Þjóðviljinn - 27.01.1989, Blaðsíða 10
LEIÐARI
FYRR
• • •
Þingið er
dýimætt
Fjölmiölum veröur tíörætt um alþingismenn og alþingi,
sem í fleiri en einum skilningi gegna hlutverki leikhúss í
þjóðlífinu, og þarf ekki öll túlkun þeirra frægu oröa aö vera
niðrandi fyrir þingmenn.
Þaöerfjallað um alþingi áýmislegan hátt. Sumirfjölmiðlar
láta stundum einsog þingmenn séu einhverskonar hálfguð-
ir, -fólki á að koma við hverju hinir þjóðkjörnu klæðast, hvað
þeir lesa í rúminu áður en þeir sofna, hvort þeir vilja viskí í
vatni eða með ís eða eintómt eða alls ekki.
Það er líka haft til iðju að grannskoða kjör þingmanna, og
getur veitt þeim gott aðhald, einsog nýleg dæmi sanna.
Þingmenn eiga að lifa lífinu í sæmilegu samræmi við siðferð-
isvitund kjósenda sinna, og það er ætlast til að þeir haldi sig
óravegu bæði frá lögbrotum og siðleysum.
Það er líka stundum til siðs að hamast á þinginu og þeim
sem þar sitja. Þetta eru allt skussar og bögubósar, sami
rassinn undir þessu, ræður ekki neitt við neitt, lifir á skatt-
peningunum okkar og skilar engu þarflegu í neina átt.
Það kemur fyrir, og því miður alltof oft, að þingmenn og
stjórnmálaflokkar haga sér þannig að þessi þula eigi sér
réttlætingu. Það er hinsvegar varhugavert að þylja hugsun-
arlaust. Einsog Guðrún Helgadóttir, sem nú er forseti sam-
einaðs alþingis - fyrst kvenna til að gegna því starfi, bendir á
í viðtali við Nýtt Helgarblað Þjóðviljans í dag, er þingið oft
eina mótvægið við samtryggt ættarveldi, við íhaldssamt
embættismannakerfi, við hagsmuni leyniklíknanna.
Guðrún bendir líka á að það vantar mikið á aðbúnað og
aðstöðu þingmanna, og hún telur að það ástand eigi sinn
þátt í því að á ýmsan hátt hallar á löggjafarsamkomuna í
samskiptum við framkvæmdavaldið.
Við megum ekki gleyma því þegar okkur þykja þingmenn-
irnir hvað vitlausastir að sjálft þingið er dýrmætt. í þinginu
liggur kjarni lýðræðisins, ekki einungis vegna þess að þar
komi saman kjörnir fulltrúar, einnig vegna þess að þar er
skipst á skoðunum og upplýsingum í heyranda hljóði. Þingið
er í eðli sínu opin stofnun og ekki lokuð, einsog ráðuneytin,
stórfyrirtækin, ættarklíkurnar -og jafnvel stjórnmálaflokk-
arnir.
Nýlegt dæmi ríkisendurskoðunar sýnir vel hvað hér er átt
við.
Því betur sem búið er að þinginu, þeim mun betur tryggir
þjóðin sig gegn slysum í lýðræðinu, segir Guðrún í viðtalinu í
blaðinu í dag.
Það er kjarni máls, hvað sem líður dagpeningum, pulsu-
börum og kontóristum af ýmsu tæi.
Fimmtán störf í
ráðuneytinu?
Þýskt stórfyrirtæki hefur nú tekið fyrir kaup sín á íslensku
fiskmeti, og í sífellu berast fréttir af því að íslenskur fiskur og
nafn íslands sé ekki vinsælt góss á mörkuðum.
Þetta gerist á sama tíma og hér gætir samdráttar í atvinnu-
lífinu, sjávarútvegsfyrirtækin eru mörg í miklum vanda, og
hvarvetna er leitað leiða til að auka verðmæti framleiðslunn-
ar.
Ákvörðun stórfyrirtækisins þýska, sem tekin er vegna
hvalveiða okkar í svokölluðu vísindaskyni, varð til þess að í
gær var sagt upp fimmtán starfsmönnum lagmetisfyrirtækis
á Akureyri.
Ætlar Halldór Ásgrímsson sjávarútvegsráðherra að út-
vega þeim störf í ráðuneytinu?
-m
_______________________________________________
Ja, hjálpi mér nú allir heilagir að ætla að fara að fjalla hér um Vestmannaeyjar. Þær hef ég
aldrei augum litið- þótt skömm sé frá að segja- nema af sjó, úr lofti, eða ofan af meginlandinu. -
En Vestmannaeyjar éiga sér sína sögu og hana engu ómerkari en margir aðrir staðir í íslenska
lýðveldinu. Hver kannast ekki við Tyrkjaránið, Sigurð Breiðfjörð, sem þarna bjó um skeið og, svo
við færum okkur nær nútíðinni, Jóhann Eyjajarl Jósefsson, Helga Benediktsson og Þorstein í
Laufási, svo að einhverjir séu nefndir. í Vestmannaeyjum hefur öldum saman verið ein stærsta
verstöð landsins og skemmtilegar voru þær sumar sögurnar, sem kunningjar mínir, sem voru á
vertíð í Vestmannaeyjum, sögðu mér þaðan á sínum tíma. Og var ekki eini herinn, sem við getum
„státað" af, myndaður í Vestmannaeyjum?, því ég tel ekki Víkingasveitina og svoleiðis dót. Og
öldum saman hafa Vestmannaeyjar borið sama yfirbragð nema hvað byggðin hefur vaxið.
Þangað til gosið kom. Og hér að ofan sjáum við loftmynd af Heimaey, sem landmælingar íslands
tóku 23. ágúst 1969.
En svo kom gosið, sem hófst kl. 2 aðfaranótt þess 23. janúar 1973 og stóð fram í júní sama ár.
Gosið kom upp á austanverðri eyjunni, norðaustan Helgafells og nefnist hið nýja eldfjall Eldfell.
Enginn vissi framanaf hverjar yrðu endanlegar afleiðingar þessara náttúruhamfara, þótt sumar
létu ekki lengi á sér standa, - né hvenær þeim lyki. Var öllu kviku komið upp á meginlandið svo
fljótt sem tök voru á, utan því, sem nauðsynlegt þótti að væri á vettvangi. Innan fárra daga voru
um 150 hús horfin undir vikur eða brunnin til ösku, en þau áttu eftir að verða mun fleiri, enda fór
stór hluti Heimaeyjar undir vikur, ösku og hraun. En hraunið rann einnig fram í sjó og myndaðist
við það nýtt land, þannig að eyjan stækkaði að mun. Myndina hér að ofan tóku Landmælingar
íslands þann 23. ágúst 1984. Mann- og athafnalíf í Eyjum er nú fyrir löngu komið í fyrra far, en
samanburður á þessum myndum sýnir glöggt þá gífurlegu breytingu, sem varð á Heimaey við
gosið. _ mhg
Viljið þið ekki, lesendur góðir, vera nú svo vcenir að senda blaðinu gamlar myndir, sem þið kunnið að eiga í fórum
ykkar? Allar 40-50 ára gamlar myndir og ekki síður þaðan af eldri, eru vel þegnar. Myndunum þurfa að fylgja
nauðsynlegar upplýsingar svo sem um aldur ef hann er kunnur o.s.frv. - Myndina skal senda til umsjónarmanns Nýs
Helgarblaðs, Pjóðviljanum, Síðumúla 6, 108 Reykjvík. - Við munum að sjálfsögðu sendá myndirnar til baka, ásamt
ókeypis eftirtöku. Leitið þið nú í pokahorninu.
Síðumúla 6 108 Reykjavík
Sími 681333
Kvöldsími 681348
Útgefandi: Útgáfufólag Þjóðviljans.
Ritatjórar: Árni Bergmann, Mörður Ámason, Silja Aðalsteinsdóttir.
Umsjónarmaður Nýs Helgarblaðs: SigurðurÁ. Friðþjófsson.
Fróttastjóri: Lúðvík Geirsson.
Blaðamenn: Dagur Þorleifsson, Guðmundur Rúnar Heiðarsson,
Heimir Már Pótursson, Hjörleifur Sveinbjörnsson, Kristófer
Svavarsson, Magnús H. Gíslason, ÓlafurGíslason, Páll Hannesson,
Sœvar Guðbjörnsson, ÞorfinnurÓmarsson (íþr.).
Handrita- og prófarkalestur: Elías Mar, Hildur Finnsdóttir.
Ljósmy ndarar: Jim Smart, Þorfinnur Ómarsson.
Útlitsteiknarar: Kristján Kristjánsson, KristbergurÓ. Pótursson
Framkvœmdastjóri:HallurPállJónsson.
Skrif stof ustjóri: Jóhanna Leópoldsdóttir.
Skrifstofa: Guðrún Geirsdóttir, Kristín Pótursdóttir.
Auglýsingastjóri: Olga Clausen.
Augiýsingar: Guðmunda Kristinsdóttir, Unnur
Ágústsdóttir.
Símavarsla: Sigríður Kristjánsdóttir, Þorgerður Sigurðardóttir.
Bílstjóri: Jóna Sigurdórsdóttir.
Húamóðir: Anna Benediktsdóttir
Utbreiðslu- og afgreiðslustjóri: Björn Ingi Rafnsson.
Afgreiðsla: Halla Pálsdóttir, HrefnaMagnúsdóttir.
Ipnheimtumaður: Katrín Bárðardóttir.
Útkeyrsla, afgreiðsla, ritstjórn:
Síðumúla 6, Reykjavík, símar. 681333 & 681663.
Auglýsingar: Síðumúla 6, símar 681331 og 681310.
Umbrotog setning: Prentsmiðja Þjóðviljans hf.
Prentun: Blaðaprent hf.
Verð í lausasölu: 70 kr.
Nýtt helgarblað: 100 kr.
Áskriftarverð á mánuði: 800 kr.
10 Sl'ÐA - NÝTT HELGARBLAÐ Föstudagur 27. janúar 1989