Þjóðviljinn - 21.10.1988, Blaðsíða 15

„Hégómagjam og
þykir hólið gott“...
Tveir áhugamenn um rithandarfræði líta á undirskriftir Seðlabanka-
stjóra
Jóhannes Nordal: „Belgurinn á J-inu bendir til að viðkomandi
sé móttækilegur fyrir smjaðri og sé hégómagjarn, hugsanlega
eigingjarn. Langur leggur á lokastaf, l-inu bendir til festu,
þrjósku ogjafnvel ofsa. Skriftin ersnoturog ígöðu samræmi og
ber vott um umhyggjusemi og siðprýði..."
Tómas Arnason: „Ef T-þverstrikið er skrautlegt, ber það vott
um ímyndarafl, sjálfselsku og að viðkomandi sækist eftir hrósi,
aðdáun og fagurgala... “
Hér á landi eru rithandarfræð-
ingar ekki á hverju strái og eng-
inn sem er titlaður sem slíkur í
símaskránni. Nýja Helgarblað-
inu tókst hins vegar að hafa upp á
tveimur áhugamönnum um
fræðin, þeim Þóri Sigurðssyni,
námsstjóra í mynd- og hand-
mennt og Björgvin Jósteinssyni,
sem kennt hefur skrift í áratugi.
Báðir bera þeir sína ábyrgð á
þeirri skriftarkennslu sem við-
höfð hefur verið hér í skólum sfð-
ustu áratugina, enda átt þátt í vali
á skriftargerðum til kennslu og
skrifað forskriftarbækur.
Þessir herramenn vildu þó alls
ekki láta sæma sig titlinum rit-
handarfræðingur, en sögðust
áhugamenn um efnið. Voru þeir
sammála um að alls ekki mætti
taka þessi fræði gagnrýnislaust og
það gæti jafnvel verið stórhættu-
legt að fara að beita þessu við
mannaráðningar. Það væri fyrir-
sjáanlegt að hægt væri að mata
tölvur á svona verkefnum og það
kynni ekki góðri lukku að stýra.
Með fyrirvörum
og án ábyrgðar
Þeir féllust þó á að líta á undir-
skriftir nokkurra bankastjóra
Seðlabankans, sem finna má á
peningaseðlum, en þó áfi allrar
frekari ábyrgðar. „Það er margt
lfkt með þessu og spádómum, að
því leyti að margt sem er sagt er
svo almennt að það má túlka það
á ýmsa vegu. Þannig að ég mundi
ekki þora að flokka menn strangt
eftir þessu. Það er kannski ekki
mjög mikið úr þessum ritahand-
arsýnishornum að hafa. Banka-
stjórarnir hafa auðvitað skrifað
nafnið mörgum sinnum áður en
þeir velja eina undirskrift til að
fara á seðlana, þar sem hún er
síðan smækkuð," sagði Þórir.
„Nafnið eitt er líka ekki nóg, það
þarf meiri texta. En fræðin eiga
að ganga út á greiningu á skap-
gerð manna út frá skrift. Það
skrifa engir tveir menn eins, og
enginn einn skrifar eins í tvö
skipti. En það má sjá aðal-
einkenni skriftarinnar og þekkja í
sujidur skrift einstaklinga. Þegar
við lítum á undirskriftir bank-
astjóranna sjáum viÓ að þétta eru
allt saman þjálfaðir menn í skrift,
allir vandvirkir og leiknir.
Jóhannes Nordal
Ef við lítum sérstaklega á
þennan seðil þar sem Jóhannes
Nordal og Tómas Arnason rita á,
þá sýnist mér þetta vera grönn og
létt skrift. Það má túlka sem að
skrifarinn sé nákvæmur, bók-
hneigður hugsjónamaður. Skrift
Jóhannesar er skýr og tilgerðar-
laus sem þýðir að skrifari er
hreinskilinn, hispurslaus, hæ-
verskur og látlaus. Þetta er snot-
ur skrift og í góðu samræmi og
ber það vott um umhyggjusemi
og siðprýði. Sé skriftin skýr og
jöfn, ber það vott um skarp-
skyggni og hispursleysi. Ef að
lágstafirnir a, o og d eru lokaðir
að ofan, ber það með sér að mað-
urinn er gætinn og þagmælskur.
Ef að lágstafurinn n líkist u, eins
og sést hjá Jóhannesi Nordal, þá
er skrifarinn vingjarnlegur mað-
ur og blíðlyndur. Upphafsstafur-
inn N í Nordal, er með jafnvægi í
dráttum og góðum hlutföllum og
það á að þýða að maðurinn er
hreinskilinn, hæverskur og smek-
kvís. En svo er það síðasta 1-ið,
sem teygist langt niður á við, það
bendir til festu, þrjósku og
jafnvel ofsa. En sá hali bendir til
að Jóhannes hafi gætt jafnvægis í
skriftinni, að 1-ið vegi upp á móti
upphafs J-inu, og gæti þýtt að
maðurinn leiti almennt jafnvæg-
is, sé sáttamaður. Belgurinn á J-
inu er ritaður í einum drætti,
sveigir til vinstri og er mjög boga-
dreginn. Það þýðir að viðkom-
andi er móttækilegur fyrir
smjaðri og er hégómagjarn, gæti
einnig borið vott um sjálfsþótta
og eigingirni. Hjá Jóhannesi sýn-
ist mér hið ógreinilega s og a-ið í
-dal vera nokkur veikleikamerki í
skriftinni.
Tómas Árnason
Ef við lítum á undirskrift Tóm-
asar Árnasonar, má segja að ef
skriftin er mjög skrautleg að þá
gefur það til kynna mikla hæfi-
leika, en oft í sambandi við slægð,
kænsku og mikla eftirtekt. Ef T-
þverstrikið er skrautlegt ber það
vott um ímyndunarafl, sjálfs-
elsku og að viðkomandi sækist
eftir aðdáun, hrósi og fagurgala.
Ef T-strikið er langt og ritað
fljótt, ber það vott um hita, ák-
afa, fjör og kraft. Ef þetta útflúr
líkist brotinni línu eða eldingu þá
þýðir það ákveðið lundarfar,
andlegt og líkamlegt fjör. Ef að
krókurinn á endastaf er lítill, ber
það vott um þagmælsku."
Þeir félagar voru á því að það
ætti ekki að hætta sér lengra út í
þennan rithandarlestur, enda
hefðu þeir ýmsa fyrirvara á hon-
um. Það væri margt í rithöndinni
sem ekki yrði skýrt og á hinn bóg-
inn væri margt í skapgerð manns-
ins sem ekki kæmi fram í rithönd-
inni. phh
SAMSKIP11
Kröfur framtíðarinnar eru:
Skjótari samskipti, örara upplýsingastreymi og vandaðri vinnubrögð.
Ekki láta viðskiptavini þína líða fyrir það
að þú standist ekki kröfur framtíðarinnar.
Veldu RICOH - og þú vinnurtíma.
Fremstirnteð fax
Láttu tæki eins og þetta
þjóna fyrirtæki eins og þínu
aCQhf
SKIPHOLTI 17
105 REYKJAVÍK
SÍMI: 91 -2 73 33
I
Föstudagur 21. október 1988 NÝTT HELGARBLAÐ - SÍÐA 15