Þjóðviljinn - 04.01.1989, Blaðsíða 4

IÐNSKÓLINN í REYKJAVÍK
Stundaskrár verða afhentar mánudaginn 9. janú-
ar kl. 8.00. Kennsla hefst sama dag samkvæmt
stundaskrá. Nemendur í kvöldnámi fá afhentar
stundaskrár kl. 17.00 þennan dag og hefst
kennsla að lokinni afhendingu. Kennarafundur
verður haldinn fimmtudaginn 5. janúar kl. 9.00.
Nýnemar komi á kynningarfund með námsráð-
gjöfum föstudaginn 6. janúar kl. 14.00.
Auglýsing frá Mennta-
skólanum við Hamrahlíð
Kennsla á vorönn 1989 hefst mánudaginn 9. jan-
úar kl. 8.15 samkv. stundaskrá. Stundatöflur
verða afhentar gegn greiðslu skólagjalda kr.
3000 föstudaginn 6. janúar. Eldri nemendur fá
stundatöflur kl. 10.00 en nýnemarkl. 13.00. Um-
sjónarkennarar mæti í skólann föstud. kl. 9.30.
Kennsla í öldungadeild hefst einnig 9. janúar
samkv. stundaskrá. Innritun í öldungadeildina
stendur yfir.
Rektor
Auglýsing frá ríkisskaltstjóra:
VlSITALA
JÖFNUNAR-
HLUTABRÉFA
Samkvæmt ákvæðum 5. og 6. málsl. 1. mgr.
9. gr. laga nr. 75/1981 um tekju- og eignarskatt hefur
ríkisskattstjóri reiknað út vísitölu almennrar
verðhækkunar í sambandi við útgáfu jöfnunarhlutabréfa
á árinu 1989 og er þá miðað við að vísitala
1.janúar1979 sé100.
1.janúarl980 vísitala 156
l.janúar1981 vísitala 247
1.janúar1982 vísitala 351
1.janúar1983vísitala 557
l.janúar 1984 vísitala 953
1.janúarl985vfsitala 1.109
l.janúar1986vísitala 1.527
l.janúar!987vísitala 1.761
1. janúar 1988 vísitala 2.192
1.janúarl989vísitala 2.629
Við útgáfu jöfnunarhlutabréfa skal annars vegar miða við
vísitölu frá 1. janúar 1979 eða frá 1. janúar næsta árs eftir
stofnun hlutafélags eða innborgun hlutafjár eftir þann
tíma, en hins vegar við vísitölu 1. janúar þess árs sem
útgáfa jöfnunarhlutabréfa er ákveðin.
Reykjavík 2. janúar 1989
RSK
RÍKISSKATTSTJÓRI
FRÉTTIR
Reykjavíkurhöfn
Eriendum skipum fjölgar
Flutningsgeta erlendra skipa til landsins eykst um 44%
Erlendum leiguskipum fjölgar
Komum íslenskra skipa í
Rcykjavíkurhöfn fækkaði á
síðasta ári um 6% frá árinu 1987,
en aukning var á komum erlendra
skipa um 22%. Samanlögð
brúttórúmlestastærð íslensku
skipanna er nokkurn veginn sú
sama og árið þar á undan, eða
1,47 miljónir brúttórúmlestir. En
erlendu skipin voru samanlagt
1,6 miljónir brúttórúmlestir að
stærð og er það 44% aukning frá
fyrra ári.
Um það bil eitt af hverjum 8
skipum í Reykjavíkurhöfn var er-
lent á árinu 1988. Fjöldi erlendra
skipa var 587 á móti 483 árið
1987, en íslensk skip í Reykjavík-
urhöfn voru 1,969 borið saman
við 2,084 árið áður. 1 tilkynningu
frá Reykjavíkurhöfn er þessi
mikla aukning í fjölda og flutn-
ingsgetu erlendra skipa í Reykja-
víkurhöfn, skýrð með því, að
skipafélögin leigi fleiri erlend
skip en áður.
Stærsta skipið sem Iagðist við
bryggju í Reykjavík á síðasta ári
var skemmtiferðaskipið „Eur-
opa“ sem er 33,819 brúttórúm-
lestir að stærð. Europa er nær
fimm sinnum stærra en stærsta
skip íslenska kaupskipaflotans,
Brúarfoss, en hann er 7,122
brúttórúmlestir að stærð.
Fiskiskipakomum fækkaði
nokkuð í Reykjavík í fyrra. Þá
komu 873 fiskiskip í Reykjavík-
urhöfn á móti 801 skipi árið 1987.
Heildarvöruflutningar við höfn-
ina drógust hins vegar ekki sam-
an að magni til þrátt fyrir minni
innflutning síðustu mánuði árs-
ins. En Gunnar B. Guðmunds-
son hafnarstjóri segir útflutning
við höfnina hafa aukist verulega á
milli áranna 1987 og 1988.
Aðstaða til að taka á móti
skipum var bætt á síðasta ári, en
þá var Kleppsbakki við Sunda-
höfn lengdur um 287 metra. Unn-
ið hefur verið að lengingu skjól-
garðs út frá Korngarði og ætlar
hafnarstjórn að ljúka þeim fram-
kvæmdum á þessu ári.
-hmp
Frá afhendingu námsstyrksins. Styrkþegi með stjórn minningarsjóðsins.
Háskólinn
Námsstyikur úr miimingarsjóði
Skömmu fyrir jól var úthlutað
úr námsstyrk Minningarsjóði
Þorvalds Finnbogasonar stúd-
ents, en sjóðurinn var stofnaður
af foreldrum Þorvaldar, þeim
Finnboga Rúti Þorvaldssyni pró-
fessor við verkfræðideild og Sig-
ríði Eiríksdóttur.
Tilgangur sjóðsins er að
styrkja stúdenta til náms við
verkfræðideild Háskólans eða til
framhaldsnáms í verkfræði við
erlenda háskóla að loknu prófi
'hér heima.
Hólmanes SU-1 frá Eskifirði
seldi eitt íslenskra skipa afla
sinn erlendis í gær. Fyrir 117 tonn
af blönduðum afla fengust tæpar
11 -miijónir á fiskmarkaðnum í
Bremerhaven, eða um 94 kr. fyrir
kflóið, sem þykir ágætisverð.
Mjög hátt verð er yfirleitt á
fiskmörkuðum í Þýskalandi og
Bretlandi fyrstu daga ársins.
Að þessu sinni hlaut styrkinn
Elfar Aðalsteinsson frá Akur-
eyri, nemi á fjórða ári í rafmagns-
verkfræði við verkfræðideild HÍ.
Fær Elfar styrkinn vegna frábærs
árangurs í námi en hann mun
ljúka verkfræðiprófi í vor.
Stjórn minningarsjóðsins skipa
nú þau: Sigmundur Guðbjarna-
son rektor HÍ, Valdimar K. Jóns-
son, forseti verkfræðideildar og
Vigdís Finnbogadóttir, forseti ís-
lands, en hún er systir Þorvalds.
Engin fiskiskip selja ytra í dag en
á morgun selur Kambaröstin í
Bremerhaven og Engey á
fimmtudag. Þá eiga einnig nokkr-
ir bátar skráða söludaga í Hull og
Grimsby á miðvikudag og
fimmtudag en lítið sem ekkert
verður um sölu á ísfiski úr gámum
þessa fyrstu viku ársins.
-lg-
ísland og EB
Tvöný
fræðslurit
Út er komið á vegum nefndar
um stéfnu íslendinga gagnvart
Evrópubandalaginu ritið „Sam-
vinna Evrópubandalagsins og
EFTA frá árinu 1984“. f því er
gerð grein fyrir 20 samstarfsverk-
efnum sem nú er unnið að, en
vænta má ákvörðunar um mörg
þeirra á næstu misserum. Jafn-
framt er aðdraganda og grund-
velli samstarfsins lýst.
Þetta er annað ritið í ritröðinni
ísland og Evrópa, sem nefndin
gefur út. Áður var komið ritið
„Skipan og þróun viðskiptasam-
vinnu“. Það fjallaði um sögu
viðskipta- og efnahagssamvinnu
ríkja Vestur-Evrópu frá lokum
síðari heimsstyrjaldar, tilhögun
og skipulag samstarfs milli Evr-
ópulandanna og loks voru þar
reifuð áförm Evrópubandalags-
ins um hindrunarlausan heima-
markað.
Rit þessi má fá í afgreiðslu
þingskjala Alþingis að Skólabrú
2.
Fisksala
Gott nýársverð
Hólmanesið fékk tæpar 94 kr. fyrir kílóið
4 SÍÐA — ÞJÓÐVILJINN Miðvikudagur 4. janúar 1989