Þjóðviljinn - 10.11.1988, Blaðsíða 1
Fimmtudagur 10. nóvember 1988 244. tölublað 53. árgangur
Fjölmiðlar
Einokun fjáimagnsms
Menntamálaráðherra: Auglýsingar inni í dagskrá ólöglegar.
Ljósmiðlafrelsi hefur snúist upp íeinokunfjármagnsins. Haft íhuga við endurskoðun útvarpslaga
Svavar Gestsson menntamála-
ráðherra segir það alvarlegt um-
hugsunarefni þegar frelsi í út-
sendingum ljósvakamiðla snúist
upp í andhverfu sína þannig að
hluti þjóðarinnar væri útilokaður
frá því að sjá íslandsmeistara-
mótið í handknattleik, vegna
þess að ein sjónvarpsstöð kaupir
sér einokunarrétt. Með þessu sé
sá einkaréttur sem ríkið hafði
orðinn að einokunarrétti þeirra
sem borgi mest. Svavar telur að
þessa staðreynd verði að hafa í
huga við endurskoðun útvarps-
laganna í vetur.
í samtali við Þjóðviljann sagði
Svavar að það væri alveg tví-
mælalaust í útvarpslögunum, að
auglýsingar skyldu vandlega að-
greindar frá öðru efni. Á þessum
grundvelli hefði ríkisútvarpið
skrifað menntamálaráðherra í
maí sl. og óskað eftir úrskurði
ráðuneytisins um það hvort lög-
legt væri að vera með auglýsingar
inni í mynd. Ráðuneytið sendi
þetta erindi til
útvarpsréttarnefndar sem lá lengi
yfir málinu en komst ekki að ein-
hlítri niðurstöðu. Eftir það hefur
málið síðan verið til meðferðar
hjá menntamálaráðuneytinu, og
sagðist Svavar ekki hafa vitað af
bréfi RÚV fyrr en í síðustu viku.
Menntamálaráðherra skrifaði
útvarpsstjóra bréf í gær þar sem
auglýsingar með þessum hætti
eru úrskurðaðar óheimilar og
Stöð 2 var einnig tilkynnt þessi
niðurstaða. Svavar sagðist hafa
rætt við Jón Óttar Ragnarsson
sjónvarpsstjóra stöðvarinnar og
hann hefði tjáð sér að hann
myndi umsvifalaust taka tillit til
þessa úrskurðar. Hvort þetta
hefði síðan áhrif á útsendingar á
handboltaleikjum vildi Svavar
ekkert segja til um, en það alvar-
lega í málinu væri að frelsið hefði
snúist upp í andhverfu sína.
-hmp
Sjá síðu 3
Útgáfa
Ohátíðleg bók
Mín káta angist,fyrsta skáldsaga Guðmundar
Andra Thorssonar kom útígœr
Guðmundur Andri afhjúpar „Kátu angistina" sína í hófi Félags íslenska bókaútgefenda í gær. Mynd: Jim
Smart.
„Mín káta angist“ nefnist
fyrsta skáldsaga Guðmundar
Ándra Thorssonar, sem kom út
hjá Mál og menningu í gær. Þjóð-
viljinn hitti Guðmund Andra í
hófi Félags íslenskra bókaútgef-
enda, sem haldið var í gær og
markar upphaf jólabókavertíðar-
innar.
Guðmund Andra er óþarfi að
kynna fyrir lesendum Þjóðvilj-
ans. Hann hefur ritað gagnrýni í
blaðið okkar en er nú ritstjóri
Tímarits Máls og menningar.
Hvað segir nýr höfundur?
„Hann segir eitthvað nýtt. Nei
annars, þetta er bara lítil saga
sem ég vona að fólk hafi gaman af
að lesa, þetta er ekki bók-
menntaviðburður. “
Hvernig líður bókmenntafræð-
ingi sem nú er orðinn að rithö-
fundi?
„Ef illa fer þá er alltaf hægt að
segja við mig að ég sé misheppn-
aður rithöfundur, þessvegna
skrifi ég krítík, - það væri þá loks-
ins orðið dagsatt.“
Hvernig lýsirðu nýju bókinni?
„Þetta er bók um 25 ára strák
sem verður skotinn í stelpu og
horfir um leið á hillingarnar
hrynja. Þetta er eiginlega
Reykjavíkursaga, saga með alls-
konar stellingar, ekki mjög hátíð-
legar stellingar. Mér finnst þetta
sjálfum vera óhátíðleg bók.“
-m /Sáf
Grandi
Elstu konunum sparkað
Framsókn: Eldri verkakonum fórnað á altari hagrœðingar og skipulagsbreytinga. Hinn árlegi
basarfélagsins til styrktar konum sem hœtt hafa störfum eða eiga í erfiðleikum verður nk.
laugardag að Skipholti 50 A
Hjá Verkakvennafélaginu
Framsókn eru 22 verkakonur á
atvinnuleysisskrá sem unnið hafa
um lengri eða skemmri tíma hjá
Granda hf. Þær voru ekki endur-
ráðnar eftir hagræðingar og skip-
ulagsbreytingar sem gerðar voru
á fiskvinnslu fyrirtækisins í ágúst
sl.
Að sögn Rögnu Bergmanns
formanns Verkakvennafélagsins
Framsóknar eiga eldri verkakon-
ur erfitt uppdráttar innan fyrir-
tækja sem þær hafa unnið hjá
lengi þegar ákveðið er að hag-
ræða og endurskipuleggja þau.
Pá bitna þessar aðgerðir fyrst og
fremst. á eldra fólkinu sem fær
ekki endurráðningu, þó svo að
það sé engu síðri starfskraftur en
margt yngra fólkið.
Þá hefur Verkakvennafélaginu
borist nokkrar tilkynningar frá
atvinnurekendum þar sem til-
kynntar eru hagræðingar og skip-
uíagsbreytingar á störfum ræsti-
ngakvenna. En það virðist vera
helsta hálmstrá atvinnurekenda
og hagræðingarráðunauta þeirra
í dag að ganga í skrokk á ræsti-
ngakonum þegar niðurskurðar-
hnífnum er beitt.
Á nk. laugardag heldur félagið
sinn árlega basar í húsakynnum
þess að Skipholti 50 A og hefst
hann klukkan 14. Öllum ágóða af
honum verður ráðstafað til að
gleðja fullorðnar verkakonur
sem hætt hafa störfum og konur
sem eiga bágt og hefur sú hefð
haldist í áratugi. Á basarnum
verður ma. boðið uppá handunn-
ar prjónavörur, ýmislegt föndur,
jóladúka, og svuntur. Auk þess
verður þar happadrætti að ó-
gleymdu kaffi, vöfflum og öðru
góðgæti.
-grh
Bandaríkin
Varamaður
færist upp
George Bush kjörinn í
Hvíta húsið en
demókratar halda þingi
Maður að nafni George Bush
verður 41. forseti Bandaríkj-
anna. í fyrradag og í gærmorgun
bárust skýr skilaboð frá banda-
rísku þjóðinni um að þetta væri
vilji hennar og ósk.
Bush er ekki allsendis ókunnur
innviðum Hvíta hússins því þar
hefur hann verið tíður gestur
Ronalds Reagans síðustu átta
árin enda skjólstæðingur hans,
varamaður og þægur þjónn.
Þótt Bush hafi knésett dem-
ókratann Dukakis í óþrifalegri og
auvirðilegri kosningabaráttu geta
flokksbræður hins sigraða hugg-
að sig við þá staðreynd að þeir
hafa enn bæði tögl og hagldir í
báðum þingdeildum.
Sjá síðu 9