Þjóðviljinn - 31.01.1989, Blaðsíða 9

Anatolíj Karpov og Jóhann Hjartarson í þungum þönkum.
JóhannlKarpov
Könnunarieiðangur
eftir klukkudeilu
Róleg byrjun í einvígi Jóhanns Hjartarsonar og Karpovs í Seattle
Fátt bar til tíðinda í fyrstu ein-
vigisskák Jóhanns Hjartar-
sonar og Anatolíjs Karpovs sem
tefld var á laugardaginn hér í Se-
attle. Eftir 15 leikja tilþrifalitla
skák slíðruðu skákmennirnir
sverðin og sættust á skiptan hlut.
Jóhanni tókst ekki að notfæra sér
það frumkvæði sem hvítu menn-
irnir bjóða jafnan uppá og óvænt-
ur leikur hans í byrjun virtist ekki
koma heimsmeistaranum fyrr-
verandi ýkja mikið á óvart. Eftir
drottningaruppskipti bauð Jó-
hann jafntefli sem Karpov var
fljótur að þiggja.
Fyrstu skákina í einvígi sem
þessu má skoða sem einskonar
könnunarleiðangur. Keppendur
þreifa fyrir sér og stutt jafntefli
þarf ekki að koma á óvart. Raun-
ar má segja að kvöldið fyrir
skákina hafi verið heldur við-
burðaríkara og þó að vel færi á
með þeim Jóhanni og Karpov
kom fljótt upp ágreiningsmál sem
erfiðlega gekk að leysa. Pað gekk
nefnilega ekki árekstralaust að
velja skákklukku. Karpov setti
þegar í stað fram skilyrði um að
notuð yrði a.-þýsk Gaarde-
klukka, sömu tegundar og sú sem
notuð var í „einvígi aldarinnar“ í
Reykjavík 1972. Jóhann hélt
hinsvegar fram ágæti skákklukku
af v-þýskri gerð. Eðlilegast var að
láta draga um hvor klukkan yrði
notuð en Karpov var á annarri
skoðun og hafði þau orð uppi að
hann myndi hvergi mæta ef þessi
háttur yrði hafður á. Hann yfírgaf
sviðið að þeim orðum mæltum og
eftir stóð skákdómarinn, Carol
Jarecki, með fyrsta vandamál
einvígisins. Hún er fyrsta konan
sem er falið það ábyrgðarmikla
hlutverk að vera dómari í einvígi
af þessari stærðargráðu. Frú Jar-
ecki var greinilega í vanda stödd
en málið leystist þegar Campom-
anes, forseti FIDE, tók á sig
ábyrgð og kvað upp þann úrskurð
að dregið skyldi um það hvor
klukkan yrði notuð. Jóhann hafði
heppnina með sér og sú v-þýska
varð fyrir valinu. Hann vann
raunar öll hlutkesti þetta föstud-
agskvöld og var Karpov greini-
lega allt annað en ánægður enda
ekki vanur að láta í minni pokann
fyrir neinum.
Klukkumálið er athyglisvert
því Karpov lenti í svipaðri deilu
er hann tefldi við Viktor Korts-
noj í Bagulo á Filippseyjum árið
1978. Pá stóð valið einnig á milli
Gaarde-klukkunnar og v-þýskrar
klukku.
En Karpov stóð ekki við orð
sín og mætti til leiks eins og ekk-
ert hefði í skorist ásamt eigin-
konu sinni, Natösju, og lífverði.
Fyrstu leikimir í þessari skák
féllu hratt og upp kom alþekkt
staða úr spænskum leik. Það var f
sjötta leik sem Jóhann brá út af
hefðbundnum leiðum en Karpov
var vel með á nótunum. Ekki er
ástæða til að fara mörgum orðum
FRÁ HELGA
ÓLAFSSYNI
í SEATTLE:
um þessa skák. Hún var óneitan-
lega í daufara lagi.
Aðstæður í
lakara lagi
Það er ljóst að mótshaldararnir
í Seattle, sem tengjast hinum
svokölluðu „Góðvildarleikum"
sem haldnir verða á næsta ári,
hafa ekki mikla reynslu af skipu-
lagningu skákviðburða og þætti
skákáhugamönnum heima á ís-
landi vísast í ýmsu ábótavant hér.
Eftir að athugasemdir höfðu ver-
ið gerðar við búnað á sviðinu var
margt fært til betri vegar. Komnir
eru þægilegir hægindastólar fyrir
keppendur og flúorlýsing hangir
yfir skákborðinu. Aðstaða fyrir
fréttamenn og skákskýringar er
hinsvegar fremur slök.
Þessum viðburði eru gerð góð
skil í fjölmiðlum, sjónvarpi og
blöðum, en í stærsta dagblaði
Seattle-borgar er kvartað yfir því
að fjölmargir áhorfendur hafi
orðið að greiða sem næst einum
bandaríkjadal fyrir hvern leik Jó-
hanns og Karpovs.
Þegar þetta birtist verða úrslit
annarrar einvígisskákar væntan-
lega ljós en vegna hins geypilega
tímamunar verður grein um þá
viðureign að bíða morgundags-
ins.
1. einvígisskák:
Jóhann Hjartarson - Anatolíj
Karpov
1. e4
(Fyrstu leikirnir í þessu einvígi
hljóta að vekja sérstaka eftirtekt
því af þeim má ráða hvaða bar-
dagaaðferðir skákmeistararnir
hafa tileinkað sér fyrir einvígið.
Jóhann lék kóngspeðinu einnig í
sinni fyrstu skák gegn Viktor
Kortsnoj í Saint John í fyrra og
gafst vel.)
1. .. e5
(Einnig mátti reikna með Caro-
Kann vörn. 1. .. c6 sem Karpov
hefur beitt mikið uppá síðkastið.
Hann getur þó ekki státað af sér-
staklega góðu gengi með þeirri
byrjun því af fimm tapskákum
síðasta árs komu fjórar uppúr
Caro-Kann vörn.)
2. RD Rcó 3. Bb5 a6 4. Ba4 Rf6 5.
0-0 Be7 6. Bxc6
(Óvenjulegur leikur og fremur
sjaldséður. Hugmyndin er svipuð
og í uppskiptaafbrigðinu af
spæsnkum leik sem kemur upp
eftir 4. Bxc6 (í stað 4. Ba4).
Sennilega er hugmyndin komin
frá David Bronstein sem tefldi
svona í frægri skák gegn Gligoric
á stórmótinu í Moskvu 1967.
Glöggir skákáhugamenn minnast
þess kannski að Garríj Kasparov
beitti þessari leikaðferð gegn Al-
exander Beljavskíj á heimsbikar-
móti Stöðvar 2 sl. haust.)
6. .. dxc6 7. d3 Dd6
(Karpov sniðgengur hefðbundna
framhaldið 7. . Rd7 sem sam-
kvæmt fræðiritunum á að gefa
svörtum u.þ.b. jafnt tafl.)
8. Rd2 Be6 9. b3 Rd7 10. Bb2 c5
(Hindrar 11. d4.)
11. Rc4
(Eftir nokkra umhugsun ákveður
Jóhann að leysa taflið upp. Það er
ekki auðvelt að finna góða áætl-
un.)
11. .. Bxc4 12. dxc4 Dxdl 13.
Hfxdl
(Nú þegar er staðan orðin afar
jafnteflisleg.)
13. .. f6 14. Rd2 Hd8 15. Rfl
- Jóhann bauð jafntefli eftir
þennan leik sem Karpov þáði.
Staðan er algerlega lífvana.
IÐNTÆKNISTOFNUN
Byggingamenn athugið
Fræðslumiðstöð iðnaðarins og
Rannsóknastofnun byggingariðn-
aðarins halda eftirtalin námskeið á
næstunni:
6.-10. feb.
Steypuskemmdir. Námskeið ætlað iðnaðar-
mönnum, verkfræðingum og tæknifræðingum í
byggingariðnaði. 60 kennslustundir. Dagl. kl. 9-
15.30.
7.-11. feb.
Gluggar og glerjun. Námskeið ætlað húsa-
smiðum. 18 kennslustundir. 7., 8. og 9. feb. kl.
16-20, 11. feb. kl. 9-12.
10.feb.
IST/30 útboðs og samningsskilmálar. Nám-
skeið ætlað verktökum, iðnmeisturum og iðnað-
armönnum. Kl. 9-16.30.
13.-15. feb.
Hljóðeinangrun. Námskeið ætlað iðnaðar-
mönnum, hönnuðum og öðrum áhugamönnum.
18 kennslustundir, dagl. kl. 13-17.
18. feb.
Viðhald og viðgerðir (fræðsludagur). Nám-
skeið ætlað iðnaðarmönnum í byggingariðnaði
og umsjónar- og eftirlitsmönnum húseigna. Kl.
8.30-16.00.
Námskeiðin eru haldin í húsakynnum
Rannsóknastofnunar byggingariðnaðarins,
Keldnaholti.
Nánari upplýsingar og innritun hjá Fræðslu-
miðstöð iðnaðarins í síma 68700 og 687440.
GEYMIÐ AUGLÝSINGUNA!
Framboðsfrestur
Ákveðið hefur verið að viðhafa allsherjar at-
kvæðagreiðslu um kjör stjórnar, trúnaðarmanna-
ráðs og endurskoðenda í Sveinafélagi pípulagn-
ingamanna fyrir árið 1989.
Framboðslistum eða tillögum skal skila á skrif-
stofu félagsins að Skipholti 70, eigi síðar en kl.
18.00 s.d. þriðjudaginn 7. febrúar 1989.
Kjörstjórn
Útboð
Hitaveita Suðurnesja óskar eftir tilboðum í lagn-
ingu hitaveituæðar frá dælustöð á Fitjum að flug-
stöð Leifs Eiríkssonar. Aðveituæðin er tvöföld
0250 mm einangruð stálpípa um 4,8 km að
lengd.
Útboðsgögn verða afhent gegn 5000 króna skila-
tryggingu á skrifstofu Hitaveitu Suðurnesja,
Brekkustíg 36, Njarðvík og á verkfræðistofunni
Fjarhitun hf., Borgartúni 17, Reykjavík.
Tilboð verða opnuð á skrifstofu Hitaveitu Suður-
nesja fimmtudaginn 16. febrúar 1989 kl. 14.
Þrlðjudagur 31. janúar 1989 ÞJÓÐVILJINN - SÍÐA 9