Þjóðviljinn - 26.10.1988, Blaðsíða 1
Miðvikudagur 26. október 1988 233. tölublað 53. árgangur
Jóna Gróa Sigurðardóttir formaður annarrar af tveimur núsitjandi Verndarstjórnum ræðir við lögregluþjóna
á tröppum Verndarhússins áður en hætt var við útburöaráætlanir Jónu Gróu að sinni. (Mynd: Jim Smart).
Vernd
JónaGróa
situr um
Vemd
Jóna Gróa Sigurðardóttir reyndi að láta lög-
reglu bera heimilismenn útúr húsnœðifanga-
hjálparinnarVerndar. Heimilismenn: Okkar
sök að hafa skoðanir á Vernd. Jóna Gróa:
Hafa hertekið húsið
Jóna Gróa Sigurðsdóttir, for-
maður og framkvæmdastjóri
Verndar lét í gær kalla á lögreglu
til að bera út þrjá heimilismenn
að Laugateigi 19,enþareigafyrr-
verandi fangar heimili. Að sögn
Jónu Gróu höfðu viðkomandi
gerst brotlegir við húsreglur, sem
hún þó kom sér undan að til-
greina hverjar væru.
Flestir heimilismanna ásamt
stuðningsmönnum, svo sem Birni
Einarssyni félagsmálafulltrúa
Verndar, telja að hér sé um gerr-
æðislega ákvörðun að ræða, sem
ráðist af því að viðkomandi heim-
ilismenn hafi verið gagnrýnir á
störf Jónu Gróu innan Verndar.
Jóna Gróa hafi vísað þeim á dyr,
á þeim forsendum að þeir hafi
haft uppi „undirróður" gegn sér,
ásökun um brot á húsreglum sé
aðeins fyrirsláttur. Er mikill hiti í
málinu og þegar blaðið fór í
prentun í gær, var ekki ljóst
hvernig því lyktaði. Jóna Gróa
hleypti nýjum heimilismanni inn í
gær, en það þýddi að einhver
varð að rýma sitt pláss. Lögregl-
an hvarf af vettvangi í gær án
frekari aðgerða, en Jóna Gróa
lýsti því yfir að viðkomandi heim-
ilismenn hefðu „hertekið" húsið.
Sjá síðu 2
Dagvist
Vonlaust“
55
Foreldrarfunda um
niðurskurðinn hjá borg-
inni
„Sú stefna meirihluta borgar-
stjórnar að leggja alla áherslu á
fimm tíma leikskólavistun er út í
hött. Við núverandi þjóðfé-
lagsaðstæður stuðlar slíkt ekki að
auknum samvistum foreldra og
barna eins og meirihlutinn heldur
fram, þvert á móti veldur þetta
auknum þvælingi barnanna úr
einni vist í aðra. “ Þetta er hluti
ályktunar sem samþykkt var á
sunnudaginn á sameiginlegum
fundi foreldra barna á barna-
heimilinu Ósi, Sælukoti, Foreld-
rafélags lækna og Foreldrasam-
takanna í Reykjavík, og var hún
send borgarráði.
Með breytingum Sjálfstæðis-
manna í borgarstjórn á rekstrar-
styrkjum borgarinnar til dagvist-
arheimila sem ekki eru rekin af
opinberum aðilum verða heils-
dagsvistanir illa úti og skerðast
styrkir til þeirra um 2/3, sem gerir
reksturinn næsta vonlausan, segir
í ályktun fundarins.
Einkaaðilar hafi brugðið á það
ráð að fara út í rekstur til að bæta
úr brýnni þörf og þarmeð létt
hluta vandans af borginni. t>að
skjóti því skökku við að þessum
einstaklingum skuli nú refsað
fyrir sitt frumkvæði.
HS
Viðskilnaður Þorsteins
Neikvæður um 7 miljarða
Hallinn áfjárlögum 4-5 % áþessu ári. Greiðsluafkoma ríkissjóðs 3,4 miljörðum verri en áœtlað
var. Hallinn5,3 miljarðarfyrstu 9 mánuði þessa árs
Hallinn á ríkissjóði þá 9 mán
uði sem ríkisstjórn Þorsteins
Pálssonar var við völd á þessu ári
nemur 5,252 miljónum króna
hvað rekstarafkomu snertir. Þeg-
ar tillit hefur verið tekið til fjár-
magnshreyfinga og annarra þátta
ríkisfjármála er greiðsluafkoma
ríkissjóðs neikvæð um 6,921 milj-
ón króna. Þetta er 3,4 miljörðum
meira en áætlað var að sögn Ólafs
Ragnars Grímssonar fjármála-
ráðherra.
„Þessi viðskilnaður er afar
svartur og setur svip sinn á þær
aðgerðir sem nýtt fjárlagafrum-
varp þarf að taka mið af,“ sagði
Ólafur í gær. Að vísu skilaði
tímabilið frá október til desemb-
er yfirleitt meiri tekjum í ríkis-
sjóð en önnur tímabil, en hallinn
á ríkisfjármálum þessa árs yrði
aldrei undir 3 miljörðum og gæti
jafnvel orðið á bilinu 3-4 miljarð-
ar. Ólafur sagði þetta ótrúlega
dökka mynd þegar í upphafi árs
hefði verið stefnt að hallalausum
fjárlögum. Stjórnarstefna ríkis-
stjórnar Þorsteins Pálssonar
hefði framkallað þessa niður-
stöðu.
Samdráttur hefur orðið í tekj-
um af söluskatti, innflutnings-
gjöldum og öðrum veltusköttum.
Vaxtagjöld hafa aukist um tæpan
hálfan miljarð og tekjur af sölu
spariskírteina og ríkisvíxla hafa
verið lægri en búist var við.
Ólafur sagði útgjaldahliðina í
grófum dráttum hafa staðist
„Það er ljóst að fjöldi fyrir-
tækja hefur ekki staðið í skilum
með söluskatt," sagði Ólafur.
Hann væri nú að láta kanna þau
vanskil, þau væru mjög mikil og
endurspegluðu ástandið. Hallinn
á fjárlögum þessa árs væri á bilinu
4-5% sem væri mjög mikill halli.
Núverandi ríkisstjórn hefði grip-
ið til ákveðinna aðgerða og það
gæti orðið nauðsynlegt að grípa
til fleiri aðgerða í ljósi þessarar
dökku niðurstöðu. Þetta sýndi
hversu brýnt væri að nema staðar
og stöðva þessa þróun og að tekj-
uöflunaráform ríkisstjórnarinnar
næðu fram að ganga.
-hmp
Tónlistarhátíð
Einleikarahátíð
Tónlistarhátíð ungra norrænna
einleikara var sett formlega í
Norræna húsinu í gær. Þar með
hófst mikið tónleikamaraþon þar
sem átta ungir einleikarar frá
Norðurlöndunum sýna hvað í
þeim býr á átta tónleikum sem
haldnir verða á næstu dögum.
Tónlistarmenn sem áður hafa
tekið þátt í hátíðinni fyrir hönd
íslands léku við setningu hátíðar-
innar. Fyrstu einleikstónleikarnir
í röðinni voru síðan í íslensku
óperunni í gærkvöldi.
Sjá SÍðll 7 Manuela Wiesler flautuleikari lék við opnun Tónlistarhátíðarinnar í
Norræna húsinu, en Manuela er ein þeirra sem hefur tekið þátt í
hátíðinni fyrir íslands hönd.