Þjóðviljinn - 31.01.1989, Blaðsíða 3

FRETTIR
Ríkisstjórnin
Tekist á um vextina
Steingrímur J. Sigfússon: Agreiningur um leiðir, ekkimarkmið. Mið-
ar vel í mótun nýrra efnahagstillagna
Vinna í ríkisstjórninni um efna-
hagsaðgerðir er að mínu mati
með eðlilegum hætti og það kann-
ast enginn við þetta fleipur um að
fundað hafi verið árangurslaust
alla helgina eða að bullandi á-
greiningur sé meðal manna, sagði
Steingrímur J. Sigfússon, sam-
gönguráðherra í samtali við Þjóð-
viljann í gær. Steingrímur sagði
að mikill árangur hefði náðst og
að menn væru að ná saman í flest-
um meginmálum. Ríkisstjórnin
hefði gefið sér tíma fram að setn-
ingu Alþingis sem verður í byrjun
næstu viku til að ná saman um
þessar ákvarðanir.
En nú hefur Jón Sigurðsson,
viðskiptamálaráðherra lýst yfir
ágreiningi um vaxtamál?
„Já, það sem ég vil segja er að
menn eru aðallega að togast á um
leiðir en ekki markmið. Menn
eru sammála um að hafa hér lága
vexti og ná vaxtakostnaði niður.
Ágreiningurinn liggur í hvort eigi
að handstýra vöxtunum eða ekki
og sumir hafa meiri trú á að það
megi ná þessum meginmarkmið-
um með fortölum og svipuðum
ráðum. Það er síður en svo
feimnismál fyrir mig að taka á
þessu vandmáli og það er augljóst
að það verður að skipa þessum
vaxtamálum beint ef ekki ræðst
fram úr þessu á annan hátt. Ég
hef þá trú að það takist ekki að
hafa stjórn á þessu, a.m.k. fyrst
um sinn nema með beinni stýr-
ingu,“ sagði Steingrímur.
Taldi Steingrímur sjálfgefið að
það hlyti að verða stefna ríkis-
stjórnarinnar á næstu misserum
að halda fjármagnskostnaði niðri
eins og mögulegt væri. Annars
brynnu allar aðgerðir til endur-
fjármögnunar fyrirtækja upp í
fj ármagnskostnaðarbáli.
Um áframhald verðstöðvunar
sagði Steingrímur að í raun hefði.
ekki verið hægt að tala um verð-
stöðvun, heldur hefði verið um
að ræða strangt aðhald. Það yrði
ekki haldið áfram með „verð-
stöðvunina", en áfram yrði að
beita ströngu aðhaldi og eftirlit
með hækkunum á veigameiri
þáttum verði að koma til á næstu
mánuðum.
phh
Ófærðin
Snjórínn hefur
kostaö sitt
Mikið um umferðaróhöpp. Snjómokstur íborginni
hefurþegar kostað um 8 miljónir. Tuttugu ogfimm
bílar skemmdust á tuttugu mínútum á Hafnarfjarðar-
veginum á laugardaginn
Tuttugu og fimm bflar lentu í
árekstrl á Hafnarfjarðarveg-
inum á tuttugu mínútna tímabili
upp úr hádeginu á laugardag.
Mest gekk þar á er 10 bflar lentu
Félags-
málaráðherra
Úttektá
branamálum
Skipaður hefur verið
þriggja manna starfshóp-
ur til að gera heildarút-
tekt á brunamálum hér á
landi
Félagsmálaráðherra hefur
skipað þá, Magnús H. Magnús-
son, Inga R. Helgasson og Hákon
Ólafsson i starfshóp til að gera
heildarúttekt á stöðu brunamála
á landinu.
Meðal fjölmargra atriða sem
starfshópurinn á að kanna er,
hvernig framfylgt hefur verið eft-
irliti með brunatæknilégri
hönnun nýbygginga. Einnig á
hópurinn að leggja mat á hvort
úrbóta er þörf í menntun og
starfsþjálfun slökkviliðsmanna.
Hópurinn á jafnframt að kanna
mannafla og tækjakost hjá slök-
kviliðum í landinu. Jafnframt
óskar félagsmálráðherra eftir út-
tekt á orsökum stærstu bruna á
íslandi sl. 10 ár með hliðsjón af
hvernig í þeim tilvikum fylgt hef-
ur verið eftir ákvæðum reglug-
erða um brunavarnir.
Starfshópurinn á að leggja mat
á hverra úrbóta er þörf og gera
tillögur þar að lútandi, þ.m.t.
hvort ástæða sé til þess að endur-
skoða gildandi lög og reglur um
brunavarnir og brunamál.
-sg
þar saman í einum árekstri. Að
sögn lögreglunnar í Kópavogi
slasaðist enginn í þessum árekstr-
um.
Að sögn Hreins Bergsveins-
sonar hjá Sammvinnutryggingum
liggja ekki fyrir neinar tölur um
útgjöld tryggingafélaganna
vegna óhappa í umferðinni síð-
ustu daga, en hann sagði að mikið
bærist af tjónaskýrslum þessa
dagana.
- Frá því byrjaði að snjóa hér í
höfuðborginni fyrir sex dögum
höfum við eytt um 8 miljónum kr.
í snjómokstur, sagði Ingi Ú.
Magnússon gatnamálastjóri.
Hann sagði að ágætlega hefði
gengið að ryðja götur borgarinn-
ar. Að spurður um hvort ekki ætti
að hreinsa gangstéttar sagði hann
að það væri einungis gert í mið-
bænum og út frá honum. Hann
benti á að erfitt væri að koma
snjónum fyrir, ef ráðist yrði í það
verk og myndi kostnaður við
snjómokstur hjá borginni þre-
faldast.
Engar tölur lágu fyrir hjá slysa-
deild Borgarpítalans um hvort
margir gangandi vegfarendur
hefðu leitað þangað, vegna
óhappa á illfærum gangstéttum.
-sg
Ófærðin á gangstéttum borgarinnar er mikil þessa dagana. Að sögn
Inga Ú. Magnússonar gatnamálastjóra myndi það kosta borgina um
24 miljónir kr. ef hreinsa ætti snjó af gangstéttunum. Mynd Jim Smart.
íþróttahús fatlaðra
Annar áfangi
boðinn út
Framkvœmdir við
byggingu íþróttahúss
fatlaðra íReykjavík
hefjast í vor eftir margra
árastopp. Arnór
Pétursson: Ekkisíast að
þakka árangrifatlaðs
íþróttafólks áfyrra ári að
nú er hœgt að hefja
framkvæmdir að nýju
- Það er mikið gleðiefni að vita
til þess að loksins skuli vera hægt
að halda áfram framkvæmdum
við þetta hús sem legið hafa niðri i
rúm fjögur ár, segir Arnór Pét-
ursson formaður byggingar-
nefndar hússins en 2. áfangi bygg-
ingarinnar verður boðinn út á
næstu dögum.
Hann sagði að það væri ekki
síst að þakka hinum frábæra ár-
angri sem fatlað íþróttafólk vann
í Seuol sl. haust, að framkvæmdir
gætu nú hafist að nýju. Eins og
kunnugt er var ráðist í fjársöfnun
í tilefni heimkomu íþróttafólks-
ins. Amór sagði að landsmenn
hefðu brugðist vel við því kalli og
alls hefðu safnast um sex miljónir
kr. Hann vildi nota tækifærið og
þakka öllum sem létu fé af hendi
rakna til byggingar hússins.
Ríki og borg munu leggja fram
10 miljónir kr. á árinu og gert er
ráð fyrir að um 19 miljónum kr.
verði varið til framkvæmda á
þessu ári. Stefnt er að því að ljúka
við annan áfanga í desember. Þá
er eftir að ganga frá gólfi, loft-
ræstingu og innréttingum.
Byggingarnefndin gerir sér
vonir um að íþróttahúsið verði
tekið í notkun eigi síðar en árið
1991.
Stærð íþróttahússins verður
rúmlega tólf hundrað fermetrar.
Salurinn verður 18 x 32 metrar og
lofthæð 7 metrar. Einnig verður í
hússinu aðstaða fyrir þrekæfing-
ar, lyftingar, og fundaherbergi og
rúmgóður forsalur ásamt annarri
aðstöðu sem tilheyrir íþróttahús-
um. -sg
BHMR
Vilja hefja samninga strax
Wincie Jóhannsdóttir: Höfum engin svörfengið fráfjármálaráðuneyti.
Forsœtisráðherra gerist milligöngumaður. Samninganefnd hefur umboð til dagsins í dag
Formcnn BHMR og HlK, þau
Páll Halldórsson og Winciejó-
hannsdóttir, gengu á fund forsæt-
isráðherra í gær, og báðu hann að
hlutast til um að viðræður geti
hafist á milli BHMR og fjármála-
ráðuneytisins um nýjan kjaras-
amning. Wincie segir BHMR ítr-
ekað hafa haft samband við ráðu-
neytið og því hefði síðast borist
bréf frá BHMR þann 16. janúar.
Fjármálaráðuneytið hefði hins
vegar engu svarað erindum
bandalagsins.
„Það varð því úr að við báðum
forsætisráðherra að tala við fjár-
málaráðherra,“ sagði Wincie
gær. Enda hefði Steingrímur
Hermannsson bæði sagt það á al-
þingi og beint við Pál Halldórs-
son, þegar bráðabirgðalögunum
var breytt, að aðilar á vinnu-
markaðnum gætu nú farið að
ræða saman, þannig að samn-
ingar lægju jafnvel fyrir þann 15.
febrúar þegar launafrystingu
lyki. Wincie sagði að Steingrímur
hefði tekið erindinu vel og hann
hefði lofað að ræða við fjármála-
ráðherra og ræða síðan aftur við
forastumenn BHMR í dag.
Eftir breytinguna á bráða-
birgðalögunum fór sameiginleg
. samninganefnd BHMR-
félaganna af stað til að kanna
hugmyndir innan aðildarfélag-
anna og fjármálaráðuneytisins
um nýjan kjarasamning. En um-
boð samninganefndarinnar renn-
ur út í dag. Félögin halda síðan
reglubundinn samráðsfund á
morgun þar sem staðan verður
metin.
Samningar Hins íslenska
kennarafélags hafa verið lausir í
13 mánuði og samningar annarra
aðildarfélaga BHMR hafa verið
lausir síðan um áramót. Wincie
sagði kjararýrnun hafa átt sér
stað allan þennan tíma og þess
vegna lægi á að semja. Ríkis-
starfsmenn hefðu aðeins tvö tæki
í sinni baráttu: samningaviðræð-
ur og verkföll. Það væri hart ef
beita þyrfti verkfalli bara til að fá
samningaviðræður.
Wincie sagði að annað hvort
'bæri að túlka þögn fjármálaráðu-
neytisins þannig að ráðuneytið
hefði enga launastefnu, eða að
þar væri í bígerð svo óhugnanleg
launastefna, að ráðuneytið vildi
ekki opinbera hana strax.
-hmp
Þriðjudagur 31. janúar 1989 ÞJÓÐVILJINN - SÍÐA 3