Þjóðviljinn - 27.10.1988, Blaðsíða 2

FRETTIR
Hvalveiðar
Þrengt að ráðherra
Hreggviður Jónsson: Útflutningshagsmunum stefnt í voða. Guðrún
Helgadóttir: íslendingar viðundur ínáttúruverndarmálum. Halldór
Asgrímsson: Islendingar liggja vel við höggi
Umræður hófust í neðri dcild
Alþingis í gær um stefnuna í
hvalveiðimálum. Hreggviður
Jónsson Borgaraflokki mælti
fyrir frumvarpi um algert bann
við hvalveiðum fram til ársins
1993 og sagði útflutnings-
hagsmuni íslands í stórhættu og
að lagmetisiðnaðinum hefði þeg-
ar verið stefnt í mikinn voða. Sak-
aði Hreggviður stjórnvöld um tví-
skinnung í málinu en því vísaði
sjávarútvegsráðherra til föður-
húsanna.
Halldór Asgrímsson sjávarút-
vegsráðherra sagði það hafa legið
fyrir á Alþingi að sjávarspendýr
væru nýtanleg auðlind sem ætti
að halda áfram að nýta eftir 1990.
Því miður hefði ekki legið fyrir
þekking á stofnunum og því hefði
orðið að auka rannsóknir. Störf
íslensku vísindamannanna hefðu
haft mikil áhrif inni í hvalveiði-
ráðinu. Ráðherrann sagði að það
hefði aldrei verið neitt aðalatriði
að taka sýni heldur það að kom-
ast að vísindalegri niðurstöðu.
Auðvitað mætti fá þessar niður-
stöður með öðrum hætti en það
tæki langan tíma og kostaði
hundruð miljóna.
Guðrún Helgadóttir þingmað-
ur Alþýðubandalagsins sagði það
dapurlegt að þurfa að sitja á Al-
þingi með tvö þingmál gegn hval-
veiðum. Menn hefðu í ríkara
mæli skilið afleiðingar ef einn
hlekkur í lífkeðjunni brysti. Af-
staða íslendinga til náttúruvernd-
armála í Sameinuðu þjóðunum
og í Norðurlandaráði hefði verið
okkur til sóma. En það væri erfitt
að vera íslendingur og talaði um
náttúruvernd á alþjóðavettvangi,
stefnan í hvalveiðum hefði gert
okkur að viðundri í þeim efnum.
Árni Gunnarsson þingmaður
Alþýðuflokks, sem lagt hefur
fram þingsályktunartillögu um að
hvalveiðum verði hætt í að minsta
kosti 3 ár, sagði íslendinga ekki
hafa skynjað þau umhverfisslys
sem gerst. hefðu austan hafs og
vestan. Súrt regn, deyjandi vötn
og höf og svo framvegis hefði
áhrif á almenning í útlöndum og
að hvalveiðar okkar væru séðar í
einu náttúruverndar samhengi.
Sjávarútvegsráðherra sagðist
ekki telja það mesta vanda ís-
lensks þjóðarbús og sjávarútvegs
hvernig tækist að selja íslenskar
afurður heldur hve mikið væri
hægt að veiða. Sú stefna ein-
stakra fyrirtækja að versla ekki
við okkur vegna vísindaveiðanna
gengi ekki upp til lengdar. Fyrir-
tæki sem segðust vera náttúru-
verndarsinnuð gætu varla verslað
við nokkurt land ætluðu þau að
vera samkvæm sjálfum sér.
Grænfriðungar hefðu mótmælt
losun eiturefna í höfin og fleira
sem snerti margar þjóðir og Jap-
anir hefðu ákveðið að hefja vís-
indaveiðar á hval í desember og
hann ætti éftir að sjá sömu fyrir-
tæki hætta viðskiptum við þá. fs-
land lægi vel við höggi vegna
smæðar sinnar.
-hmp
Umferðin
Grænt Ijós á löglegan hraða
Andlát
Ragnar
Kjartansson
látinn
Ragnar Kjartansson, mynd-
listarmaður, er látinn. Hann
fæddist 17. ágúst 1923 á Staða-
stað í Staðarsveit og var því 65 ára
að aldri.
Ragnar er þekktur fyrir högg-
myndir sínar. Sem dæmi má
nefna myndirnar Stóð við
Hringbrautina í Reykjavík,
Auðhumla á Akureyri og Bárður
Snæfellsás á Snæfellsnesi.
Ragnar nam m.a. hjá Ásmundi
Sveinssyni en auk þess stundaði
hann nám í Uppsölum í Svíþjóð.
Sjálfur kenndi hann við högg-
myndadeild Myndlistaskólaní
Reykjavík og við Myndlista- og
handíðaskólanum. Hann var for-
maður skólastjórnar Myndlista-
skólans og skólastjóri þar 1953-
1967. Þá var hann í stjórn FÍM
1969-1972 og í stjórn Mynd-
höggvarafélagsins í Reykjavík frá
stofnun 1977.
Eiginkona Kjartans var Katrín
Guðmundsdóttir, bankafulltrúi.
-Sáf
Seðlabanki
Dráttarvextir
lækka
Dráttarvextir lækka frá og með
1. nóvember nk. og verða þá
27,6% á ári í stað 33,6% sem þeir
eru nú. Sama dag gengur í gildi
ákvæði 20. gr. nýsettra bráða-
birgðalaga, sem er breyting á 9.
gr. vaxtalaga nr. 25, 27. mars
1987svohljóðandi: „Dráttarvext-
ir skulu ætíð reiknast sem dag-
vextir, nema á annan veg sé sér-
staklega mælt fyrir í lögum.“
Borgarráð samþykkirfjölgun umferðarljósa. Miklatorg leggst af og
Ijós koma í staðinn
Borgarráð samþykkti á fundi
sínum í fyrradag að fjölga
umferðarljósunum i borginni um
níu. Samþykktin á að styrkja
grænu bylgjuna svokölluðu í um-
ferðinni, en með því er átt við að
ökumenn sem aka á jöfnum, lög-
legum hraða komist leiðar sinnar
viðstöðulaust.
Að sögn Gunnars Eydal, skrif-
stofustjóra borgarstjóra, er hér
um að ræða áætlun fyrir næsta ár,
og er góður fyrirvari hafður á til
að ráðrúm gefist til pantana og
jafnvel útboða ef því er að skipta.
Meðal gatnamóta sem framtíð-
arljós borgarráðs ná til má nefna
tvenn við Hverfisgötuna; gatna-
mót Hverfisgötu og Klapparstígs
og svo aftur við Vitastíginn.
Gunnar H. Gunnarsson, verk-
fræðingur hjá umferðardeild
borgarinnar, segir að með þessu
náist græn bylgja neðan úr bæ og
inn á Snorrabraut, en brögð hafa
verið að kappakstri inn Hverfis-
götuna með skelfilegum afleið-
ingum.
Þá er gert ráð fyrir að Mikla-
torg hverfi sem torg með tíð og
tíma, en í staðinn komi ljós, en
þau stuðla að greiðari umferð. Pá
koma ljós á gatnamót Kleppsveg-
ar og Langholtsvegar og Sætúns
og Laugarnesvegar, og þar með
kemur græn bylgja frá Skeiðar-
voginum og niður í bæ. Að sögn
Gunnars er nokkuð tilviljunar-
kennt hvernig ökumenn hitta á
græna ljósið á þessari leið í dag,
og fyrir bragðið hefur ýmsum
ökumönnum sýnst hraðakstur
spara sér bið á rauðu ljósi.
Þá má nefna að ljós verða sett
upp á mótum Tryggvagötu og
Kalkofnsvegar, og er gert ráð
fyrir tvöföldum akreinum þar
sem nú eru einfaldar.
Umferðardeild borgarinnar
hefur gert könnun um „svörtu
blettina" í umferðinni, en gatna-
mót þessi níu komu flest illa út úr
henni að sögn Gunnars. Svart-
blettakönnunin tiltekur 36 staði,
og sagði Gunnar útreikninga
sýna að lagfæringar á þeim kost-
uðu 25.4 miljónir, og ennfremur
að þessi upphæð myndi spara sig
upp á rúmu ári, reiknað í fækkun
óhappa og slysa. HS
Samkvæmt þessu skal hætta að
reikna dráttarvexti heils mánaðar
fyrir brot úr mánuði þegar van-
skil verða. í stað þess reiknast
dráttarvextir í réttu hlutfalli við
þann dagafjölda sem vanskil
standa.
Söluskattur
Hertar innheimtuaðgerðir
Björn Hermannsson: Daglega förum viðfram á að 10-12 fyrirtækjum
verði lokað vegna vanskila á söluskatti
Við afhendum lögreglunni dag-
lega lista yfir 10-12 fyrirtæki
þar sem við förum fram á að þeim
verði lokað með innsigli. Því er
ekki að neita að vanskil á sölu-
skatti hafa færst í vöxt að undan-
förnu, sagði Björn Hermannsson
tollstjóri í Reykjavík, en á vegum
embættisins hefur mjög verið
hert á innheimtu söluskatts.
Að sögn Björns er erfitt að
gera sér nákvæma grein fyrir því
hvað mikið væri útistandandi af
ógreiddum söluskatti. Sam-
kvæmt áætlun mætti gera ráð
fyrir að það sé vel á annan miljarð
kr. en hann tók það fram að hér
væri um hreinar ágiskanir að
ræða, þar sem ljóst væri að mjög
hefði dregið úr umsvifum marga
fyrirtækja og einnig hefði mörg
fyrirtæki hætt starfsemi og ekki
verið hirt um að tilkynna það.
Björn sagði að í flestum tilfell-
um brigðust eigendur strax við og
gerðu upp sínar skuldir. Ekki
vildi hann gefa upp hvað mörg
fyrirtæki hefðu verið innsigluð.
En af hans orðum mátti þó ráða
að þau skipti tugum.
2 SÍÐA - ÞJÓÐVILJINN Fimmtudagur 27. október 1988