Þjóðviljinn - 17.11.1988, Blaðsíða 16

—SPURNINGIN-
Hvernig líst þér á stofnun
sjálfstæös ríkis Palest-
ínumanna?
Sigurður Svavarsson:
Mér líst alveg prýðilega á það
og vona að þetta geti orðið fram-
tíðarlausn á vanda þjóöarinnar.
Margrét Hilmarsdóttir:
Hef ekki hugmynd um það.
Jónas Björnsson:
Ég hef ekki myndað mér neina
skoðun um það. Það er búið aö
flækja þetta svo í fréttum að mað-
ur botnar ekkert í þessu.
Sigrún Kristjánsdóttir:
Eg hef ekki myndað mér
skoðun á málinu.
Óskar Ingimarsson:
Þetta er á byrjunarstigi. Ég hef
alltaf verið með því að Palestínu-
menn gætu átt sitt eigið ríki.
Framtíðin verður svo að skera úr
því hvernig til tekst.
SÍMI 681333
Á KVÖLDIN
eo4040
ÁLAUGARDÖGUM
681663
Vígreifur hópur nemenda hrósar sigri á þaki Ármúlaskóla eftir að það fréttist að menntamálaráðherra hefði tekið vel í óskir þeirra um bætta
aðstöðu í skólanum. _ Mynd: Jim Smart.
w Ármúlaskóli
Afangasigur nemenda
lOfélagar í Útivistarklúbbiskólanssváfu tvcer nœtur ítjöldum uppá þaki tilað leggja áherslu á
kröfurum mötuneyti ogfélagsaðstöðu. Fullurskilningur menntamálaráðherra áþörfum
skólans. Reykjavíkurborg virðist engan pening eiga til viðhalds og endurbóta á húsnœði hans
Um 10 félagar í Útivistacklúbbi
Fjölbrautarskólans í Armúla
höfðust við í nokkrum tjöldum á
þaki skólans frá því sl. mánudag
og fram á gærdaginn til að leggja
áherslu á kröfur nemenda og
skólans að lokið yrði við bygg-
ingu skólans og nemendum
tryggð sómasamlegt mötuneyti og
féiagsaðstaða.
Þessi aðgerð nemendanna
vakti að vonum mikla athygli og á
fundi sem stjórn skólans átti í
gærmorgun með Svavari Gests-
syni menntamálaráðherra var
ákveðið að ráðherra ræddi við
Reykjavíkurborg um kostnað
vegna endurbóta og viðhalds á
húsnæði hans. Jafnframt að
skólinn færi inn á næstu fjárlög til
að hægt yrði að byrja að huga að
þeim byggingarframkvæmdum
sem ólokið er.
Nemendur voru að vonum
ánægðir með þessi málalok en
þeir höfðu ákveðið að gista uppá
þaki uns viðunandi niðurstaða
fengist í málinu. I spjalli við nem-
endur kom fram að aðstaða
þeirra til félagsstarfa er nánast
engin og til að mynda tekur hátíð-
arsalur skólans aðeins 100 nem-
endur en í skólanum eru um 700
nemendur. Það er því við ram-
man reip að draga að koma öllum
nemendum skólans fyrir á Sal.
Þá er mötuneytisaðstaða nem-
enda í skólanum nánast engin ef
undanskilin er smá sjoppa með
tilheyrandi sjoppufæði.
Skólatíminn er frá 8 - 18 á degi
hverjum og með öllu óviðunandi
fyrir nemendurna að hafa ekki
aðgang að mötuneyti á þeim
tíma. Þar fyrir utan stríðir það
gegn þeim aðgerðum sem
heilbrigðisráðherra hefur staðið
fyrir að undanförnu fyrir
heilbrigðu fæði skólanemenda
þegar þeir hafa ekki að öðru að
hverfa en því sem hægt er að
kaupa í sjoppunni.
Að sögn Hafsteins Þ. Stefáns-
sonar skólameistara Armúla-
skólans er það einkum af þrem
ástæðum sem ekki hefur verið
neitt byggt við skólann frá því
sem nú er. Skólinn hefur ekki
fengið neitt stofnframlag þótt lög
hafi verið samþykkt unt starfsemi
hans. Þá hefur Reykjavíkurborg
ekki verið áfjáð í að reka fram-
haldsskóla, enda ber borgarsjóð-
ur ábyrgð á rekstri grunnskóla og
á í rauninni fullt í fangi með rekst-
ur þeirra. Þá hafa umræður lengi
hnigið í þann farveg að ríkissjóð-
ur tæki að sér rekstur framhalds-
skóla. Loks má nefna að mjög
margt landsbyggðarfólk hefur
sótt skólann. Af þeim sökum hef-
ur borgin ekki verið áfjáð í að
veita fé til skólans.
Skólameistarinn lagði áherslu
á að sem fyrst yrði veitt fé til
endurbóta og viðhalds á vestur-
álmu skólans sem er illa farin.
Eftir því sem það dregst á langinn
yrði allur kostnaður dýrari en
þyrfti, fyrir utan þann vansa sem
skólinn hlyti af því að vera ekki
haldið við sem skyldi. -grh
í tvær nætur sváfu þær Hafdís Guðmundsdóttir t.v. og Sif Ásmunds-
dóttir í tjaldi sínu á þaki Ármúlaskólans til að leggja áherslu á kröfur
skólans og nemenda um viðunandi mötuneytis- og félagsaðstöðu í
skólanum. Mynd: Jim Smart.
A