Þjóðviljinn - 25.10.1988, Blaðsíða 3
FRETTIR
Himalaya
Tveggja íslendinga saknað
Fjallamannanna Þorsteins Guðjónssonar og Kristins Rúnarssonar
saknað í Himalayafjöllum. Sást síðast tilþeirra sunnudaginn 18.
október í rúmlega 6600 metra hæð. Þriðji íslendingurinn hcetti við að
klífa fjallið og er kominn til Parísar, þar sem hann er búsettur
Tveggja íslendinga er saknað í
Himalayafjöllum og bendir
flest til þess að þeir hafi farist er
þeir gerðu tilraun til þess að klífa
iýallið Pumo Ri, sem er 7.161
metra hátt. Islendingarnir heita
Þorsteinn Guðjónsson og Kristinn
Rúnarsson og eru báðir 27 ára
gamlir. Litlar líkur eru taldar á
að þeir séu enn á lífi.
Að sögn Björns Vilhjálms-
sonar, formanns íslenska Alpa-
klúbbsins, fóru þeir Þorsteinn og
Kristinn frá London 17. septemb-
er sl. með flugi til Katmandu í
Nepal. Með í för var Jón Geirs-
son, sem búsettur er í París og
Stephen Aistrope, frá Inverness í
Skotlandi.
24. september héldu fjórmenn-
ingarnir frá Katmandu áleiðis til
fjallsins Pumo Ri, sem er nálægt
landamærum Nepal og Kína. 2.-
3. október settu þeir upp aðal-
búðir í u.þ.b. 5000 m. hæð. 5.
október höfðu þeir farið upp í
fjallið og sett upp búðir 1, í um
5700 m. hæð. Þaðan snéru þeir
aftur til aðalbúðanna til þess að
venjast loftleysinu áður en haldið
yrði á fjallið.
15. október var Jón Geirsson
kominn með ígerð í lungun og
ákvað að halda til byggða. Hann
kom til Parísar sl. föstudag.
17. október ákváðu þeir Þor-
steinn og Kristinn að halda á fjall-
ið. Steve var með iðraflensu og
varð eftir í aðalbúðunum. Þenn-
an dag var hvasst en bjart og kalt
veður. Þeir komu til búða 1 sama
dag. Árla næsta morgun, 18. okt-
óber, lögðu þeir af stað upp fjall-
ið. Klukkan tvö eftir hádegi sá
Steve til þeirra í gegnum sterka
aðdráttalinsu. Þeir voru þá í
6600-6700 m.hæð og komnir yfír
verstu erfiðleikana við klifið.
Þeir voru staddir í bröttum ís-
brekkum og í línu. Þeim sóttist
ferðin vel.
Síðan hurfu þeir úr sjónlínu frá
aðalbúðunum og eftir það hefur
ekki sést til þeirra. Daginn eftir
fór Steve að gruna að ekki væri
allt með felldu og sendi hlaupara
til byggða til þess að biðja um
þyrluaðstoð, en með fjallamönn-
unum voru innlendir leiðsögu-
menn. Það tók fjóra daga að út-
vega þyrluaðstoðina en á meðan'
leitaði Steve við búðir 1 og gekk
auk þess umhverfis fjallið.
22. október kom þyrlan og var
leitað úr lofti þann dag án árang-
urs. Hvorki sást til þeirra Þor-
steins og Kristins né til farangurs
þeirra. Steve kom til Katmandu í
gær og í gærmorgun var aftur
flogið yfir fjallið en án árangurs.
Undanfarna daga hefur snjóað á
þessum slóðum og vindur verið
að færast í aukana, enda vetur á
næstu grösum.
Björn sagði að þeir Þorsteinn
og Kristinn væru báðir mjög van-
ir fjallamenn og með mikla
reynslu. Þeir hafa báðir klifið
fjöll sem eru hærri en Pumo Ri.
Þorsteinn hefur í tvígang áður
farið til Himalayafjalla og Krist-
inn einusinni, en tók þá ekki þátt
í klifi. Þeir hafa hinsvegar báðir
klifið mjög há fjöll í Perú í S-
Ameríku.
Björn sagði að litlar líkur væru
á að þeir væru enn á lífi ef tekið er
tillit til allra aðstæðna. Þá sagði
hann að yfirvöld í Nepal myndu
ekki gera meira í svona málum
nema það kæmu sérstakar óskir
frá aðstandendum.
Auk íslendinganna er fjögurra
Tékka, sem voru að klífa Mount
Everest, saknað, auk þess sem
tveir Tékkar sem voru að klífa
fjallið Itl Icho, hröpuðu til bana.
Utanríkisráðuneytinu hafði
ekki verið tilkynnt um hvarfið í
gær en íslenski Alpaklúbburinn
hafði samband til Nepal og fékk
fréttina staðfesta.
Þeir Þorsteinn og Kristinn eru
báðir ógiftir og barnlausir en
Kristinn á unnustu.
-Sáf
Fjallið Pumo Ri sem er 7161 metra hátt. Þeir Þorsteinn Guðjónsson og
Kristinn Rúnarsson voru í rúmlega 6600 metra hæð þegar síðast sást
til þeirra fyrir viku.
Kort af svæðinu þar sem þeir Þorsteinn Guðjónsson og Kristinn Rún-
arsson voru staddir þegar þeirra var saknað. Hringur hefur verið settur
utan um Pumo Ri.
Stöðvarfjörður
Áfall fyrir atvinnulífið
Stórtjón er eldur kom upp ísaltfiskverkunarhúsi Hraðfrystihússins um
helgina. Búið með síldarvertíðina, og mjög sneyðist um atvinnu
-Það liggur í loftinu að ekki
verði saltað meira á Stöðvarfirði
þessa vertíðina, sagði sveitar-
stjóri Stöðvarhrepps, Björn Haf-
þór Guðmundsson, eftir að mikið
tjón varð af eldi í saltfiskverkun-
arhúsi Hraðfrystihúss Stöðvarf-
jarðar aðfaranótt síðastliðins
laugardags. Húsið var nýtt til
síldarsöltunar, en við hana unnu
um 50 manns. Alls eru íbúarnir
um 360 talsins.
Hraðfrystihúsið er langstærsti
atvinnurekandinn í byggðar-
laginu, og að sögn Björns Haf-
þórs hafa togararnir sem gerðir
eru út frá Stöðvarfirði verið látnir
sigla með aflann á undanförnum
sfldarvertíðum. Því lítur ekki vel
út með atvinnu eftir ótíðindi
helgarinnar.
Björn Hafþór sagðist telja að
atvinnuleysi mætti afstýra með
því að láta togarana landa heima
og vinna aflann þar. Ákvörðun
um framhaldið hefur þó ekki ver-
ið tekin, en boðað var til stjórnar-
fundar frystihússins í gærkvöldi.
Björn Hafþór taldi einsýnt að
fyrirtækið yrði fyrir verulegu
tjóni vegna brunans, og eins yrði
sveitarsjóður fyrir allnokkru tapi
vegna lækkaðra gjalda. Þá bentu
líkur til að hafnarsjóður yrði fyrir
tekjutapi upp á 200 til 300 þúsund
krónur ef miðað væri við svipaða
söltun og undanfarin ár.
- En mest er um vert að koma
söltuninni í gang aftur, sagði
hann, en var þó ekki bjartsýnn á
að af því yrði á þessari vertíð.
HS
Vinningstölurnar 22. október 1988
Heildarvinningsupphæð: Kr. 4.040.345,-
Fimm tölur réttar kr. 1.859.575,-
Aðeins einn þátttakandi var með 5 réttar tölur.
BÓNUSTALA + fjórar tölur réttar kr. 323.262,- skiptast á 6
vinningshafa, kr. 53.877,- á mann.
Fjórar tölur réttar kr. 557.550,- skiptast á 126 vinningshafa,
kr. 4.425,- á mann.
Þrjár tölur réttar kr. 1.299.958,- skiptast á 3194 vinningshafa,
kr. 407,- á mann.
VINNUR ÞÚ
Á LAUGARDÖGUM?
Þriðjudagur 25. október 1988 ÞJÓÐVILJINN - SÍÐA 3 LeíkaildÍ Og létt! UpplýsÍHgaSÍmÍ: 685111