Þjóðviljinn - 22.11.1988, Blaðsíða 12
SKAK
Ólympíumótið
Ústuð
á landanum
Prjú jafntefli og töpuð biðskák uppskeran gegn Búlgörum í8. umferð.
Þráinn Guðmundsson: 3-1 hefði verið nær lagi. Sovétmenn lögðu
Júgóslava
Sovéska skáksveitin á Ólympí-
umótinu í Þessalóníku hélt
sínu striki er 8. umferðin var tefld
í gær. Sovétmenn unnu Júgóslava
með 2,5 vinningi gegn 1,5 og
munaði þar mest um framlag
heimsmeistarans, Garrí Kaspar-
ovs, en hann lagði efsta mann
Júgósiava, Ljubojevic. Kasparov
hefur verið í feikilegum ham á
mótinu, og það svo mjög að eng-
um hefur tekist að marka á hon-
um nema okkar manni, Jóhanni
Hjartarsyni.
Gæfan var ekki hliðholl ís-
lensku sveitinni meðan Sovét-
menn treystu stöðu sína á toppin-
um. Þrjú jafntefli og að líkindum
töpuð biðskák varð uppskera
sveitarinnar, en um tíma leit út
fyrir að hún ynni stórsigur á Búlg-
örum.
Jóhann Hjartarson hafði svart
gegn stórmeistaranum Kiril Ge-
orgiev, en hann leggur sig á 2595
stig samkvæmt kvarða þess góða
doktors Elós. Upp kom nimzo-
indversk vörn og að sögn Þráins
Guðmundssonar missti Jóhann af
röktum vinningi um miðbik skák-
arinnar og slapp Georgiev með
skrekkinn og skiptan hlut.
Jón L. Árnason og Donchev
tefldu Sikileyjarvörn á 2. borði.
Jón L. lét öllum illum látum og
fórnaði manni fyrir sóknarfæri,
en Donchev varðist mjög vel og
tókst að lóðsa hálfan vinning
rétta boðleið eftir mikinn darrað-
ardans.
Margeir hafði svart á 3. borði
gegn Semkov. Þar var nimzoind-
versk vörn uppi á teningnum líkt
og á 1. borði og fékk Margeir
mjög vænlega stöðu og hafnaði
jafnteflisboði mótherjans upp á
það. Að sögn Þráins lék Margeir
heldur óvarlega í framhaldinu og
lenti í miklum beyglum. Hann sit-
ur nú uppi með biðskák sem að
öllum líkindum er töpuð.
Helgi Ólafsson stýrði hvítu
mönnunum gegn Líkov á 4.
borði. Slavnesk vörn kom upp
hjá þeim félögum og hafði Helgi
snemma alla þræði í hendi sér.
Þar kom að hann gat unnið peð
án þess að nokkrar bætur kæmu
fyrir, en Helgi valdi annað fram-
hald sem hann taidi enn sterkara.
En hvort sem glámsýni var þar á
ferðinni eða eitthvað annað fóru
leikar svo um síðir að Líkov lafði
á jafnteflinu.
Geysigóð frammistaða heims-
meistarans hefur að vonum glatt
augu skákunnenda um allan
heim. Til marks um grimmd
Garrís á þessu Ólympíumóti fylg-
ir hér á eftir viðureign hans við
Nigel Short, og eru víst ár og dag-
ar síðan Short hefur verið svo sárt
leikinn.
HS
Kasparov í banastuði í Þessalóníku: Hvikið þér allir nema Jóhann.
Mynd: Jim Smart.
Úrslit úr áttundu umferð („helstu" viðureignir):
Hvítt: Garrí Kasparov Sovétríkin 2,5 Júgóslavía 1,5
Svart: Nigel Short Island Kúba 1,5 2 Búlgaría Svíþjóð 1,5 2 (1 í bið)
l.c4 - e6 Ungverjaland 2 Holland 2
2.Rc3 - d5 Vestur-Þýskaland 1 Austur-Þýskaland 2 (1 í bið)
3.d4 - Be7 England 3,5 Sviss 0,5
4.cxd5 - exd5 Danmörk 4 Skotland 0
5.BÍ4 - c6 Spánn 2 Tékkóslóvakía 2
6.Dc2 - g6 Filipseyjar 2,5 Indland 1,5
7.e3 - Bf5 Kína 1,5 Rúmenía 1,5 (1 í bið)
8.Dd2 - Rf6 Bandaríkin 3,5 Noregur 0,5
9.13 - c5 Frakkland 1,5 ísrael 1,5 (1 í bið)
10.Bh6 - cxd4 Kolombía 3 Indónesía 1
ll.exd4 - a6 Austurríki 2 Perú 2
12.g4 - Be6 Kanada 2,5 Tyrkland 1,5
13. Rge2 - Rbi# 14. Bg2 - Rb6 Portúgal 2 Grikkland 1 (1 í bið)
15.b3 - Hc8 Staða efstu liða eftir 8 umferðir:
16.0-0 - Hc6
17. h3 - Rfd7
18. Rdl - Hg8
19. RÍ2 - f5
20. Hael - g5
21. gxf5 - Bf7
22. Rg4 - Bh5
23. Rg3 - gefið.
1. Sovétríkin 25,5 vinningar
2. -3. Bandaríkin og Svíþjóð 21,5 vinningar
4. Austur-Þýskaland 20,5 og biðskák
5. -9. England, Ungverjaland, Danmörk, Holland og Filipseyjar
20,5 v.
10. Kúba 20 vinningar og biðskák.
11. Júgóslavía 20 vinningar
12. -14. Kína, Búlgaría og Rúmenía 19,5 og biðskák.
ERLENDAR FRETTIR
Maldíveyjar
Hrollvekja í suðurhafsparadís
Maldíveyjar eru eitt þeirra
ríkja sem hvað sjaldnast
komast i heimsfréttirnar, en út af
því brá á heldur ónotalegan hátt í
byrjun mánaðarins. Þann 3. nóv.
s.l. réðust á land við höfuðborg-
ina, sem heitir Male, þrælvopn-
aðir vígamenn sem skutu á allt
sem hreyfðist. Indverskt herlið
snaraðist á vettvang og sigraði
innrásarliðið í fljótheitum. En
áður hafði það drepið um 30
Maldíveyinga og sært um 100, og
voru flestir þeirra óbreyttir borg-
arar.
Maldíveyjar eru um 1200 kór-
aleyjar í Indlandshafi, nokkur
hundruð kílómetra suðvestur af
Suður-Indlandi og Sri Lanka.
íbúar eru um 190.000, af ættum
Singhala (sem eru aðalþjóðin á
Sri Lanka) Dravída og Araba.
Tungumálið er náskylt sing-
hölsku en átrúnaðurinn, súnna-
íslam af strangara tagi, hinsvegar
kominn frá Aröbum. Þetta er arf-
ur frá seinni hluta miðalda, er ar-
abískir og aðrir íslamskir sæfarar
voru mestu ráðandi á Indlands-
hafi. 1887-1965 voru eyjarnar
breskt verndarsvæði, eins og það
var orðað, en hafa síðan verið
sjálfstætt ríki. Þær hafa síðustu
árin fengið orð sá sig sem suður-.
hafaparadís og hafa eyjaskeggjar
út á það verulegar tekjur af ferða-
mönnum. En ferðamennirnir
hafast aðeins við á nokkrum
óbyggðum eyjum og stjórnarvöld
gæta þess vel að sem minnstur
samgangur sé á milli þeirra og
innfæddra, sem ráðamenn óttast
að annars muni láta afvegaleiðast
frá íslömskum guðsótta og góð-
um siðum.
Bannaðir stjórnar-
andstæðingar
og málaliðar
Þrátt fyrir paradísarlegt yfir-
bragð er ekki allt með felldu í ríki
þessu fremur en öðrum. Það býr
við mikinn greiðsluhalla, sparn-
aðarráðstafanir stjórnarvalda til
að mæta þeim vanda hafa komið
illa við kjör margra og forseti lýð-
veldisins og helsti valdhafi, sem
Maumoon Abdul Gayoom heitir,
bannar alla stjórnarandstöðu.
Þetta er auðvitað ekkert sérstakt
í þriðja heiminum, síst í íslömsk-
um löndum, og jafnalgengt er hitt
að reyna sé að steypa stjórnum
þar með ofbeldi.
Maður heitir Abdulla Lutefi,
maledívskur kaupsýslumaður
sem komst upp á kant við ráða-
menn heima fyrir og hefur síð-
ustu árin búið í útlegð á Sri
Lanka. Innrásarmennirnir, sem
voru Tamflar frá Sri Lanka, eru
taldir hafa verið málaliðar í þjón-
ustu hans. Þeir munu hafa verið
úr röðum tamílskra skæruliða,
sem undanfarin ár hafa barist
gegn Sri Lankastjórn og Sing-
hölum og vilja að Tamflar á eynni
verði sjálfstæðir. Undanfarið
hefur nokkuð kreppt að skærul-
iðum þessum vegna aðgerða ind-
versks herliðs, sem sent var Sri
Lankastjórn til hjálpar. Hafa því
sumir skæruliðaflokkar verið
leystir upp og það hefur orsakað
vaxandi atvinnuleysi meðal víga-
manna í þjónustu hinna ýmsu
tamílsku sjálfstæðishreyfinga.
Þessvegna er talið líklegt, að Lut-
efi hafi getað tekið þá á leigú á
tiltölulega vægu verði.
Frá Maldíveyjum - suðurhafs-
paradís þar sem ekki er allt með
felldu.
í fréttum var sagt að í
innrásarliðinu hefðu verið um
400 manns eða fleiri, en í raun
munu árásarmennirnir ekki hafa
verið nema um 60 talsins. En þeir
gerðu nógu mikinn óskunda fyrir
því, enda vel vopnaðir. Þeir
fluttu sig til Male á litlu kaup-
skipi, stigu á land við höfuðborg-
ina árla morguns og skutu á hvern
þann mann, er þeir sáu úti við.
Eyjaríkið hefur að vísu þjóðvarð-
arlið sem í eru næstum 2000
manns, en það er léttvopnað og
óvant vígaferlum. Enda náðu
innrásarmenn fljótlega Maleey
að mestu á sitt vald.
Forsetinn sendi í ofboði út
hjálparbeiðnir til Bretlands,
Bandaríkjanna og Indlands. Síð-
astnefnda ríkið brást við sam-
stundis og sendi 1600 manna
fallhlífalið á vettvang. Það yfir-
bugaði innrásarmenn fljótlega,
felldi flesta þeirra og tók hönd-
um. En áður hafði þeim tekist að
valda miklum mannskaða, sem
fyrr er sagt.
Ótti við tamílskar
sjálfstæðis-
hreyfingar
Þessir atburðir vekja ásamt
með öðru athygli á vaxandi af-
skiptum Indlands um málefni
smárra grannríkja. Indverjar
hafa þegar her á Sri Lanka til að
berja niður tamílska skæruliða
þar. Sá her hefur náð nokkrum
árangri, en þó ekki tekist að bæla
uppreisnina niður og indversku
hersveitirnar bíða daglega
manntjón í bardögum við skæru-
liða. Það hefur jafnvel verið talað
um Sri Lanka sem indverskt Víet-
nam. Á bakvið þessa hernaðar-
íhlutun Indverja liggur ótti
stjórnarvalda þeirra við að óró-
inn á Sri Lanka breiðist út til Ta-
míla á Suður-Indlandi. Tamflar
þar eru fjölmennastir dravídísku
þjóðanna, en tungumál þeirra er
óskylt hindí og öðrum indó-
evrópskum tungumálum, sem
mikill meirihluti Indverja talar.
Meðal Tamíla Suður-Indlands
hefur gætt talsverðrar þjóðernis-
hreyfingar og óánægju með mið-
stjórnina í Nýju Delhi, og er sú
óánægja sumpart sprottin af vi-
ssri viðleitni af hálfu miðstjórnar-
innar til að gera hindí að sam-
eiginlegu opinberu máli lands-
manna allra. Það vilja Dravídar
ekki sjá og svara því til að hindí sé
ekki þeirra þjóðtungfremur en til
dæmis enska.
Það fylgir sögunni að áðurn-
efndur Lutefi hafi heitið tamílsku
skæruliðunum einni Maldíveyja
fyrir bækistöð að verkalaunum.
Indlandsstjórn kann að hafa ótt-
ast, að Tamílarnir myndu í raun
leggja Maldíveyjar undir sig
sjálfa, fremur en Lutefi atvinnu-
rekanda sinn. Hvað sem því líður
er þessi hrollvekjandi uppákoma
ábending um að dvergríkjum í
námunda við svæði, þar sem óöld
ríkir og offramboð er á vopnum
og mönnum, sem hafa vígaferli
fyrir atvinnu og ekkert annað,
getur verið illilega hætt. dþ.
12 SÍÐA - ÞJÓÐVILJINN Þriðjudagur 22. nóvember 1988