Þjóðviljinn - 08.02.1989, Blaðsíða 6
MENNING
Gamall draumur
að starfa hér
Verksvið Norræna hússins er vítt og nær til flestra þátta í
menningu, atvinnu- og félagslífi allra Norðurlandanna, segir
Lars Áke Engblom nýskipaður forstjóri þess
Ég lít á það sem forréttindi og
sérstakan heiður að fá að starfa
hér í Norræna húsinu í Reykja-
vík, sagði Lars Áke Engblom í
samtali við Þjóðviljann, en hann
tók við af Knut Odegaard sem
forstjóri Norræna hússins í síð-
ustu viku.
Lars Áke Engblom er blaða-
maður að atvinnu, og hefur m.a.
20 ára starfsreynslu hjá sænska
sjónvarpinu. Hann segist hafa
stundað blaðamennsku allt frá 15
ára aldri, en í háskóla lagði hann
stund á sagnfræði og fjölmiðla-
fræði. Doktorsritgerð hans fjall-
aði um fjölmiðla verkalýðshreyf-
ingarinnar í Gautaborg frá 1895-
1965, bæði innihald þeirra og
rekstur.
Síðastliðin sex ár hefur Lars
Áke verið deildarstjóri við dag-
skrárgerð sænska sjónvarpsins í
Váxsjö, en þar hafði hann m.a.
með höndum yfirumsjón með
gerð alls barna- og unglingaefnis
á annarri rás sænska sjónvarps-
ins. Auk þess hafði hann yfirum-
sjón með almennri dagskrárgerð
sjónvarpsins í Váxsjö.
Fjölskyldudraumur
Pegar ég spurði Lars Áke hvað
hefði dregið hann hingað til ís-
lands, þá sagði hann að þetta
hefði verið sér og fjölskyldunni
gamall draumur, í rauninni allt
frá því að hann kom hingað í
heimsókn fyrst 1970 í forstjóratíð
Ivars Eskelands. Hann sagðist
hafa komið hingað alloft síðan í
tengslum við starf sitt. Þannig
hefði hann unnið að gerð þátta
um norræn málefni fyrir sjón-
varpið í Gautaborg á 8. áratugn-
um, og þá hefði hann nokkrum
sinnum átt erindi til íslands. En
tengsl Lars Áke við ísland tengj-
ast þó ekki bara starfinu, því
eiginkona hans, Kristina Eng-
blom, sem er menntuð í sænskri
tungu og bókmenntum, hefur
haft sérstakan áhuga á íslandi allt
frá því hún var í skóla. Hún er
sænskukennari að atvinnu og hef-
ur einkum kennt innflytjendum
málið, þar á meðal mörgum ís-
lenskum börnum sem búið hafa í
Váxsjö. En Lars Áke tjáði okkur
að um 4000 íslendingar væru nú
búsettir í Svíþjóð.
Það var sameiginleg ákvörðun
allrar fjölskyldunnar að flytja
hingað til íslands í 4 ár, sagði Lars
Áke, en þau Kristina eiga þrjú
börn, 11 ára dóttur og syni sem
eru 15 og 17 ára. Börnin og
eiginkonan eru bundin af skóla-
starfi í Svíþjóð þar til í vor.
Vilvíkka
starfssviöiö
En hvaða hugmyndir gerir nýi
forstjórinn sér um starf Norrœna
hússins í framtíðinni?
Ég geri mér fulla grein fyrir því
að menn gera sér miklar vænting-
ar um starfsemina hér eftir það
blómlega starf sem verið hefur í
tíð fyrirrennara míns. Ég hef
auðvitað ýmsar mótaðar hug-
myndir í kollinum, en ég tel ekki
rétt að ræða þær að svo stöddu,
þar sem fyrst þarf að ræða
heildarstarfsemina við stjórn
hússins. En almennt get ég sagt,
að ég mun leggja kapp á að eiga
sem mest samstarf við aðrar
stofnanir, íslenskar og norrænar,
eins og við sjáum að gert hefur
verið með víkingasýninguna sem
nú stendur yfir. Eg sé í slíku sam-
starfi aukna möguleika á að halda
uppi þeim gæðum í starfinu sem
við viljum hafa. í þessu sambandi
sé ég líka möguleika á samstarfi
við Norræna húsið í Færeyjum.
Ég myndi vilja halda starfinu
áfram í því formi sem það hefur
verið í stórum dráttum, en víkka
starfsvettvanginn. í starfsreglum
hússins segir að það eigi að ná til
sem flestra þátta í menningu,
atvinnu- og félagslífi Norður-
landanna, og að það eigi bæði að
miðla norrænum straumum til ís-
lands og íslenskri menningu til
hinna Norðurlandanna.
Efnifyrirbörn og
unglinga
Eitt af því sem ég hef áhuga á
að gera er að auka framboð á efni
fyrir börn og helst unglinga líka.
Það er að vísu sérstakur vandi að
bjóða upp á starf sem höfðar til
unglinga, og þeir eru undir álagi
frá mörgum áhrifavöldum, en ég
teldi það eðlilegt að Norræna
húsið víkkaði einnig út starfssvið
sitt með einhverjum hætti til þess
að ná til þeirra. Kannski geta
synir mínir veitt mér aðstoð í
þeim efnum.
Annars er sýningin á barna-
Lars Áke Lindblom, nýskipaður for-
stöðumaður Norræna hússins. Mynd
Jim Smart.
bókaskreytingunum hér í and-
dyrinu nú gott dæmi um þetta,
með þeirri barnadagskrá sem
henni tilheyrir. Sömuleiðis höfð-
ar víkingasýningin líka til barna
og unglinga, og þetta hvort
tveggja tel ég til mikillar fyrir-
myndar. Dagskráin næstu vik-
urnar er þegar ákveðin að tal-
sverðu leyti af fyrirrennara mín,-
um, og þar verður margt athyglis-
vert á boðstólum. Má þar einna
helst nefna norrænu bók-
menntakynninguna, sem verður í
kringum næstu mánaðamót, og
norræna ráðstefnu um menning-
argagnrýni, sem haldin verður
20.-23. apríl með þátttöku
gagnrýnenda frá öllum Norður-
löndunum.
Kemur fyrra starf þitt hjá sœn-
ska sjónvarpinu þér að notum í
þessu starfi?
Já, það tel ég. Einkum þau
mörgu sambönd sem ég hef í
gegnum það. Það mun auðvelda
mér að fá hingað gesti í heim-
sóknir. Þá mun ég einnig nota
sambönd mín hér til þess að
koma hugmyndum á framfæri við
starfsbræður mína hjá sænska
sjónvarpinu um hugsanleg
dagskrárefni hér á landi. Ég hef
einnig áhuga á að Norræna húsið
taki að einhverju leyti upp kynn-
ingu á norrænni kvikmyndalist,
eins og starfsreglur þess gefa
einnig tilefni til.
Ég er nú búinn að vera hér í
þrjá sólarhringa og hef varla haft
tíma til þess að draga andann.
Mér finnst það hindra mig að
vera ekki mæltur á íslensku, og ég
vona að ég fái tækifæri til þess að
gera átak í þeim efnum næstu vik-
urnar. Ég lít annars á það sem
mikil forréttindi að fá að hafa at-
vinnu af því að fylgjast héðan
með því merkasta sem er að ger-
ast í menningu Norðurlandanna
og ég hugsa með tilhlökkun til
samstarfs við íslenskt áhugafólk
um norræna menningu næstu
fjögur árin.
-ólg
lleana Cotrubas
sópransöngkona.
Sinfónían
Vinsælar
aríur úr
þekktum
óperum
Á aukatónleikum Sinfóníu-
hljómsveitar íslands á morgun, 9.
febrúar,kl. 20.30, mun hin heims-
kunna rúmenska sópransöng-
kona, Ileana Cotrubas, syngja. Á
efnisskrá verða vinsælar aríur úr
þekktum óperum eftir Verdi,
Puccini og fleiri.
Háskólatónleikar
Söngvar
úr Yermu
Á háskólatónleikum í Norræna
húsinu kl. 12.30 ídag flytur Há-
skólakórinn ásamt Pétri Grét-
arssyni slagverksleikara söngva
úr leikritinu Yermu eftir Garcia
Lorca sem leikið var í Þjóðieik-
húsinu fyrir fáeinum árum.
Tónlistina samdi Hjálmar Ragn-
arsson en stjórnandi er Árni
Harðarson.
6 SÍÐA - ÞJÓÐVILJINN Mióvikudagur 8. febrúar 1989