Þjóðviljinn - 27.10.1988, Blaðsíða 9

-ÖRFRÉTTIR—
Fleiri björguðust
en við var búist
Nú er vitað að 148 manns
björguðust af millieyjaferjunni
Dona Marilyn, sem fórst við Fil-
ippseyjar er fellibylurinn Ruby
geystist yfir eyjarnar á mánudag
og þriðjudag. Enn er þó saknað
um 300 manns af ferjunni og nú
er vitað að í landi fórust að
minnsta kosti 100 manns í fár-
viðrinu, sem þar að auki svipti
um 100.000 manns heimilum sín-
um. Reuter/-dþ.
Norðmenn vilja
ekki enn í
Evrópubandalagið
Gro Harlem-Brundtland, for-
sætisráðherra Noregs, sagði í gær
að enn væri ekki tími til þess
kominn fyrir Norðmenn að taka
til athugunar hvort þeir ættu að
gangaíEvrópubandalagið. Hins-
vegar tók forsætisráðherrann
fram, að Norðmenn, sem flytja
tvo þriðju hluta útflutnings síns
til Evrópubandalagslanda,
myndu gera ráðstafanir til að að-
laga sig því ástandi, sem kæmi til
með að skapast frá og með 1992,
er sameining aðildarríkja Evróp-
ubandalagsins verður enn nánari
ennúer. 1972 varfelldíþjóðarat-
kvæðagreiðslu í Noregi tillaga um
inngöngu Norðmanna í banda-
lagið, eftir harða kosningabar-
^ttu- Reuter/-dþ.
Stórhætta af kjarna-
vopnasmiðjum
Hópur bandarískra lækna, sem
nefnir sig Samtök lækna um fé-
lagslega ábyrgð, hefur snúið sér
til Reagans forseta og hvatt hann
til að fyrirskipa öryggisrannsókn
óháðra aðila á iðjuverum, þar
sem kjarnavopn eru framleidd.
Margt hefur undanfarið þótt
benda til, að veruleg slysahætta
stafi af mörgum þessara iðjuvera,
enda er í ávarpi læknanna til for-
setans komist að orði á þá Ieið, að
yfir Bandaríkjamönnum vofi slys
af því tagi, sem varð íTsjernobyl í
Sovétríkjunum.
Fyrrum þingmaður
sakaður um
16 morð
Massimo nokkur Arratangelo,
fyrrum þingmaður ítalsks hægri-
öfgaflokks, hefur verið ákærður
fyrir morð á 16 mönnum, sem
fórust er sprengja sprakk í járn-
brautarlest á leiðinni milli Flór-
ens og Bologna 1984. Hann hefur
þegar verið handtekinn. Rann-
sakendur málsins telja að tilgan-
gurinn með sprengjutilræði þessu
hafí verið sá að draga athygli lög-
reglunnar frá rannsóknum á
starfsemi Mafíunnar, og hafi
samtök hægriöfgamanna og Maf-
ían í Napólí staðið saman að
hryðjuverki þessu. Reuter/.dþ.
Gorbatsjov sagður
óska Bush sigurs
Almannarómur í Moskvu
hermir, að Míkhaíl Gorbatsjov,
æðsti niaður flokks og ríkis í So-
vétríkjunum, óski George Bush
sigurs í forsetakosningunum í
Bandaríkjunum, sem fram fara 8.
nóv. n.k. ítalskt blað segir Gor-
batsjov hafa látið þetta í Ijós við
Ciriaco de Mita, forsætisráðherra
Ítalíu, er sá síðarnefndi kom í op-
inbera heimsókn til Moskvu ný-
lega.
Gorbatsjov sagði þá að sögn
blaðsins að hann efaðist að vísu
ekki um að demókratar rneintu
hlutina vel, ei
þó tryggara
rísk forustu
áfram. Opir
ir talsmenn
hlutleysis í
andi kos
Bandaríkjui
Sovétmenn teldu
núverandi banda-
it færi með völd
'ega gæta sovésk-
jölmiðlar ýtrasta
iögnum viðvíkj-
ibaráttunni í
Reuter/-dþ.
_______________ERLENDAR FRÉTTIR_________________
Sovétríkin:
Allir pólítískir fangar
frjálsir fyrir áramót
Sovétmenn vilja halda alþjóðaráðstefnu um mannréttindi
Sovéska stjórnin hefur heitið
því að allir þeir fangar þar-
lendis, sem Vesturlandamenn líti
á sem pólitiska fanga, verði látnir
lausir fyrir komandi áramót. Hel-
mut Kohl, sambandskanslari
Vestur-Þýskalands, sem undan-
farna daga hefur verið í opinberri
heimsókn í Moskvu, sagðist hafa
verið fullvissaður um þetta í við-
ræðum sínum við sovéska ráða-
menn.
Gennadíj Gerasímov, tals-
maður sovéska utanríkisráðu-
neytisins, vildi að vísu ekki stað-
festa þetta á fundi með frétta-
mönnum, en tók jafnframt fram
að hann fullyrti ekkert um að
fréttin væri röng. Hann kvað tugi
manna, sem dæmdir hefðu verið
fyrir „andsovéskar æsingar og
áróður" og „róg gegn sovéska
ríkinu" sitja í sovéskum fangels-
um. Vaninn hefur verið að ákær-
ur bornar á pólitíska andófsmenn
þarlendis hafi verið orðaðar
þannig. Refsilöggjöf Sovétríkj-
anna er nú í endurskoðun og
sagði Gerasímov að lagagreinar
þær, sem fela í sér ofangreindar
setningar, yrðu annaðhvort
endurskoðaðar eða felldar alveg
niður.
Vestrænir aðilar, sem beita sér
fyrir því að mannréttindi séu virt,
telja að 250-300 samviskufangar
séu í sovéskum fangelsum og
þvingunarvinnubúðum eða lok-
aðir inni á geðveikrahælum.
Á fundi með fréttamönnum,
þar sem Kohl skýrði frá þessu,
lýsti hann yfir stuðningi við þá
tillögu sovésku stjórnarinnar að
næsta alþjóðaráðstefna um
mannréttindi yrði haldin í Mos-
kvu, að því tilskildu að hún yrði
skipulögð á sama hátt og fyrri
ráðstefnur um mannréttindi sem
haldnar voru í París og Kaup-
mannahöfn. Ennfremur settu
Vestur-Þjóðverjar þau skilyrði í
þessu sambandi að allir pólitískir
fangar í Sovétríkjunum yrðu látn-
ir lausir, að Sovétmenn hættu að
trufla vestrænar útvarpssending-
ar og að fleirum yrði leyft að flytj-
ast frá Sovétríkjunum, af þeim
sem það vildu. Hans-Dietrich
Genscher, utanríkisráðherra
Vestur-Þýskalands, sem er með
Kohl í Moskvu, sagði í gær að
sovésk yfirvöld væru nú miklu
eftirlátari en áður hefði verið við
fólk af þýska þjóðernisminnihlut-
anum í Sovétríkjunum, sem flytj-
ast vildi til Vestur-Þýskalands.
14.500 Sovét-Þjóðverjar hefðu
fengið að flytjast úr landi á s.l. ári
en um 35.000 það sem af er yfir-
standandi ári.
Frakkland er einnig hlynnt því
að umrædd mannréttindaráð-
stefna verði haldin í Moskvu, en
sum önnur vestræn ríki hafa tekið
því þunglega.
Reuter/-dþ.
Spánn
Galisíumenn í sjálfstæðisham
Sjö sprengjur sprungu í fyrra-
dag við banka og opinberar
byggingar í þremur borgum í
Galisíu, sem er norðvestasti
landshluti Spánar og liggur
norður af Portúgal. Sprenging-
arnar ollu nokkrum skaða á
byggingum og gangstéttum en
engu manntjóni.
Lögregla telur að þarna hafi
verið að verki leynihreyfing sem
nefnist Frjálsir Galisíumenn, vill
að Galisía slíti sig frá Spáni og
gerist sjálfstætt ríki. Samtök þessi
hafa minnt á sig á svipaðan hátt
tvisvar áður. Um fylgi þeirra
segir ekkert í fréttinni.
Oft er gert ráð fyrir þremur
þjóðernisminnihlutum á Spáni,
Böskum, Katalóníumönnum og
Galisíumönnum. Mál þeirra
fyrstnefndu er ekki indóevrópskt
og því alls óskylt spænsku, tungu
Katalóníumanna svipar til suður-
franskra mállýskna og mállýsk-
um í Galisíu til portúgölsku.
Sjálfstæðis- og sjálfstjórnarhreyf-
ingar hafa sem kunnugt er lengi
Líbanon
15 farast í loftárás
r
Israelskar herþoíur gerðu í gær
árásir á stöðvar Frelsissamtaka
Palestínu (PLO) í Suður-
Líbanon, og biðu 15 menn bana í
þeim og um 40 særðust, að sögn
palestínskra talsmanna. Jafn-
framt hófu liðsmenn úr Suður-
Líbanonshernum svokallaða,
sem er í bandalagi við ísrael, á-
rásir á vígi Palestínumanna og ís-
lamskra Líbana í hafnarborginni
Sídon.
ísraelskur talsmaður sagði að
Suður-Líbanonsherinn hefði
þegar náð á sitt vald hæðum
nokkrum þaðan sern vel sæist yfir
Sídon og palestínskar flótta-
mannabúðir þar í grennd. Stöðv-
ar þær er ísraelar réðust á til-
heyra Fatah, stærstu samtöku-
num innan PLO, sem lúta forustu
Arafats sjálfs. Stöðvarnar, sem
eru í Miyeh Miyeh-flóttamanna-
búðunum skammt frá Sídon,
voru að sögn sjónarvotta ekkert
nema blóði drifnar rústir eftir
loftárásina.
Reuter/-dþ.
Shamir, forsætisráðherra ísraels
- enn þykir honum ekki fullhefnt
fyrir hermenn sína sjö, sem fórust
í sjálfsmorðsárás íslamsks heit-
trúarmanns um daginn.
verið áberandi meðal Baska og
Katalóníumanna, en hingað til
hefur lítt borið á slíku í Galisíu,
þar sem menn hafa verið taldir í
íhaldssamara lagi. Galisía er fjöl-
lótt og harðbýl og landsmenn
hafa orð á sér fyrir að vera spar-
samir og harðir af sér, enda
stundum verið kallaðir Skotar
Spánar. Þekktustu Galisíu-
menn á þessari öld eru líklega
þeir Francisco Franco, einræðis-
herra Spánar í hátt á fjórða tug
ára, og Fidel Castro, sem nú hef-
ur verið hæstráðandi á Kúbu í
nærri þrjá áratugi. Faðir þess
síðarnefnda var innflytjandi frá
Galisíu og móðir hans var einnig
þaðan ættuð.
Reuter/-dþ.
Hjúkrunarfræðingar
Eftirtaldar stööur hjúkrunarfræðinga í heilsu-
gæslustöövum eru lausartil umsóknar nú þegar:
1. Staöa hjúkrunarforstjóra viö Heilsugæslu-
stöðina í Ólafsvík.
2. Staða hjúkrunarforstjóra við Heilsugæslu-
stöðina í Hólmavík
3. Staða hjúkrunarforstjóra við Heilsugæslu-
stöðina á Þórshöfn.
4. Staða hjúkrunarfræðings við Heilsugæslu-
stöðina á Selfossi.
5. Staða hjúkrunarforstjóra við Heilsugæslu-
stöðina í Neskaupstað, Norðfirði.
6. Staða hjúkrunarfræðings við Heilsugæslu-
stöð Suðurnesja í Keflavík.
7. Staða hjúkrunarfræðings við Heilsugæslu-
stöðvarnar á Fáskrúðsfirði og Stöðvarfirði.
Umsóknir ásamt upplýsingum um nám og fyrri
störf við hjúkrun sendist heilbrigðis- og trygg-
ingamálaráðuneytinu, Laugavegi 116, 105
Reykjavík.
Heilbrigðis- og tryggingamálaráðuneytið
25. október 1988
Fimmtudagur 27. október 1988 ÞJÓÐVILJINN - SÍÐA 9