Þjóðviljinn - 12.11.1988, Blaðsíða 1
Laugardagur 12. nóvember 246. tölublað 53. órgangur
Utanríkisráðheira hirtur
Ágreiningur innan stjórnarflokkanna um stefnu Jóns Baldvins í utanríkismálum. Hjörleifur Guttormsson: Öndvert
stefnu stjórnarinnar. PállPétursson: Eining um aðfylgja fyrri stefnu
„Alþýðuflokkurinn hefur
bankað upp á rangar dyr, þegar
hann leitaði eftir ríkisstjórnar-
samstarfi við Alþýðubandalagið,
ef hann ætlar að taka upp þá
utanríkisstefnu sem felst í afstöðu
og embættisgerðum Jóns Bald-
vins Hanníbalssonar utanríkis-
ráðherra að undanförnu." Þetta
kom fram í máli Hjörleifs Gutt-
ormssonar í umræðum sem fóru
fram utandagskrár á fundi Sam-
einaðs þings í gær. Páll Pétursson
tók undir það sjónarmið að af-
staða utanríkisráðherra væri ekki
í samræmi við stefnuyfirlýsingu
ríkisstjórnarinnar.
Hörð gagnrýni kom fram á þá
ákvörðun utanríkisráðherra að
ísland skyldi sitja hjá við at-
kvæðagreiðslu á þingi Samein-
uðu þjóðanna um fordæmingu á
framferði ísraela gagnvart Pal-
estínumönnum. Utanríkisráð-
herra þurfti einnig að svara
gagnrýni vegna fyrirskipana til
fulltrúa íslands hjá Sameinuðu
þjóðunum um hjásetu í atkvæða-
greiðslu, sem fram fór í gær, um
frystingu kjarnavopna, og um
glannalegar yfirlýsingar varðandi
hugmyndir um gerð varaherflug-
vallar fyrir NATO hérlendir.
Hjörleifur sagði að stefna Jóns
Baldvins risi öndverð gegn
ákvæðum um utanríkismál í
stefnuyfirlýsingu ríkisst j órnar-
innar sem samin var fyrir um ein-
um og hálfum mánuði. Þar er
m.a. lýst yfir stuðningi við bar-
áttu fyrir mannréttindum, hvar
Bœkur
Strákajól
í ár
300 til350 titlar að þessu sinni.
Bókaverð hœkkar um 20 %.
Minna um íslensk skáldverk
Bókavertíðin er hafin. Start-
byssuskotinu var hleypt af í boði
bókaútgefenda í vikunni þar sem
kynntar voru væntanlegar bækur.
Að þessu sinni verða færri titl-
ar á söluborðum bókabúðanna
en undanfarin ár. Helgast það af
tvennu, að sögn bókaútgefenda, í
fyrsta lagi minni kaupmáttur
fólks og í öðru lagi hefur framboð
á bókum fyrir jólin verið of mikið
á liðnum árum.
Bókaverð hækkar að þessu
sinni um 20%, það þýðir í raun að
bækur eru mun ódýrari í ár en í
fyrra, meðalverð þeirra liggur á
bilinu 2000 til 2400 kr.
íslenskir kvenrithöfundar
settu svip sinn á útgáfuna í fyrra,
nú er haft á orði að það séu strák-
arnir sem taki við, mikið er af
skáldverkum eftir yngri kynslóð
íslenskra höfunda, fátt nýtt kem-
ur frá þeim eldri.
Páll Valsson bókmenntafræð-
ingur segir í viðtali við blaðið að
við getum allt eins búist við prýði-
legum bókajólum í ár.
Sjá opnu
sem hún er háð, og ákveðið að
taka skuli virkan þátt í umræðum
um afvopnunarmál og kjarnork-
uvopnalaus svæði. Þar segir einn-
ig: „Ríkisstjórnin mun ekki gera
nýja samninga um meiri háttar
hernaðarframkvæmdir. “
Páll Pétursson formaður þing-
flokks Framsóknarflokksins
sagði að hann hefði tekið þátt í að
semja utanríkismálakaflann í
stefnufirlýsingu ríkisstj órnarinn-
ar. í því hefðu m.a. tekið þátt
Steingrímur J. Sigfússon og
Kjartan Jóhannsson. Þeir hefðu
talið tryggt að áfram yrði fylgt
stefnu fyrrverandi utanríkisráð-
herra. „Út frá því gengum við
þegar við völdum Jón Baldvin
Hanníbalsson sem utanríkisráð-
herra.“
Kristín Einarsdóttir sagði það
fráleitt að ráðherra hefði ekki
haft nema hálfa klukkustund til
að ákveða afstöðu til 20 tillagna
um afvopnunarmál. Tillögurnar
hefðu komið fram á mánudag á
þingi Sameinuðu þjóðanna.
Utanríkisráðherra sagðist hafa
djúpa sannfæringu fyrir því að
hann hefði tekið rétta ákvörðun.
„Hverjir erum við að við getum
kveðið upp Salómonsdóm í þessu
máli?“ sagði hann og átti þá við
fordæmingu á ísraelsstjórn.
Minnti hann á langa sögu Gyð-
inga og að Gyðingavandamálið
væri 1500 ára gamalt.
Þeir þingmenn, sem komu
utanríkisráðherra til varnar og
töldu að hann hefði tekið rétta
afstöðu, voru úr Sjálfstæðis-
flokknum. „Hér er rætt um meg-
inþátt íslenskra stjórnmála,"
sagði Ragnhildur Helgadóttir og
lagði á það áherslu að um hann
væri ágreiningur innan ríkis-
stjórnarinnar.
Útifundur
Umferðin
er ekkert
grin
Baráttufundurfyrir bœttri
umferðarmenningu á
Lœkjartorgi í dag
Áhugahópur um bætta umferðarmenningu í
samvinnu við Grunnskóla Reykjavíkur efnir til
kröfugöngu og útifundar í dag. Safnast verður
saman á Hlemmi klukkan hálftvö og gengið
niður Laugaveginn. Að göngunni lokinni verð-
ur haldinn baráttufundur á Lækjartorgi um
umferðarmálin.
Áhugahópurinn hefur verið iðinn við að út-
búa áróðursefni um skuggahliðar og
mannfórnir umferðarinnar frá því hann varð til
í sumar og kveðið sterkar að orði en tíðkast
hefur. Fyrir bragðið hefur framtakið vakið
mikla athygli. Á útifundinum í dag verður gerð
grein fyrir starfinu og nauðsynlegar úrbætur í
umferðarmálunum viðraðar, þar á meðal fleiri
hraðahindranir í íbúðahverfum, hert viðurlög
við hraðakstri og ölvunarakstri, fleiri gang-
brautarverðir og aukin fræðsla.
Grunnskólanemar hafa tekið virkan þátt í
undirbúningi fundarins, og til marks um það er
kröfuspjaldagerðin sem hér fylgir með á mynd,
en hana tók Jim Smart í Vesturbæjarskólanum
í vikunni.
Þjóðviljinn hvetur foreldra, kennara og ann-
að áhugafólk um bætta umferðarmenningu til
að fjölmenna í kröfugönguna í dag með börn
sín og leggja þannig sitt af mörkum í baráttunni
við umferðarslysin.
HS
Alþingi
Friðairáðstefna á íslandi
Tillaga um fordœmingu á mannréttindabrotum ísraelsstjórnar. Réttur
Palestínumanna til stofnunar eigin ríkis. Tekiðframfyrir hendur utanríkisráðherra
Á alþingi hefur verið lögð fram
tillaga til þingsályktunar um
deilur fsraels og Palestínumanna
þar sem fordæmt er framferði ís-
raelsstjórnar gagnvart Palestínu-
mönnum. Flutningsmenn eru
þau Hjörleifur Guttormsson,
Kristín Einarsdóttir og Páll Pét-
usson.
í tillögunni er talið að ástand-
ið, sem ríkir fyrir botni Mið-
jarðarhafs, sé ógnun við heims-
friðinn. Fordæmd eru síendur-
tekin mannréttindabrot og lögð
áhersla á að ísraelsstjórn virði
mannréttindayfirlýsingu Samein-
uðu þjóðanna og Genfarsáttmál-
ann um vernd óbreyttra borgara
á stríðstímum.
Lagt er til að ísland bjóðist til
að vera gestgjafi alþjóðlegrar
friðarráðstefnu á vegum Samein-
uðu þjóðanna með þátttöku allra
deiluaðila.
Þá er lagt til að viðurkenndur
verði sjálfsákvörðunarréttur pal-
estínsku þjóðarinar og réttur
hennar til að stofna eigið ríki um
leið og viðurkenndur verði tilver-
uréttur ísraelsríkis innan öruggra
landamæra. Jafnframt verði
viðurkenndur réttur palestínskra
flóttamanna til að snúa aftur til
fyrri heimkynna.
Samkvæmt tillögunni á að fela
ríkisstjórninni að viðurkenna
Frelsissamtök Palestínu, PLO,
sem málsvara palestfnsku þjóðar-
innar.