Þjóðviljinn - 25.01.1989, Blaðsíða 1
smábarn í kerru, en yngsti leikarinn, Melkórka Óskarsdóttir,
leikur fulloröna sveitakonu. Leikritiö var sýnt í Þjóðleikhúsinu á
barnaári, 1979, og er vinsælasta barnaleikrit sem sýnt hefur
verið eftir íslenskan höfund.
Miðvikudagur 25. janúar 1989 17. tölublaö 54. árgangur
Verslunarmannqfélag Suðurnesja
Stuðningurinn ómetanlegur
Magnús Gíslason: Stuðningsyfirlýsingar alls staðarfrá. Eflögsœkja á einhvern þá erþað Þórarinn V. Þórarinsson,
Undarlegt uppátœki hjá ríkissjónvarpinu aðfá dómara tilað kveða upp úrskurð ísjónvarpssal, en
það kann að skýrast af tengslumfréttastjóra við Flugleiðir
framkvœmdastjóri VSI,
Okkur hafa borist það mörg
skeyti og ályktanir okkur til
stuðnings frá verkalýðsfélögum
og einstaklingum um allt land að
við getum ekki annað en glaðst og
horft björtum augum á framtíð-
ina. Þessi stuðningur kemur okk-
ur virkilega vel og er okkur
ómetanlegur. Hann sýnir líka að
enn eru til tengsl á milli stéttarfé-
laga í landinu og að menn geta
sameinast þegar á þarf að halda,“
sagði Magnús Gíslason, formað-
ur Verslunarmannafélags Suður-
nesja, í samtali við Þjóðviljann í
gær.
Ekki sagðist Magnús vera
hræddur um að tapa málinu fyrir
rétti, en málið kemur aftur fyrir
Bæjarþing Keflavíkur þann 8. fe-
brúar. „Hins vegar finnst mér að
ef ætti að lögsækja einhvern fyrir
gerræði í Fiugstöð Leifs Eiríks-
sonar á þessum tíma þá er það
Þórarinn V. Þórarinsson, fram-
kvæmdastjóri VSÍ. Það var fyrst
og fremst hann sem kom í veg
fyrir að hægt væri að leita leiða
áður en til verkfalls kom, eins og
gert var 1982. Sé nokkur sekur
vegna þess sem gerðist í Flug-
stöðinni þá er það Þórarinn V.
Þórarinsson og enginn annar,“
sagði Magnús.
Um fréttaflutning af málinu
sagði Magnús að það hefði þótt
kyndugt hvernig ríkissjónvarpið
meðhöndlaði málið. „Ef við ber-
um saman sjónvarpsstöðvarnar
þá komu fram í þeim báðum þeir
Ásmundur Stefánsson og Þórar-
inn V. Þórarinsson og fengu að
tjá sig. En ríkissjónvarpið setti
auk þess dómara í málið, Sigurð
Líndal. Það má hins vegar
kannski ímynda sér að tengsl
fréttastjóra ríkissjónvarpsins við
Flugleiðir, en Bogi Ágústsson er
fyrrum blaðafulltrúi Flugleiða,
hafi einhverju ráðið um uppsetn-
inguna. Mér finnst alls ekki rétt
að í máli sem þessu, sem er á leið
fyrir dómstóla, skuli ríkissjón-
varpið skuli fá dómara til að
kveða upp fyrirfram einhvern úr-
skurð,“ sagði Magnús Gíslason.
Stuðningsyfirlýsingar halda
áfram að berast og nú síðast
sendu starfsmannafélög Kópa-
vogs, Hafnarfjarðar og Selfoss,
auk Félags opinberra starfs-
manna á Suðurlandi, frá sér sam-
eiginlega yfirlýsingu þar sem
fyllsta stuðningi er lýst við VS
vegna málsóknar Flugleiða. Fé-
lögin fordæma einnig „óbilgirni
Flugleiða í máli þessu og vara
Flugleiðir við afleiðingum þess
að halda málsókn þessari til
streitu."
Borgarstjórn
Ný fjárhagsáætlun
á leiðinni
Minnihlutinn íborgar-
stjórn vinnur nú sam-
eiginlega að gerð nýrrar
fjárhagsáœtlunarfyrir
Reykjavíkurborg
Fulltrúar minnihlutans í borg-
arstjórn í Reykjavík vinna nú
sameiginlega að tillögugerð
vegna fjárhagsáætlunar fyrir árið
1989. Tillögurnar verða lagðar
fram við aðra umræðu sem verð-
ur í næstu viku.
Ekki hefur enn verið ákveðið í
hvað formi tillögurnar verða, en
fastlega má gera ráð fyrir að
minnihlutinn leggi fram nýja fjár-
hagsáætlun. En hugmyndir hafa
einnig verið upp um að leggja
fram sameiginlega bókun.
Eins og komið hefur fram telja
fulltrúar minnihlutans ýmsa út-
gjaldaliði í fjárhagsáætlun Sjálf-
stæðismanna vanmetna. Á það
sérstaklega við um útgjöld vegna
reksturs borgarinnar og viðhalds
á fasteignum hennar. Einnig hafa
fulltrúarnir bent á að á sama tíma
og umtalsverðum peningum sé
varið til byggingar ráðhússins og
annarra gæluverkefna, sé naumt
skammtað til dagvistarmála og
öldrunarmála svo dæmi séu
tekin.
Gert er ráð fyrir að vinnu við
tillögur minnihlutans verði lokið
strax eftir helgi og verði þær þá
kynntar borgarbúum. -sg
Nýtt stjórnarsamstarf
Kafað dýpra í málefnin
Steingrímur Hermannsson vonarað af samstarfi við Borgaraflokkinn
verði. Júlíus Sólnes: Miðar áfram en verður erfitt. Skipað í vinnuhópa
Viðræðum formanna stjórnar-
flokkanna við fulltrúa Borg-
araflokksins, vegna hugsanlegs
stjórnarsamstarfs, var fram hald-
ið í gær. Júlíus Sólnes segir við-
ræðunum miða áfram en fram-
haldið verði erfitt og mikil vinna
sé eftir. Farið var yfir niðurstöð-
ur útreikninga Þjóðhagsstofnun-
ar á tillögum Borgaraflokksins og
ákveðið var að skipa vinnuhópa
til að fara i einstök mál.
Steingrímur Hermannsson for-
sætisráðherra segist vona að við-
ræðurnar leiði til samstarfs við
Borgaraflokkinn.
Júlíus sagði að fundi loknum
að hann væri hvorki bjartsýnni né
svartsýnni eftir fundinn en áður,
um helmings líkur væru á að
flokkurinn og ríkisstjórnin gætu
náð saman.
Steingrímur sagðist tvímæla-
laust meta stöðuna þannig, að
miðað hefði áfram á fundinum í
gær. Það lægi ljósar fyrir hver
væru megin áhersluatriði Borg-
araflokksins. Sérfræðingar
myndu skoða þau atriði í dag sem
flokkurinn legði mesta áherslu á.
Júlíus Sólnes mun hitta Steingrím
í dag.
Þótt líkurnar á stjórnarsam-
starfi við Borgaraflokkinn hafi
aukist eftir fundinn í gær, er ljóst
að andstaða við inngöngu Borg-
araflokksins er fyrir hendi innan
stjórnarflokkanna, einkum Al-
þýðubandalagsins.
-hmp
Barnaleikritið ÓvitareftirGuðrúnu Helgadótturverðurfrumsýnt
í Þjóðleikhúsinu á laugardaginn klukkan 14.00. Þar er stærðar-
og valdahlutföllum svo við snúið að börn leika fullorðna og
fullorðnir börn. Flosi Ólafsson, elsti leikarinn í sýningunni, leikur