Þjóðviljinn - 01.11.1988, Blaðsíða 13
Nýjar bækur - Nýjar bækur —
íslenskir
utangarðsunglingar
Bókaútgáfan FORLAGIÐ
hefur sent frá sér bókina íslenskir
utangarðsunglingar - Vitnis-
burður úr samtímanum, sem Sig-
urður Á. Friðþjófsson, umsjón-
armaður Nýja Helgarblaðsins,
hefur tekið saman. Bókin geymir
tíu frásagnir af lífsbaráttu
óharðnaðra unglinga. Ungling-
arnir sem segja frá hafa af ein-
hverjum ástæðum kiknað undan
ofurálagi í lífinu. Sum hafa farið
of geyst, ætt beint af augum án
þess að huga að stefnunni, þar til
þau voru komin í blindgötu sjálfs-
eyðingarinnar. Önnur urðu fór-
narlömb ofbeldis og skeytingar-
leysis, og enn önnur guldu þess
beinlínis að vera öðruvísi en fjöl-
dinn.
Hér er rætt við það fjölmarga
fólk sem vinnur ráðgjafar- og
hjálparstarf meðal íslenskra ung-
linga, oft á tíðum við lítinn skiln-
ing þeirra sem með völd fara hér
á landi. En fyrst og fremst er það
unga fólkið sem hefur orðið:
- Þau sem hvergi eiga höfði sínu
að halla
- Unglingar sem leiddust út á af-
brotabraut
- Kornungir vímuefnaneytendur
- Fórnarlömb kynferðisofbeldis
- Samkynhneigðir unglingar
- Fórnarlömb eineltis í skólum
- Fatlaðir unglingar
í frétt frá FORLAGINU segir
m.a.: „Hér er sagt frá lífi sem oft
er reynt að þegja í hel í þjóðfélagi
sem á hátíðastundum á það til að-
kalla sig „hamingjusömustu þjóð
í heimi“. Bók þessari er ætlað að
skírskota til allra þeirra sem láta
sig mannleg örlög einhverju
varða og hvernig búið er að ungu
fólki á Islandi."
Islenskir utangarðsunglingar
er 160 bls. Prentsmiðjan Oddi hf.
prentaði. Guðrún Ragnarsdóttir
hannaði kápu.
Birgir Svan Símonarson
Farvegir
Ut er komin ný ljóðabók eftir
Birgi Svan Símonarson. Bókin
nefnist Farvegir. Viðfangsefni
bókarinnar eru margvísleg, en
hinn rauði þráður virðist þó vera
tilvistarkreppa landkrabbanna.
Tónn bókarinnar er þó fremur
bjartur og Farvegir geta alltaf
skilað okkur eitthvað áleiðis,
nema við viljum standa í stað.
Farvegir eru gefnir út í 150ein-
tökum og fást í helstu bókaversl-
unum á höfuðborgarsvæðinu.
Tónhstarsaga
æskunnar
Tónlistarsaga
æskunnar
Bókaútgáfan FORLAGIÐ
hefur gefið út fjölfræðibók um
tónlist fyrir börn og unglinga sem
nefnist Tónlistarsaga æskunnar
og er eftir Kenneth og Valerie
McLeish. Hér er um að ræða víð-
fræga bók sem á frummáiinu
nefnist The Oxford First Com-
panion to Music.
Tónlistarsaga æskunnar er nýj-
ung á íslandi, því í fyrsta skipti
eiga íslensk börn og unglingar
kost á að fræðast um tónlist á
móðurmáli sínu í vönduðu al-
fræðiriti. í bókinni er fjallað um
margar greinar tónlistarinnar -
sígilda tónlist Vesturlanda,
popptónlist, djass og tónlist
framandi þjóða.
Bókin skiptist í eftirfarandi
kafla sem gefa góða hugmynd um
fjölbreytni hennar:
- Að hlusta á tónlist
- Tónlist um víða veröld
- Hljóðfæri og hljómsveitir
- Að syngja og dansa
- Tónlistarsagan
- Tónskáldin og tónlist þeirra
- Að skrifa tónlist.
Tónlistarsaga æskunnar er 192
bls. í stóru broti. Eyjólfur Mel-
steð þýddi. Bókin er prentuð í
Hong Kong.
Nótnabækur
Björgvins
í haust komu út tvær nótna-
bækur eftir Björgvin Þ. Valdi-
marsson. Önnur hefur að geyma
12 píanólög fyrir börn og ung-
linga. Það eru lög af ýrnsu tagi, til
dæmis Tengdamömmuvalsinn,
Sýnin, Hjólreiðavalsinn, Taran-
tella, Dans kattarins og Ur haf-
djúpunum.
í hinni bókinni eru 8 tvísöngs-
lög (dúettar) og eru fjögur þeirra
einnig útsett þannig að hægt er að
syngja þá með kór. Höfundar
ljóðanna eru Þuríður Kristjáns-
dóttir, Ingólfur Jónsson frá Prest-
bakka, Hallgrímur Jónsson frá
Ljárskógum, Guðrún Auöuns-
dóttir, Jón Magnússon, Jón frá
Ljárskógum og Þorsteinn Vald-
imarsson.
Útgefandi er höfundur bóka-
nna.
Nýjar bækur - Nýjar bækur - Nýjar bækur
Sumarið 1848
Ferðafélag íslands gefur út Ferð-
abók Magnúsar Grímssonar.
Ferðabók Magnúsar Gríms-
sonar frá 1848 er nákvæm nátt-
úrulýsing á verulegum hluta
Kjósarsýslu og Reykholtsdals,
ásamt hluta af Hálsasveit. Bók-
inni er skipt í 22 meginkafla, og
fjallar sá lengsti þeirra um svæðið
sem afmarkast af Þverá, Mó-
skarðshnúkum, Skálafelli og
Leirvogsá. Aðrir langir kaflar eru
um Eyrarfjall, Reynivallaháls og
Brynjudal, Hvalskarð, Hvalfell
og Múlafjall. Flestir kaflanna eru
þannig uppbyggðir að fyrst er ná-
kvæm Iandlýsing, síðan tekur við
jarðfræðilýsing og aftarlega í
hverri jarðfræðilýsingu oft stutt
yfirleitsgrein.
Magnús Grímsson var fæddur
1825 á Lundi í Lundareykjadal í
Borgarfirði. Hann lauk stúdents-
prófi frá Lærða skólanum í
Reykjavík 1848 og guðfræðiprófi
frá Prestaskólanum tveimur
árum síðar, þó hann hefði á orði
að hann vildi heldur lifa af grjót-
fræðinni en guðfræðinni. Hann
tók við Mosfelli í Mosfellsdal árið
1855 og var þar prestur til dauða-
dags, árið 1860.
Ferðafélag fslands gefur ferða-
bókina út og tileinkar Haraldi
Sigurðssyni á áttræðisafmæli
hans, sem var þann 4. maí síð-
astliðinn. Sveinn Jakobsson og
Ögmundur Helgason sáu um út-
gáfu bókarinnar.
LG
Grænt og gómsætt
C'.olin Spencer
Um jurtafæöi og matreiðshi þess
á sœikerai'ísu 0^
Matreiðslubók
um jurtafæði
Bókaútgáfan FORLAGIÐ
hefur sent frá sér bókina Grænt
og gómsætt, en svo nefnist mat-
reiðslubók eftir breska matar-
gerðarmanninn Colin Spencer,
einn helsta meistara Breta á
þessu sviði.
f frétt frá FORLAGINU segir
m.a.: „Grænt og gómsætt er bók
sælkeranna. Hér er fjallað ítar-
lega um matreiðslu jurtafæðis og
boðið upp á alls konar rétti.
Sumir eru einfaldir og ódýrir- en
aðrir íburðarmiklir og glæsilegir.
Heita má að allt sem notað er í
uppskriftunum fáist hér á landi
og gefnar eru greinargóðar upp-
lýsingar um þær fjölmörgu teg-
undir af grænmeti, ávöxtum,
kornmeti og belgjurtum sem nú
eru fáanlegar. I bókinni er að
finna uppskriftir við allra hæfi,
bæði þeirra sem hafa neytt jurta-
fæðis lengur eða skemur og hinna
sem vilja taka upp nýtt mataræði
öðru hvoru, til tilbreytingar og
sér til heilsubótar.
í bókinni eru leiðbeiningar um
heilsusamlegt fæði og hvernig
setja skal saman hollar máltíðir.
Sérstaklega er hugað að þörfum
barna, þungaðra kvenna, fþrótta-
manna og roskins fólks.
Grænt og gómsætt er 256 bls. í
stóru broti og mikill fjöldi lit-
mynda prýðir bókina. Hún er
prentuð á Ítalíu.
Ljóð námu menn
Bókaútgáfan FORLAGIÐ
hefur sent frá sér nýtt ljóðasafn
eftir Sigurð Pálsson - Ljóð námu
menn. Þetta er annað bindið í
Ljóðnámusafni Sigurðar en fyrir
þremur árum gaf FORLAGIÐ út
ljóðabók hans Ljóð námu land.
Eins og í fyrri ljóðabókum sín-
um velur skáldið sér hversdags-
myndir að yrkisefni og bregður á
leik með þær. Hér er í fjallað um
mannlegt hlutskipti og mannleg
samskipti og höfðað jöfnum
höndum til tilfinninga og
vitsmuna lesandans. Ljóð Sig-
urðar eru árás á sljóleika hvers-
dagsins, áskorun um að vakna til
lífsins - vakna til fegurðarinnar.
Ljóð námu menn er 64 bls.
Prentsmiðjan Oddi hf. prentaði.
Ragnheiður Kristjánsdóttir
hannaði kápu.
Hafið samband við afgreiðslu
Þjóðviijans
í síma 681333
milli kl. 9.00-17.00 virka daga og
9.00-12.00 laugardaga, eða
blaðbera og umboðsmann
okkar.
ASKRIFENDUR!
Greiðið
áskriftargjaldið
með
greiðslukorti
Léttið
bhðberum störGn
Happdrætti
ASKRIFENDUR!
Greiðiö heimsenda gíróseðla sem
fyrst. Dregið 10. nóvember
umglæsilegavinninga u
Þjóðviljans
Þátttaka allra tryggirstórátak