Þjóðviljinn - 01.12.1988, Blaðsíða 5

Vigdís Finnbogadóttir eftir kosn-
inguna 1980.
Ný bók
Sjö dagar
í lífi
forsetans
„Hér fá lesendur að skyggnast
inn í hugarheim forseta síns og
fræðast um hvernig er að gegna
því viðkvæma og vandasama
hlutverki að vera ein á forseta-
vakt.
Svo segir í kynningu frá for-
laginu Iöunni á bók sem Steinunn
Sigurðardóttir hefur skráð og ber
heitið “ Ein á forsetavakt". Þar er
lýst sjö dögum vikunnar í lífi Vig-
dísar Fonnbogadóttur, forseta Is-
lands. Þeir eru þó ekki valdir í
samfellu heldur leitast við að
draga fram mismunandi hliðar á
forsetastarfi eins og þær koma
fram á sjö dögum eins árs: einn
dagur líður í heimsókn í Frakk-
landi, annar í Húnavatnssýslu,
hinn þriðji í Rómaborg, hinn
fjórði er tengdur móttöku á
Bessastöðum, hinn fimmti ríkis-
stjórnardegi og þar fram eftir göt-
um.
Um leið og bókarhöfundur
skrásetur það sem hún sér og
heyrir af „ytri tíðindum" leitar
hún fregna hjá Vigdísi forseta um
ýmislegt það sem hún lætur sig
mestu varða sem forseti og mann-
eskja og um nokkra hluti leitar
hún í smiðju til vina forsetans og
samstarfsmanna. Bókina prýðir
mikill fjöldi mynda.
-áb
FRETTIR
Námslán
Frystingin leiörétt
Svavar Gestsson: Skerðingarreglugerðir afnumdar og nýjar settar í
staðinn. Komið til móts við námsmenn meðþvíað hafa jafnmarga
fulltrúafrá þeim í vinnuhóp ogfrá ráðuneytum
Svavar Gestsson menntamála-
ráðherra segir að hann ætli að
standa að því að skerðingar-
reglugerðir þær sem tveir
menntamálaráðherrar Sjálfstæð-
isflokksins settu um Lánasjóð ís-
lenskra námsmanna, verði
numdar úr gildi. Ráðherrann
segir að þannig sé stefnt að því að
leiðrétta þær skerðingar sem
námsmenn hafa orðið fyrir. Eini
fyrirvarinn á þessu sé staða þjóð-
arbúsins, en miðað við stöðuna í
dag ætti þetta að vera hægt,
þannig að lánin hækki sem nemur
frystingunni.
Menntamálaráðherra skipaði
nýlega vinnuhóp sem á að fjalla
um LÍN. Hann segir tilganginn
með skipun hópsins vera að
breyta úthlutunarreglum
lánasjóðsins, og gera það í sam-
ráði og samvinnu námsmanna og
fulltrúa ríkisstjórnarinnar. Enda
séu j afnmargir fulltrúar frá náms-
mönnum í hópnum og frá ráðu-
neytum. Þetta þýði að jafnvægi
ætti að geta orðið í niÓurstöðu
hópsins og að námsmenn ættu að
geta haft sterk ítök í honum.
„Nemenda“hópurinn á símenntunarnámskeiðinu i Þroskaþjálfaskóla Islands i gærmorgun þegar réttinda-
gæsla fatlaðra var til umfjöllunar. Ótrúlega góð virkni í þessum stóra hópi, segir skólastjórinn, Bryndís
Víglundsdóttir. Mynd: ÞÓM. . 1 -sir
ProskaþjáLjar
Símenntun eykur starfshæfni
Réttindagœsla fatlaðra til umfjöllunar í Þroskaþjálfaskólanum í
gærmorgun, en þar stendur núyfir fjölsóttsímenntunarnámskeið
starfsstéttarinnar
jj^j eginmarkmiðið með náminu
er að auka starfshæfni þátt-
takendanna, þannig að hún skili
sér betur til skjólstæðinganna,
sagði Vilborg Jóhannsdóttir, sérk-
ennari, er blaðamaður ræddi við
hana í Þroskaþjálfaskólanum í
gær innan um fímmtíu áhuga-
sama þroskaþjálfa í framhalds-
námi. Vilborg hefur umsjón með
þessu símenntunarnámskeiði, en
yfírskriftin er undirbúningur og
framkvæmd skipulegrar þjálfun-
ar.
Námið er þannig uppbyggt að
starfandi þroskaþjálfar sem nám-
skeiðið sækja koma í skólann
þrjá daga í hverjum mánuði og
vinna síðan að verkefnum í
tengslum við starf sitt. Þessum
verkefnum á svo að skila í apríl,
og verða þau þá kynnt þátttak-
endunum í heild.
Vilborg sagði að mörg spenn-
andi verkefni væru í gangi, og til-
tók sem dæmi handbókargerð
fyrir ófaglært starfsfólk; ýmis
þróunarverkefni, til dæmis
endurskipulagningu tómstunda-
starfs fyrir vistfólk á Kópavogs-
hæli; og heildaráætlun um þjálf-
un á sambýlum. Þá vinnur einn
þroskaþjálfanna að gerð mynd-
bands um námið, og þá í tengsl-
um við starfið inni á stofnunum.
í gærmorgun var réttindagæsla
fatlaðra til umfjöllunar, erindi og
umræður. Erindi fluttu Ásta Þor-
stcinsdóttir, Hrafn Sæmundsson,
Jóhann Pétur Sveinsson, Sævar
Berg Guðbergsson og Vilborg G.
Guðnadóttir. Umræðum stjórn-
aði Kristín Á. Ólafsdóttir, en að
sögn skólastjóra Þroskaþjálfa-
skólans, Bryndísar Víglundsdótt-
ur, er mjög góð virkni í „nem-
enda“hópnum. Þátttakendurnir
fimmtíu eru nálægt sjöttaparti
starfsstéttarinnar og sagði Bryn-
dís að sér væri til efs að aðrar
starfsstéttir hefðu tekið betur við
sér í þessum efnum, og hefði þó
ekki verið neinn hörgull á fram-'
haldsnámskeiðum fyrir þroska-
þjálfa hingað til.
-HS
7. desember
Stúdentar fagna fullveldi
70 ár liðin frá því að íslendingarfengu stjórnarskrá. Stúdentar einir
umfagnaðarhöld
Stúdentar halda upp á það í dag
að 70 ár eru liðin frá því að
Islcndingar fengu stjórnarskrá.
Fjölbreytt dagskrá verður í tilefni
dagsins og Vigdís Finnbogadóttir
forseti Islands verður
heiðursgestur hátíðarinnar.
Stúdentar byrja daginn með því
að leggja blómsveig að leiði Jóns
Sigurðssonar í gamla kirkjugarð-
inum, og mun Sigurður Líndal
flytja tölu um Jón.
Sjálf hátíðardagskráin hefst
síðan í Háskólabíói kl. 14. Sveinn
Andri Sveinsson formaður Stúd-
entaráðs flytur ávarp og að því
loknu ávarpar Valdimar K. Jóns-
son forseti verkfræðideildar sam-
komugesti. Háskólakórinn flytur
nokkur lög undir stjórn Arna
Harðarsonar. Þá flytur Hlíf
Steingrímsdóttir læknanemi 1.
des.-ávarp stúdenta. Hún mun
fjalla um stöðu stúdenta innan
háskólasamfélagsins og utan.
Pétur Gunnarsson heiðrar
gesti með nærveru sinni og flytur
erindi. Efni erindisins er á huldu
og á að koma á óvart. Halli og
Laddi enda síðan hátíðardag-
skrána. Kynnir verður Flosi Ól-
afsson.
Stúdentar boða einnig til mál-
þings kl. 16 í Odda, og ber það
yfirskriftina „Verður ísland
gjaldþrota á 21. öld?“ Ólafur
Ragnar Grímsson fjármálaráð-
herra flytur ávarp. Markús Á.
Finarsson veðurfræðingur verður
með framsöguerindi ásamt Svend
Aage Malmberg haffræðingi, Sig-
rúnu Helgadóttur líffræðingi,
Sigurði Magnússyni kjarneðlis-
fræðingi, Þór Sigfússyni við-
skiptafræðinema og Guðmundi
Magnússyni hagfræðiprófessor.
Um leið og málþingið hefst í
Odda byrjar menningarvaka í
Norræna húsinu. Þar verður boð-
ið upp á söng og upplestur úr
bókum. Lesið verður upp úr
verkum Guðmundar Andra
Thorssonar, Gyrðis Elíassonar
og Ólafs Jóhanns Ólafssonar.
Sigurdrífa Jónatansdóttir mezzó-
sópran syngur og Hulda Braga-
dóttir leikur einleik á píanó.
Katrín Ólafsdóttir leikur á fiðlu
og Halldór Hauksson píanó-
leikari, Sigurbjörn Bernharðsson
Vinnuhópnum er ætlað að
skila tillögum fyrir desemberlok
um breytingar á úthlutunarregl-
um þessa árs, og úthlutunarregl-
um í framtíðinni, að minnsta
kosti fyrir námsárið 1989-1990.
Til að komast að niðurstöðu á
hópurinn að fjalla um og undir-
búa nýja framfærslukönnun.
Svavar segir að ef þessi könnun
leiði í ljós að framfærsla náms-
manna sé hærri en núverandi
grunnur geri ráð fyrir, rnuni hann
taka tillit til þess.
Forustumenn Vöku í
Stúdentaráði hafa fullyrt í „Há-
skólinn Stúdentafréttir." að
ráðherrann hafi gleymt öllum
stóru orðunum frá því hann var í
stjórnarandstöðu og hygðist ekki
hækka námslánin. Svavar sagði
Þjóðviljanum að sér kæmi á óvart
að menn sem sættu sig við skerð-
ingu Sverris Hermannssonar, og
við það að ríkisstjórn Þorsteins
Pálssonar skipaði vinnuhóp unt
LÍN sem eingöngu var skipaður
fulltrúum stjórnarflokkanna, -
skuli nú vera að gagnrýna það
þegar reynt sé af heilindum að
koma til móts við sjónarmið
námsmanna og bæta kjör þeirra.
í vinnuhópnum eru fjórir full-
trúar námsmanna. Einn frá Iðn-
nemasambandi íslands ásamt
þremur fulltrúum námsmanna í
stjórn LÍN; frá SHÍ, Bandalagi
sérskólanema og SÍNE. Finnur
Ingólfsson aðstoðarmaður
heilbrigðisráðherra er fulltrúi
ríkisvaldsins í hópnum, ásamt
Jóni Braga Bjarnasyni prófessor,
Guðmundi Olafssyni viðskipta-
fræðinema og Ragnari Árnasyni
dósent, semerformaðurhópsins.
-hmp
fiðluleikari og Stefán Örn Arnar-
son sellóleikari leika kafla úr pí-
anótríói. Kynnir verður Eiríkur
Jóhannsson guðfræðinemi.
Að kvöldi 1. desember verður
síðan haldinn stórdansleikur í
Tunglinu. Þessi árlegi dansleikur
stúdenta hefur oft reynst við-
burðaríkur og í tilkynningu frá 1.
des.-nefnd segir að þetta geti eft-
ilvill orðið síðasti dansleikur fyrir
þjóðargjaldþrot. Stúdentum er
einnig boðið í bíó kl. 5. Sýnd
verður myndin „Bull Durharn,"
með Kevin Costner og Susan Sar-
andon í aðalhlutverkum, leik-
stjóri er Ron Shelton. Hleypt
verður inn á meðan húsrúm leyfir
gegn framvísun stúdentaskírt-
einis. -hmp
Fimmudagur 1. desember 1988 ÞJÓÐVILJINN - SÍÐA 5
Utanríkismálanefnd
Ráðhena
í önnum
í blaði yðar þann 29. þ.m. er
birt frétt um utanríkismál undir-
rituð hmp.
Frétt þessi er í öllum megin-
atriðum röng. Jón Baldvin
Hannibalsson, utanríkisráðherra
hefur aldrei neitað að koma á
fund utanríkismálanefndar. Ég
skýrði frá því í upphafi fundar
utanríkismálanefndar þann 28.
þ.m. að vegna anna hefði utan-
ríkisráðherra ekki getað komið
því við að mæta á fund nefndar-
innar fyrir helgi m.a. vegna ríkis-
stjórnarfunda. í hans stað mættu
embættismenn ráðuneytisins og
gerðu þeir grein fyrir þeim mál-
um sem fyrir fundinum lágu.
Einnig er það rangt að utanríkis-
ráðherra verði fjarverandi í rúm-
ar tvær vikur, enda verður hann
viðstaddur næsta reglulega fund
utanríkismálanefndar sem hald-
inn verður mánudaginn 5. des-
ember nk. og mun þar gera grein
fyrir þeirn málum sem nefndar-
menn óska m.a. atkvæða-
greiðslum íslands hjá Sameinuðu
þjóðunum, sem embættismenn
ráðuneytisins hafa reyndar þegar
gert.
Þar sem ég trúi því að Þjóðvilj-
inn vilji hafa það sem rétt er í
fyrirrúmi, vona ég að leiðrétting
þessi verði birt með svipuðum
hætti og hin ranga frétt var birt.
Jóhann Finvarðsson,
formaður utanríkismálanefndar
Alþingis.