Þjóðviljinn - 26.10.1988, Blaðsíða 12

-SPURNINGIN—i
Hvað eigum við að gera í
hvalamálinu?
Erlendur Ahrens,
ellilífeyrisþegi:
Ég held við verðum að fresta því
að veiða hvali og sjá hvað setur.
Bjarni Bjarnason,
öryrki:
Við eigum ekkert að gefa eftir, og
ekki að láta grænfriðungaskríl
þvinga okkur til eins eða neins.
Heiðar Kristjánsson,
í atvinnuleit:
Ég held við ættum að lofa þess-
um greyjum að lifa. Að minnsta
kosti er eina vitið núna að stoppa
og sjá til.
Guðlaug Karlsdóttir,
kaupmaður:
Við höfum verið sett í mikla klípu í
þessu máli, en hvort við eigum að
gefa eftir er önnur saga.
Aldís Hafsteinsdóttir,
sendill:
Mér finnst alveg hræðilegt að
vera að drepa svona falleg dýr
eins og hvali, og vil að við
steinhættum því.
Miðvikudagur 26. október 1988 233. tölublað 53. argangur
SIMI 681333
Á KVÖLDIN
681348
Á LAUGARDÖGUM
681663
Sigurgeir stendur hér við grunn Iþróttahús fatlaðra, en framkvæmdir við það hafa legið niðri síðan 1984.
íþróttahús fatlaðra
Mynd Jim Smart.
Ekkert gert í fjögur ár
Sigurgeir Porgrímsson: Höfum enga sjóði til að ganga í
Það hafa legið niðri allar fram-
kvæmdir við þetta hús frá því
grunnurinn var tekinn árið 1984.
Því miður sjáum við ekki fram á
að geta haldið áfram fram-
kvæmdum í bráð, sagði Sigurgeir
Þorgrímsson formaður íþróttafé-
lags fatlaðra í Reykjavík. En fé-
lagið hefur ætlaði sér að byggja
íþróttahús fyrir fatlaða í nágrenni
Sjálfsbjargarhússins við Hátún.
- í lögum um byggingu íþrótt-
amannvirkja segir að ríki og
sveitarfélög skuli greiða 80% af
byggingarkostnaði íþóttamann-
virkja en þær greiðslur koma ekki
fyrir en búið er að reisa þau,
þannig verða félögin fyrst að
byggja og síðan fá þau greitt frá
ríki og sveitarfélögum. Við hjá
íþróttafélagi fatlaðra getum því
miður ekki gengið í neina sjóði til
að reisa þetta hús, á sama hátt og
mörg önnur félög geta, sagði Sig-
urgeir og benti á að mörg fyrir-
tæki styddu við bakið á öðrum
íþróttarfélögum.
Að sögn Sigurgeirs eru tvö
önnur íþóttafélög fatlaðra starf-
andi í Reykjavík, og sagði hann
að þau væri í raun einnig á göt-
unni með sína starfsemi.
-Við verðum að treysta á fyrir-
greiðslu opinberra aðila ef við
eigum að koma upp þessu húsi,
það að er áætlað að það kosti um
55 miljónir króna, sagði Sigur -
geir og bæti við að ekki væri um
neina stórbyggingu að ræða.
-sg
Fimleikar
Fjóla fimleikamaður ársins
Fjóla hefur verið kjörin fim-
leikamaður ársins 1988 af stjórn
F.S. Fjóla er fimmtán ára og hef-
ur æft flmleika í sjö ár hjá flm-
leikadeild Ármanns. Fysta árið
æfði hún undir stjórn Guðna
Sigfússonar, síðan í tvö ár hjá
Fimleikadeild Ármanns. Fyrsta
árið æfði hún undir stjórn Guðna
Sigfússonar, síðan í tvö ár undir
stjórn kínversku þjálfaranna
Chen, Men og Bao, en síðastliðin
fjögur ár hefur Berglind Péturs-
dóttir verið þjálfari hennar.
Fjóla hlaut gullverðlaun fyrir
æfíngar á tvíslá á Norðurlanda-
móti unglinga sem haldið var í
Finnlandi á árinu. Þetta eru
fyrstu gullverðlaun sem íslend-
ingar hafa hlotið á Norðurlanda-
móti í fimleikum. Fjóla varð ung-
lingameistari 1988 og í öðru sæti á
íslandsmeistaramóti '86 og '88.
Fjóla hefur tvívegis keppt á Evr-
ópumótum unglinga 1986 og
1988. Á alþjóðlegu móti, sem
haldið var í Reykjavík í mars '87
stóð Fjóla sig best íslensku
stúlknanna og hafnaði í fimmta
sæti á slá.
Fjóla Ólafsdóttir