Þjóðviljinn - 23.12.1988, Blaðsíða 9
Kjararannsóknanefnd
Vinnutíminn
styttist
Kaupmáttur landverkafólks
innan Alþýðusambandsins jókst
um 3,2% frá 3. ársfjórðungi 1987
til 3. ársfjórðungs 1988. Þannig
hækkaði tímakaupið um 32,4% á
sama tíma og hækkun fram-
færsluvísitölu varð 28,3%
Þessar upplýsingar koma fram
í nýjasta fréttabréfi kjararann-
sóknamefndar. Þar kemur einnig
fram aö vinnutími allra stétta sem
teknar em með í útreikningunum
hefur styst á tímabilinu. Verka-
menn vinna 3,2 tímum skemur á
3. ársfjórungi 1988 en þeir gerðu
á sama tíma fyrir ári síðan. Þeir
vinna nú að meðaltali rúmlega 49
stundir á viku.
í fréttabréfinu kemur fram að
hæstu launin innan ASÍ-hópsins
hafa iðnaðarmenn, rúmlega 111
þúsund á mánuði. Lægst launin
hafa verkakonur launin eða um
63.272 kr. á mánuði.
Byggingavísitalan
Upp um
hálft prósent
Samsvarar 2,9% árshœkkun
Hækkun byggingarvísitölunn-
ar sl. mánuð er vart mælanleg.
Samkvæmt útreikningum Hag-
stofunar hækkað bygginga visi-
talan um 0,4% frá miðjum nóv-
ember fram til miðjan desember.
Síðastliðna tólf mánuði hefur
byggingarvísitalan hækkað um
16,2%. Síðustu þrjá mánuði hef-
ur hún hækkað um 0,7% og sam-
svarar það 2,9% árshækkun.
Aðal ástæður hækkunarinnar
að þessu sinni er hækkun á þak-
járni og kambstáli. Þá hefur 5%
hækkun á innlendum málningar-
vörum á sinn þátt í að hækka
byggingarvísitöluna.
MFA
Karl
Steinar
foimaður
Á fyrsta fundi nýkjörinnar
stjórnar Menningar- og fræðslu-
sambands alþýðu sem kosin var á
þingi Alþýðusambands íslands i
síðasta mánuði, skipti stjórnin
með sér verkum og var Karl
Steinar Guðnason formaður
Verkalýðs- og sjómannafélags
Keflavíkur og nágrennis kjörinn
formaður.
Meðal þeirra verkefna sem
framundan eru hjá MFA á næstu
mánuðum er að í Félagsmála-
skólanum verða haldnar svokall-
aðar námsannir eins og undanfar-
in ár og sérstök námskeið í Ölfus-
borgum og að Illugastöðum í
Fnjóskadal. Trúnaðarmannan-
ámskeið verða nokkur, félagsmá-
lanámskeið og námskeið fyrir
aldraða. Vorönn Tómstunda-
skólans hefst í byrjun febrúar.
Boðin verða um 60 námskeið um
fjölbreytt efni. Þá er von á
tveimur nýjum ritum á vegum
MFA, Handbók vinnustaðarins
og bókinni Umheimurinn og
ábyrgð okkar sem fjallar um um-
hverfismál, frið og samstöðu
þjóða. í ársbyrjun hefst vinna við
ritun sögu ASÍ en stefnt er að
útgáfu fyrra bindis verksins 1991
á 75 ára afmæli Alþýðusam-
bandsins. Framkvæmdastjóri
MFA er Tryggvi Þór Aðalsteins-
son.
-grh
FOSTUDAGSFRETTIR
Ríkisstjórnin
Hreinft borð fyrir jólin
Öll tekjuöflunarfrumvörp ríkisstjórnarinnar afgreidd. Fjárlagafrum-
varpið og bráðabirgðalögin afgreidd snemma íjanúar. Ólafur Ragnar
Grímsson: Anægður með niðurstöðuna
Alþingi afgreiddi öll tekjuöfl-
unarfrumvörp ríkisstjórnarinnar
fyrir jólaleyfi þingmanna í gær.
Þinghaldi lauk klukkan 18 og átti
þá eftir að afgreiða sjálft fjárlag-
afrumvarpið og Ijúka síðustu um
ræðu í efri deild um bráðabirgða-
lögin. Þingmenn koma saman til
fundar 4. janúar tU að afgreiða
þessi tvö mál. Fjármálaráðherra,
Ólafur Ragnar Grímsson, segist
mjög ánægður með þessa niður-
stöðu.
Þau frumvörp sem urðu að
lögum í gær voru vörugjaldsfrum-
varpið, skattur á fjárfestinga-
lánasjóði og innlánsstofnanir og
greiðsluheimild var samþykkt
þar til fjárlög hafa verið afgreidd.
Einnig vár samþykkt að fresta
lækkun á tollum á innflutt græn-
meti en þessi tollur átti að lækka
úr 30% í 20%.
Ólafur Ragnar Grímsson fjár-
málaráðherra sagði í gær, að
hann væri mjög ánægður með
þessa niðurstöðu. Það hefði verið
mjög mikilvægt að fá öll tekju-
öflunarfrumvörpin samþykkt
fyrir jól, þannig að sá grunnur
verði skýr og afdráttarlaus í upp-
hafi nýs árs. „Sumir sögðu að
þetta myndi ekki takast, en ég var
alltaf bjartsýnn á að okkur myndi
takast þetta,“ sagði Ólafur. Hann
sagðist hafa treyst því að einstak-
ir þingmenn í stjórnarandstöð-
unni sýndu skilning á þessum
málum.
„Það var auðvitað mjög stór-
brotin afstaða hjá Aðalheiði
Bjarnfreðsdóttur, sem kom fram
í þinginu í gær þegar hún studdi
frumvörpin um tekju- og
eignaskatt og vörugjald, 'þrátt
fyrir þann andróður og áróður
sem VSÍ hefur rekið og jafnvel
einstakir forustumenn launafólks
hafa tekið þátt í,“ sagði Ólafur
Ragnar Grímsson.
-hmp
Það hefur mikið mætt á formönnum ríkisstjórnarflokkanna undanfarnar vikur og þeir sjálfsagt jólafríinu fegnir eftir að hafa
komið í gegn öllum tekjuöflunarfrumvörpum ríkisstjórnarinnar. Mynd Jim Smart.
Húsgögn
Vörugjaldi frestað
Húsgagnaframleiðendur hafafengið 2 mánaðafrest til að leggja 9% vörugjald á
„Auðvitað erum við i Félagi
starfsfólks í húsgagnaiðnaði
ánægð yflr þessum málalokum og
þessum áfangasigri sem við höf-
um náð með frestun á gildistöku
9% vörugjalds fram í mars á
næsta ári,“ sagði Kristbjörn
Árnason formaður Félags starfs-
fólks í húsgagnaiðnaði.
framleiðsluvörur sínar
Húsgagnaframleiðendur fengu
í dag 2 mánaða frest til að leggja
9% vörugjald á framleiðsluvörur
sínar og tilkynnti Jón Sigurðsson
iðnaðarráðherra forsvarsmönn-
um iðnaðarins þessa ákvörðun
ríkisstjórnarinnar. Vörugjaldið
átti að taka gildi 1. janúar nk. en
tekur ekki gildi fyrr en 1. mars
vegna þessarar frestunar,
Að sögn Kristbjörns Árnason-
ar mun tíminn þangað til verða
notaðar til að kynna fyrir
stjórnvöldum mikilvægi iðnaðar\
ins fyrir þjóðarbúið og hversu
mikið glapræði það væri að setja
vörugjaldið á eftir að fresturinn
er úti. -grh
Til hjálpar
palestínskum
föngum
Félagið Ísland-Palestína
gengst um þessar mundir fyrir
peysusöfnun til palestínskra
fanga. Þeim sem vildu styðja
þetta framtak með fjárfram-
lögum er bent á gíróreikning í Al-
þýðubankanum númer 0815-26-
1136. Viðtakandi Félagið ísland-
Palestína.
Kvennalisti/Sjálfstæðisflokkur
Góð samstaða á Alþingi
Þorsteinn Pálssonformaður Sjálfstœðisflokksins: Efnisleg oggóð samvinna í
sumum málum. Flokkarnir eiga oft samleið
Það hefur tekist efnisleg og góð
samvinna með flokkunum í
sumum málum, en það er ekki
samræmd afstaða í öllum málum,
segir Þorsteinn Pálsson formaður
Sjálfstæðisflokksins, um sam-
starf flokksins við Kvennalistann
á Alþingi.
- Það hefur verið samstaða í
sumum efnum. Til að mynda
voru fluttar sameiginlegar til-
lögur um bráðabirgðalögin, sagði
Þorsteinn. Þess vegna væri eðli-
legt að atkvæðagreiðslur þing-
manna flokkanna féllu á sömu
lund. Athygli hefur vakið að
Sjálfstæðismenn og þingmenn
Kvennalistans höguðu atkvæðum
sínum með sama hætti, þegar
bráðabirgðalögin komu til at-
kvæðagreiðslu í neðri deild í gær,
að undanskildum ákvæðum um
vexti.
í minnihlutaáliti fjárhags- og
viðskiptanefndar er lagt til að
gengið verði fellt, og er tekið
fram í álitinu að Danfríður
Skarphéðinsdóttir þingflokksfor-
maður Kvennalistans sé samþykk
álitinu. Þorsteinn sagði ekki fara
á milli mála að flokkarnir hefðu
átt samleið í sumum málum.
„Hvað þetta varðar hefur
Kvennalistinn næmari skilning á
málefnum atvinnulífsins en ríkis-
stjórnin. Báðir þessir flokkar
hafa starfað sjálfstætt í stjórnar-
andstöðu. Það vill bara þannig til
að það er málefnaleg samstaða í
sumum málum,“ sagði Þorsteinn
Pálsson.
-hmp
Föstudagur 23. desomber 1988 NÝTT HELGARBLAÐ - SIÐA 9