Þjóðviljinn - 25.02.1989, Blaðsíða 13

BÓKIN SEM ÉG ER AÐ LESA
Bortferelsen
eftir Mette Newth
lynda og tekið þátt í að skapa og
Mette Newth
Bókin sem ég ér að lesa þessa
dagana er Bortf0relsen eftir
norsku skáldkonuna Mette
Newth. Fyrir þá bók hlaut Mette
norrænu barnabókaverðlaunin
árið 1988 og Kristján Jóhann
Jónsson er að vinna að íslenskri
þýðingu hennar sem væntanleg er
hjá Iðunni í haust.
Bortf0relsen er magnað verk.
Hún greinir frá dansk-norskum
Grænlandsleiðangri á sautjándu
öld og segir sögu tveggja ungra
ínúíta sem rænt var og hafðir með
til Noregs. Þar með lýstur saman
ólíkum menningarheimum. Saga
ínúítanna er skelfileg en um leið
nauðsynleg viðvörun og áminn-
ing til okkar sem nú lifum. Það
sem ínúítarnir ungu fá að reyna af
kynþáttafordómum, vanþekk-
ingu og miskunnarleysi er
stöðugt að endurtaka sig í veröld-
inni eins á okkar dögum og fyrri
tíð. Inn á milli skín þó sífellt í
gimsteinana í mannsorpinu, þá
sem Bólu-Hjálmar kvað um og
þrátt fyrir allt geymir sagan ýms-
ar vonarglætur handa mannkyn-
inu.
Bortf0relsen er fjarri því að
vera kennslubók eða leiðinda
predikun. Hún er alvarlegt og
metnaðarfullt skáldverk, skrifuð
fyrir hugsandi lesendur frá ung-
lings aldri til elli. Hún er þar með
skemmtilegt andsvar skáldkon-
unnar við þeim dilkadrætti sem
skáldbókmenntir mega einatt
sæta þar sem menn virðast vilja
Heimir Pálsson
skrifar
gera það að einhverskonar sér-
grein að skrifa bækur fyrir ung-
linga, rétt eins og þeir séu ekki
fólk heldur fólk á undirbúnings-
stigi. Þetta er kjánaskapur sem
markaðurinn hefur látið sér
er ævinlega gleðiefni að sjá
rithöfunda rísa gegn honum.
Mergurinn málsins hlýtur náttúr-
lega að vera sá að engin bók er
góð unglingabók nema hún sé
fyrst góð bók og þar með er hún
líka góð fyrir hvern sem er.
Mette Newth er enginn ný-
græðingur í skrifum. Fyrsta bók
hennar kom út árið 1969 og síðan
hefur hún skrifað mikið fyrir
börn og unglinga. Síðustu ár hef-
ur hún ekki síst hugsað um þarfir
þeirra sem eiga við lestrarörðug-
leika að stríða og m.a. samið
táknmálsbækur fyrir heyrnar-
skerta. Ýmsar bækur hefur hún
skrifað í samvinnu við mann sinn,
Philip Newth, sem reyndar er
breti að uppruna en skrifar á
norsku. Ein bóka hans hefur ver-'
ið þýdd á íslensku og lesin í út-
varp. Hét hún í þýðingu Krakk-
arnir í Kastaníugötu.
Mette Newth hefur aflað sér
staðgóðrar þekkingar á sögu ínú-
íta og eys af þeim brunni í
Bortfórelsen en eins og áður sagði
er það þó algildi sögunnar og
skírskotanir til hverskonar for-
dóma og þekkingarleysis mann-
anna sem gefur henni mest gildi.
Það verður fróðlegt að sjá hvern-
ig íslenskir lesendur taka þessari
mögnuðu skáldsögu um næstu
nágranna sína og örlög þeirra.
Við höfum stundum leyft okkur
býsna mikið tómlæti um ínúíta og
er gott til þess að vita að okkur
berist skáldlegur fróðleikur frá
merkum rithöfundi.
BRIDGE
Landsmótiö framundan
Dregið var í riðla í íslandsmótinu í
sveitakeppni sl. miðvikudag. 24 sveit-
ir taka þátt í undanrásum, sem verða
spilaðar á Loftleiðum dagana 9.-12.
mars nk.
Fyrir úrdrátt, var sveitum skipað í 6
styrkleikaflokka (eftir áunnum stig-
um sl. 5 ár) og dregin ein sveit úr
hverjum styrkleikaflokki. Útkoman
var þessi:
A)
1. Ragnar Jónsson Kóp.
2. Esther Jakobsdóttir Rvk
3. Júlíus Snorrason Rvk
4. Flugleiðir Rvk
5. Sigurður Freysson Eskif.
6. Gosarnir Rvk
7. Modern Iceland Rvk
8. Sigfús Þórðarson Self.
B)
1. Hótel Höfn Hornaf.
2. Sigmundur Stef. Rvk
3. Haukur Sigurðsson Rvk
4. Delta Rvk
5. Sigurður Vilhjálmss. Rvk
6. Jón Ingi Ingvarss. Skagastr.
7. Pólaris Rvk
8. Grettir Frímannss. Akureyri
C>
1. Guðm. Þorkelsson Isaf.
2. Jón S. Gunnlaugsson Rvk
3. Stefán Pálsson Hafnarf.
4. Sveit M. Laugarvatns
5. Bragi Hauksson Rvk
6. Kristján Guðjónss. Akureyri
7. Guðmundur M. Jónss. ísaf.
8. Örn Einarsson Akureyri
D)
1. Jörundur Þórðarson Rvk
2. Sigfús Örn Árnason Rvk
3. Samvinnuf./Landsýn Rvk
4. Sveit Vesturlands
5. Guðlaugur Karlsson Rvk
6. Pálmi Kristmannss. Egilsst.
7. Friðþjófur Einarss. Hafnarf.
8. Jón Sigurbjörnss. Sigluf.
Eftir 5 umferðir í aðalsveitakeppni
Bridgefélagsins (af 7), er staða efstu
sveita orðin þessi:
Stig
Sveit Pólaris 101
Sveit Braga Haukssonar 93
Sveit Modern Iceland 88
SveitDelta 88
Sveit Hótel Hafnar 86
Bikarkeppni Bridgesambandsins,
sem hefst í maí, gefur sigurvegurum
væntanlega rétt til þátttöku í Evópu-
bikarkeppni sveita 1990. Sigurvegar-
ar síðasta árs, sveit Pólarís,tekur þátt
í Rotternös-mótinu í Svíþjóð í ár.
Undanrásir íslandsmótsins í tví-
mennning, verða helgina 15.-16. apr-
fl. Spilað verður í Gerðubergi í
Reykjavík. 23 efstu pörin ávinna sér
rétt til þátttöku í úrslitum.
Úrslit í undankeppni íslandsmóts
kvenna og yngri spilara, urðu þessi:
(Kvennaflokkur)
Sveit Tomma-hamborgara Rvík
Sveit Sigrúnar Pétursd. Rvk
Sveit Freyju Sveinsd. Kópavogi
Sveit Öidu Hansen Rvk.
Yngri flokkur)
Sveit Hard Rock-Café Rvk
Sveit Sveins R. Eiríkss. Rvk
Sveit Guðjóns Bragasonar Rvk
Sveit Þorsteins Bergssonar Fljóts-
dalshéraði
Alls tóku 10 sveitir þátt í mótinu í
kvennaflokki og 8 sveitir í yngri
flokki. Sigurvegarar velja sér and-
stæðing í úrslitakeppninni í báðum
flokkum. Þær sveitir sem sigra, spila
síðan til úrslita um þessa helgi. Spilað
er í Sigtúni 9.
Meistarastigaskrá Bridgesam-
bandsins er komin út. Dreifing hófst í
vikunni. Nánar verður fjallað um
skrána í næstu þáttum.
Eftir 4 kvöld af 5 í aðal tvímenn-
ingskeppni Skagfirðinga í er staða efstu para þessi: Reykjavík Stig
Lárus Hermannsson
- Óskar Karlsson 213
Jón Stefánsson - Sveinn Sigurgeirsson 179
Jón Viðar Jónmundsson -Árni Jónasson 150
ÞJÓÐVILJINN - SIÐA 13
Útboð
Innkaupastofnun Reykjavíkurborgar, fyrir hönd
byggingadeildar borgarverkfræðings, óskar eftir
tilboðum í nýbyggingu Grandaskóla II áfanga.
Um er að ræða uppsteypu og fullnaðarfrágang
að utan en tilbúið undir tréverk að innan.
Grunnflöturskólans er660 m2. Skilatími verksins
er 15. júní 1989. Útboðsgögn verða afhent á
skrifstofu vorri að Fríkirkjuvegi 3, Reykjavík, gegn
kr. 15.000 skilatryggingu. Tilboðin verða opnuð á
sama stað miðvikudaginn 15. mars 1989 kl.
14.00.
INNKAUPASTOFNUN REYKJAVÍKURBORGAR
Fríkirkjuvegi 3 - Sími 25800
ALÞÝÐUBANDALAGIÐ
Bjöm Grétar
Fundur í
verkalýðsmála-
ráði
Verkalýðsmálaráð Alþýðubandalagsins er boðað til fundar kl. 13 sunnu-
daginn 26. febrúar.
Fundurinn verður í Miðgarði, Hverfisgötu 105.
Dagskrá:
1. Staða efnahagsmála
★ Már Guðmundsson, efnahagsráðgjafi fjármálaráðherra
2. Verkalýðshreyfingin og samningamáiin
★ Elín Björg Jónsdóttir, ritari BSRB
★ Páll Halldórsson, formaður BHMR
★ Ásmundur Stefánsson, forseti ASÍ
★ Björn Grétar Sveinsson, formaður verkalýðsfélagsins Jökuls
3. Önnur mál. Björn Grétar Sveinsson
formaður verkalýðsmálaraðs
Alþýdubandalagið í Kópavogi
Morgunkaffi
Morgunkaffi verður hjá Alþýðubandalaginu í Kópa-
vogi laugardaginn 25. febrúar í dag klukkan 10-12 í
Þinghóli Hamraborg 11. Heiðrún Sverrisdóttir hellir
uppá könnuna og reifar fjárhagsstöðu bæjarins.
Allir velkomnir á meðan húsrúm leyfir.
Stjórnin Heiðrún
DAGVIST BARIVA
Sálfræðingur
Sálfræöingur óskast í 50% starf á sálfræði- og
sérkennludeild Dagvistar barna.
Sérþekking og reynsla af vinnu meö börnum á
forskólastigi nauðsynleg.
Umsóknarfrestur er til 15. mars.
Upplýsingar veitir forstööumaður deildarinnar í
síma 27277.
DAGVI8T BAHIVA
Forstöðumaður
Dagvist barna auglýsir eftirtalda stöðu lausa til
umsóknar. Umsóknarfrestur er til 15. mars n. k.
Forstöðumaður í Múlaborg
Fóstrumenntun áskilin.
Nánari upplýsingarveitirframkvæmdastjóri Dag-
vistar barna í síma 27277.
Útboð
Innkaupastofnun Reykjavíkurborgar, fyrir hönd
Malbikunarstöðvar Reykjavíkurborgar, óskar
eftir tilboðum í eftirfarandi:
1. 11.500 - 15.000 tonn af asfalti
2. 120-160 tonn af bindiefni fyrir asfalt (asphalt
emulsion).
Útboðgögn verða afhent á skrifstofu vorri að Frí-
kirkjuvegi 3, Reykjavík. Tilboðin verða opnuð á
sama stað þriðjudaginn 4. apríl n. k. kl. 11.00.
INNKAUPASTOFNUN REYKJAVÍKURBORGAR
Frikirkjuvegi 3 - Sími 25800