Þjóðviljinn - 01.12.1988, Blaðsíða 4
ALÞÝÐUBANDALAGIÐ
AB Akranesi
1. des
Fullveldisfagnaður í Rein fimmtudaginn 1. desember kl. 20.30. Fjölbreytt
dagskrá.
Ræðumaður dagsins verður Svavar Gestsson menntamálaráðherra, Jón-
as Arnason rithöfundur kemur í heimsókn, flokkur djassmanna spilar,
söngur og upplestur. - Nefndin.
Héraðsbúar, Austfirðingar
Opínn fundur í Valaskjálf
Egilsstöðum með Steíngrími J. Sigfússyni, landbúnaðar- og samgönguráð-
herra, fimmtudaginn 1. desember kl. 20.30.
Einnig verða á fundinum Álfhildur Ólafsdóttir, aðstoðarmaður ráðherrans,
og Hjörleifur Guttormsson alþingismaður. Framsögur, umræður og fyrir-
spurnir.
Allir velkomnir. - Alþýðubandalagið.
Vopnfirðingar
Opinn fundur í Miðgarði
Vopnafirði með Steingrími J. Sigfússyni, landbúnaðar- og samgönguráð-
herra, föstudaginn 2. desember kl. 20.30.
Einnig verða á fundinum Álfhildur Ólafsdóttir, aðstoðarmaður ráðherrans,
og Hjörleifur Guttormsson alþingismaður. Framsögur, umræður og fyrir-
spurnir.
Allir velkomnir. - Alþýðubandalagið.
Steingrímur
Álfhildur
Hjörleifur
Alþýðubandalagið Vesturlandi
Kjördæmisráð
Ráðstefna með stjórnum félaganna verður haldin í Rein laugardaginn 3.
desember n.k. kl. 14.00.
Dagskrá: 1) Flokksstarfið í vetur. 2) Útgáfumál. Allir félagar velkomnir.
Stjórnin
Alþýðubandalagið í Reykjavík
Spilakvöld
Þriðja og síðasta spilakvöldið I þriggja kvölda keppninni verður á þriðjudag-
inn kemur, 6. desember, á Hverfisgötu 105 og hefst klukkan 20.30. Þrig-
gjakvöldakeppninni haldið áfram en einnig sjálfstæð keppni þetta eina
kvöld.
Allir velkomnir. - Stjórnin.
Alþýðubandalagið í Kópavogi
Morgunkaffi
Laugardaginn 3. desember frá 10-12. Bæjarfulltrúarnir Heimir Pálsson og
Valþór Hlöðversson hella uppá könnuna ásamt Snorra S. Konráðssyni fulltrúa í
íþróttanefnd og Lovísu Hannesdóttur í stjórn sjúkrasamlagsins. Allir velkomnir.
Stjórnin
Alþýðubandalagið í Kópavogi
Listakvöld
Á laugardagskvöldið 3. desember verður haldið listakvöld í Þinghól, Hamra-
borg 11, Kópavogi. Kynnt verða verk eftir Eyvind P. Eiríksson, Guðmund Andra
Thorsson og Herdísi Hallvarðsdóttur.
Komið og kynnist nýjum bókum, tónlist og Ijóðum. Kaffi og léttar veitingar á
boðstólum fram eftir kvöldi. Öllum heimill ókeypis aðgangur. Stjórnin
ÆSKULÝÐSF YLKIN GIN
Æskulýðsfylkingin
Fulltrúaráðsfundur
Fulltrúaráðsfundur verður hjá Æskulýðsfylkingunni 3. desember nk. kl.
14 að Hverfisgötu 105.
Dagskrá: 1. Skýrsla stjórnar. 2. Starfsáætlun vetrarins. 3.
Stjórnmálaviðhorfið. 4. Kosning í nefndir og í framkvæmdastjórn. 5. Önnur
mál.
Stjórnin.
Æskulýósfylkingin
Vestnorræn sjávarútvegsráðstefna
Æskulýðsfylkingin í samvinnu við sósíalísk æskulýðssamtök I Noregi, Fær-
eyjum og Grænlandi, gengst fyrir ráðstefnu um sjávarútvegsmál, laugardaginn
3. desember nk.
Ráðstefnan verður haldin í Vitanum, Strandgötu 1, Hafnarfirði og hefst kl.
14.00.
Dagskrá: 1) Setning. 2) Þorkell Helgason prófessor fjallar um stöðu sjávarút-
vegs á íslandi. 3) Kristinn H. Einarsson fjallar um sósíalíska stefnu í sjávarút-
vegsmálum. 4) Gísli Pálsson mannfræðingur fjallar um samspil sjávarútvegs
og menningar. 5) Gunnar Ágústsson deildarstjóri hjá Siglingamálastofnun
fjallar um mengunarhættu á NV-Atlantshafi. 6) Álmennar umræður.
Allt áhugafólk um sjávarútvegsmál er hvatt til að mæta á ráðstefnuna. ÆFAB
FRETTIR
Vímuefni
Enduruppeldi í staö
endurhæfingar
Rúmlega 300 ungmenni eiga við alvarleg vímuefnavandamál að stríða
hér álandi. Stofnuð hafa verið samtök aðstandenda og áhugamanna
um málefni ungra vímuefnanotenda. Sigurður Pór Guðjónsson:
Verðum að líta á þá sem ekki ráða við vímuefnaneyslu sína sem
sjúklinga
Við getum ekki horft upp á það
öllu lengur að samfélagið geri
ekkert í málum þessa unga fólks.
Það ráfa hér um göturnar um 20
til 30 ungmenni sem jafnvel eru í
lífshættu vegna vímuefnanotkun-
ar, sagði Sigurður Þór Guðjóns-
son, en hann er formaður ný-
stofnaðra samtaka sem hlotið
hafa nafnið Félag aðstandenda og
áhugamanna um málefni ungra
vímuefnaney tenda.
- Við göngum út frá því að of-
notkun áfengis og annarra vímu-
efna sé sjúkdómur, þess vegna
verður að líta á þá unglinga sem
ekki geta ráðið við vímaefna-
neyslu sína sem sjúklinga. Það er
ekki hægt að afgreiða vandamál-
ið með því að kalla þetta
aumingjaskap eins og maður
verður svo oft var við í þjóðfé-
laginu. Við ætlum okkur að reyna
að hafa áhrif á þessar skoðanir og
eyða þeim fordómum sem ríkja í
garð þessara ungmenna.
Vantar með-
ferðarstofnun
- Brýnasta verkefni samtak-
anna verður að krefjast þess að
komið verði hér á fót meðferðar-
stofnun fyrir þessi ungmenni. Þó
nú sé veit meðferð við vímiefna-
vandamálum bæði á vegum hins
opinbera og einkaaðila, þá sýnir
reynslan að árangur er sorglega
lítill hvað unglinga varðar. Þær
miða meðferð sína fyrst og fremst
við endurhæfingu sem passar
ekki unglingum sem hafa lent í
vanda sökum vímuefnaneyslu á
unga aldri. Það sem þarf er stofn-
un þar sem þessir krakkar gætu
hreinlega fengið enduruppeldi
frá grunni, sagði Sigurður.
Hann nefndi tvennt sem unnið
væri að þessa dagana sem lausn á
hluta vandans, í fyrsta lagi með-
ferð á vegum Unglingaheimilis
ríkisins, en það er ætlað ung-
lingum. í öðru lagi nefndi hann
væntanlegt meðferðarheimili í
Krísuvík á vegum Krísuvíkurs-
amtakanna. - Við styðjum bæði
þessi úrræði og vonumst til að
þau verði að raunveruleika sem
fyrst, og einnig aðra kosti sem
fram munu koma, sagði Sigurð-
ur.
Hagsmunasamtök
fyrir krakkana
- Það má segja að við séum
eins konar hagsmunasamtök því
við munum berjast fyrir rétti
þessara krakka sem eiga
Þaö verður að koma á fót meðferðarstofnun fyrir þá unglinga sem hafa
ánetjast eiturefnum, segir Sigurður Þór. Mynd - Sig. Mar.
heimtingu á raunhæfri meðferð
eins og hverjir aðrir sjúklingar í
þjóðfélaginu. Málið er, að þau
geta ekki barist sjálf fyrir sínum
rétti, bæði vegna þess ástands
sem þau eru í, og einnig vegna
þroskaleysis. A ráðstefnu sem
haldin var^á vegum samstarfs-
nefnd ráðneyta um meðferðar-
úrræði fíkniefnaneytenda sem
haldin var í 26. október setti Ein-
ar Gylfi Jónsson sálfræðingur og
forstöðumaður Unglingaheimilis
ríkisins fram tilgátu sem hann
byggir á könnun sem hér var
gerð, að nú séu um 322 unglingar
hér á landi á aldrinum 14 -19 ára,
sem eigi við alvarleg vímuefna-
vandamál að stríða. Þessir ung-
lingar neyta efnanna tvisvar til
þrisvar sinnum í viku eða oftar.
Af þessum hóp er gert ráð fyrir að
um 20 til 30 unglingar séu mjög
illa farir vegna iieyslu sinnar.
Það má segja að þessi hópur sé
á götunni og lifi einungis fyrir að
útvega sér vímuefni, aðstendur
þessara krakka eiga kröfu á
samfélagið, að nú þegar verði
hafist handa við að byggja upp
raunhæf endurhæfingarheimili
fyrir vímuefnasjúklinga, sagði
Sigurður.
Hann sagði jafnframt að í
stefnuskrá samtakanna væri lögð
áhersla á að þeim unglingum sem
lentu upp á kant við lögin og yrðu
að taka út refsingu vegna þess,
yrði boðið upp á einhvers konar
meðferð í stað venjulegar afplán-
unar.
- Við teljum það mjög brýnt
að unglingunum verði gefinn
kostur á þessum möguleika. Það
er staðreynd að flest þau afbrot
sem þeir fremja, eiga sér stað
þegar viðkomandi er undir áhrif-
um vímuefna. Það hefur líka sýnt
sig að erfitt er að rjúfa þann víta-
hring sem margir komast í þegar
þeir þeir brjóta af sér og eru látnir
taka út refsingu í fangelsum, það
er ekkert launungarmál að í fang-
elsum á fslandi er mikil vímuefn-
aneysla, sagði Sigurður.
Mikil þörf
Hin nýstofnuðu samtök hafa
fengið inni með starfsemi sína í
húsakynnum Krísuvíkursamtak-
anna að Þverholti 20. Þeir sem
vilja hafa samband geta gert það í
síma 623550. - Ég held að það sé
mikil þörf fyrir svona félagsskap
bæði til að þrýsta á stjórnvöld og
kannski ekki síður til að skapa
vettvang fyrir aðstandendur ung-
linga sem hafa lent á villigötum
og geta ekki lengur ráðið við vím-
uefnaneyslu sína. Mjög margir
aðstandendur eru illa farnir eftir
átök við börnin og kerfið og því
miður er alltof stór hópur að-
standenda í leynum með sín
vandmál, sagði Sigurður og bætti
við að þegar hefðu fulltrúar sam-
takanna gengið á fund ráða-
manna og vakið athygli þeirra á
neyðarástandi og úrræðaleysi
sem hér ríki í vandamálum ungra
vímuefnaneytenda. sg
Friðarömmur
Friðarfræðsla í skólum
Friðarömmur beina þeim til-
mælum til menntamálaráð-
herra að hann hlutist til um að
mörkuð verði stefna í friðarf-
ræðslu á íslandi, sem tekin verði
inn í námsskrá. Viðleitni kennara
til friðarfræðslu verði studd og
sérstakur vinnuhópur verði va-
linn til að móta námsefni í þcssum
efnum.
Friðarömmurnar gengu á fund
menntamálaráðherra á föstudag
og færðu honum þessa áskorun.
Þær segja að nú á tímum sé mikið
talað um fyrirbyggjandi aðgerðir
á ýmsum sviðum, svo sem efna-
hagsmálum og heilbrigðismálum.
Fyrirbyggjandi aðgerða sé ekki
síður þörf sem vörn gegn ofbeldi
og að friðarfræðsla sé löngu tíma-
bært og verðugt verkefni fyrir ís-
lenskar menntastofnanir. Það að
kenna ungu fólki að umgangast
aðra með tillitssemi, virðingu og
friðsemd muni skila sér í betri
þjóðfélagsþegnum sem skapi síð-
an betra þjóðfélag og betri heim.
-hmp
4 SÍÐA — ÞJÓÐVILJINN Fimmudagur 1. desember 1988