Þjóðviljinn - 02.02.1989, Blaðsíða 9
MINNING
Sigurður Ámason
frá Heiðarseli
Fœddur 26. júní 1903 — Dáinn 18. janúar 1989
Sigurður Árnason var fæddur
að Þuríðarstööum í Eiðaþinghá
Norður-Múlasýslu þann 26. júní
1903. Hann stundaði nám við Al-
þýðuskólann að Eiðum, því
snemma hneigðist hugur hans til
náms og þroska. En fyrir því urðu
menn að vinna sjálfir í þá daga.
Það var enginn leikur að lifa af,
hvað þá heldur ef fátækt alþýðu-
fólk vildi auðga anda sinn, til þess
þurfti bæði dugnað og harðfylgi.
Með veru sinni að Eiðum náði
Sigurður merkum áfanga, varð
gagnfræðingur þaðan, sem þótti
gott veganesti á þeim tíma og sem
varð honum notadrjúgt í lífinu,
enda var hann vel gefinn bæði til
munns og handa.
Árið 1932 hóf Sigurður búskap
í Heiðarseli í Hróarstungu
Norður-Múlasýslu með móður
sinni Guðbjörgu Árnadóttur,
sem þá var orðin ekkja, en hann
var elstur af börnum hennar.
Árið 1937 kvæntist hann eftir-
lifandi eiginkonu sinni, Önnu
Guðjónsdóttur frá Brekkum í
Hvolhreppi, mikilhæfri myndar-
og dugnaðarkonu. Þau hjónin
bjuggu í Heiðarseli til ársins
1947, en þá fluttu þau suður og
settust að í Hveragerði með börn-
in sín tvö; þau Guðbjörgu Jónu
og Björgvin Heiðar. Þau áttu sér
gott og notalegt heimili að
Hverahlíð 12 þar í bæ. Þar var
gott að koma og fundu menn sig
vera velkomna og margir hafa
notið góðra stunda og velgerða af
hendi þeirra hjóna fyrr og síðar.
I heimabyggð sinni eystra hafði
Sigurður gegnt ýmsum trúnaðar-
störfum, setið í hreppsnefnd
Tunguhrepps og lét hann fátt af
félagsmálum í sveitinni vera sér
óviðkomandi. Svo fór einnig hér
syðra. Hann var fljótlega kjörinn
formaður Verkalýðsfélags
Hveragerðis og nágrennis og
gegndi því starfi í tvo áratugi. Þar
vann hann svo sannarlega af
dyggð og trúmennsku og mátti
þar aldrei vamm sitt vita og aldrei
fannst honum of miklu fórnað af
tíma og fyrirhöfn þeint málum til
framdráttar.
Á erfiðum tímum er mér þessi
maður sérstaklega minnisstæður,
ævinlega hugsandi um þá sem
minna máttu sín í lífsbaráttunni,
það var ekkert yfirborðslegt í fari
hans. Og ekki var það vonin um
hagnað sjálfum sér til handa, sem
réð trúföstum gerðum hans fyrir
verkafólk á félagssvæðinu, en
það var Hveragerði og Þorláks-
höfn. Sigurður vann af mikilli
stefnufestu og trú á réttlæti til
handa vinnandi stéttum á íslandi.
Frá þeirri von sinni og trú hvikaði
hann aldrei. Hann var kjörinn
heiðursfélagi verkalýðsfélagsins
á sjötugsafmæli sínu þann 26.
júní 1973.
Sigurður var gæfusamur í
einkalífi sínu, hann átti góða
konu, börn, tengdabörn, barna-
börn og vini. Konan hans gerði
honum mögulegt að sinna hugð-
arefnum sínum. Hann var mikill
félagsmálamaður sem hefði átt
erfitt með að leggja þau mál á
hilluna vegna anna heimafyrir,
verkalýðsmálin urðu að hafa for-
gang fannst honum.
í fimm löng og dimm ár var
Sigurður næstum alveg blindur,
þá var hún Anna „augun hans“,
las fyrir hann allt um gang þjóð-
mála og það sem hún vissi að
hann vildi heyra. Studdi og
hjúkraði honum heima þar til
ekki var stætt á því lengur og
hann fór á Sjúkrahús Suðurlands
og síðan á húkrunardeild aldr-
aðra að Ljósheimum, þar sem
hann lést að morgni 18. janúar sl.
í rúmlega hálfa öld höfðu leiðir
þeirra Sigurður og Önnu legið
saman og það var unnið á meðan
dagur var.
Þegar ég nú að leiðarlokum
minnist og kveð prúðmennið Sig-
urð Árnason, sem öllum vildi
gott gera, vil ég þakka samfylgd
og vináttu í áratugi. Ég átti því
láni að fagna að vinna með hon-
um að verkalýðsmálum og ég
dáðist þá oft að hógværð hans og
einnig stálvilja þegar rétta þurfti
FRÉTTIR
hlut einhvers samferðamanns
eða félagsins í heild. Hann var
ævinlega sanngjarn og kunni vel á
hinn gullna meðalveg, og átti því
vinsemd og virðingu viðsemj-
enda sinna.
Sigurður trúði því að góð verk
væru betri en falleg orð og fyrir-
heit án athafna og lifði samkvæmt
því. Guð blessi minningu hans og
ástvini alla.
Ragnheiður Ólafsdóttir
Nú er hann afi okkar dáinn.
Hann afi sem við bárum óbifan-
lega virðingu fyrir, hann afi sem
var hennar svo fyllilega verðug-
ur. Við höfum svo oft haft ástæðu
til að vera stolt af því að vera
barnabörn Sigga Árna, eins og
hann var oftast kallaður, því
hann var merkismaður og lét
margt gott af sér leiða.
Þegar afi sagði okkur sögur af
lífinu og tilverunni í gamla daga
skildum við oft betur eitt og ann-
að í fari gamals fólks sem hafði
verið erfitt að skilja áður vegna
þess hve allar aðstæður eru
breyttar. Við munum t.d. aldrei
gleyma ýmsu því sem hann sagði
okkur af verkalýðsbaráttu fyrri
ára og hvernig fólk stóð saman og
lifði fyrir hugsjónina sem bjó að
baki. Afi var geysilegur hug-
sjónamaður og fastur fyrir,
jafnvel svo að ýmsum þótti nóg
um, en þeir sem þekktu hann
vissu að svona var Siggi Árna og
að honum yrði ekki breytt. Það
var einmitt þetta sem var hvað
aðdáunarverðast í fari afa, hann
var alltaf sjálfum sér samkvæmur
og trúr sinni hugsjón, alveg fram í
andlátið.
Ævi afa stóð í rúm 85 viðburða-
rík ár og nú er henni lokið. Við
kveðjum þig með virðingu, elsku
afi okkar, og óskum þér eilífs
friðar.
Ó, dauði, taktu vel þeim vini mínum,
sem vitjað hefur þreyttur á þinn fund.
Oft bar hann þrá til þín í huga sínum
og þú gafst honum traust á banastund.
Nú leggur hann allt, sem var hans
auður,
sitt œviböl, sitl hjarta að fótum þér.
Er slíkl ei nóg? Sá einn er ekki
snauður,
sem einskis hér á jörðu vcentir sér.
(Tómas Guðmundsson, Bœn til
dauðans.)
Soffía, Sigurður Heiðar
og Anna Erla
Bókaútgáfa
75 miljóna alfræðibók
Örn og Örlygur vinna að 1700 blaðsíðna alfrœðibók. 100
sérfrœðingar vinna að útgáfunni. Kostnaður 75 miljónir.
Styrkir íslenska tungu. Menntamálaráðherra vill stofna sjóð
Hjá bókaútgáfunni Erni og Ör-
lygi er unnið af fullum krafti
við að koma saman fyrstu alfræð-
ibók sinnar tegundar á íslandi.
Um eitt hundrað sérfræðingar
vinna að bókinni sem verður 1700
blaðsíður með 45 þúsund uppf-
lettiorðum og hefur kostnaður
verið áætlaður 75 miljónir króna.
Svavar Gestsson menntamála-
ráðherra ætlar að beita sér fyrir
því að stofnaður verði sérstakur
lánasjóður til að styrkja metnað-
arfulla og dýra plötu- og bókaút-
gáfu sem þessa.
Um það bil einn þriðji verksins
verður séríslenskur, og mun bók-
in vafalaust hafa mikil áhrif á þró-
un tungunnar og almenna máln-
otkun. Þeir sem standa að gerð
bókarinnar segja að það hafi orð-
ið æ ljósara sem á verkið hafi lið-
ið, hversu mikilvægt það sé að
laga hið erlenda efni að íslensk-
um aðstæðum, staðla heiti á hug-
tökum sem enn vanti í málið eða
séu á víð og dreif og almenningi
ekki kunn eða tiltæk.
Islenska alfræðiorðabókin er
byggð á dönsku alfræðibókinni
„FAKTA-Gyldendals etbinds
leksikon". En Gyldendals útgáf-
an hefur áratuga reynslu af út-
gáfu alfræðibóka. Þá eru Svíar að
vinna að alfræðibók sem er ríf-
lega studd af sænska ríkinu. En í
þessu stærsta ríki Norðurland-
anna hafa menn miklar áhyggjur
af engilsaxneskum áhrifum á
sænska tungu, og hafa ráðamenn
rökstutt stuðning við útgáfuna
með tilliti til þess.
- hmp
ALÞÝÐUBANDALAGIÐ
Alþýðubandalagið í Reykjavík
Spilakvöld
Spilakvöid ABR verður haldið þriðjudaginn 7 febrúar kl. 20.30 að Hverfis-
götu 105. Gestur kvöldsins verður Olafur Ragnar Grímsson formaður
Alþýðubandalagsins og fjármálaráðherra.
Allir velkomnir á meðan húsrúm leyfir. Stjórnin
20 ára afmælishappdrætti
Alþýðubandalagsins
Dregið 6. febrúar
Dregið verður í afmælishappdrætti
Alþýöubandalagsins þann 6. febrúar
n.k. Allir félagar og stuðningsmenn
eru hvattir til að gera skil hið fyrsta.
Munið greiðslukortaþjónustu í síma
17500.
Með afmæliskveðju.
Alþýðubandalagið
FLÓAMARKAÐURINN
Snjomokstur!
Við erum hraustir piltar sem tökum
að okkur að moka snjó fyrir lítinn
pening. Upplýsingar í síma 13616
kl. 10-12 daglega.
Mackintosh
tölva og prentari
Óska eftir að kaupa notaða Mack-
intosh tölvu og prentara. Upplýs-
ingar í síma 621488 eða 16808.
Til sölu
Borðstofuborð og 4 stólar til sölu.
Upplýsingar í sama 35055.
Þýskur stúdent
sem talar íslensku óskar eftir að
taka að sér stuðningskennslu nú
þegar. Þeir sem hafa áhuga hringi í
síma 37005, Stefan Markus.
Heimilishjálp
Get tekið að mér heimilishjálp einu
sinni til tvisvar í viku. Upplýsingar í
síma 685193 eftir kl. 18.00.
Óskast keypt
Óska eftir að kaupa baðker og elda-
vél. Upplýsingar í síma 15116.
Til sölu
nýlegt IKEA hjónarúm. Verð
15.000. Upplýsingar í síma 22791
fyrir hádegi eða eftir kl. 21.00.
Til sölu
ungbarnasæng og koddi, 90x110
og 3 sængurverasett á kr. 4.000.
Upplýsingar í síma 17133.
Kettlingar fást gefins
Upplýsingar í síma 42598.
Til sölu
Borðstofuborð og 4 stólar fást
ódýrt. Upplýsingar í síma 16997
milli kl. 6 og 7 á kvöldin.
Bassi til sölu
Vel með farinn Aria Pro bassi til
sölu á hagstæðu verði. Upplýsingar
í síma 10342.
Húsgögn
Til sölu tekkkommóöa, skatthol,
Hansahillur og uppistöður, gamalt
borðstofuborð og 4 stólar. Einnig
gamall armstóll. Upplýsingar í síma
41039 og 74238 eftir kl. 16.00 í dag,
föstudag og laugardag.
Til sölu
notað gólfteppi, vel með farið, ca.
25 fm. Upplýsingar í síma 10904
eða 16328.
Gullfallegt málverk
af Þingvöllum
eftir Hjörvar Kristjánsson til sölu.
Einnig ný Oregon pine útidyrahurð
með körmum og öllu. Upplýsingar í
síma 15989.
Þægilegt og
gamalt sófasett
óskast gefins eða hræódýrt. Sit á
gólfinu. Vinsamlegast hafið sam-
band við Davíð í síma 14942.
Óska eftir naggris
(kvenkyns). Upplýsingar í síma
54327.
Ung, reyklaus
og reglusöm hjón
með eitt barn óska eftir íbúð á leigu
frá og með 1. maí nk. Upplýsingar
gefur Gunnar í síma 623046 (vinna)
og 78715 (heima).
Óskum eftir
3 herbergja íbúð
á leigu frá 1. júní nk. Erum 4 í heim-
ili, hjón, 9 ára drengur og ungbarn.
Upplýsingar í síma 13101.
Sá sem ók framan á bíl
á horni Nesvegar og Kaplaskjóls-
vegar kl. 7 að kvöldi sunnudags 22.
janúar er vinsamlega beðinn að
hafa samband við Hannes Tómas-
son í síma 18070.
Vantar
lítinn kæliskáp, lítið borðstofuborð
og klæðaskáp. Verður að vera
ódýrt. Upplýsingar í sími 36677 eftir
kl. 17.00.
Kvengína óskast
Sími 74304.
Flóamarkaður
Opið mánudaga, þriðjudaaga og
miðvikudaga frá kl. 14-18. Enda-
laust úrval af góðum og umfram allt
ódýrum vörum. Gjöfum veitt mót-
taka á sama stað og tíma. Flóa-
markaður SDÍ Hafnarstræti 17,
kjallara.
Til sölu
herðaslá úr Ijósbrúnu minkaskinni.
Upplýsingar í síma 52029.
Óska eftir
litlum (sem allra minnstum) kæli-
skáp og litlu borðstofuborði. Upp-
lýsingar í síma 16718 eða 681720.
Herbergl tll leigu
Upplýsingar í síma 673023.
Til sölu
ungbarnaburðar/bílstóll og Chicco
barnagöngugrind. Hvorttveggja í
góöu ásigkomulagi. Upplýsingar í
síma 25703.
Til sölu
Pioneer DEH-66 geislaspilari og út-
varp í bil. Splunkunýtt á góðu verði.
Upplýsingar í síma 36318.
Til sölu
Frystiskápur, ryksuga, svefnbekkir,
hjónarúm, hlaðrúm, kommóður,
eldhúsborð, sófaborð, borðstofu-
stólar, hægindastólar o. fl. Sími
688116 kl. 17-20.
Ný fótaaðgerðastofa
Fjarlægi líkþorn, meðhöndla inn-
grónar neglur, almenn fótsnyrting
o.fl. Tímapantanir alla virka daga
frá 9.30-10.30. Guðríður Jóels-
dóttir, med. fótaaðgerðasér-
fræðingur Borgartúni 31, 2. h.h.,
sími 623501.
Unglingaskrifborð
úr eik með 2 skúffum, 110x55 sm, til
sölu. Upplýsingar í síma 621689.
Vantar þig tíma í hljóðstúdíói?
Þá skaltu lesa þetta!
Af sérstökum ástæðum eru til sölu
150 tímar í góðu 12 rása, digital
hljóðstúdíói. Innifalið í verðinu er
tæknimaður og gilda tímarnir til 1.
nóvember nk. Tímarnir seljast á al-
veg ótrúlega góðu verði. Upplýs-
ingar í síma 33301 á daginn og
10154 á kvöldin, Guðmundur.
Líflaust hár? Skalli?
Vöðvabólga? Offita? Hrukkur?
Sársaukalaus og skjótvirk hárrækt
með akupunktur, rafmagnsnuddi
og laser, viðurkennt af alþjóða
læknasamtökum. Vítamíngreining,
orkumæling, ofnæmisprófun, and-
litslyfting, svæðanudd, megrun.
Hringdu og fáðu nánari upplýsing-
ar. Hágæða snyrtivörur, GNC og
BANANA BOAT, úrkraftaverkajurt-
inni Aloa Vera. Komdu og fáðu
ókeypis upplýsingabækling á ís-
lensku. Póstsendum út á land.
HEILSUVAL, Laugavegi 92, við
Stjörnubíóplanið, sími 11275.
Fimmtudagur 2. febrúar 1989 ÞJÓÐVILJINN - SÍÐA 9