Þjóðviljinn - 18.10.1988, Blaðsíða 8
/ ÍÞRÓTTIR
Seoul y
Glæsilegur árangur Islendinga
íslendingar byrja vel á Ólympíuleikumfatlaðra. Haukur vann gull og Ólafur brons
Ólympíuleikar fatlaðra eru nú
hafnir í Seoul í S-Kóreu og byrja
íslensku keppendumir svo sann-
arlega vel á þeim slóðum. Haukur
Gunnarsson vann gullverðlaun í
100 metra hlaupi og Ólafur
Eiríksson vann brons í 400 metra
skriðsundi.
Haukur þríbætti Ólympíu-
metið í 100 metra hlaupinu.
Hann hljóp fyrst á 13,05 sek. í
undanrásum, þá á 12,90 í undan-
úrslitum og síðan hljóp hann á
12,88 sek. í úrslitahlaupinu.
Hann sýndi einstakt keppnisskap
í úrslitahlaupinu, en eftir lélegt
start hljóp hann alla keppend-
urna uppi og sigraði glæsilega.
Ólafur Eiríksson setti íslands-
met í sínum flokki í 400 metra
skriðsundi þegar hann varð þriðji
og hampaði bronsverðlaunum
fyrir vikið. Hann synti vega-
lengdina á 5.00,02 mínútum en
var ekki sá eini sem setti ísland-
smet. Jónas Óskarsson setti ís-
landsmet í sínum flokki í 400
metra skriðsundi, synti á 5.32,50
mín. en hann komst ekki í úrslit.
Þá varð Lilja Snorradóttir fjórða
í 400 metra skriðsundi, skammt á
eftir þeim sem unnu til verð-
launa.
Reynir Kristófersson keppti í
spjótkasti og varð sjötti og sömu
sögu er að segja af Arnari Klem-
enssyni í 800 metra hjólastóla-
akstri. Af þessum afrekum má sjá
að íslendingarnir pluma sig sér-
staklega vel á leikunum og mættu
ýmsir íþróttamenn líta upp til
þeirra.
-þóm
HaukurGunnarsson fagnaði gullverðlaunum sínum í 100 metra hlaupi I gær. Hann er einnig til alls llklegurí 200 og 400 metrum.
Þrjár framlengingar á Króknum
Haukar lentu í mesta basli með Tindastól en önnur úrslit samkvœmt bókinni
Fjórir leikir voru í Úrvalsdeild
körfuknattleiksins á sunnudag.
Þá hafa öll lið leikið fjóra leiki, og
fyrsta umferð af sex er þá lokið.
Tvö lið komast úr hvorum riðli i
úrslitakeppnina og eru Njarðvík-
og Valur í þessum sætum í A-riðli
en Keflavík og KR í B-riðli. ís-
Staðan
A-riðill
Njarðvík.......4 4 0 364-275 8
Valur..........4 3 1 383-289 6
Grindavík.....4 2 2 361-302 4
Þór............4 1 3 325-407 2
ÍS ............4 0 4 247-407 0
B-riðill
Keflavík........4 4 0 346-292 8
KR..............4 3 1 291-290 6
Haukar..........4 2 2 375-361 4
ÍR..............4 1 3 275-300 2
Tindastóll.....4 0 4 343-387 0
Stigahæstir
Valur Ingimundarson, Tindas.146
Tómas Holton, Val...........106
Guðmundur Bragason, Grindav. 104
Pálmar Sigurðsson, Haukum 95
landsmeistarar Hauka hafa tapað
tveimur leikjum og nú um helgina
lentu þeir í ótrúlegu basli með ný-
liða Tindastóls, með Val Ingi-
mundarson í broddi fylkingar.
A-riðill
ÍS-Njarðvík..........54-101
Það þarf varla að taka það fram
hvflíkir yfirburðir voru þarna á
ferð og er greinilegt að lið Stúd-
enta er ekki líklegt til afreka í
vetur. Njarðvík hafði forystu allt
frá fyrstu mínútu og var leikurinn
ekki sérlega skemmtilegur fyrir
hina örfáu áhorfendur.
Friðrik Rúnarsson skoraði
flest stig njarðvíkinga, 23, en
Teitur Órlygsson skoraði 17,
Helgi Rafnsson 13, ísak Tómas-
son 11, Ellert Magnússon 10,
Friðrik Ragnarsson 10, Gunnar
Örlygsson 7, Agnar Ólsen 4, Al-
exander Ragnarsson 4 og
Hreiðar Hreiðarsson 2.
Hjá Stúdentum var Páll Arnar
skástur og skoraði hann 12 stig.
Þorsteinn Guðmundsson skoraði
11, Jón Júlíusson 9, Ágúst Jó-
hannesson 6, Hafþór Óskarsson
6, Bjami Harðar 4, Héðinn
Gunnarsson 2, Sólmundur Jóns-
son 2, Valdimar Guðlaugsson 2.
Þór-Valur............92-106
Valsmenn þurftu að hafa fyrir
sigri sínum á Þór og höfðu heima-
menn forystu í leikhléi, 56-54.
Þórsarar héldu forystunni fyrstu
mínúturnar í síðari hálfleik en
Valsmenn unnu það upp og sigr-
uðu síðan með nokkrum mun,
92-106.
Tómas Holton var stigahæstur
Valsmanna með 31 stig en Matt-
hías Matthíasson skoraði 25 stig
og Einar Ólafsson 20. Þá gerði
Bárður Eyþórsson 13 stig, Þor-
valdur Geirsson 8, Hreinn Þor-
kelsson 6, Ragnar Jónsson 2 og
Hannes Haraldsson 1.
í liði Þórs var Guðmundur
Björnsson mjög sterkur og
skoraði 31 stig. Björn Sveinsson
skoraði 21 stig, Konráð Óskars-
son 16, Eiríkur Sigurðsson 10, Jó-
hann Sigurðsson 9 og Kristján
Rafnsson 5.
B-riðill
Tindastóll-Haukar 134-141
Tindastóll leikur betur með
hverjum leik og á liðið vafalaust
eftir að hirða stig af einhverjum
stærri spámannanna. Haukar
þurftu þrjár framlengingar til að
knýja fram sigur og má segja að
reynslan hafi sigrað nýliðana í
þessum leik.
Heimamenn hófu leikinn af
miklum krafti og höfðu forystu
nær allan fyrri hálfleik. Haukar
náðu þó að komast yfir skömmu
fyrir leikhlé og var staðan í hálf-
leik 60-57. Það voru síðan
Sauðkrækingar sem höfðu for-
ystu undir lok leiksins, en Pálmar
Sigurðsson jafnaði með þriggja
stiga körfu, 106-106.
I fyrstu framlengingu jafnaði
Pálmar aftur 118-118 og í annarri
voru heimamenn einu sinni enn
með frumkvæðið en Haukum
tókst að jafna, 127-127. í síðustu
framlengingunni sprungu
Sauðkrækingar síðan á limminu
og Haukar sigruðu með sjö stiga
mun, 134-141.
Pálmar Sigurðsson var lang
stigahæstur Haukanna með 43
stig. H'enning Henningsson
skoraði 25, Ingimar Jónsson 16,
Reynir Kristjánsson 16, Jón Arn-
ar Ingvarsson 13, Ólafur Rafns-
son 9, fvar Ásgrímsson 9, Tryggvi
Jónsson 6, Eyþór Árnason 2 og
Hálfdán Markússon 2.
Valur Ingimundarson skoraði
flest stig Tindastóls, 53. Eyjólfur
Sverrisson er greinilega að kom-
ast í form eftir knattspyrnuvertíð-
ina og skoraði hann 32 stig þrátt
fyrir að hafa horfið af leikvelli í
síðari hálfleik. Björn Sigtryggs-
son skoraði 12, Kári Maríusson
12, Sverrir Sverrisson 10, Pétur
Sigurðsson 9, Guðbrandur Sverr-
isson 6.
ÍR-Kefiavík.............73-81
ÍR-ingar sýndu mikla baráttu í
þessum leik og máttu
Keflvíkingar hafa sig alla við til
að fara með sigur af hólmi. ÍR
hafði forystu lengst af fyrri hálf-
leiks og leiddi í leikhléi, 41-37.
Það var ekki fyrr en á síðustu
mínútunum að Keflvíkingar
sýndu klærnar þannig að vel færi
og sigruðu að lokum með 82 stig-
um gegn 73. Sigurður Ingimund-
arson og Magnús Guðfinsson
voru þeirra stigahæstir með 20
stig hvor og Jón Kr. Gíslason
gerði 17 stig. Guðjón Skúlason
skoraði 14 stig, Falur Harðarson
6 og Gestur Guðnason 4.
Hjá ÍR skoraði Björn Steffen-
sen mest, 21 stig en Jón Örn Guð-
mundsson gerði 19, Ragnar
Torfason 12, Karl Guðlaugsson
11, Sturla Örlygsson 6, Jóhannes
Sveinsson 2 og Bragi Reynisson
2.
-akh/þóm
8 SÍÐA - ÞJÓÐVILJINN Þriðjudagur 18. október 1988