Þjóðviljinn - 08.12.1988, Blaðsíða 16

'SPURNINGIN'
Hvað finnst þér að ætti
að gera í málum kaup-
manna sem selja svikið
nautahakk?
Marinó Gíslason
Það er nú kannski of mikið að
svipta þá verslunarleyfi þó mér
detti það nú fyrst í hug. En í fyrstu
ættu opinberir aðilar að gefa
þeim áminningu.
Hafsteinn Júlíusson
Það þarf fyrst og fremst að ræða
þessi mál opinberlega og birta
lista yfir þá kaupmenn sem svíkja
viðskiptavini sína svona.
Guðbjörg Jóhannsdóttir
Mér finnst að það ætti að svipta
þá verslunarleyfi, sem verða'
uppvísir að því að selja svikið
nautahakk. Það má að vísu
þakka fyrir á meðan þeir ekki
bæta einhverju öðru en kjöti i
hakkið hjá sér.
Ragna Ágústsdóttir
Það ætti auðvitað að taka versl-
unarleyfi af svona kaupmönnum.
Það er alvarlegt mál að við
neytendur vitum aldrei hvað er í
þessu svokallaða nautahakki.
Jón Ólafsson
Þeir verða að sjálfsögðu að sæta
ábyrgð. Það er alvarlegt mál þeg-
ar verið er að selja svikna vöru.
SÍMI 681333
Á KVÖLDIN
681348
ÁLAUGARDÖGUM
681663
Af ásettu ráði fór ég ekki á vit
þeirra manna sem stóðu í eld-
línunni fyrr en ég vissi jafnmikið
og þeir, og helst meira. Ég vildi
ekki verða þægilegt viðfangsefni.
þeirra til að skýra mér frá hvern-
ig þeir vildu að sagan liti út, og
reyndar kom það í Ijós þegar ég
fór að ræða við kappa á borð við
Guðmund í. Guðmundsson, Gylfa
Þ., Helga Sœmundsson og Eggert
G. Þorsteinsson að sumir þeirra
settu mig á skólabekk og sögðu
mér allt aðra sögu en ég vissi að
var sönn. Ég er ekki að segja að
þeir hafi verið að Ijúga að mér, en
í gegnum áratugina hefur þeim
verið farið að finnast að sagan
ætti að vera svona en ekki hins-
egin, enda ekki að furða þar sem
um svo viðkvæm mál er að ræða,
segir Þorleifur Friðriksson, höf-
undur nýútkominnar bókar um
tengsl forystumanna Alþýðu-
flokksins og Alþýðusambandsins
við erlenda skoðanabræður og
viðleitni hinna síðarnefndu til að
hafa áhrif á þróun og stefnu ís-
lenskrar verkalýðshrcyfingar.
Þorleifur Friðriksson: Vil skoða sögu íslenskrar verkalýðshreyfingar, og þá tengsl krata við erlenda
skoðanabræður, en ekki kratagullið sérstaklega. Mynd: Jim Smart.
Verkalýðssaga
Launráð í orðsins fyllstu
Undirheimar íslenskra stjórnmála: Þorleifur Friðriksson rekur einstœðpólitísk vígaferli
í kjölfar hallarbyltingar Hannibals 1952 í sjálfstœðu framhaldi Gullnu flugunnar
Bókin tekur til áranna 1953 til
1956 og nefnist „Undirheimar ís-
lenskra stjórnmála - reyfarak-
enndur sannleikur um pólitísk
vígaferli.“ Að sögn Þorleifs er
hún sjálfstætt framhald Gullnu
flugunnar sem kom út í fyrra. Sú
bók vakti mikla athygli og kveikti
deilur, en í henni var greint frá
pólitískum atburðum og vígaferl-
um í verkalýðshreyfingunni allt
frá stofnun Alþýðuflokksins 1916
og fram yfir hallarbyltingu Hann-
ibals Valdimarssonar 1952.
Og ekki verður annað sagt en
að „söguþráðurinn“ í nýju bók-
inni kalli á reyfaralegan titilinn,
þar sem einstæð pólitísk átök hóf-
ust í Alþýðuflokknum í kjölfar
þessarar hallarbyltingar; greint
er frá átökum Stefáns Jóhanns og
stuðningsmanna hans og Hanni-
bals og þeirra sem honum fylgdu
að málum og rekur Þorleifur
hvernig hinir fyrrnefndu beittu
fyrir sig erlendum skoðanabræðr-
um. Flokkurinn hafði flotið á
fjárhagsaðstoð norrænu bræðr-
aflokkanna um árabil, en við yfir-
töku Hannibals sá Stefán Jóhann
Stefánsson til þess að skrúfað var
fyrir alla slíka fyrirgreiðslu til
flokksins.
Þorleifur greinir frá stórum
áhyggjum erlendra skoðana-
bræðra af viðgangi hins ógnvæn-
lega „hannibalisma" hér, og segir
að baktjaldamakkið til að
hnekkja á höfuðpaurnum hafi
verið yfirgengilegt, en þess beri
að gæta að saga þessi gerist á
kaldastríðsárunum. Hannibalvar
ekki einasta formaður Alþýðu-
flokksins þegar mest gekk á held-
ur einnig ritstjóri Alþýðublaðs-
ins. Og þegar hann hafði misst
hvorttveggja fór hann að rækta
samfylkingarhugmyndir og gæla
við að ná Alþýðusambandinu.
Andstæðingarnir óttuðust mjög
að Hannibal ætlaði sér að gera
Alþýðusambandið að flokki.
Sjálfur vildi hann beita því meira
sem pólitísku afli, og það með
heldur en ekki kunnuglegri rök-
semdafærslu segir Þorleifur: Fag-
legir sigrar verða ekki tryggðir
nema pólitískt afl sé að baki.
í Undirheimum íslenskra
stjórnmála rekur höfundur síðan
þróunina til myndunar vinstri
stjórnarinnar vorið 1956. Átökin
um þá stjórn voru geysileg, og
raunar illskiljanlegt að það skuli
hafa tekist að mynda hana, segir
Þorleifur: stjórnarmyndunin
mætti mikilli andstöðu innan Al-
þýðuflokksins og til að mynda er
ljóst að hann ætlaði sér aldrei að
standa að brottför hersins. Og má
í þessum punkti vísa til fréttar á
forsíðu blaðsins um Guðmund í.
Guðmundsson utanríkisráðherra
stjórnarinnar, Rússa og glæpsins
sem þeir stálu í Ungverjalandi
þetta sama ár.
Þorleifur var spurður hvort
von væri á framhaldi á svipuðum
nótum, en hann svaraði því
neitandi. „Ég vil skoða sögu ís-
lenskrar verkalýðshreyfingar og
þá tengsl krata við erlenda skoð-
anabræður, en ekki kratagullið
sérstaklega,“ sagði hann; „ég hef
það verkefni með höndum að rita
sögu Dagsbrúnar, og sumt af
þessu skiptir máli í því sambandi,
þar sem saga Dagsbrúnar er svo
stór hluti af íslenskri verkalýðs-.
sögu. En ég ætla ekki að fylgja
þessum bókum tveimur eftir í
bili.“ HS
Hannibal og Eysleinn. Illskiljanlegt að það skuli hafa tekist að mynda
stjórnina í Ijósi átakanna sem um hana urðu, segir Þorleifur Friðriks-
son.
ss r Afsakið flugfreyja; 7 Boeuf 'W 1 hvaða réttur er þetta? / haché á Jf Eitthvað með Nei, gamaÍTS nautahakk? ^ krummi, hundur, —- - ,i