi alla
tíð.
Eftir erfiða sjúkralegu lést
Stefán afi, 43 ára að aldri. Sólveig
amma lét ekki bugast við stórt
áfall. í nýjum heimkynnum, við
nýjar aðstæður fór amma út á
vinnumarkaðinn. Ekki var um
annað að ræða en verkakvenna
störf. Með því að vinna hörðum
höndum kom hún börnum sínum
þremur til mennta.
Árið 1975 lést yngri sonur
ömmu, Sigurður, af slysförum.
Fyrir eiginkonu, Sigríði Kristins-
dóttur, dætur, móður og systkini
var þetta mikill missir og enn
þurfti að reyna á andlegan styrk
Sólveigar ömmu.
Við barnabörn Sólveigar erum
nú sjö að tölu, en langömmu-
börnin orðin fjögur. Við fengum
ekki að vera ömmu jafnlangt
samferða á lífsleiðinni og
systkyni hennar og börn. Þrátt
fyrir það eigum við svo margar
góðar minningar tengdar henni,
að óþrjótandi virðast upp að
teija.
Ég, undirrituð, man glöggt
eftir yndislegu heimili hennar á
Kársnesbrautinni. Alltaf var þar
tekið á móti mér opnum örmum.
Garðurinn í kringum húsið var
skemmtilegt leiksvæði fyrir okk-
ur krakkana, en mest spennandi
var að fara út að steininum sem
amma var vön að gefa Krumma
matarafganga á. Þess þurfti þá
ekki lengi að bíða, að fuglinn
gætti að steininum, enda löngu
sannað að amma brást ekki með
góðgætið.
Amma hafði mikið yndi af því
að ferðast, hún kunni sérstaklega
vel að meta náttúru íslands. Hún
fór í ótal ferðir um fjöll og firn-
indi, með vinum, ættingjum eða í
skipulagðar hópferðir. Barna-
börnin fengu þá að fljóta með og
eru þessar ferðir okkur sérstak-
lega minnisstæðar.
Árið 1977 flutti amma í minni
hýbýli, þó ekki langa vegalengd,
eða í Fannaborg í Kópavogi. Þá
varð hún að sjá af garðinum sín-
um, en fljótlega fékk hún lítið
gróðurhús á nýju svalirnar. Það
var henni lífsnauðsynlegt að hafa
gróður í nálægð.
Amma var verkakona allt til 75
ára aldurs. Hún var óvenju já-
kvæð kona, sjálfstæð og víðsýn.
Hún hafði sínar ákveðnu skoðan-
ir á hlutunum en útilokaði þó
ekki annarra. Kímnigáfan var
henni líka í blóð borin.
Kannski virðist það ótrúlegt,
en staðreyndin er sú að við eigum
aðeins góðar minningar um Sól-
veigu, ömmu okkar. Það var
alltaf hlýju að fínna hjá henni.
Hún var lítillát og mjög óeigin-
gjörn.
Við erum þakklát fyrir að hafa
fengið að kynnast svo einstakri
manneskju. Það er svo skrítið að
hún skuli vera horfin. Mikilvægt
er að amma skildi sátt við þetta
líf, tilbúin fyrir það sem koma
skyldi. í söknuði okkar er hennar
trú stærsta huggunin.
Við þökkum elsku Sólveigu
ömmu samfylgdina.
Fyrir hönd systkinanna Stefáns
Árnaog Auðar Rúnar.
Hallfríður Sólveig Þorgeirsdóttir
||| DAGVI8T BARIVA
Forstöðumaður
Staða forstöðumanns á skóladagheimilinu Völv-
ukotierlaustil umsóknar. Fóstrumenntunáskilin.
Upplýsingar gefur framkvæmdastjóri Dagvistar
barna í síma 27277.
IS! DAGVIST BARNA
t|f ------------------
Umsjónarfóstra
Starf umsjónarfóstru með daggæslu á einka-
heimilum er laust til umsóknar. Staðan veitist frá
1. janúar 1989.
Upplýsingar gefur framkvæmdastjóri Dagvistar
barna í síma 27277.
Akraneskaupstaður
- Grundaskóli
Kennara vantar nú þegar til forfallakennslu í
Grundaskóla á Akranesi. Um er að ræða kennslu
yngri barna.
Upplýsingar veita Guðbjartur Hannesson skóla-
stjóri í vinnusíma 93-12811 og heimasíma 93-
12723 og Ólína Jónsdóttir yfirkennari í vinnusíma
93-12811 og heimasíma 93-11408.
Móðir okkar, tengdamóðir, systir og amma
Sólveig Böðvarsdóttir
Fannborg 7
Kópavogi
verður jarðsungin frá Fossvogskirkju mánudaginn 17. okt-
óber kl. 13.30.
Árni Stefánsson Guðrún Halla Guðmundsdóttir
Ingunn Erna Stefánsdóttir Þorgeir Logi Árnason
Hallfríður M. Böðvarsdóttir Magnús Böðvarsson
barnabörn og barnabarnabörn
Unglingafulltrúi
Laus er staða unglingafulltrúa við Félagsmála-
stofnun Kópavogs.
Unglingafulltrúi hefur faglega umsjón með starfi
útideildarog félagsmiðstöðva unglinga, sinnir af-
brotamálum unglinga og annast ráðgjöf til ung-
linga og fjölskyldna þeirra.
Háskólamenntun á félags-, sálar- eða uppeldis-
sviði er áskilin.
Umsóknarfrestur er til 26. október. Umsóknar-
eyðublöð liggja frammi á Félagsmálastofnun
Kópavogs Digranesvegi 12.
Nánari upplýsingar veitir unglingafulltrúi og
undirritaður í síma 45700.
Félagsmálastjóri
||j PAGVIST BARIVA
Fóstrur, þroskaþjálfar,
áhugasamt starfsfólk!
Dagvist barna, Reykjavík, óskar eftir starfs-
fólki í gefandi störf á góðum vinnustöðum.
Til greina koma hlutastörf bæði fyrir og eftir há-
degi. Upplýsingarveitaforstöðumenn eftirtalinna
dagvistarheimila og skrifstofa Dagvistar barna,
sími 27277.
VESTURBÆR - MIÐBÆR
Drafnarborg v/Drafnarstíg s. 23727
Ægisborg Ægisíðu 104 s. 14810
AUSTURBÆR
Nóaborg Stangarholti 11 s. 29595
BREIÐHOLT
Bakkaborg v/Blöndubakka s. 71240
Suðurborg v/Suðurhóla s. 73023
Atvinnutryggingasjóður
útflutningsgreina
Auglýsir eftir:
Lánsumsóknum
Um er að ræða:
A. Lán vegna skuldbreytinga útflutningsfyrir-
tækja.
B. Lán v/hagræðingar, framleiðniaukningar og
endurskipulagningar útflutningsfyrirtækja.
Þeim fyrirtækjum sem óska eftir lánum hjá sjóðn-
um er bent á að snúa sér til hans og fá sendar
nauðsynlegar upplýsingar um þessi lán.
Athygli skal vakin á því að aðeins þau fyrirtæki
koma til greina sem hafa framleitt vörur til útflutn-
ings og útflutningsverðmæti árið 1987 hafi ekki
verið undir 10 milljónum króna.
Þar sem málefni fiskeldis og loðdýrabænda eru
nú til athugunar hjá öðrum aðilum koma þeir ekki
til álita með lánveitingu á þessu ári.
Heimilisfang sjóðsins er:
Rauðarárstígur 25, 105 Reykjavík
Sími 91-25133
Stjórn sjóðsins
ÞJÓÐVILJINN - SÍÐA 13