Þjóðviljinn - 02.12.1988, Blaðsíða 7
Óaðskiljanleg. „Þegar Yoko birtist lá beinast við að kveðja strákana og
hætta að leika fótbolta," sagði Lennon.
The Beatles áður en Ringo Starr kom til sögunnar. Á þessum tíma barði Pete Best trommurnar. Aðal
kosturinn við hann var að mamma hans átti klúbb í Liverpool, þar sem þeir gátu troðið upp.
Draumurmn
er búinn
Pann 8. desember eru 8 ár liðinfráþvíJohn
Lennon var myrtur fyrir utan heimili sitt. Nýtt
Helgarblað gluggar í myndaannál um ævi
hans, bók sem kom út á sama tíma og ný
heimildarmynd um œvi meistarans
keyrði upp að Dakota-húsinu að
kvöldi 8. desember 1980. Þau
voru að koma f rá upptökum ann-
arrar sólóplötu þeirra frá því í ág-
úst sama ár. Lennon hafði ekki
gert plötu í fimm ár, hann var fer-
tugur, hamingjusamureiginmað-
ur og faðir sem naut þessa að
gera plötu eftir langt hlé. Þegar
þau labba upp að byggingunni
kveða við 5 skothvellir. John
Lennon blæddi út í lögreglubíl á
leiðinni á sjúkrahús, draumurinn
var búinn og margir héldu að
þessi umdeilda persóna hefði
yfirgefið heiminn fyrir fullt og fast.
En erþaðsvo?
Nú eru hafnar sýningar á mynd
um ævi þessa merka tónlistar-
manns sem var elskaður og dáður
en gat með einni setningu fengið
þúsundir ungmenna í Bandaríkj-
unum til að þeysa út á götu til að
kveikjaíbítlaplötum. „The Beat-
les eru vinsælli en Jesús Kristur
hjá ungu fólki í dag,“ og allt fór á
annan endann. í bók sem er gefin
út samhliða heimildarmyndinni,
er ævi Lennons rakin í myndum.
Hér og þar eru síðan tilvitnanir í
hann og hans nánustu, Yoko,
Sean og Julian.
„Draumurinn er búinn, í gær óf
ég drauma, en nú hef ég endur-
fæðst. Ég var rostungurinn (The
Walrus, vísun í bítlatexta), en
núna er ég John. Og þess vegna,
kæru vinir, verðið þið bara að
halda áfram einir.“ Þetta sagði
John árið 1970. - „Fyrir mér var
hann bara faðir. Ég naut þess að
vera með honum. Jafnvel þó við
gerðum ekkert annað en að stara
á vegg...þá var nærvera hans allt
sem ég þurfti.“ Sean.
Á einum stað segir Lennon að
fyrsta árið eftir að hann hætti í
tónlist og sneri sér að uppeldi
sonar síns, hafi hann stöðugt haft
það á tilfinningunni að hann ætti
Yoko var þekkt í New York sem
avant-garde listamaður áður en
hún hitti Lennon. Hér er hún að
kvikmynda „800 afturenda,"
mynd sem olli mikilli hneykslan.
Karlmaðurinn á myndinni er fyrri
eiginmaður Yoko, Tony Cox.
að vera að gera eitthvað, semja
tónlist. Hann varð stressaður af
því hann átti ekki lög á vinsælda-
listum, af því hann lét ekki sjá sig
í Studio 54 (frægu diskóteki í New
York) með Mick Jagger og Bi-
öncu. Þetta hefði nánast verið
Lennon kom fram í sjónvarpsþætti í Bretlandi 1975 til heiðurs leikhús-
manninum Sir Lew Grade. Þetta var í síðasta skipti sem hann tróð upp
opinberlega.
eins og að vera ekki lengur til. En
nærvera barnsins hafi síðan eytt
þessum tilfinningum og hann hafi
séð að það var hægt að komast af
án alls þessa, - að það var líf eftir
dauðann.
Yoko hefur þetta að segja um
samferðamann sinn: „Hann var
eiginmaður minn. Hann var elsk-
hugi minn. Hann var vinur minn.
Hann var félagi minn. Og hann
var hermaður sem barðist við
hliðina á mér.“
Það var gjarnan sagt að Lenn-
on væri „klári gæinn“ í The Beat-
les. Hann komst oft skemmtilega
að orði og ólíkt mörgum öðrum í
þessum bransa, hafði hann stund-
um eitthvað að segja. Nú þegar
Goldman ætlar að græða á því að
segja heiminum frá því hvers
konar skíthæll Lennon hafi verið;
dópisti, egóisti, hræddur við að
fitna, hömmi...og fleira, snýr
Lennon til mannheima að hand-
an og segir ævisögu sína sjálfur.
Kvikmyndagerðarmaðurinn
Yoko var nefnilega stöðugt með
myndavélina í gangi og slíkt
magn var til af bæði mynd- og
hljóðupptökum þar sem Lennon
talar um líf sitt og tilveruna alla,
Hér er bítlagoðið sex ára í skóla-
búningi. Þegar hann var 12 ára
segist hann hafa vitað að hann
ætti eftir að verða heimsfrægur, -
fyrir eitthvað.
að það var mögulegt að klippa
efnið þannig saman að hann gæti
sagt sögu sína sjálfur.
Ekki það að myndin hafi verið
hugsuð sem andsvar við sögu
Goldmans. Gerð hennar var haf-
in áður en bók hans kom út. En
flest það sem Goldman segir um
Lennon og felur í sér
sannleikskorn, er bara ekkert
nýtt. Það vissu allir sem vildu af
sukkpartíum The Beatles, að
bakvið glassúrinn var önnur
mynd. Það vissu allir að Lennon
tók inn helling af dópi, það vissu
allir að hann hélt fram hjá fyrri
konu sinni, það vissu allir að
hann var á 18 mánaða fylliríi í Los
Angeles. Og auðvitað má draga
saman allt neikvætt í ævi hvers
sem er og mála upp skrímsli. En
hverjum þjónar það? Lennon
var enginn engill og það gaf hann
heldur aldrei til kynna sjálfur. En
það sem hann gerði var, að hann
miðlaði mjög sérstakri lífsreynslu
af einlægni til þeirra sem vildu
hlusta. Það er kannski líka hans
stærsti feill og veikleiki? Töff
gæjar dánsa ekki, eða hvað?
Bókin „Imagine John Lennon“
endar á skilgreiningu hans á eigin
hlutverki. Endum þennan pistil á
þeim orðum: „Hlutverk mitt í
þjóðfélaginu, og hlutverk hvaða
listamanns eða skálds sem er, er
að reyna að tjá hvernig okkur
öllum líður. Ekki að segja fólki
hvernig því á að líða. Ekki það að
vera prédikari, eða leiðtogi,
heldur það að endurspegla okkur
Föstudagur 2. desember 1988 NÝTT HELGARBLAÐ - SÍÐA 7