Þjóðviljinn - 15.12.1988, Blaðsíða 9
Frægir feðgar taka lagið fyrir troðnu húsi; Stúfur og Leppalúði
Jólasveinar
„Þú færð ekkert í skóinn“
Hvað fæ ég í skóinn á morgun?“
kallaði Iftil stelpa í krakkager-
inu á Þjóðminjasafninu í gær-
morgun, en þangað höfðu þau
steðjað til að hitta Stúf, þriðja
jólasveininn sem skilar sér til
byggða. Eitthvað var Stúfur
scinn til svars og tók því karl faðir
hans, Leppalúði, af honum
ómakið, en svaraði aðeins afgæð-
ingi.
„Eg set aldrei neitt í skóinn og
enginn af jólasveinunum, og það
skal aldrei af því verða meðan ég
fæ nokkru ráðið,“ sagði hann.
„Víst,“ kallaði stelpan, en
Leppalúði sagði að hún hlyti að
meina þann ameríska Kláus.
„Það eru sumir sem rugla okkur
saman, sennilega af því að við
erum á ferli um svipað leyti á ár-
inu, en við erum ekkert skyldir,“
sagði hann.
„Mig langar í barnaket, eru
ekki einhverjir óþekktarormar
hér?“ spurði Grýla sem slegist
hafði í för með þeim feðgum.
Krakkarnir tóku þessu mátulega
alvarlega, enda Grýla sjáanlega
orðin eldgömul og fótfúin og ekki
líkleg til stórræðanna. Leppalúði
sem virtist vera eins konar tals-
maður fjölskyldunnar sagði líka
að þetta væri bara í nösunum á
henni.
Mjög fjölmennt var í jóla-
sveinamóttökunni á Þjóðminja-
safninu í gær. Þarna voru til að
munda krakkar úr Landakots-
skóla, Grandaskóla, forskóla-
börn úr Hafnarfirði og krakkar af
dagheimilinu Skógarborg við
Borgarspítalann, en auk slíkra
hópa var einnig margt fólk á eigin
vegum ef svo má segja, enda
safnið öllum opið þessa morgna
þegar jólasveinarnir eru að tínast
til byggða, sem og endranær.
Ýmislegt var sér til
skemmtunar gert; átta ára krakk-
ar úr Landakotsskóla fluttu
kvæðið Jólakerti eftir Margréti
Jónsdóttur og tíu og ellefu ára
krakkar úr sama skóla fóru með
Þjóðlega stéttvísi og Jólaköttinn
eftir Þórarin Eldjárn. Þá tóku
þeir feðgar lagið, Leppalúði og
Stúfur.
Og þannig áfram allt til jóla;
jólasveinarnir halda áfram að tín-
ast til byggða með viðkomu á
Þjóðminjasafninu. Klukkan ell-
efu í dag mætir Þvörusleikir og
síðan koll af kolli uns Kertasníkir
skilar sér á aðfangadag. Og
skólabörn halda einnegin áfram
að troða upp þessa morgna. í dag
er það til dæmis Lúðrasveit Mela-
skólans sem spilar.
HS
„Eru einhverjir óþekktarormar hér?“ Grýla á Þjóðminjasafninu í gær-
morgun. Myndir: ÞÓM.
Sægur af krökkum í móttökunefndinni eins og sjá má þegar Stúfur kom til byggða.
Berglind Sigurvinsdóttir, fjögurra
ára, á barnaheimilinu Skógar-
borg við Borgarspítalann: Grýla
var ábyggilega að plata. Hún étur
ekkert krakka.
Hrafnhildur Faulk, tíu ára, í
Landakotsskóla: Jólasveinarnir
á sýningunni á Þjóðminjasafninu
ekki eins og ég er vön, en þeir eru
samt góðir.
Grýla heldur ófrýn, en krakkamir létu sér ekki bilt við verða.
Fimmtudagur 15. desember 1988 ÞJÓÐVILJINN — SfÐA 9