Þjóðviljinn - 04.11.1988, Blaðsíða 2
SKAÐI SKRIFAR
Samtal
við frænku mína
um Kvendjöfulinn
Ég, Skaði, er karlmaður, eins og þið vitið og ég hefi þá hugprýði til að
bera á kvennaöld að ég skammast min hreint ekkert fyrir það.
Og þó hefur frænka mín, hún Villa litla, reynt vel og lengi að svipta
mig mínum íhaldssama formfasta og stefnutrygga karlmennskukjarna
með allskonar stríðni og gaspri. Þetta hefur hún lært af pipruðum
rauðsokkum sem svo hétu áður en þær höfnuðu rauða litnum og fóru
að kenna sig við allan regnbogann. Þetta með hana Villu er reyndar
ein af stórum sorgum lífs míns, því að hún var svo indælt barn og ekki
meira um það.
Eigi skal sýta.
Ég var á dögunum aö Ijúka við að horfa á þennan framhaldsþátt um
Kvendjöfulinn í sjónvarpinu þegar Villa barði upp á hjá mér. Hún var
mjög æst og uppveðruð eitthvað og ég spurði hvort Kvendjöfullinn
væri að sprikla í henni.
Já, sagði hún. Svo sannarlega.
Og hvað fannst þér? spurði ég.
Þessir þættir voru alveg ógeðslegt æði, sagði hún og ég skildi af
okkar fyrri tjáskiptareynslu að hún var mjög hrifin.
Hvað var svona mikið æði? spurði ég.
Sástu ekki hvernig hún tók hann í gegn þennan karlfjanda? Malaði
hann og klessti. Þetta var algjört kjaftshögg á karlaveldið, enda hefi ég
frétt að ballræðismenn sitji emjandi um allan bæ og haldi um magann
eða ég veít ekki hvað.
Það held óg ekki, sagði ég.
Hvað heldurðu ekki? spurði Villa.
Ég held þetta sé ekki kjaftshögg fyrir fimm aura. Ég held að þessi
saga sé barasta ósköp saklaust huggunarævintýri fyrir konur sem
karlar hafa farið illa með. En þeir eru nokkrirtil ennþá og sumsstaðar,
því miður.
Nokkrir til! sagði Villa hneyksluð.
Olræt, sagði ég sáttfús eins og alltaf. Þeir eru altént of margir.
Huggunarævintýri! hélt Villa áfram að hneykslast.
Já einmitt. Hlustaðu nú á mig frænka mín góð. Þú veist að ævintýri
fyrir börn eru um einhverja litla manneskju sem fer úr foreldrahúsum út
í heiminn og lendir í úlfsklóm og tröllahöndum en sleppur með heppni
og áræðni og óvæntri aðstoð og galdri. Þessi ævintýri eiga að sætta
börnin við það að þeirra bíði lífsbarátta án foreldraverndar og þeim til
huggunar er því laumað að þeim að þau muni ráða við öll skrýmsli. Allt
fer vel að lokum, ekki satt. Kvendjöfullinn er alveg eins. Þar er verið að
segja við misheppnaðar, nei fyrirgefðu við konur sem karlar hafa
móðgað: Þú ræður við þetta. Þú getur náð tökum á tölvugaldri og
galdrað til þín alla andskotans peninga frá karlinum. Og þú getur notað
þessa peninga til að öðlast hylli galdramannanna - það er að segja
fegrunarlæknanna sem saga þig í sundur forljóta og setja þig saman
aftur fallega. Köttur úti í mýri...
Mér þykir þú orðinn fræðilegur frændi, sagði Villa háðsk.
Takk fyrir, sagði ég. Maður reynir að fylgjast með.
En þetta sem þú sagðir, sagði Villa og skrúfaði sig upp, er ekki
annað en fals og afskræming á kvenlegum sannleika. Kvendjöfullinn
er snjöll lofgjörð til þess krafts sem býr í konum, þess krafts sem ekki
aðeins leyfir ykkur að skríða inn í heiminn, heldur þess krafts til að
breyta sjálfri sér, hafa endaskipti á eigin tilveru, sem býr í konum ef
þær hremma sitt augnablik á réttri stundu. Rísa upp...
Rísa upp, hehe, sagði ég - og til hvers? Til að krækja aftur í þessa
hundleiðinlegu skrifstofublók sem Kvendjöfullinn var gift. Það var þá
upprisa, jesúsminn.
Skaði, sagði hún. Kvendjöfullinn vill bara réttlæti, karlinn getur átt
sig
Óekki elskan mín, sagði ég. Til hvers er hún þá að láta saga sig. í
sundur? Til að verða akkúrat eins og þessi sæta, rómantíska pía sem
karlinn stakk af til. Og er reyndar eina manneskjan í þessari svínastíu
Fay Wldon sem hefur eitthvert hjarta, þótt ruglað sé!
Villa hleypti brúnum, en leit svo á mig með vorkunnsemi.
Skaði minn, sagði hún. Þú hefur aldrei skilið hið tviræða táknsnið
kvennabókmenntanna. Enda ertu ekki kona þótt skömm sé frá að
segja. Mér finnst eiginlega tími til kominn að þú hættir þessari bjána-
legu línulaga rökhugsun þinni og hverfir aftur inn á hringhverft yfirráða-
svæði móðurinnar þar sem þú ert best geymdur í þögn og gleymsku
góðri...
2 SÍÐA - NÝTT HELGARBLAÐ Föstudagur 4. nóvember 1988
í RÓSA-
GARÐINUM
Líkingarnar fara fjöld...
Hér verður sviðin jörð ef skipin
fara burt.
Fyrirsögn í DV
Kvótaregluna burt?
Það hefur aldrei verið gæfumerki
að hampa konum um of í stjórn-
unarstöðum hjá Alþýðubanda-
laginu og getur Þjóðviljinn varla
verið undantekning þar á.
Lesendabréf í DV
Maður getur nú
gleymt sér
Hengdi rollu af gáleysi.
Fyrirsögn i DV
Eitt er nauðsynlegt
Brýnast að koma vitinu fyrir
ráðamenn þjóðarinnar.
Formaður BSfíB í Mbl
Á refilstigum
dýrafræðinnar
Stolnar fjaðrir utanríkisráðherra.
Geir H. Haarde í Mbl
Stéttasamvinna
borgar sig ekki
Er hjúkrunarfólkið sakað um að
hafa tekið sérstaka þóknun fyrir
sjálfsagða og eðlilega þjónustu
við sjúklinga og staðið í leyni-
makki við útfararstjóra um að út-
vega þeim verkefni.
FréttíMbl
Aumingja ríka fólkið
Vinir Jade segja hana indælis-
stúlku, bara ofdekraða. Hún sé
vön að fá allt sem hún bendi á og
slíkt sé öllum slæmt. Auk þess
hefur líf hennar ekki verið dans á
rósum. Foreldrar hennar hnakk-
rífast alltaf þegar þau tala saman.
Spegill Tímans
Ekkert má nú lengur
Lífshættir Björns urðu Mariönu
ofviða, því hún er sú kvengerð
sem kýs að fórna sér fyrir eigin-
manninn.
Spegill Tímans
Hliðstæðar plágur
Einhvern tíma var sagt að frönsk
kona komin yfir 35 ára aldur ætti
álíka mikla möguleika á að gifta
sig aftur og að verða fyrir
sprengjuárás.
Pressan
Sósíalrealisminn blífur
Vildum fá svitann og táfýluna
með.
Fyrirsögn í Pressunni
Kannski samnorrænt
ráðunaut?
Norræna ráðherranefndin, fram-
kvæmdanefndin, auglýsir’ stöðu
ráðunauts á rannsóknarsviði.
Úr blaöaauglýslngu