Þjóðviljinn - 18.11.1988, Blaðsíða 25

D/EGURMÁL
í
s
n
■ ■
o
r
u
Stranglers eru betri lifandi en dauðir.
Eða um það hvers
vegna þú mátt ekki
missa af ákveðinni
plötu
Hver sá sem biður um að láta
hengja sig getur ekki gert það af
neinni annarri ástæðu en að það
sé hunang í snörunni? Og þannig
er því einmitt farið með ákveðna
plötu með the Stranglers sem
kom út snemma á þessu ári. Hún
beinlínis kallar á að þú hengir þig
ekki um of í eldri Stranglers út-
setningar á lögum sem þú hefur
annars hingað til talið heilagar.
Hér er að sjálfsögðu í fyrsta lagi
talað til eldri aðdáenda hljóm-
sveitarinnar en full ástæða er til
að ýta við þeim sem hingað til
hafa ekki áttað sig á hvað Strang-
lers eru fantagóðir.
Umrædd plata er „All live and
all of the night“, tónleikaplata
tónleikanna sem við misstum af
hér um árið. En það er engin
ástæða til að fara í fýlu þó að
Stranglers sjái sér ekki fært að
mæta á Listahátíð Bubba kóngs
þegar hljómsveitin gefur út
hljómleikaplötu sem er betri en
nokkurt afmæli í þessari brjáluðu
vesælu borg.
Meiningin er semsagt sú að
minna fólk á plötu sem ekki má
vanta í safn þeirra sem vilja að
aðrir haldi að þeir fylgist dálítið
með. Þessi hljómleikaplata hefur
að geyma flest bestu laga Strang-
lers en það sem best er að sum
þessara laga eru miklu betri á
hljómleikaplötunni en á upp-
runalegum upptökum. Þannig
eru til dæmis „North winds,
Golden brown“ og „Spanish
girl“, betri en einlægir aðdáendur
þessara ólátabelgja eiga að venj-
ast. „All live and all of the night“
er ósköp einfaldlega plata sem þú
getur komist hjá að kaupa en get-
ur ekki liðið vel án. Sannkallað
hunang í snöru, ef þig langar til
að vera hátíðlegur einu sinni.
-hmp
Kamarorghestar skeiða fram á rokkvöllinn eftir langt hlé með nýja
plötu fyrir jól.
Feitir bitar
frá Gramminu
Svarthvítur draumur kveður
gítarleikara sinn Steingrím Birg-
isson með fjögurra laga plötu sem
heitir „Bless“. Ekki er þó öruggt
að hér sé um svanasöng
draumsins að ræða þar sem Birgir
Baldursson og Gunnar Hjálmars-
son ætla að halda samstarfi sínu
áfram. Svarthvítur draumur er
orðin ein lífseigasta rokkhljóm-
sveit landsins, hefur starfað allt
frá nýbylgjuuppsveiflunni í byrj-
un áratugarins og margir munu
sakna þeirra úr rokkflórunni
kveðji þeir að fullu.
Grammið mun einnig sjá um
dreifingu á nýrri plötu frá þung-
arokkshljómsveitinni Artch, en
þar er Eiríkur Iíauksson í farar-
broddi. Platan er talin af bresk-
um þungarokkstímaritum vera
besta þungarokksplata ársins í
Bretlandi. Tímaritið Kerran gef-
ur plötunni 5k sem samsvarar 5
stjörnum og Metal force gefur
henni 100 stig af 100 mögulegum.
Artch er norsk hljómsveit en
Eiríkur býr í Noregi um þessar
mundir. Platan kemur út í
Bandaríkjunum í febrúar og er
spáð góðu gengi þar.
-hmp
Grammið gefur út 5 forvitni-
legar plötur fyrir þessi jól. Þar
ber einna hæst dúett þeirra
Bubba Morthens og Megasar
„Bláir draumar“, en formlegur
útgáfudagur þeirrar plötu verður
1. desember. Það mun kveða við
nokkuð annan tón hjá þeim fé-
lögum en gert hefur að undan-
förnu og segir Ási í Gramminu
gripinn vera blúsaðan á köflum
með örlítilli kaldastríðstilfinn-
ingu. Valinkunnir djassarar leika
undir með Bubba og Megasi.
Tómas Einarsson spilar á bassa,
Jón Páll Bjarnason á gítar, Karl
Sighvatsson á Hammondorgel,
Össur Geirsson á básúnu, Ólafur
Flosason á óbó, Birgir Baldurs-
son á trommur og Daninn Kenn-
eth Knudsen á píanó og hljóm-
borð. En Knudsen er í tríói Nils
Henning.
„Serbian flower“, fyrsta plata
Bubba í Skandinavíu kom út þar
fyrir skömmu. Platan hefur feng-
ið mjög jákvæða dóma í sænsku
pressunni og mikla athygli og ják-
væða dóma í Noregi. Bubbi er
nýkominn heim frá Svíþjóð þar
sem ákveðið var að Cristian Falk
myndi stofna band með Bubba og
fara í hljómleikaferð með honum
um Skandinavíu og kannski víðar
til að kynna „Serbian flower“. Á
plötunni er úrval bestu rokklaga
Bubba frá síðustu árum. Platan
kemur út á íslandi fyrir mánaða-
mótin.
Kamarorghestarnir brokka
aftur fram á rokkvöllinn eftir
nokkurra ára hlé. Ástæða er til að
bíða plötu þeirra með eftirvænti-
ngu. Tónlistin á nýju plötunni
mun vera ólík því sem er að finna
á gæðagripnum „Bísar í banast-
uði“ og má væntanlega þekkja
handbragð Hilmars Arnars Hilm-
arssonar sem er upptökustjóri
plötunnar. Vonandi gæta Kamar-
orghestar frumupptöku nýju
plötunnar betur en þeirrar fyrri.
En upptökumenn í Danmörku
tóku yfir frumupptökur „Bís-
anna“ þannig að hún var aldrei
pressuð í meira en 1000 ein-
tökum.
NÝTT HELGARBLAÐ - SÍÐA 25