Þjóðviljinn - 07.01.1989, Blaðsíða 8
FRÉTTIR
Kvikmyndir
Óður til Film-Noir
Sigurjón Sighvatssonfœrirstöðugt út kvíarnar sem kvik-
myndagerðarmaður í Bandaríkjunum. Hans nýjasta mynd
verður frumsýnd hér á landi í dag
Sigurjón Sighvatsson hefur mörg járn í eldinum sem kvikmyndaframleiðandi,
ma. að fylgja eftir Bláu eðlunni sem frumsýnd verður í dag.
Sigurjón Sighvatsson er án efa
okkar stórtækasti kvikmynd-
agerðarmaður. Hann hefur búið
vestan hafs um nokkurt skeið og á
þar við annan mann kvikmynda-
fyrirtækið Propaganda Films. í
dag verður frumsýnd hér á landi
þriðja mynd þeirra félaga og kall-
ast hún The Blue Iguana, eða
Bláa eðlan. Þjóðviljanum lék
forvitni á að vita eitthvað meira
um myndina og Sigurjón sjálfan
og tók hann því tali í gær.
Áhrif úr ýmsum áttum
- Myndin er ekki alslæm, og
jafnvel það besta sem við höfum
gert. Það eru á margan hátt miklu
meiri tilþrif í þessari en þeim fyrri
og við reyndum á vissan hátt að
gera mynd sem enginn annar er
að gera, en það getur alltaf verið
dálítið hættulegt á þessum mark-
aði, eins og allir vita. Þessi bransi
er meira og minna formúlu-
kenndur en hún virðist fá góðar
viðtökur í Evrópu og var td. vel
tekið á Cannes hátíðinni í fyrra.
Það kom okkur í raun ekki sér-
lega á óvart því hún er gerð undir
vissum frönskum áhrifum og dá-
iítilð „film-noir“ yfirbragð á
henni. Samt gætir nýbylgjuáhrifa
í henni því músíkin er blanda af
þungu rokki og rappi. Ég lít því
aðallega á myndina sem ný-
bylgjumynd sem byggir þó á
gömlum hefðum sem eru annars
vegar spaghettívestrar, eins og
td. Fistful of Dollars, og svo því
sem við köllum „film-noir“. Um-
hverfi myndarinnar er suður-
amerískt og að mörgu leyti er
myndin óður til myndar sem Or-
son Welles leikstýrði á sínum
tíma og heitir The Touch of Evil.
Spæjaramyndír
Bláa eðlan segir frá einkaspæj-
ara nokkrum sem gerist of ákafur
í sínu starfi og kemst upp á kant
við lögin. Það verður úr að
skattalögreglan býður honum
„tilboð sem hann getur ekki hafn-
að“ og sendir hann til Suður-
Ameríku í smáþorp nokkurt sem
er eiginlega utan laga og réttar.
Þar á hann að ná í peninga sem
tilheyra skattstofunni en í þorp-
inu stríða fyrir tvær ólíkar fylk-
ingar. Fyrir vikið verða allir í
samsæri gegn öllum til að ná í
þessa peninga en endirinn gæti
komið mönnum á óvart.
Sigurjón er reyndar ekki óvan-
ur að fást við málefni einkaspæj-
ara en síðasta mynd hans og Stev-
ens Golins hét einmitt Einkaspæ-
jarinn og var sýnd hér á landi fyrir
tæpum tveimur árum. Áður
höfðu þeir verið meðframleið-
endur á Nikkelfjallinu sem Jakob
Magnússon framleiddi.
- The Blue Iguana er tekin á
vesturströnd Mexíkó, við erfið-
ustu aðstæður svo ekki sé meira
sagt. 40 stiga hiti var á meðan á
tökum stóð, engin loftræsting og
lítið um salerni. Við vorum sex
mánuði í Mexíkó, þar af fóru þrír
mánuðir í kvikmyndatöku sem er
frekar lítið miðað við kvikmynd
af þessari gerð. Allt ferlið spann-
ar um 18 mánuði, fyrstu sex í
handritagerð og grunnundirbún-
ing, næstu sex vorum við í Mex-
íkó og síðan fara sex mánuðir í
eftirvinnu án markaðssetningar.
Þetta er svona meðal tími en
kostnaðurinn var frekar lítill, 3,5
miljónir dollara eða um 160 milj-
ónir króna. En þótt myndin hafi
ekki kostað meira en þetta er hún
nokkuð viðamikil í framleiðslu
og gerð, en við spöruðum talsvert
á því að taka hana í Mexíkó en
ekki í Hollywood.
Margþætt hlutverk
framleiðandans
Sigurjón er eins og áður sagði
annar eigandi óháða kvikmynd-
afyrirtækisins Propaganda Films
er þeir eiga í samvinnu við Po-
lygram Movies sem er nokkurs
konar banki þeirra félaga. Po-
lygram útvegar stofnfé, Propag-
anda framleiðir myndina og fær
síðan dreifingaraðila til að mark-
aðssetja afraksturinn. Paramo-
unt dreifir Bláu eðlunni í Banda-
ríkjunum en Twentieth Century
Fox í Evrópu.
- Það hefur sína kosti og ókosti
að fá stóru fyrirtækin til að dreifa
myndinni. Okkar áhætta verður
miklu minni en í staðinn fáum við
lítið að ráða hvernig myndinni er
dreift. Maður verður bara að
taka því með stakri ró því ég er
ekki í dreifingarbransa heldur í
framleiðslunni. Það myndi kosta
aðra 18 mánuði til að dreifa henni
almennilega og ég hef einfaldlega
ekki áhuga á því.
- Ég kann vel við mig sem
framleiðandi og lít á þetta sem
mínar myndir jafnt sem leikstjór-
ans. Við eigum hugmyndina að
verkinu og störtum því, fáum síð-
an til liðs við okkur handrits-
höfund sem í þessu tilviki er einn-
ig leikstjóri og á því mikið í
myndinni líka. Við fylgjum
myndinni síðan eftir þar til hún er
fullbúin en leikstjórinn getur far-
ið að sinna öðrum verkefnum.
- Hlutverk framleiðanda hefur
raunar verið mjög breytilegt í
gegnum tíðina en eins og stúdíóin
voru uppbyggð i gamla daga voru
leikstjórarnir einfaldlega í vinnu
við að segja leikurum fyrir verk-
um en framleiðandinn hélt utan
um og fullkomnaði verkið. Síðan
kom þessi franski otorismi þar
sem eingöngu var talað um kvik-
myndahöfunda sem gerðu hvort
tveggja. En þar sem það reynist
miklu dýrara að gera mynd í
Bandaríkjunum en í Evrópu varð
nokkuð um kollsteypur og þá fór
hlutverk framleiðandans að
verða atkvæðameira á ný.
Mörg verkefni
í bígerð
Sigurjón Sighvatsson og Stev-
en Golin, sem reyndar er kvænt-
ur íslenskri stúlku er heitir Vil-
borg Aradóttir, eru greinilega að
færa út kvíarnar því nú eru
nokkrar myndir í þeirra fram-
leiðslu eða undirbúningi.
- Við erum þegar búnir með
aðra mynd sem er ólík öilu öðru
sem við höfum gert. Hún heitir
Fear, Anxiety and Depression,
er grínmynd og gerist í New
York. Næsta mynd okkar heitir
Kill Me Again og er gerð fyrir
MGM fyrirtækið. Hún er enn ein
einkaspæjara-spennumyndin og
fer í framleiðslu í febrúar.
- Síðan ætlum við að framleiða
tvær til viðbótar. Önnur heitir
Love Field, töluvert þyngri mynd
og fjallar um Jack Ruby sem
myrti Lee Harvey Oswald og þá
mafíu sem stóð þar að baki. Við
erum að leita að leikstjóra og
vonumst til að byrja á henni í ár.
Að auki erum við að vinna að
tveimur verkefnum með David
Lynch sem Ieikstýrði ma. Elep-
hant Man og Blue Velvet. Ann-
ars vegar er það sjónvarpsmynd
sem er enn ein spennumyndin og
heitir North West Passage. Við
erum að undirbúa hana núna og
síðan ætlum við að gera með hon-
um aðra mynd, byggða á bók sem
var skrifuð um 1930 og við ætlum
að staðfæra. Bókin heitir You
Play the Red and the Black Com-
es Up og til að þýða það myndi ég
vitna í Stein Steinarr og kalla
hana Það er nefnilega vitlaust
gefið. Hún er nokkurs konar par-
ódía á Hollywood og var skrifuð í
þeim anda en David er að gera
handritið nú, og við vonumst til
að byrja á henni í lok þessa árs.
Þessi mynd mun, ásamt Love Fi-
eld, kosta miklu meira en aðrar
serri við höfum gert en mynd Da-
vids Lynch mun ma. skarta Isa-
bellu Rossalini í aðalhlutverki.
Það er því greinilegt að Sigur-
jón Sighvatsson hefur í mörgu að
snúast sem kvikmyndaframleið-
andi og verður áreiðanlega gam-
an að sjá þessa nýjustu afurð
hans. í Bláu eðlunni fara vel
þekktir leikarar með helstu hlut-
verk og skal þar fyrstan nefna
Dean Stockwell, leikara með ára-
tuga reynslu er lék nú síðast ma. í
Paris, Texas og Blue Velvet.
Jessica Harper lék aðalhlutverk-
ið í mynd Woddys Allens, Star-
dust Memories, og James Russo
muna margir eftir sem fantinum í
Extremities. Bláa eðlan er því á
margan hátt athyglisverð mynd
og vafalaust þess verð að berja
hana augum.
- þóm
Nýtt stjórnarsamstarf
Málefni Borgaraflokks óljós
Steingrímur Hermannsson: Geftöluvertfyrir aukinn stuðn-
ing áþingi. Ingi Björn Albertsson: Þingmenn eiga eftir að
takast á um afstöðu Borgaraflokksins
Viðræður ríkisstjórnarinnar
við Borgaraflokkinn, um
hugsanlega þátttöku flokksins í
ríkisstjórn, hefjast á föstudag í
stjórnarráðinu. Steingrímur
Hermannsson forsætisráðherra
segist gefa töluvert fyrir aukinn
stuðning við stjórnina á Alþingi
og að vilji Borgaraflokksins verði
kannaður af fullri alvöru. Þing-
flokkur Borgaraflokksins ákveð-
ur á fundi eftir helgina hvaða mál
hann setur á oddinn í viðræðun-
um.
Ingi Björn Albertsson þing-
maður Borgaraflokksins, hefur
verið einn harðasti andstæðingur
fjáröflunarfrumvarpa ríkisstjórn-
arinnar á Alþingi, og hefur verið
mjög ósáttur við afstöðu Aðal-
heiðar Bjarrifreðsdóttur flokks-
systur sinnar. Ingi Björn sagði
Þjóðviljanum að hann reiknaði
með að þingmenn flokksins ættu
eftir að takast á um þær áherslur
sem farið yrði með í viðræður við
ríkisstjómina, þó hann væri
sannfærður um að samstaða næð-
ist. En að sögn Inga Björns mun
þingflokkurinn móta afstöðu sína
á fundi eftir helgina.
„Það er í raun ekkert sem
bendir til að okkar samnings-
staða sé sterk,“ sagði Ingi Björn.
Ríkisstjórnin væri búin að fá af-
greidd öll tekjuöflunarfrumvörp-
in, og eftir þá baráttu sem hún
hefði háð fyrir frumvörpunum,
efaðist hann um að stjórnin væri
tilbúin til að gefa eftir í þeim efn-
um.
Bæði forsætisráðherra og Jú-
líus Sólnes formaður Borgara-
flokksins leggja á það áherslu, að
viðræðurnar á föstudag séu
könnunarviðræður. Málefna-
grundvöllur fyrir stjórnarsam-
starfi verði kannaður og allt of
snemmt sé að tala um uppstokk-
Borgaraflokkurinn er kominn með annan fótinn inn á stjórnarheimilið. Engu er
líkara en GuðmundurÁgústsson Borgaraflokksmaður íhugi þaö djúpt á þessari
mynd, hvort hann eigi að bregða sér yfir borðið á milli Jóns Baldvins og
Steingríms. - Mynd:Þóm
un ráðuneyta. En fyrirfram sagð- götu hugsanlegs samkomulags.
ist Júlíus ekki vilja leggja steina í Steingrímur sagðist ekki hafa
orðið var við annað en það væri
sameiginlegur áhugi fyrir því hjá
stjórnarflokkunum, að reyna
samninga við Borgaraflokkinn.
Það er ekki að heyra á forsætis-
ráðherra að reynt verði að fá
Kvennalistann til viðræðna.
Hann sagði að reynt hefði verið
skömmu fyrir jól að fá Kvennali-
stann til samstarfs en án áran-
gurs. Kvennalistaþingmenn
hefðu líka lýst því yfir opinber-
lega að þær væru ekki reiðubúnar
til samstarfs við stjórnina.
Viðræðunefnd Borgaraflokks-
ins verður sú sama og í stjórnarm-
yndunarviðræðunum í haust.
Hana skipa Júlíus Sólnes, Ingi
Björn Albertsson, Óli Þ Þórðar-
son og Benedikt Bogason. For-
menn stjórnarflokkanna taka
þátt í viðræðunum fyrir hönd
ríkisstjórnarinnar.
-hmp
8 SÍÐA - ÞJÓÐVILJINN