Þjóðviljinn - 02.12.1988, Blaðsíða 25
D/tGURMÁL
HEIMIR MÁR
PÉTURSSON
Ekki fullur,
aðeins ölvaður
Blámi Megasar og Bubba
„Bláir draumar" þeirra félaga
Megasar og Bubba er plata sem
kemur sér þægilega við mann
strax við fyrstu hlustun. Hún
virkar síðan eins og gott koníak,
maður tímir ekki að verða fullur
af henni,-aðeins ölvaður. Bubbi
og Megas hafa frá því þeir komu
fram saman á „Fingraförum“
Bubba, þróast hvor með sínum
hætti. Megas hefur gefið frá sér
hvern kjörgripinn af öðrum og
Bubbi hefur gruflað eitt og ann-
að.
Bubbi á fimm lög á plötunni og
Megas önnur fimm, og eru þau
hvert öðru betra. Einnig taka fé-
lagarnir „Ég bið að heilsa“ eftir
Inga T. Lárusson og Jónas Hall-
grímsson, og á geisladisknum er
eitt aukalag með hvorum meira.
Þeir jassa skemmtilega og ekki
spillir fyrir einvala lið tónlistar-
manna um borð í draumaskút-
unni. Það er ómögulegt að draga
nokkurn þeirra út, þeir eru allir
bestir og skila verki sínu vönd-
uðu. Birgir Baldursson strýkur
húðir, Tómas R. Einarsson
plokkar bassann, enginn annar
en Jón Páll Bjarnason gælir við
gítarinn, Kenneth Knudsen hinn
danski leikur af innlifun á pía-
nóið, Karl Sighvatsson er mættur
með Hammond orgelið, Össur
Geirsson blæs í básúnu og Ólafur
Flosason leikur eftirminnilega á
óbó. Telpnakór Öldutúnsskóla á
einnig vel við þar sem hann er
notaður og er frumlegt uppátæki.
Einfaldast væri að segja að
þessi plata sé falleg. En það segði
ekki alveg alla söguna. Hún er
einnig notaleg og þrælskemmti-
leg. „Bláir draumar" er dísætt
spor á tónlistarbraut Megasar og
Bubba og það er þægilegt til þess
að hugsa að þessir menn eru enn
að gefa út sína bestu plötu. „Bláir
draumar" er tvímælalaust besta
plata ársins, ef fólk hefur ekki
spaugilegt ofnæmi fyrir öllu því
sem kenna má við jass. Beinlínis
heilsubætandi plata. Ég meina,
hvað getur maður sagt, hvað vill.
fólk heyra??
- hmp.
„Mig langaði að gera plötu með sömu ánægjunni og fyrst, og það
tókst," sagði Lennon. Tveimur mánuðum síðar var hann myrtur.
ímyndið ykkur
John Lennon
Hvernig einn maður treglega deyr
Ef einhverjir hafa haldið það í
sakleysi sínu að John Lennon
væri allur, er enn áréttað að sá
hinn sami hefur dálítið rangt fyrir
sér. „Imagine John Lennon" er
gott safn af bestu lögum Lennons
frá bernskudögum The Beatles
fram að því að hann var myrtur.
Platan er kærkomin gjöf fólks á
hippaaldri til sjálfs sín, og tilvalin
til að opna tónlist og texta Lenn-
ons fyrir þeim yngri.
Plötur Lennons hafa ekki verið
sérlega aðgengilegar í plötuversl-
unum og af óskiljanlegum ástæð-
um eru það bara örfá laga hans
sem að jafnaði eru spiluð í út-
varpi. Þessi tvöfalda plata byrjar
á æfingarupptöku á lagi sem
heitir „Real love“ og ég man ekki
eftir að hafa heyrt á fyrri plötum
Lennons. Síðan koma lög eins og
„Help“, „A day in the life“ og
„Don’t let me down“. Fyrri
platan er smekklegt sýnishorn af
bítlalögum Lennons.
Fyrri hlið seinni plötunnar hef-
ur svo að geyma æfingarupptöku
á „Imagine“, ásamt „Mother",
„God“ og „How“. Ég hefði
gjaman viljað hafa á plötunni
meira af lögum frá fyrstu 5 árum
sólóferils Lennons og þá færri lög
frá bítlaárunum. Það eru nefni-
lega lög þessa tímabils sem eiga
skilda miklu meiri athygli en þau
hafa fengið.
Síðasta hlið plötunnar saman-
stendur af úrvali ljúfustu laga
Lennons. „Jealous guy“, sem
Roxy Music gerði ágæt skil fyrir
nokkrum árum, er fylgt eftir af
ljúfmeti eins og „Woman“, „Be-
autiful boy“, „Starting over“ og
„Imagine“.
Þessi plata er semsagt nokkuð
raunsæ heildarmynd af tónlistar-
ferli Lennons. Óg fyrir þá sem
hafa verið það illa skapi farnir að
þeir hafa einhverra hluta vegna
ekki getað hlustað á Lennon
vegna nærveru Yoko, ætti það að
vera huggun harmi gegn að Lenn-
on er einn á þessari plötu. Platan
er gefin út í kjölfar bíómyndar
sem nýlokið er við að gera um
kallinn. Þetta er plata sem á er-
indi og því tilvalið fyrir lands-
menn að lauma henni í jóla-
pakka. Á þessum alsíðustu og af-
stæðu tímum fæst hellingur fyrir
lítið með „ímyndið ykkur John
Lennon“.
- hmp.
Skúli Pálsson á Laxalóni lýsir viðburðaríkri ævi sinni,
segir frá ætt sinni og samferðamönnum, frumkvæði sínu
i fiskeldi og áratugabaráttu fyrir að fá að rækta regn-
bogasilung. „Framkoma valdastofnana í minn garðer eitt
mesta hneyksli í atvinnusögu þjóðarinnar“ segir Skúli.
Mörgum þykir bókin vera
kjaftshögg á kerfið.
Fðstudagur 2. desember 1988 NÝTT HELGARBLAÐ - SÍOA 25