Þjóðviljinn - 01.03.1989, Blaðsíða 2
FRETTIR
HÍK og náttúrufrœðingar
Atkvæðagreiðsla
um verkfallsboðun
Stærstu félögin í BHMR stefna á verkfallsboðun 6. apríl. nk. Birgir
Björn Sigurjónsson: Ríkið reynir að tefja viðrœður eins og mögulegt
er. Samninganefnd ríkisins umboðslaus
Fulltrúaráð Hins íslenska
kennarafélags og stjórn Félags
íslenskra náttúrufræðinga hafa
samþykkt að efna til atkvæða-
greiðslu félagsmanna sinna um
boðun verkfalls sem hefjist eigi
síðar en 6. apríl n.k. hafi samn-
ingar við ríkisvaldið ekki tekist
fyrir þann tíma. HIK og FIN eru
tvö stærstu félögin í BHMR með
um 1500 félagsmenn.
Birgir Björn Sigurjónsson
framkvæmdastjóri BHMR segir
að þessar aðgerðir félaganna séu
eina svarið sem menn eigi við
vinnubrögðum stjórnvalda sem
reyni að draga samingaviðræður
eins mikið á langinn og frekast er
kostur.
- Það er greinilegt að ríkis-
valdið er að notfæra sér hvað
samningsrétturinn er þröngur og
óþjáll. Þessi tvö stærstu félög í
BHMR eru að gefa tóninn með
því að stefna að vinnustöðvun í
byrjun apríl. Komi til verkfalla
þessara félaga munu þau hafa
vfðtæk áhrif. Kennsla fellur niður
í framhaldsskólum og víðar og
starfsmenn á rannsóknastofum
ríkisins, veðurstofu og fleiri
stofnunum leggja niður störf.
- Það er ljóst að ríkisvaldið
reynir að komast hjá því að gera
samninga við nokkurt félag eins
lengi og kostur er. Viðræður við
einstök félög eru ekki til þess
gerðar að ná samningum, heldur
hluti af biðleikjum og töfum. Þeir
freista þess að draga þetta Iangt
fram á vor þannig að samningar
verði ekki gerðir fyrr en einhvern
tímann næsta haust.
Að sögn Birgis er virk umræða
í öllum félögum BHMR um hvort
fara eigi út í verkfallsboðun.
Verði hún samþykkt þarf að boða
verkfall með minnst 15 daga
fyrirvara, en undirbúningur og
atkvæðagreiðsla í stóru félög-
unum tekur ekki styttri tíma,
þannig að minnst mánuður líður
frá því ákveðið er að boða til at-
kvæðagreiðslu og þar til verkfall
getur hafist.
- Því var heitið á samninga-
fundi í síðustu viku að ekki síðar
en í lok þessarar viku yrði haldinn
nýr fundur. Við höfum fyrir satt
að þeir ætli sér að reyna að standa
við það. Við vitum hins vegar að
við komum til með að mæta jafn
umboðsláusri samninganefnd þá
eins og á síðasta fundi. Það verða
engin vatnaskil í umræðunum á
næsta fundi, sagði Birgir Björn
Sigurjónsson.
~lg-
Village People! Bandaríska hljómsveitin Village People er hér um
þessar mundir og munu þessir eldfjörugu síungu strákar skemmta í
Broadway og Hollywood næstu daga. Hljómsveitin hefur hlotið marg-
ar viðurkenningar gegnum árin enda eru gull- og platínuplöturnar
orðnar rúmlega 40 talsins. Þeir eru þekktir fyrir lög eins og In the Navy
og YMCI, eins fyrir skemmtilega sviðsframkomu, Strákarnir eru
kampakátir og ánægðir með að vera komnir hingað og sögðu á
blaðamannafundi í gær, að aldrei þessu vant á hljómleikaferðum
hyggðust þeir gefa sér tíma til þess að skoða land og þjóð. eb
Mynd Jim Smart
Guðjón Jónsson
Félag
járniðnaðarmanna
Guðjón
lætur af
störfum
Örn Friðriksson kjörinn
nýr formaður félagsins
Guðjón Jónsson formaður Fé-
lags járniðnaðarmanna til síð-
ustu 24 ára og stjórnarmaður í
félaginu sl. 33 ár, gaf ekki kost á
sér til endurkjörs á aðalfundi fé-
lagsins um sl. helgi.
í hans stað var Orn Friðriksson
formaður Sambands málmiðnað-
armanna og 1. varaforseti ASÍ
kjörinn formaður félagsins. Aðr-
ir í stjórn voru kjörnir Guðmund-
ur S. M. Jónsson varaform.,
Kristinn Karlsson ritari, ÓIi S.
Runólfsson vararitari, Vignir
Eyþórsson gjaldkeri og þeir Jó-
hannes Sv. Halldórsson og Jón
Sigurðsson meðstjórnendur.
Guðjóni Jónssyni voru þökkuð
ágæt störf í þágu félagsins en auk
forystustarfa fyrir félagið hefur
hann verið starfsmaður þess sl. 29
ár.
-lg-
Neytendasamtökin blása til orrustu
Jóhannes Gunnarsson: Aldrei aftur einokun
Kartöflur og kjúklingar
aftur í tímann og draga úr öllum Gífurlegar verðhækkanir hafa
möguleikum á samkeppni um orðið á kjúklingum og kartöflum
þessa vöru, segir Jóhannes Gunn- eftir að framleiðendur bundust
arsson formaður Neytendasam- samtökum um að hækka verð á
takanna. þessum vörum.
Ófærðin
Snjómokstur aukinn
Samgönguráðuneytið felur Vegagerðinni að auka snjómokstur á Snæ-
fellsnesi, Vestfjörðum, Norðurlandi, Austfjörðum og Reykjanesi
r
Aborði landbúnaðarráðherra
liggja drög að reglugerð um
dreifingarstöð fyrir kartöflur,
grænmeti og sveppi. Verði reglu-
gerð sett, er verið að fara mörg ár
Samkvæmt nýjum reglum um
snjómokstur á vegum landsins
verður hann aukinn verulega
víðsvegar um landið. Til dæmis
verður mokstursdögum á Fjarð-
arheiði og um Oddsskarð fjölgað
úr tveimur í þrjá á viku og leiðina
frá Hvammstanga til Skaga-
strandar um Blönduós á hér eftir
að ryðja fimm sinnum í viku en
ekki tvisvar.
í bréfi sem Steingrímur J. Sig-
fússon samgönguráðherra sendi
Vegagerð ríkisins í gær er fyrir-
tækinu falið að sjá til þess að nýj-
ar reglur um snjómokstur verði
komnar til framkvæmda eigi síð-
ar en um miðjan marsmánuð.
Jafnframt eru boðaðar enn frek-
ari breytingar sem felldar verða
inn í vegaáætlun fyrir næstu árin.
Af öðrum breytingum en
nefndar hafa verið má nefna að
leiðin frá Akureyri til Dalvíkur
verður nú mokuð alla virka daga
en áður var rutt tvisvar í viku.
Sama máli gegnir um norðanvert
Snæfellsnes, þe. frá Stykkishólmi
út á Hellissand og frá Egilsstöð-
um um Fjarðarheiði til Breið-
dalsvíkur en hingað til hefur að-
eins verið rutt tvisvar í viku frá
Reyðarfirði suður um firði. Á
Vestfjörðum verður mokað
þrisvar í viku til Suðureyrar og
Flateyrar, um Hálfdán og í Patr-
eksfirði en á þessum leiðum hefur
verið mokað tvisvar í viku. Þá
verður mokað daglega til Grinda-
Verðlagsstofnun samþykkti í
gær hækkun á bensíni úr 41 kr í
42,90. Hækkunin nemur 4,6% og
stafar fyrst og fremst af gengis-
breytingum. Þá var samþykkt að
hitavcitur og rafveitur mættu
hækka gjaldskrár sínar um allt að
8%.
Vöruflutningar með bílum á
lengri Ieiðum innanlands hækka
um 7% og ferðir sérleifishafa um
12% og hópferðataxtar um 14%.
Aðrar verðhækkanir voru ekki
víkur og einnig hringinn í kring-
um Garðskaga. Loks verður
mokstur aukinn á hringveginum
frá Borgarnesi til Akureyrar.
-ÞH
afgreiddar hjá Verðlagsstofnun í
gær, en Gísli Karlsson hjá Fram-
leiðsluráði landbúnaðarins sagði
að þeir væru nú að reikna út verð-
lagsgrundvöll landbúnaðaraf-
urða. Sagði hann að ljóst væri að
hækkun til kúabænda vegna
mjólkurafurða yrði 3,4%, þar á
ofan kæmi einhver hækkun í
vinnslu og því væri ljóst að um
töluverða hækkun yrði að ræða á
landbúnaðarvörum, nema niður-
greiðslur kæmu á móti. -ólg.
Neytendasamtökin skora á
landbúnaðarráðherra að beita
sér fyrir aðgerðum sem koma í
veg fyrir samkeppnishamlandi og
neytendafjandsamlega starfsemi
framleiðenda kjúklinga og kart-
aflna.
Að sögn Jóhannesar Gunnars-
sonar hafa kartöflur hækkað
mjög í verði, langt umfram al-
menna verðlagsþróun, og eins
hafa kjúklingabændur sameinast
um dreifingarstöð til dreifingar á
kjúklingum í heildsölu og með
því hafa þeir útrýmt allri sam-
keppni í greininni sem tryggt gæti
neytendum hagstæðara verð.
Ástæðan fyrir hinum snörpu við-
brögðum gagnvart kartöflubænd-
um er að í landbúnaðarráðu-
neytinu liggja fyrir drög að reglu-
gerð um dreifingarstöð sem
dreifa á kartöflum, grænmeti og
sveppum. Ef þessi drög verða að
veruleika og reglugerð sett, er
verið að fara mörg ár aftur í tím-
ann og draga úr öllum mögu-
leikum á samkeppni á þessum
markaði.
Neytendasamtökin hvetja
landbúnaðarráðherra til þess út-
rýma þessum samkeppnis-
hömlum kjúklingabænda. Verði
ekki tekið á þessum málum munu
Neytendasamtökin blása til or-
ustu gegn einokun.
„Enn er í manna minnum þeg-
ar grænmetisverslunin sáluga
reyndi að troða oní okkur óætum
finnskum kartöflum. Þá skoruðu
Neytendasamtökin á neytendur
að mótmæla og bárust á tveim
dögum 20.000 undirskriftir þar
sem menn kröfðust þess að
heildsölueinokun á kartöflum
yrði afnumin. Sigur vannst í því
máli, og Neytendasamtökin ætla
ekki að glata því sem vannst þá,“
sagði Jóhannes Gunnarsson for-
maður Neytendasamtakanna.
eb
Verðlag
Hækkunarskriða
eftir verðstöðvun
Orka, samgöngur og innlend matvæli hækka
2 SÍÐA - ÞJÓÐVILJINN Miðvikudagur 1. mars 1989