Þjóðviljinn - 26.10.1988, Blaðsíða 8

Þjóðviljinn - 26.10.1988, Blaðsíða 8
ALÞYÐUBANDALAGIÐ LESENDABRÉF Hvalamálið Starfshópur Alþýðubandalagsins um umhverfismál heldur opinn fund um hvalamálið miðvikudaginn 26. október kl. 20:30 að Hverfisgötu 105, R. - Starfshópur um umhverfisrnál. Alþýðubandalagið Hafnaríirði Aðalfundur bæjarmálaráðs Aðalfundur bæjarmálaráðs ABH verður haldinn fimmtudaginn 27. október kl. 20.30 í Skálanum, Strandgötu 41. Dagskrá: 1) Venjuleg aðalfundarstörf. 2) Magnús Jón Árnason bæjarfulltrúi segir frá stöðu bæjarmála. Allt nefndarfólk og aðrir félagar eru hvattir til að mætaáfundinn. Formaður Magnús Jón Norðurland eystra Ný ríkisstjórn og staðan í íslenskum stjórnmálum Svavar Gestsson menntamálaráðherra og Steingrímur J. Sigfússon landbúnaðar- og samgönguráðherra hafa framsögu á almennum stjórnmála- fundi í Alþýðuhúsinu á Akureyri, fimmtudaaginn 27. október kl. 20.30. Allirvelkomnir. Alþýðubandalagið Vesturland Sveitarstjórnarmenn. Rabbfundur verður á Hótel Borgarnesi fimmtudaginn 27. október kl. 19, vegna aðalfundar Samtaka sveitafélaga á Vesturlandi. Stjórn kjördæmaráðs AB Norðurland eystra Aðalfundur kjördæmaráðs Aðalfundur kjördæmaráðs AB í Norðurlandi eystra, verð- ur haldinn á Akureyri í Lár- usarhúsi, sunnudaginn 30. október kl. 10.00. Dagskrá: 1) Venjuleg aðal- fundarstörf. 2) Flokksstarf og fjármál. 3) Útgáfumál. 4) Ný viðhorf í íslenskum stjórnmál- um: Svavar Gestsson menntamálaráðherra. 5) Önnur mál. Gestir fundarins: Svavar Gestsson menntamálaráðherra og Steingrímur J. Sigfússon landbúnaðar- og samgöngumálaráðherra. Nánar auglýst síðar. - Stjbrnin. ÆSKULYDSFYLKINGIN Æskulýðsfylkingin 50 ára Hver man ekki eftir gömlu skálastemmningunni, Tjarnargöturómantíkinni, Landnemanum, Heimsmótunum og öllu hinu? Nú er allavega tímabært að rífja upp 50 ára sögu í góðum félagsskap. Laugardaginn 5. nóvember nk. verður afmælið haldið hátíðlegt með borð- haldi, upplestri, fjöldasöng og dansi að Hverfisgötu 105. Borðhaldið hefst kl. 20.30. Húsið verður opnað kl. 19.30. Taktu strax frá kvðldið. (Vinsamlega skráið ykkur sem fyrst v/matar í sfma 17500). Afmællsnefndln. j-X*7] Hafírðu ^j smakkað víh - láttu þér þá ALPREI detta í hug að keyra! UUMFERÐAR RÁÐ Sjávarútvegsráðherra Um hvalveiðar og barnamisþyrmingar Halldór Ásgrímsson sjávarút- vegsráðherra var spuröur að því í kvóldfréttum útvarpsins 24. okt- óber hvort ekki þyrfti að slaka á stefnu ráðherrans í hvalveiðimál- inu. Hann taldi að röng túlkun Grænfriðunga í máli þessu væri auðvitað fyrir neðan allar hellur. Eins taldi hann það sérkennilegt að herir og Grænfriðungar skyldu standa í því að halda lífi í hvölum og benti á að við hefðum horft á í sjónvarpinu kvöldið áður mynd um barnamisþyrmingar. Var þar sýnt hvernig þróttmiklir Evrópu- búar nota sér börn þar sem fá- tæktin er einna mest í heiminum. Halda mætti að það væri skárra að hermenn björguðu hvölum heldur en þeir séu að skjóta fólk eins og þeir eru þjálfaðir til. Án þess að ég ætli að taka nokkra sérstaka afstöðu til hvala teldi ég önnur verkefni brýnni fyrir ráðherrann en að styðja Hval h/f. Til dæmis hef ég hvorki heyrt hann né séð fjalla um sifjaspell eða barnamisþyrmingar sem eiga sér stað hér á íandi. Vitað er að þeir hópar sem vinna gegn barn- amisþyrmingum eru mjög fjár- vana. Því skora ég á Haíldór Ás- grímsson að sýna í verki að hann telji nauðsynlegt að gera þar stór- átak og beita sér fyrir því á alþingi að veita myndarlegt fjárframlag til þeirra og jafnframt að auka fé til rannsókna. Sigríður Kristinsdóttir MINNING Sigurður Elíasson Fœddur 19. júní 1920 - Dáinn 12. október 1988 Andlátsfregnir eru sjaldan fagnaðarefni og þó getur það hent. Þegar ég frétti það að kvöldi hins 12. þ.m. að Sigurður Elíasson garðyrkjumaður væri allur þá varð mér það sannast sagna verulegur léttir. Svo lengi var hann búinn að berjast vonlít- illi, og hin síðari ár vonlausri bar- áttu við erfiðan sjúkdóm að við vinir og kunningjar hans óskuðum þess oft, að henni mætti fara að ljúka. Sjálfur brást Sig- urður hinsvegar þannig við, að baráttan stækkaði hann uns yfir lauk. Sigurður Elíasson var fæddur að Saurbæ í Holtahreppi í Rang- árvallasýslu 19. júní 1920. For- eldrar hans voru hjónin Elías Þórðarson og Sigríður Pálsdóttir, búendur í Saurbæ. Ekki þekki ég til uppvaxtarára Sigurðar en býst við að þau hafi verið á líka lund og gekk og gerðist hjá unglingum í sveitum í þá daga. En hann var þegar á ungum aldri maður mold- ar og gróðurs og kaus sér snemma ævistarf á þeim vettvangi. Voru það þó einkum garðyrkjustörf, sem hugur hans stóð til. Það var því engin tilviljun, að þegar Garðyrkjuskóli ríkisins var stofn- aður að Reykjum í Ölfusi 1939, varð Sigurður einn af fyrstu nem- endum hans. Unglingar kreppu- áranna höfðu margir hverjir ekki úr miklum fjármunum að moða og svo mun hafa verið um Sigurð. í Garðyrkjuskólanum gátu ne- mendur unnið fyrir kennslu, fæði og húsnæði. Þannig tengdist lífs- afkoman náminu og kom það sér ýmsum vel á Reykjum í þá daga. Vorið 1941 lauk Sigurður námi frá Garðyrkjuskólanum. Bar hann hag skólans jafnan síðan mjög fyrir brjósti og vildi veg hans sem mestan. Að námi loknu vann Sigurður árum saman alfarið við garð- • "•"' Jm ?'¦'-¦: ¦%£ ."ÍK^V, ">-Jl Æm I «r* ¦k f .-:f m^E"; « . »^>#VHsi Sigurður Elíasson yrkjustörf, ýmist við útiræktun eða í gróðurhúsum, bæði úti á landi og í Reykjavík. Jafnframt vann hann að skipulagningu garða og frágangi á lóðum af þeirri natni og smekkvísi, sem honum var svo einkar lagin. Á þessum árum brá hann sér til Danmerkur, vann þar við garðyr- kju um nokkurt skeið og taldi sig hafa mikið lært í þeirri för. Ég hafði jafnan nokkurt veður af Sigurði á meðan hann vann hér á suðvesturhorninu. En eitt sinn tapaði ég af honum. Eftir- grennslan leiddi í ljós, að þá var hann kominn austur í Neskaup- stað og farinn að prýða „rauða" bæinn. Féll það vel bæði að hára- lit Sigurðar og skoðunum. Það hefur líklega orðið fljót- lega eftir að Sigurður kom úr austurvegi að hann gerðist sölu- maður fyrir heildverslanir. Og að því kom að hann stofnaði sjálfur heildverslun. Ekki veit ég hvern- ig sá rekstur gekk en ekki er ólík- legt að hann hefði orðið efnalega ábatasamari en moldarstörfin. En áður en langt leið mun Sigurð- ur hafa fundið að garðyrkjan átti hug hans allan svo hann tók upp þann þráð á ný. En nú á nýjum slóðum því upp úr Vestmannaeyjagosinu hvarf hann til Eyja og tók til óspilltra málanna við að græða þau sár, sem gosið hafði skilið eftir sig. Og þar stóð hann á teignum meðan stætt var. Eins og vænta mátti gekk Sig- urður snemma í Félag garðyrkju- manna þar sem hann starfaði af miklum áhuga og ósérplægni og var formaður þess um skeið. Sigurður kvæntist Jóhönnu Sigurðardóttur Magnússonar læknis á Vífilsstöðum og konu hans, Sigríðar Jónsdóttur. Þau skildu og eignuðust ekki afkom- endur. Fyrir um það bil 15 árum tók Sigurður þann sjúkdóm, sem um síðir varð honum að aldurtila. Eftir það varð hann alltaf öðru hverju að dvelja í sjúkrahúsum en hvarf þess á milli til Vestmannaeyja og stundaði þar störf sín eins og ekkert hefði í skorist. í Vestmannaeyjum kunni hann ákaflega vel við sig. Átti hann þar sem annars staðar góðu að mæta og eignaðist trausta vini, sem reyndust honum jafnan vel og þó best er mest á reyndi. Sigurður Elíasson var lífsglað- ur og bjartsýnn drengskaparmað- ur, ávallt með gamanyrði á vörum hversu mikið sem að hon- um svarf. Hann var vel lesinn og víða heima, ekki síst í íslenskum bókmenntum en einnig hafði hann kynnt sér vel verk ýmissa erlendra öndvegis höfunda. Hann var sósíalisti að lífsskoðun og öllu eðli, með víða sýn til allra átta. Hann vildi jöfnum höndum bæta og fegra landið og mann- lífið. Sigurður Elíasson gekk götu sína með þeim hætti að margir munu, nú við leiðarlok, minnast hans með eftirsjá og þakklæti. Magnús H. Gíslason 8 SÍÐA - ÞJÓÐVILJINN Miðvikudagur 26. október 1988

x

Þjóðviljinn

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Þjóðviljinn
https://timarit.is/publication/257

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.