Þjóðviljinn - 10.11.1988, Blaðsíða 2
FRETTIR
Þingmenn
Biðlaun ekki uppgefin
Friðrik Ólafsson skrifstofustjóri Alþingis: Persónulegar upplýsingar.
Ekki ástœða til að gefa það upp
Friðrik Ólafsson skrifstofu-
stjóri Alþingis segir að upplýs-
ingar um það hvaða þingmenn
hafi þegið biðlaun séu persónu-
legar upplýsingar sem hann telji
sig ekki geta gefið upp. Málið sé
þannig vaxið að hann sjái ekki
Biðlaun
í tilefni
Ekki er einleikið hvernig allt
kerfið rís upp til varnar gegn
leiðum kvennalistakvenna til
þess að treysta lýðræðið og efla
virkni kvenna í stjórnmálum.
Menn ólmast í hefðbundnu
flokkunum og nota ofurvald fjöl-
miðlanna til þess að reyna að
koma höggi á kvennalistakonur
með því að gera verkaskiptaregl-
ur okkar tortryggilegar, jafnvel
gefa í skyn að einstakár konur séu
að þessu í eiginhagsmunaskyni.
í alvöru piltar, er ekki mögu-
leiki að hafa umræðuna á örlítið
hærra plani? Reyndar getið þið
huggað ykkur við það, að með
háttalagi sínu spara kvennalista-
konur almenningi stórfé, þegar
til lengdar lætur, þar sem þing-
menn fá biðlaun í helmingi lengri
tíma eftir 10 ára setu og ávinna
sér æ meiri lífeyrisréttindi því
lengur sem þeir sitja. Þið getið
spurt framámenn í Alþýðu-
bandalaginu betur um það.
Kvennalistakonur ríða ekki fei-
tum hesti frá þeim leik.
Verkaskiptareglur Kvennalist-
ans miða að því að dreifa valdi,
verkefnum og ábyrgð. Þeim er
ætlað að vinna gegn persónu-
dekri og hindra að einstaklingar
gerist sjálfskipaðir sérfræðingar í
krafti reynslu sinnar af fulltrúa-
störfum. Þessar reglur gera mest-
ar kröfur til okkar sjálfra, en eru
að sjálfsögðu ógnun við sam-
tryggingarkerfi hefðbundnu
flokkanna.
Með kveðju og ósk um heiðar-
legri vinnubrögð í framtíðinni
leyfi ég mér að skjóta að ykkur
vísukorni, sem ég lærði þegar ég
var ung. Sá sannleikur er enn í
fullu gildi:
Ég segi ekki beint, að þú sért með
andlega flekki,
en samt finnst mér dálítið
kyndugt þitt háttalag,
því flest sem þú vilt, að aðrir
menn geri þér ekki
er einmitt það sem þú gerir
þeim sérhvern dag.
Kristín Halldórsdóttir
þingkona Kvennalistans.
Handbolti
FH tapaði
fyrir KA
Grótta vann
Breiðablik
Fjórir leikir voru í 1. deildinni í
handbolta í gærkvöld. Helstu tíð-
indin voru þau að FH-ingar töp-
uðu á heimavelli sínum í Hafnar-
firði fyrir KA frá Akureyri, 24-
25. Erlingur Kristjánsson skoraði
sigurmark norðanmanna úr vít-
akasti eftir að leiktímanum lauk.
fslandsmeistarar Vals tóku
Framara í kennslustund að Hlíð-
arenda og sigruðu með 15 marka
mun, 35-20. Þá kom Grótta á
óvart og sigraði Breiðablik, 20-
17, og Víkingar unnu Vest-
mannaeyinga, 29-19. -þóm
ástæðu til að gefa þessar upplýs-
ingar.
Þegar Friðrik var beðinn um
upplýsingar um þann fjölda þing-
manna sem þegið hefðu biðlaun
frá því að þau komu til sögunnar
1982, sagði hann að starfsmenn
þingsins hefðu nóg að gera nú á
mesta annatíma þingsins. Það
væri mjög tímafrek vinna að taka
þetta saman og það væri ekki víst
að skrifstofa Alþingis hefði þess-
ar upplýsingar þar sem þessi mál
færu oft beint í gegnum launa-
deild fjármálaráðuneytisins.
Eftir síðustu kosningar hurfu
21 þingmaður af Alþingi, annað
hvort vegna þess að þeir náðu
ekki kjöri eða vegna þess að þeir
buðu sig ekki aftur fram. Ef þeir
hafa allir þáð biðlaun eru þau
samtals hátt á fjórðu miljón
króna. En samkvæmt lögum um
þingfararkaup eiga þeir þing-
menn sem setið hafa lengur en
eitt þing rétt á biðlaunum, burt
séð með hvaða fyrirvara þeir
hætta á þingi. Eitthvað hefur ver-
ið um það að þingmenn þiggi ekki
biðlaun. -hmp
Selma Ósk Kristiansen: Hvet alla til að nota daginn í dag til að gera skil í happdrætti Þjóðviljans. Mynd-Jim
Smart.
Happdrœtti Þjóðviljans
Dregið verður í dag
Síðustuforvöð að geraskil. Selma Ósk Kristiansen: Óvenjuglœsilegir
vinningar. Hallur PállJónsson: Stuðningurinn mikilvœgurfyrir
blaðið
Eg vænti þess fastlega að áskrif-
endur og velunnarar blaðsins
haldi vöku sinni sem fyrr og láti
ekki undir höfuð leggjast að
kaupa heimsenda happdrættis-
miða. Þetta er lítil upphæð fyrir
hvern og einn, en mikilvæg fyrir
blaðið ef viðbrögð verða góð,
segir Hallur Páll Jónsson fram-
kvæmdastjóri Þjóðviljans, en
dregið verður í Happdrætti Þjóð-
viljans í dag.
Að sögn Selmu Óskar Kristi-
ansen, umsjónarmanns happ-
drættisins, hafa undirtektir
stuðningsmanna og áskrifenda
verið nokkuð góðar, en lokaskil
vantar enn frá nokkrum stöðum.
- Ég vil hvetja alla sem eiga
eftir að gera skil að nota nú síð-
asta daginn. Það eru óvenju
glæsilegir vinningar í boði í ár og
því um að gera að vera með, sagði
Selma.
í aðalvinning er bifreið, en aðr-
ir vinningar eru m.a. tölva, sól-
arlandaferðir, sjónvarp, mynd-
bandstæki, ritvélar, uppþvotta-
vél, örbylgjuofn, bóka-,
húsbúnaðar- og vöruúttektir.
Það er einnig nýmæli að nú er
dregið í happdrættinu í byrjun
nóvember en ekki rétt fyrir jól
eins og undanfarin ár og áratugi.
- Þjóðviljinn er eins og hvert
annað fyrirtæki, að því leyti að
hann hefur ekki farið varhluta af
erfiðu efnahagsástandi undanfar-
ið. Það er því á brattann að sækja
þessa mánuðina. Á hinn bóginn
hefur blaðið aldrei verið hugsað
sem peningakvörn, við gefum út
Þjóðviljann til að halda á lofti
sjónarmiðum jafnréttis, sósíal-
isma og verkalýðshreyfingar.
Styrkur blaðsins fyrr og síðar hef-
ur verið sú breiða fylking sem að-
hyllst hefur slík viðhorf. Ég leyfi
mér að vona að sú fylking sé núna
í sókn en ekki í vörn, segir Hallur
Páll Jónsson.
Hann sagði ennfremur að
stefnt sé að miklum breytingum á
högum blaðsins á næsta ári, en þá
er gert ráð fyrir að Þjóðviljinn
flytji í nýtt húsnæði að Lynghálsi
9. Þá verður tekin upp að nýju
samvinna við hin Blaðaprents-
blöðin, m.a. á sviði umbrots og
setningar, en einmitt á því sviði
eiga sér nú stað miklar tækninýj-
ungar í blaðaheiminum. Slík
samvinna á að geta skilað tölu-
verðri hagræðingu þegar frá líð-
ur, að sögn Halls Páls.
-lg-
Tónleikar
„Minni
Steinþórs"
í Tunglinu verða í kvöld kl.
21.30 haldnir tónleikar í minn-
ingu Steinþórs Stefánssonar tón-
listarmanns sem lést af slysförum1
fyrr á þessu ári. Steinþór spilaði
með ýmsum merkum nýbylgju-
rokksveitum á árunum 1978-
1988.
Tónleikarnir bera yfirskriftina
„Minni Steinþórs" og á þeim
koma fram ýmsir samstarfsmenn
og vinir hans í tónlistinni.
Þetta kvöld munu meðal ann-
ars koma fram hljómsveitirnar:
Sniglabandið, Október, Langi
Seli og Skuggarnir, Q4U, Fræb-
bblarnir, Kamarorghestar, Lost
og Daprinsip.
Nicaragua
Fellibylur
og styrjöld
Litskyggnusýning og
umrœður í
Sóknarsalnum í kvöld
Högni Eyjólfsson sem er ný-
kominn úr þriggja mánaða ferð
til Nicaragua sýnir litskyggnur
frá landinu í Sóknarsalnum í
kvöld. Högni var ásamt tveimur
íslendingum í alþjóðlegum vinnu-
hóp sem tók þátt í byggingu
barnaheimilis og skóla í
norðurhéruðum landsins en þau
hafa orðið einna verst úti í þeirri
styrjöld sem geisað hefur í
landinu undanfarin 6 ár.
Þær litskyggnur sem Högni tók
eru frá þessum héruðum og
ferðalagi hans um Atlantshafs-
strönd Nicaragua. Hann var
einnig staddur í höfuðborginni
Managua þegar fellibylurinn Jó-
hanna gekk yfir landið og sýnir
myndir af þeirri eyðileggingu sem
hann skildi eftir sig. Sýningin
hefst kl 20.30 og að henni lokinni
verður kynnt hugmynd um hóp-
ferð til Nicaragua á 10 ára afmæli
byltingarinnar á næsta ári.
Fjársöfnun er hafin vegna
þeirra 300.000 manna sem misstu
heimili sín í fellibylnum. Fjár-
framlög má leggja inn á reikning
0801-05-081657 í Alþýðubankan-
um. Hægt er að greiða framlög
með gíróseðli í öllum bönkum og
sparisjóðum.
-hmp
Hluthafar O. N. Olsen
Mótmæla ákvörðun skiptaréttar
Vilja að Bjartmar hf., Landsbanki og Féfang hf. afléttipersónulegum ábyrgðum.
Að öðrum kosti verði kaupsamningiþrotabús O. N. Olsen og Bjartmars hf riftað
Fyrrum hluthafar jækju-
vinnslu O.N.OIsen á ísafirði
hafa ritað skiptarétti ísafjarðar
bréf þann 3. þessa mánaðar þar
sem þeir mótmæla ráðstöfunum
eigna O. N. Olsen hf skv.
kaupsamningi. Telja þeir að ekki
hafi verið tekið tillit til hagsmuna
þeirra einstaklinga sem standa í
persónulegum ábyrgðum fyrir O.
N. Olsen hf. Þá fara fyrrum hlut-
hafar fram á að Bjartmar hf, en
það er fyrirtæki það sem kaup-
endur þrotabús O. N. Olsen
stofnuðu, verði meinuð afnot af
vélum sem Bjartmar notar í dag,
þar sem þær vélar séu keyptar á
kaupleigusamningi hjá Féfangi
hf. og fyrrrum hluthafar í O. N.
Olsen standa í ábyrgðum fyrir.
í bréfinu er þess krafist að
verði ekki orðið við þessum kröf-
um, kalli skiptaráðandi saman
fund með veðhöfum og fulltrúum
hluthafa, þar sem afstaða verði
tekin til riftunar kaupsamning-
sins við Bjartmar hf. Er bent á að
forráðamenn Bjartmars hafi ekki
fengið neina fyrirgreiðslu í
bönkum og að engin starfsemi
hafi átt sér stað í fyrirtækinu frá
því kaupin voru gerð. Síðan
bréfið var ritað, hefur þó vinnsla
á hörpudisk hafist í Bjartmar hf.
phh
2 SÍÐA - ÞJÓÐVILJINN