Þjóðviljinn - 30.12.1988, Blaðsíða 31

Seiðskratti Þjóðviljans
spáir fyrir um
ÁRIÐ
Eftir fremur milda og snjólétta
vetur undanfarin ár, bregður til
annarra átta og snjóalög og ófærð
verða meiri en elstu menn muna.
Á höfuðborgarsvæðinu verður
vandræðaástand fram eftir febrú-
armánuði, þar til loks fer að
hlýna og asahláka grefur sundur
helstu þjóðvegi þannig að veg-
sambandslaust verður um nökk-
urra daga skeið bæði á Suður- og
Vesturlandi.
Sumarið kemur snemma og
verður með eindæmum gott.
Þakka menn það breytingum á
ósonlaginu vegna iðnmengunar
sem smán saman mun flytja hita-
beltið norður að ströndum ísa-
lands.
Óvæntur
liöstyrkur
Líkt og í veðráttunni verða
veður válynd í mannlífinu og þá
ekki síst í stjórnmálum landsins.
Margar óvæntar uppákomur
verða, en þrátt fyrir allt tryggir
ríkisstjórnin sig enn frekar í sessi,
með óvæntum liðstyrk frá Árna
Johnsen sem gerist eindreginn
stuðningsmaður stjórnarinnar,
eftir að hann tekur sæti Þorsteins
Pálssonar á Alþingi. Þorsteinn
tekur sér frí frá þingstörfum fram
á næsta haust til að ljúka við fyrra
bindi æviminninga sinna, „Hrak-
farir og hnífsstungur" sem er
væntanleg í bókabúðir fyrir næstu
jól*
Borgaraflokkurinn hverfur
ekki af sjónarsviðinu þrátt fyrir
búferlaflutninga Alberts til París-
ar, heldur styrkist forysta flokks-
ins, enda allir þeir fjórir þing-
menn sem eftir sitja í ábyrðar-
störfum, sem formaður, varafor-
maður, ritari og gjaldkeri þing-
flokksins. Óli Þ. Guðbjartsson
gengur til liðs við Alþýðuflokk-
inn, enda efsta sætið á lausu í
Suðurlandskjördæmi og Ingi
Björn fær efsta sætið í Vestur-
landi í arf frá Friðjóni fyrir að
koma aftur á heimaslóðir.
Við eigum
ísland
Helena kemur heim frá Banda-
ríkjunum og tekur að sér undir-
búning kosningabaráttu Sjálf-
stæðismanna í borgarstjórn fyrir
þarnæsta vor, enda mun ekki
veita af kraftaverkum ef Davíð á
að halda meirihlutanum, eftir að
upp kemst um meiriháttar spill-
ingu í embættiskerfi borgarinnar
varðandi byggingu Ráðhússins
og að skopparakringlan á Öskju-
hlíðin situr föst á sporbaugnum
vegna mistaka í hönnun.
AA-bandalagið fær byr undir
báða vængi eftir frægðarför
þeirra Ólafs Ragnars og Jóns
Baldvins um landið undir kjör-
orðinu, „Við eigum ísland".
Samfylkingarsveitir alþýðu verða
stofnaðar í flestum byggðar-
lögum til að undirbúa sameigin-
leg framboð A-flokkanna og ann-
ara félagshyggju og jafnaðar-
manna fyrir bæjar- og sveitarst-
jórnarkosningar.
Kvennalistinn óskar formlega
eftir því í byrjun marsmánaðar,
eftir að kjarsamningar hafa tekist
við allt launafólk í landinu um
stóran félagsmálapakka, að fá
fulla aðild að ríkisstjórninni og
1989
minnst tvö ráðuneyti. Þessari bón
er hafnað, þar sem öll sæti eru
upptekin, og engin ráðuneyti
lengur til skiptanna, eftir að Óli
Þ. Guðbjartsson fékk samgöng-
umálin og Júlíus Sólnes iðnaðar-
ráðuneytið í byrjun febrúar.
Olíuþorp
fyrir norðan
Atvinnuástand á árinu verður
betra en flestir þorðu að vona.
Kemur þar til bæði mikill afli á
vertíðinni og eins mun sú ákvörð-
un ríkisstjórnarinnar að láta
hefja olíuborun og vinnslu í Ax-
arfirði og á nærliggjandi slóðum,
hleypa nýju blóði í atvinnulíf á
N-Áusturlandi. Nýtt kaupfélag
verður stofnsett á svæðinu og
Stefán Valgeirsson krefst þess að
Búnaðarbankinn opni útibú sem
næst borholunum. Olíuþorpin
sem rísa fyrir norðan rétta mjög
við hlut landsbyggðarinnar
gagnvart höfuðborgarsvæðinu og
kvarta sunnanmenn sáran yfir því
að olíuauðurinn sitji allur eftir
fyrir norðan. Slíkt sé ekki sann-
gjarnt því það hafi verið vísinda-
menn að sunnan sem fundu
olíuna.
Niðurgreitt
sumarfrí
Lítið fer fyrir átökum á vinn-
umarkaði. Verkalýðshreyfingin
er ekki í sem bestri stöðu með
fullan samningsrétt og lausa
samninga. Eftir nokkurra vikna
þref þar sem vinnuveitendur
krefjast 25% launalækkunar,
grípur ríkisstjórnin í taumana og
leggur fram félagsmálapakka.
Þar verður m.a.lofað að láta alla
samninga í friði framvegis, lækka
lífeyrisaldur, lengja jólafríið og
bjóða uppá niðurgreiddar sumar-
leyfisferðir til Kúbu.
Lítið fer fyrir afrekum á íþrótt-
asviðinu á árinu enda afreks-
menn þjóðarinnar enn að jafna
sig eftir máttleysisköstin í Seoul í
haust. Handboltalandsliðið held-
ur haus með herkjum og knatts-
pyrnumenn verða sigursælir
nema í samleik með landsliðinu.
Skákmenn standa fyrir sínu og
Jóhann Hjartarson kemur á óvart
í einvígi sínu við Karpov. Nýr
snillingur kemur fram í dagsljósið
og setur hvert metið af fætur öðru
í kringlukasti, enda vanur sem
fyrrum pokadýr í Hagkaupum.
Loks eftir langa bið að sumra
mati, verður alvörueldgos hér-
lendis, þegar Hekla tekur við sér
á haustmánuðum. Rólegt verður
að mestu á öðrum vígstöðvum,
nema hvað jarðskjálftakippir
verða tíðir bæði sunnanlands og
norðan fyrstu dagana í aprfl.
Engin stórfelld manntjón verða á
árinu, nema hvað Kvennalistinn
tapar sér endanlega á landsfundi
hreyfingarinnar í september sem
að þessu sinni verður haldinn í
Bláa lóninu.
Ný
kynlífsbylting
Eitt það ánægjulegasta sem
gerist á árinu, er að landsmenn
hópast á námskeið hjá kynlffs-
Jónu. Ríkissjóður mun greiða
niður námskeiðsgjöld, fyrir bæði
kyn á öllum aldri, enda líta
stjórnvöld á nýju kynlífsbylting-
una sem verðuga leit nútímanns-
ins að sjálfum sér og vænlega leið
til fjölgunar landsmanna. Sér-
staklega verður lögð áhersla á
þátttöku landsmanna í sémám-
skeiðum í fjölburagetnaði.
í heildina tekið verður almenn
velsæld á Fróni þrátt fyrir skatt-
pínu fjármálaráðherra á almúg-
anum, upptöku á heimilis- og
verslunarhöllum eignaaðalsins
og gjaldþrot helstu undirstöðuat-
vinnugreina landsmanna. Fyrst
hægt var að setja þjóðina á haus-
inn í mesta góðæri sem þekkst
hefur frá upphafi íslandsbyggð-
ar, þá er eins víst að aldrei verður
eins blómlegt andans bú og í
kreppukjökri.
Eða eins og skáldið mun yrkja
á Jónsmesshátíðinni í Hljóm-
skálagarðinum:
Praukuðum við þröngan kost,
þrekvirki mikið unnum.
Nú í ástar leggjumst lost,
læsum aftur munnum.
Sannspár að vanda
Nokkur dœmi um speki skrattans frá árinu sem er að líða
Seiðskratti Þjóðviljans hef-
ur í gegnum árin sannað yfir-
burði sína hvað varðar fram-
sýni, hvort heldur er á heima-
velli eða alþjóðavettvangi.
Spá skrattans fyrir það ár sem
nú er Ijúka er þar engin und-
antekning. Lítum á nokkur
dæmi:
1) Seiðskrattinn spáði rólegheit-
um innan Alþýðubandalagsins en
þó yrðu mikil átök í september og
setti það í samhengi við vináttu-
bandalag Ólafs Ragnars og Gor-
batsjofs. Hér skeikar litlu, það
var lifrarbandalagið við Jón
Baldvin og stjórnarþátttakan
sem deilt var um í september.
2) Hörð átök verða innan kirkj-
unnar þegar velja skal nýjan bisk-
up, sagði skrattinn. Orð að
sönnu, kosningaskjálfti er
hlaupinn í kirkjunnar menn og
aldrei hafa fleiri verið nefndir til
biskupsembættis en einmitt nú.
3) Jóni Sigurðssyni tekst engan
veginn að selja Utvegsbankann.
Orð á sönnu, þrátt fyrir mörg álit-
leg tilboð.
4) Stórspilling í viðskiptaheimin-
um, einkum hjá fjármögnunar-
leigum. Enn er skrattinn með allt
á hreinu, eða hver man ekki stór-
hrunið hjá Ávöxtun á árinu, sem
enn sér ekki fyrir endann á.
5) Góður árangur handboltaliðs-
ins í Seoul og enn betri afrek
knattspyrnulandsliðsins. Að vísu
má deila um afrek þeirra í hand-
boltanum, en knattspyrnumenn
stóðu vel fyrir sínu og hver man
ekki jafnteflið við sovéska björn-
inn á Laugardalsvellinum í sumar
sem leið.
6) Jóhann Hjartarson sýnir styrk
og dirfsku í Kanada, sagði
Seiðskrattinn á hæverskan hátt.
Kortsnoj varð að láta í minni
pokann og nú er það sjálfur
Karpov fyrrverandi heimsmeist-
ari sem Jóhann etur kappi við í
Seattle í næsta mánuði.
7) Garri Hart næsti forseti
Bandaríkjanna. Nei, þar skjöpl-
aðist skrattanum, enda illa að sér
í kvennamálum og afdrifaríkum
afleiðingum skemmtisiglinga við
Floridastrendur.
8) Samningar í marslok eftir
langa og stranga baráttu, þar sem
þjóðarsátt, ættaðri frá fyrrver-
andi fjármálaráðherra var hafnað
í vel flestum verkalýðsfélögum.
Allt eftir bókinni eins og oftast
hjá skrattanum.
9) Suðurlandsskjálftinn lætur
ekki á sér kræla, enspádómur um
túristagos í Kötlu var ekki alveg
nákvæmt. Túrhestagosið var á
næsta bæ, eða í Kröflu. Túrhest-
arnir mættu en gosið lét á sér
standa.
10) Erfitt ár en þolanlegt, þar sem
þjóðin upplifir í fyrsta sinn frá
landnámi, styttri vinnuviku. Orð
á sönnu, en skrattinn lét þess ekki
getið að ástæðan fyrir styttri vinn-
uviku var ekki blómstrandi efna-
hagsundur, heldur atvinnuleysi
og kreppa.
Föstudagur 30. desember 1988 NÝTT HELGARBLAÐ - SÍÐA 31