Þjóðviljinn - 04.01.1989, Síða 1

Miðvikudagur 4. janúar 1989 2. tölublað 54. árgangur
Gengisfellingin
Vildu miklu meira
Forystumenn ífiskvinnslu heimta um 15% gengisfellingu en segjast faraafstað samt. Steingrímur Hermannsson: Gengið
fellt vegna óróa á gjaldeyrismörkuðum. Efnahagsaðgerðir ánœstunni. Ögmundurjónas son: Mjög óréttlát skattheimta.
Víglundur Þorsteinsson: Morfínsprauta
Forystumenn í fiskvinnslu
lýstu því yfir í gær að 4%-
gengisfelling ríkisstjórnarinnar
verði til þess að vinna hefjist aftur
í húsunum nú eftir áramót, en
þeir segja jafnframt að gengisfell-
ingin sé alltof smá í sniðum.
Sú gagnrýni heyrðist einnig í
gær frá fulltrúum stjórnarand-
stöðunnar. Ólafur G. Einarsson
þingflokksformaður Sjálfstæðis-
flokksins sagði í gær að gengis-
fellingin væri viðurkenning á
staðreyndum og ekkert umfram
það. Hann líti ekki á þetta sem
aðgerð í efnahagsmálum. Geng-
isfellingin leysti ekki vanda út-
flutningsgreinanna. „Þannig að
við hljótum að bíða og sjá hvað
ríkisstjórnin er að bralla,“ sagði
Ólafur.
Gengi krónunnar féll um 4% í
gær gagnvart dollar og segir for-
sætisráðherra þetta gert vegna
óróa sem ríkt hafi á gjaldeyris-
mörkuðum síðustu daga. Gengið
gagnvart dollar verður nú það
sama og í lok september í upphafi
ríkisstjórnarsamstarfsins. Seðla-
bankanum er einnig veitt heimild
til að skrá gengi krónunnar
1,25% yfir eða undir ákveðnu
meðalgengi, til að gera bankan-
um kleift að draga úr sveiflum í
raungengi. Ríkisstjórnin boðar
aðgerðir í efnahagsmálum á næst-
unni og segir gengisfellinguna
ekki vera hluta af þeim.
Ögmundur Jónasson formaður
BSRB segir gengislækkanir vera
óréttláta skattheimtu og launa-
lækkun sem bitni einungis á
launafólki, en komi fyrirtækjum
til góða hvernig sem staða þeirra
er og hvaða hlutverki þau gegna í
samfélaginu. Þeir Ögmundur og
Ásmundur Stefánsson forseti ASl
eru sammála um að gengisfel-
lingin fari út í verðlagið. Ás-
mundur segir að verðlag muni
hækka um 3-4% að meðaltali.
Ráðherrar telja að verðlags-
áhrifin mun minni, meðal annars
vegna nýrra ákvæða um gjald-
daga söluskatts og nýrra heimilda
innflytjenda til gjaldfrests er-
lendis.
Vfglundur Þorsteinsson for-
maður Félags íslenskra iðnrek-
enda kallar 4% gengisfellingu
vera morfínsprautu fyrir iðnað-
inn. Sjúkdómurinn sjálfur sé
ólæknaður. hmp/grh
Sjá síðu 2 og 4
Herinn
Herinn
leikur
jólasveina
ÖryggislögreglaáKefla-
víkurvelli útdeildi leik-
föngum á Suðurnesjum.
Bœjarstjórinn íKeflavík:
Enginn munur áhernum
og Kiwanis
Á milli jóla og nýárs útdeildi
öryggislögregla bandaríska flug-
hersins á Keflavíkurflugvelli leik-
föngum tU allra barnaheimila og
leikaskóla á Suðurnesjum.
Að sögn Jórunnar Guðmunds-
dóttur forstöðumanns Dagheim-
ilisins og leikskólans í Sandgerði
hefur þetta ekki gerst áður að
herinn hafi komið með alls kyns
leikföng handa börnum á Dag-
heimilinu ss. bíla, dúkkur og
bolta. Aðspurð hvort henni fynd-
ist þetta eðlilegt sagðist hún ekki
gera greinarmun á hvort gjafir til
starfseminnar kæmu frá hernum
eða einhverjum öðrum. Jórunn
sagði það ekki vera viturlegt að
fara í manngreinarálit f þessu
sambandi.
Friðþór Eydal blaðafulltrúi
hersins sagði það háfa viðgengist
í fjölda ára að herinn gæfi gjafir
til alls kyns minnihlutahópa hér-
lendis ss. elliheimila, heimila
vangefinna og nú síðast til dag-
heimila og leikskóla á Suðurnesj-
um. Friðþór sagði þama vera um
að ræða notuð og ný leikföng sem
safnað væri saman á svæði banda-
ríska hersins af hermönnum og
fjölskyldum þeirra og ekkert
nema gott eitt um þetta að segja.
Guðfínnur Sigurvinsson bæjar-
stjóri í Keflavík sagðist sjálfur
hafa þýtt fyrir herinn í byrjun
þessa áratugar þegar hann út-
deildi gjöfum til stofnana á
Reykjavfkursvæðinu. Hann
kvaðst engan greinarmun gera á
gjöfum frá hernum eða frá Kiw-
anis eða Lion. -grh
Gert klárt fyrir vertíðina. í gær voru skipverjar á Haferninum BA 327 í óða önn við að taka netin um borð í
Reykjavíkurhöfn og gera klárt fyrir komandi vetrarvertíð. Svo er hjá áhöfnum margra báta fyrir sunnan og
vestan; allt á fullu. Nú sem endranær renna sjómenn blint í sjóinn hver aflinn verður en allir leggja þeir af
stað fullir bjartsýni þrátt fyrir að útlitið sé ekki upp á marga fiska eftir iélegar vertíðar að undanförnu. Mynd:
Jim Smart.
Valur í Landsbankann
Eftirlitið
vill svör
ÞórðurÓlafsson banka-
eftirliti: Skrifaði Vali og
óskaði skýringa
Bankaeftirlitið skrifaði i gær
bréf til Vats Arnþórssonar og til
bankaráðs Landsbankans þar-
sem minnt er á bankalög og spurt
hvort Valur hafi hætt fyrri störf-
um við upphaf ferils síns sem
bankastjóra Landsbankans nú
um áramótin.
Sem kunnugt er hefur Valur
einmitt ekki gert það heldur
hyggst taka sér frí frá bankastjór-
astöðunni til að ljúka sér af sem
kaupfélagsstjóri KEA og stjórn-
arformaður SÍS. Þetta er talið í
fullkomnu ósamræmi við lögin.
Þórður Ólafsson forstöðumað-
ur Bankaeftirlitsins staðfesti það
í gærkvöldi við Þjóðviljann að
hann hafi sent Vali og banka-
ráðinu bréfin. „Ég sendi Vali bréf
í dag og óskaði eftir að hann stað-
festi við okkur að hann gegndi
ekki lengur neinum þeim störfum
eða stjórnarsetum sem kveðið er
á um í fyrstu málsgrein þrettándu
greinar laga um viðskiptabanka
frá 1985,“ sagði Þórður. „Ég
rakti þessi mál einnig við for-
mann bankaráðs Landsbankans,
Pétur Sigurðsson, og fékk þar
staðfest að Valur hefur tekið við
bankastjórastöðunni." Þórður
sagði að fyrirspurn sem þessi væri
ekki einsdæmi, en vildi ekkert
frekar tjá sig um málið, enda biði
hann svars frá Vali.
Pétur Sigurðsson banka-
ráðsformaður vildi alls ekkert tjá
sig við blaðamenn um þessi mál
þegar Þjóðviljinn ræddi við hann
í gær.
Lögin frá 1985 eru afdráttar-
laus og segja að bankastjórar, að-
stoðarbankastjórar og útibús-
stjórar megi ekki gegna neinum
áukastörfum sem gætu skapað
hagsmunaárekstur. Sjá lögfróðir
menn enga möguleika á undan-
þágu frá þessu, hvorki frá öðrum
bankastjórum, bankaráði né
bankamálaráðherra. - m