Þjóðviljinn - 15.12.1988, Side 1
Fimmtudagur 15. desember 1988 269. tölublað 53. drgangur
Kópasker
Enginn varasjóður til
Sveitarstjórinn: Afkoma Presthólahrepps veltur áþvíhvort tekstað selja eignirþrotabús Sœbliks hf.
Hreppurinn íábyrgðfyrir30 miljónum. Ýmislegt í deiglunni í atvinnumálum
„Afkoma sveitarfélagsins velt-
ur á því hvort tekst að selja Arna
á Bakka og "eignir þrotabús
rækjuvinnslunnar Sæbliks. Þá
kemur í ljós hvað fellur á okkur
og hvað ekki en sveitarfélagið er
ábyrgt fyrir 30 miljónum og þar
af 18 miljónum í bátnum. En
hvernig sem allt fer að lokum þá
er eitt víst að við höfum í engan
varasjóð að leita,“ sagði Ingunn
St. Svavarsdóttir sveitarstjóri
Presthólahrepps á Kópaskeri.
Að sögn Ingunnar St. er eng-
inn sveitarstjórnarmaður í per-
sónulegri ábyrgð fyrir skuldum
þrotabús Sæbliks og hefði hún
gengið úr skugga um það strax
þegar Ijóst var í hvert óefni var
komið með rekstur fyrirtækisins.
Þrotabú fyrirtækisins er nú í
höndum Örlygs Hnefils skiptar-
áðanda á Húsavík.
Afkoma sveitarfélaga hefur
verið í sviðsljósinu uppá síðkastið
eftir að Hofsósshreppur var lýst-
ur gjaldþrota og fjárforráðin
voru tekin af sveitarstjórninni.
Mörg sveitar- og bæjarfélög eiga í
miklum fjárhagserfiðleikum
bæði vegna þess að stað-
greiðslukerfið skilaði þeim mun
minni tekjum en gamla kerfið
gerði og svo hafa sjávarú-
tvegsfyrirtæki ekki staðið í
skilum á sínum gjöldum eða farið
á hausinn eins og gerðist hjá
rækjuvinnslu Sæbliks hf. á Kópa-
skeri. Að ógleymdum hrika-
legum fjármagnskostnaði hafa
þau slegið lán til verklegra frant-
kvæmda.
Þrátt fyrir gjaldþrot Sæbliks hf.
er engan bilbug að finna á heima-
mönnum í atvinnumálum og hafa
þeir sýnt mikinn áhuga á að
stofna sameiginlegt hlutafélag
um rækjuvinnslu með þátttöku
Jökuls hf. á Raufarhöfn. Enn-
fremur að nýta þær orkulindir
sem er að finna í Öxarfirði en þar
streymir 92 stiga heitt vatn upp úr
borholum sent Orkustofnun hef-
ur borað fyrir fiskeldisfyrirtæki
sem þar starfa. Viðræður hafa
staðið yfir milli íbúa Kópaskers
og fiskeldisfyrirtækjanna Silfur-
stjörnunnar og Árlax í Öxarfirði
um fullvinnslu á eldislaxi með því
rna. að reykja laxinn og fram-
leiða laxapöstu. f deiglunni
er að nýta sláturhúsið til þessa.
„Menn þora nú ekki að hugsa
þá hugsun til enda færi svo að olíu
sé að finna í Öxarfirði en auðvit-
að láta menn sér detta ýmislegt í
hug,“ sagði Ingunn St. Svavars-
dóttir.
—grh
Samningsréttur
*
ASI: Víðtœkari breytingaþörf.
Danfríður Skarphéðinsdóttir:
Odýr og útlátalaus breyting. Karl
Steinar Guðnason: Jákvœtt og
sjálfsagt
Þrátt fyrir að storkandi orðalag verði fellt út úr
bráðabirgðalögum ríkisstjórnarinnar, stendur
efni laganna enn óhaggað, segir í yfirlýsingu sem
miðstjórn ASI sendi frá sér í gær.
Miðstjórnin krefst þess að samningsrétturinn
verði gefinn frjáls strax með víðtækari breytingum
á bráðabirgðalögunum. Viðbrögð forustu BSRB
hafa verið jákvæðari og sagði Ögmundur Jónasson
formaður á fundi með fjárhags- og viðskiptanefnd
Alþingis í gær, að breytingin fæli í sér endurheimt
mannréttinda sem hefði efnislega þýðingu.
Viðbrögð stjórnarandstöðuflokkanna á Alþingi
hafa almennt verið neikvæð. Þingmenn Sjálfstæð-
isflokksins hafa flestir kúvent og vilja nú að bráða-
birgðalögin verði öll numin úr gildi, einnig það
sem eftir er af ákvæðum þeirra frá forsætisráð-
herratíð Þorsteins Pálssonar.
Danfríður Skarphéðinsdóttir þingflokksfor-
maður Kvennalistans segir þetta vera ódýra og
útlátalausa breytingu hjá ríkisstjórninni. Enn sé
ákvæði um launafrystingu í gildi og Kvennalistinn
hafi gert kröfu um að henni verði aflétt. Danfríður
sagðist þó vonast til þess að þessi breyting væri
merki um þíðu í lofti og væri aðeins fyrsta skrefið.
Júlíus Sólnes tók í svipaðan streng og vill frekari
breytingar á lögunum. Borgaraflokkurinn geti
ekki samþykkt þau eins og þau eru nú, þrátt fyrir
boðaða breytingu stjórnarinnar.
Karl Steinar Guðnason þingmaður Alþýðu-
flokks sagði þessa breytingu j ákvæða og sj álfsagða
og vera þá breytingu sem hann hefði fyrst og
fremst viljað sjá. Hann teldi þessi lög hafa verið
nauðsynleg og árangur þeirra hefði þegar komið í
Ijós. Verðbólga hefði lækkað meira en nokkru
sinni fyrr, verðstöðvun hefði gilt vegna laganna og
aðstæður þeirra sem hlaðnir væru skuldum væru
allt aðrar vegna þeirra.
-hmp
Handbolti
Valur vann
toppslaginn
Toppliðin í 1. deild, KR og
Valur, áttust við í Laugardals-
höllinni í gærkvöld og sigruðu
Valsmenn, 23-21. Sigur þeirra
hefði jafnvel getað orðið stærri
því í fyrri hálfleik höfðu þeir náð
sex marka forystu, 13-7.
íslandsmótið er nú hálfnað og
hafa Valsmenn unnið alla leiki
sína til þessa, en KR-ingar töp-
uðu þarna sínum fyrstu stigum.
Sjá síðu 2
9dagar
til jóla
Sá fjórdi Þvörusleikir, varfjarska-
lega mjór.
Svo kvað Jóhannes um jóla-
svein dagsins, en þessa mynd af
Þvörusleiki teiknaði hún Margrét
Norðdahl 10 ára, Álfatúni 15 í
Kópavogi.
Við þökkum Margréti myndina
og minnum á að Þvörusleikir
kemur í heimsókn í Þjóðminja-
safnið kl. 11 í dag og þar verður
einnig Lúðrasveit Melaskóla sem
spilar jólalög.