Þjóðviljinn - 27.01.1989, Blaðsíða 5
Parnassus, ódáinsvöllur skálda og listamanna í grískri goðafræði. Veggmynd eftir Rafael úr Vatíkaninu í Róm.
Allar listgreinar
undir einu þaki?
Nefnd skipuð þrem fyrrverandi menntamálaráðherrum vinnur nú að álitsgerð í formi lagafrumvarps
umstofnun Listaháskóla Islands, er hýsi núverandi leiklistar-, tónlistar- og myndlistarskóla
og hugsanlega nýja háskóladeild í byggingarlist
Ioktóbermánuði síðastliðnum
skipaði Svavar Gestsson
menntamálaráðherra þriggja
manna nefnd er falið var það
verkefni að undirbúa lagafrum-
varp um Listaháskóla Islands. í
nefndinni eiga sæti þeir Ragnar
Arnalds (formaður), IngvarGísla-
son og Gylfi Þ. Gíslason, allir fyrr-
verandi menntamálaráðherrar.
Aðspurður um hvað liði störf-
um nefndarinnar sagði Ragnar
Arnaids að starf hennar væri
skammt á veg komið. En með
frumvarpinu er stefnt að því að
sameina undir einni yfirstjórn
þrjá skóla, Leiklistarskólann,
Tónlistarskólann og Myndlista-
og handíðaskólann. Jafnframt er
stefnt að því að þessir skólar fær-
ist yfir á háskólastig, og að þeir
haldi hver um sig sjálfstæði sínu
undir nafni Listaháskóla íslands.
Jafnframt er gert ráð fyrir heim-
ild til stofnunar sérstakrar
deildar í byggingarlist innan
skólans.
Hugmynd þessi á sér alllangan
aðdraganda. Lengi hefur verið
talað um nauðsyn þess að koma á
fót listnámi hér á landi á há-
skólastigi, og hafa frumvörp þeg-
ar verið samin um sérstaka
myndlistar-, leiklistar og tónlist-
arháskóla. Snemma árs 1987 fóru
svo skólastjórar þessara skóla
þess á leit við Sverri Hermanns-
son þáverandi menntamálaráð-
herra, að hann léti kanna mögu-
leika þess að stofnaður yrði einn
listaháskóli í landinu. Töldu
skólastjórarnir þá að hver deild
innan væntanlegs listaháskóla
ætti að vera sérstök rekstrar-
eining, en hins vegar gæti orðið
mikill ávinningur af nánari sam-
vinnu skólanna með aukinni fjöl-
breytni í námsframboði, betri
nýtingu húsnæðis og aukinni
samræmingu námsbrauta.
Þessi málaleitan datt síðan
uppfyrir við stjórnarskiptin þar
sem þáverandi menntamálaráð-
herra, Birgir Isleifur Gunnarsson
hafði lýst þeirri skoðun sinni að
sameiningarhugmyndin myndi
einungis tefja fyrir þeim hug-
myndum sem þá voru uppi um
stofnun þriggja listaháskóla.
Málin tóku svo enn nýja stefnu
við síðustu stjórnarskipti, þegar
Svavar Gestsson tók við mennta-
málaráðuneytinu.
Bjarni Daníelsson skólastjóri
Myndlista- og handíðaskóla ís-
lands sagði í samtali við blaðið að
samkvæmt óskum skólastjóranna
ætti ekki að binda það í lögum að
skólunum bæri að sameinast að
fullu og öllu, heldur ætti sam-
vinna skólanna þriggja að fá að
þróast í skjóli heimildarákvæða í
lögunum. Tíminn yrði svo að
leiða í ljós, hversu náin samvinn-
an gæti orðið.
Skólastjórarnir hafa jafnframt
bent á að nám í þeim skarast^með
ýmsum hætti, t.d. leikmyndagerð
sem skarast á milli myndlistar- og
leiklistarháskóla og óperuflutn-
ingur sem skarast á milli
tónlistar- og leiklistar o.s.frv.
Bjarni Daníelsson benti einnig
á nauðsyn þess að samræma
kennslu í listnámi annarri há-
skólamenntun, einkum á sviði
kennaramenntunar.
Nú er t.d. stefnt að því að vænt-
anlegur myndlistaháskóli annist
menntun myndlistarkennara á
framhaldsskólastigi á meðan
Kennaraháskólinn annast kenn-
aramenntun á grunnskólastigi.
Þessar menntabrautir þarf að
samræma og skapa gangleiðir á
milli, þannig að nám úr báðum
skólunum komi að notum í hin-
um.
Hliðstæðar hugmyndir eru
uppi varðandi menntun tónlist-
arkennara, og gefur auga leið að
samvinna þessara skóla á sviði
uppeldisfræði svo dæmi sé tekið
getur orðið mikilvæg. Við
breytingu Myndlistarskólans í
háskóla verður forskólinn lagður
niður sem slíkur og gert ráð fyrir
því að undirbúningsnám fari fram
í framhaldsskólum.
Stefán Benediktsson formaður
Arkitektafélags íslands sagði að
félagið hefði nýlega haldið félags-
fund um menntunarmál arki-
tekta, og hefði fundurinn lýst
samþykki við tillögur nefndar
sem Birgir ísleifur Gunnarsson
skipaði á sínum tíma, en nefnd
þessi skilaði áliti í desember s.l.
og komst að þeirri niðurstöðu að
stefna beri að því að fyrrihluti
arkitektanáms verði skipulagður
hér á landi í beinni samvinnu við
erlenda háskóla.
Stefán sagði að arkitektar
hefðu ekki fastmótaða skoðun á
hugsanlegri stöðu arkitektanáms
innan væntanlegs listaháskóla,
þar sem málið væri ekki komið
það langt á veg. Hins vegar væri
ljóst að nám í byggingarlist hér á
landi þyrfti að fara fram í nánum
tengslum við Háskóla íslands,
því um 60% af því námsefni sent
fellur undir byggingalist væri þeg-
ar á boðstólum innan HÍ. Hin
40% væru hins vegar hreint list-
nám sem stæði á skjön við annað
nám innan HÍ , en ætti vel heima
undir hatti listaháskóla. Stefán
sagðist því vel geta hugsað sér
arkitektanám hér á landi sem
fjórðu deildina innan listahá-
skólans með nána samvinnu við
Háskóla íslands.
Ragnar Arnalds sagði að-
spurður að í fyrirhuguðu frum-
varpi listaháskólanefndarinnar
yrði væntanlega heimild til rekst-
urs sérstakrar deildar í arkitektúr
innan skólans. Varðandi fram-
kvæmd hugsanlegra laga um list-
aháskóla sagði Ragnar að ekki sé
tímabært að tala um hana, þar
sem tillögur nefndarinnar yrðu
fýrst sendar ríkisstjórn og um-
sagnaraðilum til umfjöllunar og
síðan kæmi til kasta Alþingis.
Framkvæmd væri svo öll undir
fjárveitingavaldinu komin.
Svo er að heyra á forsvars-
mönnum listaskóla og arkitekta
að málið sé aðkallandi og það
mun samdóma álit flestra að slík
stofnun gæti orðið íslenskri
menningu og listalífinu í landinu
lyftistöng og um leið orðið til þess
að styrkja stöðu íslands sem
sjálfstæðrar menningarþjóðar.
-ólg