Þjóðviljinn - 21.10.1988, Blaðsíða 7

sérteiknað fyrir nútímalegan
rekstur, og þá hugsað fyrir
nauðsynjum á borð við næg bfl-
astæði.
- Það er eftirspurn eftir slíku
húsnæði en uppbyggingin hefur
ekki verið nægilega markviss,
sagði Atli. Þannig er nokkuð um
að skrifstofuhúsnæði á efri hæð-
unum sitji eftir meðan jarðhæð-
irnar seljast, sagði hann:
Mönnum hefði verið tamt að
byggja upp í fullt nýtingarhlutfall
án þess endilega að sjá fyrir sér
hvemig húsnæðið yrði að lokum
nýtt.
Atli var spurður hvort honum
sýndist að mikið af húsnæði af
þessu tagi myndi bætast við á
næstunni, en hann var ekki á því,
þar sem menn þyrðu ekki eins og
fyrr að byggja, án þess að hafa
góða sölumöguleika.
Þreföld aukning
og ríflega það
Rísandi stórhýsi Isafoldar á sér
ekki einasta nágranna í Borgar-
leikhúsinu heldur einnig verslun-
armiðstöð Hagkaups í Kring-
lunni, og er reyndar sambyggt
bflageymslum hennar. Aukning-
in í verslunar- og skrifstofuhús-
næðinu milli ára 1985 og 1986
sem drepið var á í upphafi þessa
pistils var svo sem nógu sláandi út
af fyrir sig, en heldur fer að æsast
talnaleikurinn þegar árið í fyrra
er haft með; árið þegar Hag-
kaupskringlan var tekin í gagnið.
Samkvæmt upplýsingum hjá
embætti byggingafulltrúa í
Reykjavík var fullgert verslunar-
og skrifstofuhúsnæði árið 1987
hvorki meira né minna en 321
þúsund rúmmetrar og ríflega
það, eða með öðrum orðum risa-
stökk frá árinu á undan sem þó
var algert metár að þessu leyti
með sína 193 þúsund rúmmetra.
Og ekki lengra síðan en árið þar á
undan, 1985, að þessi tala var vel
innan við hundrað þúsundin.
- Það er ekkert leyndarmál að
við höfum oft bent á geysimikla
aukningu á verslunarplássi á
Reykjavíkursvæðinu og jafn-
framt varað við henni, sagði
Magnús E. Finnsson, fram-
kvæmdastjóri Kaupmannasam-
takanna, er hann var spurður
álits á þessari þróun. Hann sagði
að skýringarinnar væri einkum að
leita í því að 1985 og 1986 hefði
árað nokkuð vel og bjartsýni ver-
ið ríkjandi, og að sá uppgangur
hefði náð til verslunarinnar eins
og annarra greina. Síðan hefði
farið að halla undan fæti eins og
menn þekktu, með samdrætti til
sjávar og sveita, og kæmi hann
niður í versluninni eins og annars
staðar.
Offramboðið
lækkar
leiguverðið
- Heildarveltan er takmörkuð
þar sem mannfjöldinn er ekki
meiri en raun ber vitni, og það
gefur auga leið að veltan dreifist
milli fleiri aðila ef ofvöxtur
hleypur í verslunina, og að með-
altali verður minna í hlut, sagði
hann.
Magnús taldi að enn meira
framboð væri nú á skrifstofu-
húsnæði en verslunarhúsnæði, en
gat þess jafnframt að mörkin
milli verslunarhúsnæðis, skrif-
stofuhúsnæðis og húsnæðis fyrir
ýmis konar iðnað væru oft
óglögg. Með þessum fyrirvara
sagði hann að gífurlegt framboð
væri nú á verslunarhúsnæði sem
svo væri kallað. Nú mætti fá slíkt
húsnæði á leigu fyrir 200 til 300
krónur fermetrann, en áður hefði
gangverðið verið um 400 krónur.
- Við höfum tekið dæmi af
Kaupmannahöfn og bent á að hjá
borgaryfirvöldum er í gildi
ákvæði þess efnis að sérstaklega
þurfi að sækja um leyfi til að
byggja verslunarhús sem fara yfir
2500 fermetra að stærð, og þetta
er væntanlega gert til að koma í
veg fyrir offramboð eða mikla
samþjöppun slíks húsnæðis á til-
teknum svæðum, sagði Magnús:
Við höfum lýst því yfir að eðlilegt
sé að einhverju slíku fyrirkomu-
lagi verði komið á hér hjá okkur,
en gerum okkur jafnframt ljóst
að nær ógerningur er fyrir ein-
hverja tiltekna nefnd að sjá um
framkvæmdina.
í nýlegu Aðalskipulagi
Reykjavíkur sem gildir fyrir árin
1984 til 2004 er áætlað að flatar-
mál verslunarhúsnæðis aukist um
150 þúsund fermetra á skipulags-
tímabilinu, og þar með að hlutur
stórmarkaða og stærri hverfam-
iðstöðva muni halda áfram að
vaxa á kostnað minni matvöru-
verslana. Hagkaupskringlan ein
og sér er eitthvað nálægt 28 þús-
und fermetrum, og með henni er
talið að gólfflötur smásöluversl-
unarinnar í bænum hafi vaxið um
nærfellt 20%. Kannski þarna sé
verk að vinna fyrir kvótaglöð
yfirvöld. HS